三禾中日料理 (Closed)

係fb見有KOL推介就黎試吓，4個人早段時間去仲有卡位坐，如果晤係“前後夾攻”成個人全身，就會變咗吸油煙機，因為佢枱同枱之間係無乜空隙😓 揀咗$328因為有蟹（但啲蟹麻麻），另外每人加$1可以有半邊龍蝦（預先煮熟，但晤係雪死，👌🏼）生鮑魚一隻（新鮮👍🏻）同時令海鮮（我地係扇貝，見之後轉咗虎蝦）《注意如果平過依個價就晤係加$1，注意任食時間同限時都係有晤同收費》如果限時食，要食勻“燒烤/火鍋/刺身”就幾趕吓😥 先黎刺身……蝦一定一定要追加，超大隻！其他刺身都好新鮮，但如果後期你想反啅，佢就只會照人頭咁比你（其他海鮮都係）！火鍋料……乜滑乜滑麻麻，晤彈牙幾水吓。丸類ok但晤推介。海鮮類大部份都晤錯，蜆好大隻……一定一定要追加！牛肉👍🏻每碟大約兩至三塊。燒烤料……羊扒……晤洗叫因為件羊3份2都係肥膏😖 牛舌超細塊、牛肉可以啦。其他都晤錯，但燒烤就要揾個細心啲嘅朋友仔去做啦，晤係燶曬浪費食物就晤好啦😄！燒烤個夾比較細同短，所以有時會比啲油彈到！小心！另外有啲頭盤可以自取，全部都係麻辣，如果鍾意食辣嘅朋友仔就超鍾意！（有麻辣雲耳、海帯、皮蛋、豆腐、青瓜）另外有啲菜類、粉絲、菇類、丸類，亦可自取。