三禾中日料理 (Closed)

約人最頭痛諗食咩，呢間就結合晒你想要既野，同枱食飯，你想食咩都得。鐵板燒係我既選擇，友人喜歡火鍋同食刺身。場地乾淨舒適，自助區食物充足，飲品種類多選擇。我們點了B餐---鐵板、刺身、火鍋、松葉蟹。唔食刺身既我，但見到友人食到津津有味，色澤新鮮，聞唔到腥味。松葉蟹亦有鮮甜味，不會帶海水過咸，友人剪完一拉全是蟹肉，相當滿意。湯底我們選了皮蛋香茜，開胃解熱，湯底香，令食慾大增。我一嘗我既鐵板燒，全程moon住我既食物唔好燒焦。海鮮、菇類、腸仔一應俱全，唯獨鐵板燒兩轉已經感覺很油膩。整程，很飽，一晚間好似食左三餐飯，三種不同類型。最後抱住個肚食甜品，鐘愛心太軟，覺得值回票價。另外梳乎厘是友人最like,甜度適中唔太流。最後再食左杯雪糕，相當滿足。

早幾日見佢話第二位半優惠！所以同老公去試下先唔講野食先講服務1.入到門口無人招乎，等左5分鐘2.無同我地講清楚用餐時間野食一般！不過不失我地揀左個300幾個餐有得鐵板燒同打邊邊有送海鮮同刺生我應該唔會再去幫襯

未見過d咁垃圾既餐廳，一早訂左2月14，13號夜晚取消我booking！無通知，臨時去邊度book過呀！真係不知所謂！！d野幾好食都無用啦！！咁垃圾快d執左佢啦！！

食物不太新鮮，款式不多，刺身極細片，所謂的鮮鮑片系平時系超市買到的素鮑片🤬，而且上菜速度極慢，根本系兩小時內食得吾系好多野，以後吾會再幫襯🤮🤮🤮🤮🤮

啲態度差到不得了！佢個到寫明任飲任食咁一去到肚餓梗係叫勁多嚟食架啦！加上又有啲食得之人係到！點知次次叫 嘅份量同嚟到個d係差好遠囉！仲要比我聽到個女部長同d師傅講話唔好再比咁多我地！😂😂😂😂😂😂😂😂😂點知爸爸去廁所仲聽到大大聲問候我地呢張枱媽媽潻👎我地人多當然份量多你唔整嚟我地 咪又係會再嗌！到其時你咪又係要整！個女部長真係超級過份！以後都唔會再去呢到食嘢！🙅‍♂️🙅‍♂️🙅‍♂️表面上係放題任食實情其實係d壽司師傅話事佢地想整幾多你就食幾多之前一家人經常幫襯十五樓感覺服務態度好好雙比現在。簡直兩回事

係fb見有KOL推介就黎試吓，4個人早段時間去仲有卡位坐，如果晤係“前後夾攻”成個人全身，就會變咗吸油煙機，因為佢枱同枱之間係無乜空隙😓 揀咗$328因為有蟹（但啲蟹麻麻），另外每人加$1可以有半邊龍蝦（預先煮熟，但晤係雪死，👌🏼）生鮑魚一隻（新鮮👍🏻）同時令海鮮（我地係扇貝，見之後轉咗虎蝦）《注意如果平過依個價就晤係加$1，注意任食時間同限時都係有晤同收費》如果限時食，要食勻“燒烤/火鍋/刺身”就幾趕吓😥 先黎刺身……蝦一定一定要追加，超大隻！其他刺身都好新鮮，但如果後期你想反啅，佢就只會照人頭咁比你（其他海鮮都係）！火鍋料……乜滑乜滑麻麻，晤彈牙幾水吓。丸類ok但晤推介。海鮮類大部份都晤錯，蜆好大隻……一定一定要追加！牛肉👍🏻每碟大約兩至三塊。燒烤料……羊扒……晤洗叫因為件羊3份2都係肥膏😖 牛舌超細塊、牛肉可以啦。其他都晤錯，但燒烤就要揾個細心啲嘅朋友仔去做啦，晤係燶曬浪費食物就晤好啦😄！燒烤個夾比較細同短，所以有時會比啲油彈到！小心！另外有啲頭盤可以自取，全部都係麻辣，如果鍾意食辣嘅朋友仔就超鍾意！（有麻辣雲耳、海帯、皮蛋、豆腐、青瓜）另外有啲菜類、粉絲、菇類、丸類，亦可自取。

