三餐冰室

Open Now

Now Closed

三餐冰室是我在尖沙咀的新飯堂！山珍海味都不夠這些伴我長大的港式comfort food好味！這裡我絕對可以早午晚三餐都來這裡開餐～ 早餐之選，羅宋湯厚切午餐肉通粉！這裡的羅宋湯是超足料，早餐來一碗才是真的have a good morning（笑）午餐代表一定是這裡的皇牌三餐三蛋飯！先有厚切五餐肉三塊，再加三隻太陽蛋，一杯豉油，伴著蛋汁，對我來說真是人間美食！絕無誇張！（這個飯真的好邪惡啊～）眨眼到三點三下午茶時間～餐蛋治烘底，吃一輩子都不嫌！老闆萬歲？我必點這個！麵包、餐肉和蛋都厚厚的，麵包下塗了牛油，剛好，不多也不少。咬一口，非常滿足。西多士也是我的最愛，不過年紀大了就少吃了很多。我最喜歡三餐冰室的地方是，他們將這些港式美食弄得很精美，用料上乘，即使是一片牛油，也放在熱哄哄的多士的中間，看著它慢慢溶化，真是像一件藝術品（笑）內裡是滿滿的粒粒花生醬，現在實在不多茶餐廳有這樣傳統有高質的西多士了！來到晚餐了，返工由天光做到天黑，慰勞自己吃一餐豐富的。鐵板一百元左右（包餐湯餐包和餐飲），尖沙咀來說實在不貴。這個雜扒餐，有太陽蛋、火腿扒、豬扒、雞扒、煙肉和香腸、伴著蔬菜和曲曲薯條。加$10

多數人都會去餐室食飯居多，點解因為夠方便又食到不同特色美食一舉兩得，早排同好友去左尖沙嘴行街行到攰最埋搵個地方開飯而且時間尚早未到六點開飯時間，就入左呢間冰室開餐，唯有先點住一份下午茶法蘭西多士（鮮牛油）食住先。再等多一陣再品嚐是日晚餐，又可以滿足大家食慾，先來係法蘭西多士炸至金黃色，多士表層再放上鮮牛油，唔少得落埋香甜糖漿，入口香脆鬆軟最緊要趁熱辣辣咁食先至最正夠晒滋味輪到晚餐餐牌上有多款特色美食，想食清淡D就點了招牌海南雞飯套餐。配即磨咖啡或餐飲跟中湯，先飲啖足料老火湯降清熱再來係海南雞飯，飯就梗係黃薑飯，食得海南雞就鐘意佢肉質特別嫩滑肉味濃，記得點埋醬汁一齊食先至夠地道原汁原味。食完抖下嘆番杯奶茶紅豆冰又繼續我地嘅 shopping 行程。下次會再來

講係道地美食自然會諗起冰室夠晒有本土地道風味，由最簡單精美早餐，以至焗飯、鐵板套餐同特色小菜，口味同款式都比較多完化，又迎合到大家需求，唔怪得到處地方都有佢存在，夠晒方便大家去品嚐一下美食，是日晚又同好友去左呢間冰室開飯當然有齊我地想要食嘅美食係度啦，我就點左鐵板扒餐，有鐵板招牌牛柳餐要五成熟，可以食我至愛牛肉，鐵板餐配即磨咖啡或餐飲，轉特飲又得仲有是日餐湯同羅宋湯提供，先來係餐湯有羅宋湯，入口味香濃用料足夠晒開胃仲食到牛肉粒有驚喜輪到主菜鐵板招牌牛柳出場，牛柳肉質豐厚賣相一流再淋上醬汁，就開始品嚐美食時候一切開已見牛柳肉質細嫩，食落特別滑溜囗感一流，係口內滲出啖啖香甜肉汁食得滋味，再食條香脆薯條咁先夠風味唔少得飲番杯特飲紅豆冰咁先滿足食慾咁又品嚐完一餐地道美食。

超好味嘅羅宋湯，其實已經買少見少，屋企附近有一間老牌嘅西餐廳。質素都唔錯，但有時喺其他地區呢就真係好難搵到正嘢啦！介紹嚟呢一間裝修好精緻嘅新茶餐廳，新開無耐。見到有一個扒餐，有羅宋湯揀，叫一個，份量超大。茶記來説，湯很濃很出色，菜料十足如一口清泉。回想從前喜歡吃金鳳的牛扒。估不到質素呢度同樣咁正。大份有肉感，配上薯條，黑椒汁。$120 左右如此高的質素，正！朋友係呢度嘅熟客，西多！鬆軟綿密，入面係我至愛的粗粒花生醬。牛油大片！即叫即整。強烈推薦！用厚切面包果然不同啊！影相位都幾多，不妨過嚟看看！

