399
16
8
| Restaurant: | Yadllie Plate 야들리애플래이트 (海之戀商場) |
|---|---|
| Offer: | Cathay members can earn up to HKD4 = 2 miles with the Asia Miles by Cathay app. T&C apply. |
|
Terms & Details:
|
|
|
|
Video
1-min walk from Exit C, Tsuen Wan West MTR Station
continue reading
Telephone
62231415
Opening Hours
Today
12:00 - 22:00
Mon - Sun
12:00 - 22:00
Public Holiday
12:00 - 22:00
Public Holiday Eve
12:00 - 22:00
Above information is for reference only. Please check details with the restaurant.
About
About Reward Scheme
Offers
| Restaurant: | Yadllie Plate 야들리애플래이트 |
|---|---|
| Offer: | Cathay members can earn up to HKD4 = 2 miles with the Asia Miles by Cathay app. T&C apply. |
|
Terms & Details:
|
|
|
|
與食肉獸慶祝生日，找一家靚餐廳吃得好一點。選了海之戀的Yadllie plate 來個韓式飯聚吧！晚飯時間頗多人的。這裡空間感十足，佈置得像西式火車卡的感覺，光線柔和，坐著談天很舒服。食肉獸二不說就點了白切五花腩$298，見到圖片已經為口大開，上菜更加急不及待要吃了。五花腩本身已煮熟，在鍋上蒸熱保持溫度，會遍切得厚身，吃著爽口，還配上生菜、蔥絲、生蒜片、韓式辣醬等給你包著吃，為本身清淡的豬肉加添香氣。生菜吃完可以請職員加添，真不錯哦！其他餐廳加一份生菜都要另外付費的。 黃金蒜香無骨雞135，又是食肉獸的口味，這是廚師推介的味道，吃著真的非常有蒜頭香，醬汁帶微微甜味，雞肉外脆內嫩，無骨的更加方便吃。見到食肉獸吃得很興奮，我也開心呢！海軍醬油湯鍋（八爪魚）$238，是部隊鍋的變奏版。點了自家製醬油湯底，是濃濃的豉油香，蔬菜雜菌煮在湯裏吸收味道，非常夠濃味。八爪魚真的是原隻，煮在湯裏也不會變韌，反而口感超級Q彈，非常香口。其他配料還有香腸、蘿蔔、韓式年糕、雞蛋豆腐、午餐肉等，非常豐富。水冷麵$93，是我指定要點的，在這裏的味道跟在韓國吃的一樣，非常正宗！湯底美味鹹酸，在冰鎮的湯裏吃煙韌的冷麵，配上蘋果片酸酸甜甜，還有青瓜絲清新香氣，是一道非常開胃、消暑的菜式。紫菜手抓飯$78，韓國地道美食，簡單的紫菜、蟹子、芝麻飯素拌勻，抓成飯團，吃著滿口紫菜香，口感又煙韌。星光清河有氣酒$58，吃完鹹香濃味的食物，再喝這個有氣酒，超爽的！淡淡酸甜，超多氣泡，能夠消除濃味。香蕉奶米酒$63，像是米酒cocktail，自家設計以不同水果拌入米酒裏，效果很不錯！香蕉奶味有點像奶昔，濃稠口感但又有米酒香氣。吃得超豐富，味道很不錯！感覺都是有心思的菜式。愛吃正宗韓國菜，一定要來；愛吃餐廳服務和氛圍感，也要來試試！
continue reading
呢個餐廳其實喺我個美食名單入邊好耐😆終於有機會去食🤭 今日同埋兩個朋友一齊食飯，慶祝生日🥳我哋叫咗個夏威夷阿努哈、八爪魚煎餅、白切五花肉拼蔬菜、紫菜手抓飯、同三杯飲品🤪整體所有嘢都好好味，尤其是白切五花肉（簡直係對得起呢個價錢有餘😉）仲有叫咗一個甜品😋蜜瓜沙冰（好好味吾係死甜）因為係生日原因😆店舖幫我哋喺個碟度畫咗啲公仔，多謝晒🤗 成間舖座位都算多，我book咗6.9入座已經有四五台客人，跟住坐低冇耐就已經全場爆滿🤣建議大家一定要book咗枱先去
continue reading
