估佢唔到d野食都有唔錯既水準可以留返下次再有gatgering既時候再上黎試埋其他送
上一次我地食既送都係朋友一早order既所以基本上都係一上去就可以開餐聽講呢到好似係新開 所以環境都幾企理舒服啦我覺得一開始就口乾叫佢上左個糖水飲啖先呢個糖水我覺得好似係屋企飲開既差唔多飲得出煲左都有幾粒鍾以上既火喉好清潤, 值得一讚既係佢可以係最後見我攤凍左幫我地拎返入去燉熱過佢:)好貼心之後開始上菜啦呢個蛋白蒸蟹好滑 蟹黃蟹肉夠實身同好香 good!我仲以為佢地一齊蒸會變到好一patpat野咁聽朋友講佢地每次上黎都必食撈飯
第二樣係士多啤梨骨我都真係第一次見人咁整又無諗過個味道係幾夾架wo認真夠新奇
但講真 又係幾好撈飯我自己就覺得一餐飯點都要食菜既鮮百合甜豆炒帶子 都幾好有出面酒樓食既個浸穫氣味 ~ 其實我好睇重穫氣呢樣野帶子夠鮮甜咬口 無雪味 應該係新鮮帶子! 讚!呢個籠仔燸米雞 岩岩上係包住既不過侍應幫我地切埋影唔切原來入面係無骨 入面d飯都滲到荷葉同有雞味好香~值得下次再食最後係條魚 因為大廚要mark定時間所以我地入門口之後先開始蒸蒸得岩岩好唔痴骨 又夠滑口好鮮甜既魚味 不過我都係最鍾意佢d蔥絲 撈埋d魚一齊食真係同酒樓有得揮
整體我覺得成餐都幾好有機會下次同朋友食開呢附近都會上返黎貪佢全部海解夠新鮮之餘 d送仲好夠鑊氣!貼心幫我燉熱返個糖水 感記一功!…查看更多
第一次係依度食私房菜, 初頭都唔識點叫菜好,好在聽電話ge哥哥有耐性, 慢慢幫我set 菜單, 仲whatsapp埋比我confirm, 好貼心, 我仲可以send比d朋友睇下。因為我地今次有六個人, 所以佢就幫我地set 6 個菜, 但仲有湯同甜品送tim。前後有成八樣野, 一上到黎即刻入房, 唔洗等, 無幾耐就上菜,………超好味, 好抵食, 我地個個都食到停唔到口。 推介一: 避風塘炒辣蟹 依個簡直係我首選。好有鑊氣。雖然係炒, 但炒完成隻蟹仲好多肉汁, 超多肉,鮮甜到不得了。雖然我唔好食得辣, 但佢依個味道好惹味, 會令你好似上癮咁不停食, 而且。而且佢熱辣辣上枱, 一拎入房就香噴噴, 我同班fd食完隻蟹, 係咁撈埋d蔥送飯。非常好味推介二: 秘製荷香籠仔燸米雞 依個我都誠意推介。因為出面好難食到d咁考工夫ge菜。好在我早幾日打電話黎訂, 如果唔係, 今晚都未必食到。依道菜一上枱係用一個籠仔咁上, 一大開有一塊大荷葉咁包住隻雞。隻雞好大隻, 入面塞ge都係好香ge糯米飯, 師傅一切開隻雞, 成間房都係糯米飯味。好好味, 又唔硬, 最緊要係隻雞入哂味, 及滑, 我都忍唔住食左兩碗。推介三: 椒鹽鮑魚 唔知係唔係我地見識少, 我地真係第一次食椒鹽鮑魚, 又香又鮮。d椒鹽好惹味, 而且d鮑魚好鮮, 兩隻味出奇地夾, 鮑魚個面仲輕輕咁炸過, 個口感好好, 我下次一定再order 過!!!推介四: 黃金蝦 我之前係其他地方都食過依道菜, 但無一間夠依度好食。D蝦比d咸蛋黃包住, 好甘香, 而且食落唔覺得油lum lum, 之前我食果d全部都好油, 仲有一陣”益”味。但依間煮果d除左香之外, 我都諗唔到其他形容詞。連D蝦殼都炸到脆卜卜, 送啤酒一流推介五: 菜贍豬肺銀杏湯 我除左係屋企飲過依個湯之外, 都未試過係出面飲(唔知係唔係出面d廚師嫌難煲呢)。依個湯好清好甜, 飲完喉嚨同個肺都好舒服, 而且佢有埋湯渣, 睇得出係落足真材實料煲!!!讚讚讚讚推介六: 清蒸海上斑 條魚真係蒸得剛剛好, 好滑好鮮, 師傅真係少D經驗或者睇錯鐘,都一定做唔到依個效果。推介七: 魚湯雜菌 個湯好鮮好清, 飲得出唔係落味精煲, 係用鮮魚煲ge。食左咁多重口味野, 依個清清地可以中和番推介八: 原隻杏汁燉木瓜 依個係d糖水鋪食都成6-70蚊一個, 但都麻麻地好食, 依度除左成個木瓜上之外,個杏汁好香, 食完成身都暖哂, 又滋潤養顏。簡單黎講, 依餐好抵食, 用一個字「鮮」就可以總結。間私房菜雖然新開張, 但服務好好, d侍應好留心我地d需要, 食得出個師傅好有功力, 經驗老到, 絕對係一間有高水準ge私房菜。…查看更多