好多人都同我一樣，一肚餓多數都會去餐廳開飯居多，因為菜式種類比較多選擇夠晒地道風味，又同時可以食到至愛美食咁先最正，幾乎每日都會必去嘅飯堂，是日就去左尖沙嘴呢間冰室開飯係餐牌上有多款美食，我比較為食又想食多D口味，就點左焗飯食有招牌牛魔王焗飯 $82，話明招牌焗飯當然唔會咁簡單，一次過可以食到兩種風味，有黑椒牛仔骨併咖哩牛腩。終於我叫嘅焗飯出來估唔到份量十足，焗飯味道的確特別香濃，而且焗飯外層香脆又惹味，先食件黑椒牛仔骨，入口肉質嫩滑味濃厚，再加上黑椒醬汁香辣夠刺激，再來係咖哩牛腩配上脆薯仔，牛腩入口啖啖肉夠滑溜食到滿口肉汁，再食番啖飯咁至完美套餐已跟餐飲可以再轉其他特飲都係再加$6-$12不等，最後飲番杯特飲已經好飽滿嘅一餐地道美食。

香港地冰室好多⋯⋯一日三餐冰室都唔出奇。但呢間冰室⋯⋯真係叫三餐冰室呀！三餐 - 是指午餐、下午茶餐同晩餐最出名的⋯⋯便是這個三餐三蛋飯三片餐肉三隻煎蛋加秘製醬油⋯⋯將蛋汁拮穿加埋豉油汁真係好好吃！配埋懷舊的紅豆冰，無野比呢個晚餐更好了！經典焗豬扒飯微微炒過的飯，加上厚厚的豬扒，洋葱及蕃茄醬及芝士去焗，呢個係每一個焗豬扒飯的做法⋯⋯但如何配合得好吃，就是每一個師傅的巧手了！呢個經典焗豬扒飯說不上是最好，但都是不錯的了！芝士焗肉醬意粉 芝士焗肉醬意粉在一般茶記不是常見，竟然在這裡有，我們當然要點啦！首先⋯⋯肉醬同意粉已經係好夾，再加上芝士去焗，熱辣辣的送到你面前已經係一個享受。每一口意粉都有肉醬同芝士，味道及口感更是絕佳的美味。鐵板招牌牛柳餐 鐵板熱辣辣的送上來再加上黑椒汁，香氣四溢⋯⋯師傅對時間控制得很好⋯⋯在鐵板加熱後⋯⋯牛柳也不會過熟！牛柳口感也不錯，夠稔身。雜果冰 咁懷舊得東西，味道當然是懷舊的藥水味啦！5人個的晚餐，食到飽飽的⋯⋯都只是四百元左右，係尖沙咀都說是一個唔錯的選擇。

四圍巡視時被我發現這裡有間裝修特別係冰室，一望主出面嘅公屋就好有feel，行埋入去個轉灣位就更加正！而最正就係最入嘅大壁畫位置，座下當然要望望有冇好食，餐牌嘅選擇都有喜歡嘅食物，喜歡吃肉當然係以肉為主，見到鐵板扒餐嘅鐵板雜扒餐$118。上枱見到有半熟嘅太陽蛋、香煎腸仔、香煎火腿扒、煎脆嘅煙肉、軟熟豬扒、大大塊香煎鷄扒，還跟薯菜咁多嘅組合絕對係我嘅首選，店員還為食客淋上蒜蓉汁，個陣油鐵板蒸發嘅氣味，真係全場都差點都傳遍每個角落！還配埋個材料十足超濃味嘅羅宋湯最後餐飲轉了杯熱檸檬可樂煲薑加多$8熱檸樂清一清鐵板嘅油膩！這裡真係旺中帶靜，座位闊落，可以望主條大街在這裡Hea 一下，確實係一個好地方！

本身餐牌已經無咩可以選擇，諗住叫個海南雞穩陣無死，點知成碟都係雞骨無肉食！！真係第一次食多骨海南雞飯，堅係一啖肉都無，當我係狗？無下次！希望快快摺左間鋪啦！俾d咁嘅嘢客食！D湯好似洗碗布水咁嘅味，難飲到嘔間鋪毫無服務可言，唔serve但急住要你落單，落單態度極差！上枱亂咁放，明明無位都要夾硬放！