其實差不多一年前左右經 Open rice 食評先留意到依間放題，初初試都覺得好抵食又好食，仲介紹埋啲屋企人同朋友嚟食，點之去到第四、五次之後，除左心太軟好食之外，其他食物水準下降，長腳蟹咸到食唔落口，啲龍蝦"梅"嘅！所以之後一直停左再冇去！事隔幾個月，心血來潮，見佢湯底又多左好多選擇，又多左鐵板，諗住比多次機會佢！但見到十二月都有好幾個食評都話食物差，服務差，但自己又諗可能佢哋唔好彩啫！於是就book 左枱再去，當日上到去只一枱人，帶位安排坐位，眼見佢哋坐位裝修有點改動左！唔講由自可，一坐低，我同女朋友都頂住對腳完全郁唔到！之後我同服務員講我哋坐唔落！服務員萬搬不願意話要問一下可不可以換，於是我自己走去另一枱坐是沒這問題的，佢哋又唔願意比我調，結果調我哋去另一張，其實嗰張枱我以前坐個兩次都冇頂，佢肯定係改左裝修加左位先會咁，大佬成兩個鐘我坐都坐得唔舒服我仲點食？我唔明白全場得一枱客，我又有book 位，你都可以咁樣安排，我題出問題你唔去解決，仲叫我一係兩個人坐埋一邊，大佬，我一個要比四百幾，兩個八百幾九百去食一餐坐到咁嘅！你送比我我都食唔落，唔駛再叫啲 youtuber 幫你介紹！我

之前睇到有網絡紅人介紹， 所以喺呢度網上訂座， 訂咗25號聖誕節八點鐘， 我們準時七點45分已到，我目測現場客人只是坐滿半場， 其他空座位還未收拾， 門口接待員說我們訂了八點鐘，所以要稍等一回， 我們當然明白，因為是我們自己早到，所以站在一旁等候，沒多久從電梯出了五位人客，跟前台同事說訂了八點鐘五位，我聽得好清楚， 沒多久他們已經可以入座， 我問前枱同事為何我兩位還未可以入，他居然再問我貴姓，很明顯已把我2位忘記，還跟我說這五位是訂七點半的， 既然他這麼說，我都無佢辦法， 所以再等多一會， 在等候中發現，前台同事只跟其他同事在聊天，並沒有將客人已離開的座位收拾， 我跟我男朋友說，他們人手根本唔夠，就算我們能入座，我也擔心會食到一肚火，所以我們最後離開了，其實明知大時大節，又搵左網路紅人幫你打廣告，就請多d人喇！

尋日諗住同老婆去小小聖誕慶祝。之前一次去都仲係可以。但係尋日就真係食到嘔咁滯。同佢投訴，嗰個短頭髮操大陸口音嘅女侍應就當你冇到, 噉就要求見經理, 點知有個香港侍應就話有乜嘢事。同佢講完佢就話，係吖呢排都收到好多投訴!!公司真係要正視, 多謝寶貴意見。但係啲鐵板燒真係油到好似食炸嘢噉, 攞上嚟食，啲肉質有差又油,食一啖就差啲嘔。原本我哋叫嗰個餐係冇燒牛肉， 結果加多咗一百文， 真係貼錢買難受。雖然火鍋同魚生係還可以， 價錢三百零文都算係正常， 但係，千祈千祈唔好嚟呢度食鐵板燒。除非你真係好想試下，乜嘢係史上最恐怖嘅鐵板油炸燒。太失望了肯定唔會再去。從冇打過食評， 但係真係差成咁，覺得一定要告誡各位。

事源阿媽上網見到有團購就見平買黎試圍埋每人$200 一入到去d待應唔覺有客咁 無人service不特止餐具都要自己去拎 雖然寫就寫係包鐵板燒+火鍋+刺身但係選擇勁少 啲雞件上到黎又黃又未解凍刺身普普通通不過不失la火鍋都係 d火鍋料好多都話無貨 無得食值得一讚既係甜品幾好 唔會太甜 推薦心太軟阿媽食左一啖心太軟之後終於忍唔住感嘆一聲呢個係全晚最好食咖！好食過呢d(指火鍋鐵板燒)如果呢間野正價我真係唔會黎食…太伏了

