喺中環同北角都有分店嘅手工薄餅“Abbraccio”，一向吸引好多薄餅fans。薄餅係用意大利00麵粉整，外籍大廚會喺現場由搓麵團做起。中環分店有啲座位，仲可以隔住落地玻璃望住成個整薄餅過程。大廚拋起麵團，又再搓成薄餅入石窯爐450°C高溫焗，新鮮出爐批底氣孔豐富，又脆又蓬鬆。而且批邊輕韌彈牙，加埋微焦炭香好正!!
中環店“Abbraccio” 有個大平台，夏天嚟飲嘢食飯好有feel。
座位都好寬敞，約會或朋友飯聚都啱。
室內環境優雅，又係另一種感覺。
北角店“Abbraccio” 係歐洲紅磚風格。
大餐枱佈置，好啱一班人食飯。
最近發現佢哋新出咗好多西餐，嚟食pizza可以順便食埋法國空運Fine de Claire N1 生蠔、鮮芒果醬伴紅蝦薄片開胃菜 (Gambero & Mango Carpaccio)、地中海鄉村魷魚(Calamaro Rustico Mediterraneo)、番茄慢煮八爪魚意粉(Pasta alla Lucinana) 等等。多款料理都用咗高質食材、歐洲經典煮法，同平時食嘅西餐好唔同。
大廚用意大利00麵粉即製薄餅。
兩間分店嘅薄餅都係新鮮出爐。石窯爐450°C高溫烤焗，批底外脆內輕韌。
【夏季限定】
2025年夏季會有法國空運Fine de Claire N1 新鮮生蠔，蠔味鹹甜平衡。N1 Size 生蠔幾大隻，肉質豐滿，可選擇生食或焗食，亦有多款醬汁/配料選擇。
【全新菜式】
鮮芒果醬伴紅蝦薄片開胃菜(Gambero & Mango Carpaccio)
鋪滿野生紅蝦、香甜芒果、薄切紅洋蔥、青檸汁，蝦味濃郁又微甜清爽。食落仲有辣椒片、紅辣椒、辣椒油帶嚟嘅溫熱感，配合特級初榨橄欖油嘅滑潤，平衡幾種風味。當作開胃菜，飲吓酒幾有feel。
地中海鄉村魷魚(Calamaro Rustico Mediterraneo)
原隻魷魚煎到彈牙嫩滑，混合鹹香黑橄欖、酸甜乾蕃茄及鹹味龍葵。餘韻會滲出白酒與新鮮檸檬汁，有時又會食到番茜嘅清新，幾有地中海風味。
番茄慢煮八爪魚圓通粉(Pasta alla Lucinana)
呢道拿坡里傳統料理，佢嘅鄉村番茄醬用咗慢煮小章魚、甜車厘茄、鹹黑橄欖同白酒煮製。再用新鮮番茜點綴，有時食啖香煎八爪魚；又再食啖掛滿番茄醬汁嘅圓通粉，幾有風味。
檸檬意粉配燒雞(Pasta al Limone with Pollo a la Griglia)
(提供無燒雞素食選擇)
蛋製寬麵幾絲滑，拌以新鮮西西里檸檬、忌廉同巴馬臣醬。燒雞幾大隻，入面肉質仲keep到好嫩滑。加咗新鮮檸檬片同羅勒，食完成碟雞都唔會膩，同場都提供無雞嘅素食選項。
橙汁刺身級帶子(Crudo di Capesante all’Arancia)
當新鮮北海道帶子去到外籍大廚手上，同平時食開嘅刺身級帶子好唔同。今次淋上橙汁醋汁，伴以juicy橙肉、薄切紅洋蔥，微酸清甜幾特別。上面仲有烤開心果碎碎，多咗份微脆果仁口感。
綠色魚料理(Pesce Verde)
鯛魚魚柳煎到金黃，魚皮脆脆哋幾香口。絲滑醬汁係用西蘭花、菠菜、忌廉、白酒同洋蔥濃縮醬煮製，清新菜味幾啱夏天食。
【夏日必食】沙律/甜品推介
Insalata Soleggiata / Sunny Salad
呢兩款沙律都有滿滿翠綠沙律菜，配搭柑橘醬汁、濃郁意大利藍芝士(gorgonzola picante) 同甜美芒果，好有夏日陽光風味。
夏季奶凍布甸(Summer Panna Cotta)
下晝嚟“Abbraccio” 可以食到呢款布甸。夏季會轉用甜芒果醬、新鮮薄荷同少少青檸皮，香甜清爽。
芒果雪糕(Gelatto With Mangoes)
呢度2款口味雪糕—雲呢拿雪糕、芒果雪糕，都會跟配新鮮芒果肉。
Abbraccio (中環店)
地址: 中環雲咸街75-77號嘉兆商業大廈5樓
電話: 26333878
Abbraccio (北角店)
地址: 北角堡壘街19A號景文樓LG樓
電話: 23297028