開完小OT差不多8:00, WEEK DAY, 尖沙咀, 人又有點作感冒,都是吃點快的回家睡一覺. 公司過兩條馬路開了新茶記, 早前路過已經想試, 那就決定去這新的三餐冰室吧! 有心思的佈置 由於作感冒, 點了杯熱可樂煲薑, 可樂煲過後已經走氣, 所以不會剌激氣管, 整杯非常夠薑, 飲下去暖暖的! 而且跟餐才加$8, 很化算!!!!! 餐有湯供應, 我選了羅宋湯, 夠熱,夠香, 而且還吃到了肉!!!病人很需要這種維他命C豐富的美食! 而且還奉上多士, 是又熱又脆新鮮烘出來的, 和著湯一起吃, 很是開胃. 生病要吃超熱的東西, 所以點了鐵板招牌牛柳餐(不要問我為何感冒食薯條) 我要的是7成熟，一碟有兩塊牛柳, 雖然厚身, 卻很易砌開! 配上黑椒汁, 突顯牛味香濃! 薯條很多, 夠熱夠脆, $128 這麼大份, 這麼多肉,尖東來說性價比超高!! 由於試過晚餐不錯, 我打後還去過食午飯呢

一直以來也覺得冰室的扒餐跟西餐廳的不能相比, 其實真的要試過才知啦, 朋友公司位於尖東附近新開了冰室, 便相約去試試, 有點懷舊的感覺, 而且舒適整潔丫~三餐三蛋飯 $56 越是簡單的菜式就越是不平凡, 本身一心是吃扒餐的, 只是看到這個, 又忍不住想試試, 荷包蛋生熟剛好, 而餐肉也外面香脆, 不會乾巴巴的啦~鐵板吉列魚柳併豬扒餐 $108 有黑椒汁、洋葱汁、燒汁或蒜蓉汁選擇, 熊熊點了燒汁, 魚柳差不多有鐵板大, 好像不多見唷, 而且外脆內軟, 不要以為魚柳大, 豬扒也不輸蝕的, 亦鬆軟多肉汁, 薯條更熱乎乎的, 份量十足呀~忌廉湯配方包 大大碗的白湯, 味道濃郁不稀淡, 更有魚肉在內, 十分驚喜丫, 方包已烘烤成金黃色面, 微脆不硬的~凍檸檬西洋菜蜜 很有心思的將檸檬排好, 美美的, 酸甜適中不澀口啊~

今晚同朋友行完百利諗住去返後面街搵食，行過見到這裡燈光火猛，還有全部都係落地玻璃望入去都感覺唔錯，而間餐廳名字都係好特別，而裝修都好有品味，有一入門口見到嘅時光隧道感覺，當然食物先至係最重要，餐牌有唔同嘅選擇，有三餐常餐、三餐焗飯、馬來咖喱、鐵板扒餐，樣樣都好似好味道！見鄰座嘅沙嘅常餐好似好正，選了常餐沙爹牛肉麵，配火腿炒滑蛋跟牛油多士$48，餐飲加多$12轉了杯奶茶紅豆冰，如果喜歡食沙爹牛麵，這裡嘅沙爹牛肉份量十足之餘個沙爹汁超正，有濃郁嘅花生味道，麵身亦十分彈牙煙韌，而塊火腿亦有煎過入口份外香口，炒蛋炒得香滑，加埋塊厚身牛油多士，十分滿足！奶茶香滑加埋軟熟嘅紅豆絕對係絕配！這裡又係一個可以食足三餐嘅好地方！

自從將辦公室搬至荔枝角後，每日午餐時間也盡是新意，中、泰、西、台等應有盡有 在葵涌區那時，公司附近多為工廈，餐廳選擇有茶記、粉麵店，然後是茶記、粉麵店…… 可謂三日唔埋兩日就吃一回茶記午餐，以往教我垂涎三尺的小菜、炒貴刁漸漸變得乏味 直至近期開始脫離茶餐廳，卻會忽發奇想要來個炒底焗飯，不禁自嘆人心口味總是善變 就連扒餐附送的餐湯也如此足料大份，湯身濃稠，加碗淨通粉已經是一個飽肚主食了 羅宋湯酸甜度剛好，不太油又有淡淡肉味，並附大量雜菜湯料；另有是日餐湯以供選擇 把醬汁澆上熱鐵板的一剎，白煙頓起，「咋！滋滋……」，此乃港式扒餐最叫人著迷之處 鐵板雜扒餐　$118豐盛滿盤，色彩繽紛吸引，太陽蛋蛋汁滿溢，讓人霎時忘記熱量那回事 豬扒薄身不乾韌；而我最愛的雞扒外皮金黃鹹脆，又有皮下油脂添味，配洋蔥汁甚香口 更少不了煙肉、香腸和彈爽火腿扒冶味三寶；還有薯條墊底，但水分令其脆度大減，可惜 記得以前和友人在某家連鎖港式扒房吃到的舊幾水紙T骨，到現在談起仍覺有趣 這晚的鐵板招牌牛柳餐　$128倒是厚肉的版本，肉質軟腍，連帶脂肪少，完食不膩 波浪粗薯條是次沒失準，炸得金黃微脆，也