九點入到去，心諗：唔係伏野呀嘛，入面只係坐左一成人九成抬係吉冇人坐，心唸都吾慌好食我對食物都唔係好嚴格既要求，一入到去坐的位聽到後面員工就嘈黎嘈去！聲音很大，當住客人面前嘈架...整晚用粗口代替言語！好在無帶小孩來仲有衛生都唔係咁好，匙羹唔乾淨。明明未到十點已經舉手落單！個個當睇唔到！（望到你當你透明）在你身邊走過玩失蹤，搵極無人硬拖到十點二十分先有個人嚟話你知Last Order 你話人多我算！但當時得四枱人！五個人對四枱人！咩事呀？！計埋我地先有四枱客。仲好意思正正十一點提示我地走過多兩分鐘再趕..駛吾駛咁小家！！！本來食物唔錯！二人坐四人卡位總算舒服.....不過食物更好都假！未見過服務咁差既！

我和男友打算出來尖沙咀覓食，不需想太多，同男友一齊食三禾日本料理。環境舒適，營造優雅氣氛，很受食客的歡迎，相當不錯。(三禾特製雞件)肉質嫩滑鮮甜，不說不知是確有特色呀，有點鮮味feel，入面有保留肉汁，水準不錯，回味特色之作。(自定制彈彈丸)包芯芝士魚丸及蟹籽丸，芝士味濃，看似容易，實做得好，中上之作。(清熱冬瓜皮蛋芫荽鍋) 湯底很多的皮蛋及莞荽，很足料，很滋味。(手打黑松露鮮豚肉滑)黑松露鮮豚肉滑嫰滑新鮮，新鮮色澤佳，原來都不錯吧，同我想的差不多十分新鮮。(自定制甜品)朱古力燉蛋、北海道3.6牛乳奶凍及芒果布甸，北海道3.6牛乳奶凍細滑，芒果布甸香香的，我會比較愛。

呢間好處咪唔使等位囉，入到去坐低叫咗刺身，啲蝦竟然係白色，乜生蝦唔係透明架咩？同侍應講，佢話換，轉頭話甜蝦係咁嘅，我見識少，未見過係咁囉，跟住換咗啲大嘅蝦，都係白色，唉。。。八爪魚唔係白色，黃黃地。嬲嬲地，唔記得影相，唔會有下次囉

難得在社交網站抽中一張免費券 所以有買一送一優惠~ 每人大約只需200幾蚊~ 因此約另一半一同試一試~門面非常舒適在等位的時候有位置坐!職員有禮貌~ 雖然上菜比較慢~但可以接受!剛開始鐵板燒的時候, 由於手忙腳亂,職員會主動幫忙 ,把海鮮燒好拆學,之後再放在鐵板燒旁邊! 實在意料不及非常感動,值得一讚!在七點半之前結帳 更有68折~

同朋友諗今晚食咩好？一個要放題，一個要火鍋，吓 一個要鐵板燒喎吾洗拗喇！結合鐵板燒、火鍋放題同日式放題在一身既三禾中日料理 岩曬同吾同喜好既朋友一齊去今晚同朋友一齊去左食，超滿足鐵板燒有白鱔片、厚切上等M7和牛片、一口和牛柳粒、雞翼、金菇肥牛、厚切沖繩黑豚肉等，質素都非常高，煎到脆卜卜，超正特別推薦白鱔片同和牛片，肉質鮮美滋味！日式放題刺身類種類夠多，有我鍾意既北寄貝，仲好新鮮添！雖然有火鍋放題，但都不忘點個牛肉壽喜燒黎食湯底一流，但入面牛肉較乾柴，吾推薦喔！反而個黑松露茶碗蒸超滑嫩，仲有柚子沙律都係超開胃天婦羅新鮮炸起，味道不錯火鍋放題有幾款湯底比大家揀，我就揀左比較清甜既椰子雞鍋湯底自助配料區款式豐富，而且放得乾淨企理！淨係蔬菜都有六七款入面仲有出面少有既芝心牛丸超推薦！佢同芝心魚丸入面隻芝士吾同，拉吾到絲，但係咸香既流心芝士漿牛丸口感幾鬆又有牛味！食完呢個再食芝心魚丸就完全比左落去，雖然拉到絲，但芝士偏甜，無牛丸咁正甜品方面款式較少，但好在質素吾差焦糖燉蛋 原來係凍既，焦糖仍然脆卜卜，蛋味都濃，仲帶點奶香木槺布甸消化餅碎食落麥香重，而忌廉輕盈軟滑，味道吾錯3.6牛乳布甸就較為遜色