今朝去完Cafe、睇完戲，都只係1:00左右，我哋就搭西鐵去荃灣行街，Yoho搭西鐵去荃灣西真係勁快，13分鐘就到，一出閘就係海之戀商場，呢個商場都幾多嘢食，我哋經過見到有間韓國菜都幾多人，所以就入咗去食。Oh my god 午市套餐及午市精選單點餐牌，入邊樣樣都想食😍，老公就話叫囉，最後，2個人食咗勁多嘢🤣。午市套餐-直火現炙牛肋骨 $138蘿蔔香菇湯配4小碟前菜（泡菜、蘿蔔、鵪鶉蛋、蓮藕）、一盆生菜及白飯一碗。牛肋骨上檯時，由職員直火現炙，肉味勁香，又食得又睇得，成個餐勁大份。午市單點-驚喜二重奏頂級肉眼牛排、原味炸雞 $273牛扒放在小鐵板上，聽到鐵板發出的滋滋聲，就好興奮🤣，職員提醒如果唔想太熟，記得要夠熟嘅時候就拎起喇！牛扒好香牛味，好食。除咗牛扒之外，仲有炸雞沙律同埋蝦片，啲炸雞勁juice，食唔停😋，蝦片都好好食。午市單點-醬豬蹄 $273豬啼軟淋入味，膠質豐富，口感軟糯，有兩款醬汁，一款辣一款唔辣，另配上新鮮生菜，所以唔會覺得好油。午市單點-鮮蝦沙律 $123沙律上有6隻大蝦、雞蛋、洋蔥、腰果、青瓜、蘋果、粟米，新鮮生菜，勁多材料，唔會落得太多醬汁，味道剛剛好，超開胃，真係好想講，所有嘅生菜都係好新鮮👍👍。朱古力雪冰 $98朱古力味香濃，唔會好甜，雪冰好綿，雪冰配上朱古力格格格脆及朱古力百力滋，真係完美嘅配搭，一個美味嘅甜品，將今日嘅午餐畫上完美嘅句號。整體：餐廳好大，裝修好靚，座位非常舒適，食物賣相精緻，勁吸睛，無論係兩個人或者一大班人都好適合，食物價格合理好食。
continue reading
Yadllie Plate（荃灣海之戀）——韓式靚景美食，味覺與視覺的雙重享受最近去咗荃灣海之戀嘅Yadllie Plate，呢間餐廳主打韓式料理，環境乾淨企理，仲有大片落地玻璃，可以睇到海景，食飯氣氛一流。餐廳裝修走簡約風，有少少韓劇入面咖啡店的feel，非常適合打卡同聚會。蜜味乳酪粉無骨雞一開場就嚟咗呢道蜜味乳酪粉無骨雞。炸雞外層包住一層薄而脆的粉漿，炸得金黃香脆，入口完全唔油膩。雞肉嫩滑多汁，加入乳酪粉之後，多咗一層濃郁的奶香，仲有少少甜味，食落有啲似芝士味，但唔會太重口。有啲雞件仲會滲出蜜糖的微甜，簡直係小朋友同甜食控的至愛。八爪魚煎餅呢款煎餅係我全晚的心水之選！八爪魚煎餅外層煎到微焦，香口得嚟唔會太油，咬落去有啲煙韌的口感，加上啖啖都食到新鮮八爪魚的彈牙質感，非常滿足。煎餅入面仲有洋蔥同韭菜，增加咗層次感，配埋醬油醋的蘸醬，酸香開胃，完全唔會覺得膩。玫瑰牛肉炒年糕一道超有韓式浪漫感的菜式，玫瑰牛肉炒年糕最大嘅特色係佢的醬汁。玫瑰醬汁係番茄同忌廉的混合，酸中帶甜，仲帶啲奶香，味道非常濃郁。年糕煮到煙韌有嚼勁，唔會太硬，完全吸收哂醬汁的味道。牛肉片嫩滑，份量雖然唔算多，但每啖都係精華，絕對值得一試。農家鮮泡菜韓國餐點梗有泡菜，但呢度的農家鮮泡菜真係好特別。泡菜唔會過酸，反而保留咗更多白菜本身的鮮甜，仲加咗啲辣椒粉，食落微辣但非常香口。呢個泡菜真係一個perfect side dish，無論配飯定配煎餅都一流。辣豬肉拌飯辣豬肉拌飯係經典韓式料理，呢度的版本辣度啱啱好，唔會辣到搶味。豬肉炒得香口，帶少少甜味，配埋煙韌的韓國白飯，仲有煎蛋同菜絲一齊拌，口感豐富又有飽肚感。呢道菜味道濃郁，適合鍾意重口味的朋友。蝶豆花青瓜梳打 & 草莓乳酸梳打飲品方面，兩款梳打都係顏值與味道兼備。蝶豆花青瓜梳打顏色靚得嚟好清新，青瓜味非常突出，飲落有種清涼感，特別適合夏天。草莓乳酸梳打甜美中帶輕微的酸味，乳酸同草莓味搭配得幾好，仲有氣泡感，飲落去好有層次。整體嚟講，Yadllie Plate係一間高質韓國餐廳，無論係菜式味道定擺盤都非常出色。價錢中等但性價比高，最重要係環境靚，真係一個放鬆的好地方。如果你鍾意韓國菜，又想搵個靚位同朋友或家人聚會，呢度一定唔會令你失望！
continue reading
呢間餐廳平日真係人頭湧湧 🐝，坐到滿滿哂，但都唔會覺得逼，環境好舒服又寬敞 😌。最正係佢哋貼心到不得了，喺枱面上有濕紙巾、手套同紙巾俾人自己拎 ✋。食炸雞都唔怕油膩膩整污糟隻手，安心舒適又愜意～🍗✨驚喜二重奏（頂級肉眼牛排 + 炸雞） $273呢道係真心抵食！肉眼扒係一成熟送上，擺喺熱辣辣鐵板上面可以自己煎，想幾熟就煎幾熟，超有滿足感 🥩🔥。炸雞就係原味，四件剛剛好，外脆內嫩，配埋沙律好清新～🍗🥗魚介湯鍋 $258呢個湯鍋超有層次！四格分開，勁似街邊關東煮，但高級好多 🥹🍢。入面有魚糕、章魚丸、滑滑嘅豆腐、菇類同埋蔬菜，食到停唔到口 🐙🍄！如果加錢 ($20) 加生菜落去，吸晒湯底味更加過癮～🥬八爪魚煎餅$138呢個煎餅絕對係驚喜！八爪魚夠彈牙 🐙，餅皮香脆唔油膩，真係超級好食，必點💯。玫瑰牛肉炒年糕$135年糕煙韌彈牙，玫瑰牛肉香香的🌹🐄，甜甜地又唔會膩～紫菜手抓飯 $78手抓飯好有趣，混埋紫菜一齊食，鹹香味十足🍙💜。巨峰乳酸梳打 $53巨峰葡萄味道濃郁，加埋乳酸味同氣泡，好refreshing 🍇🥤✨！生薑茶 $43呢個茶暖胃之選 🫖，生薑味唔會太辛，飲起來好舒服，適合寒底人士～🫶
continue reading