這幾來年懷舊冰室是茶餐廳主流，剛剛開業 [ 三餐冰室] 同樣是食正呢條水， 大打這張懷舊牌 。 對很多打工仔來說, 一日三餐在茶記攪掂多的是。 有些宗粉三餐都在同一間茶記開餐, 當茶記是家一樣的大有人在。 我相信 的老闆就是希望客人要吃午餐、下午茶餐和晩餐時就會唸起佢地。 它位於尖沙咀漆咸道，正正對著科學館， 靜中帶旺。 冰室食晏時份最旺，所以我襯著星期六晚過來吃晚餐。 室內一貫懷舊茶餐廳裝潢，十分光猛， 坐位亦不會太過迫夾， 頗有空間感。 之前在面書上看過焗豬扒飯， 直情令我流晒口水。 羅宋湯超足料, 濃香十足，真材實料，飲完湯已經飽左一半。所以我唸都唔使唸就點了   焗飯是即點即焗，上枱時熱力迫人， 已切件炸豬扒十分大塊，足以將蛋絲炒飯覆蓋， 豬扒肉鬆化，保持豬扒的彈牙口感。 焗飯另一重點就是醬汁，以新鮮蕃茄加上濃郁稠密蕃茄膏烹調成獨一無二的味道， 味道酸甜有致，將炒飯和醬汁結合成為平民的美食，而且份量十足，我一個人KO 一碟飯已經飽到半夜，真心抵食之選。 鐵板亦是冰室的強頂，有幾款選擇， 男友選了 $121  醬汁可以選擇 其中一款, 分別有黑椒汁、洋葱汁、燒汁或蒜蓉汁等 令

獨食的驚喜@三餐冰室 早幾日係尖東果邊見完客戶順便搵野食，路過科學館對面新開的三餐冰室，裝修都幾靚GA，岩岩見到有幾個遊客係門口影相打卡，好奇心下便入去試下啦 裝修真係幾靚，好有本地風，其中有一幅牆就係用屋村做主題 個MENU都好CUTE! 食物就是港式茶餐 有一般的常餐，焗飯、咖喱和鐵板餐，價錢在區內說得上便宜! 跟餐的羅宋湯 用料十足，夠酸而且飲到當中用上了大量牛尾的肉香! 大大碗 醮麵包食一流 我點了鐵板肉眼牛扒餐($128) 鐵板餐均配薯菜及醬汁一款：黑椒汁、洋葱汁、燒汁或蒜蓉汁，我點的是洋葱汁 我一向不喜歡牛肉過熟，特地點上三成熟的， 因為鐵板本身是有熱度，到上桌的時候三成熟就會慢慢變成7成左右 我食了一口，肉本身不用加汁已經好好味，而且好腍又重肉味 而配菜包括了西蘭花，薯條和番茄仔 看起來也夠色彩豐富的 配即磨咖啡及餐飲，這裡的奶茶很讚呀，入口香滑又夠茶味

雖然每週都有豐富的飲食節目，但其實甜魔媽媽最喜歡的，還是港式茶記及冰室，特別是一杯地道風味的港式奶茶，總能為一天帶來精神好開始！出發台北前，分享與兩兄妹在尖東簡單卻溫馨的一頓飯～多年年在台北首嚐後，就深深愛上 Bread, Espresso & 的多士，後來香港也開了店，自是欣喜不已！然而隔了一段日子，約了老公及車媽媽打算帶兩兄妹再訪時，才發現小店已搖身一變成 三餐冰室。也明白的，多士賣得再貴也難以抵抗尖咀一帶嚇人的租金，除非做到貨如輪轉，實在很難賺錢。改成一日三餐都可以幫襯的冰室，對附近上班的朋友也是喜訊；既來之，則安之，這天也一起登門造訪吧～除了入口位保留冰室的特色，其實店內光線充足、線條簡約，還頗有上一手 Cafe 的影子。我們選的靠牆位置，更有不少特色 cusion、路牌等等，環境一欄是幾討人歡心的。一早訂好晚上7:30pm戲票，這個下午茶需要吃得豐富點，就來一份 鐵板雜扒餐 ($118) 吧！跟餐可選羅宋或忌廉湯，要了前者裡面有不少牛肉，比較特別是加了不少檸檬，酸香醒神。同上的餐包就保養得比我還差，有點皺皮了～樓下的茶記餐飲比較單一，這天見到可+$12轉飲奶茶紅豆冰，決定來杯