韓國過江龍“Yadllie Plate” 一直同韓國總店緊密合作，老闆朴正根先生有時仲會嚟香港店親自監察，確保還原地道風味。香港店大部分食材、醬料都由韓國直送，難怪被封為「全港最好吃的韓國炸雞」啊。
“Yadllie Plate”午市優惠
1)「超值午市套餐」低至$85 所有套餐配前菜、韓國清湯及精選飲品 午市優惠: 星期一至五 (公眾假期除外) 荃灣分店 12:00-16:00 旺角分店 12:30-16:00
2) 「午市單點精選餐牌」8折 只要經OpenRice訂座，優惠時段全線分店單點食品、飲品及甜品，即享8折 |
小資福音！超值午市套餐 OPPA即席火炙
最近佢哋同韓國總店聯手研發，歷時半年推出超值午市套餐！以韓國各地名物為靈感推出8大系列～
- 麻浦直火現炙燒肉料理 - 弘大爆香滋滋鐵板飯料理 - 釜山滾燙石鍋湯飯料理 - 全州自製手卷拌飯料理 - 大田香濃砂鍋湯麵系列 - 咸興冰絮水冷麵料理 - 龍山特盛太陽蓋飯系列 - 狎鷗亭OPPA炒系列 |
荃灣店走古典英倫風，落地玻璃欣賞園景。
旺角店以木系打造，座位寬敞好啱一班人飯聚。
私心推薦兩大系列，因為有機會由Oppa即席火炙/炒香㗎!! 包括「麻浦直火現炙燒肉料理系列」有直火現炙牛肋骨、直火現炙豬腩肉等；「弘大爆香滋滋鐵板飯料理系列」有靑檸忌廉雞肉鐵板飯、玫瑰豬腩肉鐵板飯等。
另外有兩個系列都幾有玩味，「釜山滾燙石鍋湯飯料理系列」用加倍傳熱力嘅高質石鍋，上枱嗰陣真係咋咋聲好滾熱，可以自己加生菜食幾過癮。「全州自製手卷拌飯料理」自己加靈魂醬汁—韓國麻油、韓國總店特調辣醬，再手包紫菜食幾有風味。
【麻浦直火現炙燒肉料理系列】
直火現炙牛肋骨/ 直火現炙豬腩肉/ 直火現炙香烤雞
員工會直火現炙燒肉，火力即席逼出油脂同肉香，重現韓國麻浦烤肉街頭氣氛!! 推薦用清爽生菜包住食呀。
(由上至下) 直火現炙香烤雞、直火現炙豬腩肉、直火現炙牛肋骨
【弘大爆香滋滋鐵板飯料理系列】
咖喱牛肋肉鐵板飯/ 玫瑰豬腩肉鐵板飯/ 青檸忌廉雞肉鐵板飯
估唔到食個Lunch 都有員工推出餐車招待，即場燒紅鐵板再倒入醬汁撞出熱香氣，最後再刨上芝士真心好有儀式感!!
(左) 青檸忌廉雞肉鐵板飯、(右) 玫瑰豬腩肉鐵板飯
【釜山滾燙石鍋湯飯料理系列】
胡椒韓國走地雞石鍋湯飯/ 魚糕石鍋湯飯/ 辣泡菜豬肉豆腐石鍋湯飯
石鍋湯飯用嘅石鍋好厚實，同平時見開嘅黑色石鍋好唔同，明顯傳熱強好多。咋咋聲好似滾湯咁上枱，個湯熱辣辣咁撈飯，仲可以自己夾啲生菜淥嚟食。如果好掛住韓國魚糕，一定要揀魚糕石鍋湯飯!! 韓國直送魚糕輕韌彈牙，加埋魚介湯湯底幾滿足。
(左)胡椒韓國走地雞石鍋湯飯、(右)魚糕石鍋湯飯
魚糕石鍋湯飯，魚介湯湯底幾有魚香。
【全州自製手卷拌飯料理】
韓式牛肉手卷拌飯/ 芝士四重奏手卷伴飯/ 經典素手卷拌飯
“Yadllie Plate” 有好多自家製醬料都係韓國直送，好似呢個拌飯辣醬就同平時食開嘅韓國辣醬好唔同，第一啖已經好香辣又唔會嗆，而且辣得有後勁!! 加埋韓國麻油好吸引。食嗰陣記住用紫菜包住食～ 跟配嘅紫菜好厚身，包住一大羹拌飯都唔會爆開，而且好有咬口。
(左)韓式牛肉手卷拌飯、(右)芝士四重奏手卷伴飯
【狎鷗亭OPPA炒系列】
OPPA辣炒八爪魚配野菜/ OPPA炒牛小排配野菜/ OPPA辣炒豬腩肉配野菜
承襲狎鷗亭人氣餐廳炒技，用高溫快火爆炒鮮肉同野菜，完全係白飯小偷。特別係OPPA辣炒八爪魚配野菜，Q彈八爪魚勁有口感。
(左)OPPA辣炒八爪魚配野菜、(右)OPPA辣炒豬腩肉配野菜
【咸興冰絮水冷麵料理】
辣泡菜豬腩肉水冷麵/ 辣魷魚牛肉水冷麵/ 經典水冷麵
韓國人夏天好鍾意食嘅水冷麵，冷麵麵質柔韌。“Yadllie Plate” 亦特別用韓國冰湯機，每日現場製作冰湯。所以呢度嘅冰絮特別綿密，仲會入口即融，唔係度度食到㗎。
(左)辣魷魚牛肉水冷麵、(右)經典水冷麵
韓國人鍾意剪開水冷麵再撈勻食。
【大田香濃砂鍋湯麵系列】
玫瑰牛肉砂鍋湯麵/ 泡菜豬肉砂鍋湯麵/ 辛辣海鮮砂鍋湯麵
用砂鍋鎖住濃郁湯頭嘅溫度，麵條又彈牙掛湯，食到最後依然係一啖熱湯、一啖麵!!
(左)玫瑰牛肉砂鍋湯麵、(右)辛辣海鮮砂鍋湯麵
【龍山特盛太陽蓋飯系列】
香辣海鮮太陽蓋飯/ 醬烤牛肉太陽蓋飯/ 玫瑰奶油雞肉太陽蓋飯
強調大份量同滿足感嘅太陽蓋飯，每款主菜都有大大隻太陽蛋。戳開蛋黃將蛋漿、紫菜同配料拌飯，絕對係下午飽肚之選。
香辣海鮮太陽蓋飯
Yadllie Plate 야들리애플래이트 (荃灣店)
地址: 荃灣大河道100號海之戀商場2樓2030-2032號舖
電話: 62231415
Yadllie Plate 야들리애플래이트 (旺角店)
地址: 旺角西洋菜街1號兆萬中心11樓
電話: 23600233
