阿根廷牛扒被喻為「牛扒界天花板」，有明顯大理石紋，但依然好有肉感咬口，真心越咬越有牛味！而且當地人鍾意大大份咁食，完全係肉食天堂啊。
中環店景觀開揚。
中環店裝潢好有歐洲氣氛。
北角店座位寬敞，適合一班人飯聚。
中環同北角都有分店嘅阿根廷扒房“La Parrilla Steakhouse”，由外籍總廚主理，所以阿根廷牛扒、料理、小食都好地道。最近佢哋新推出套餐包括前菜、主菜、甜品，當然要飲埋阿根廷人好鍾意嘅Sangria啦！
今次兩間分店都食到新套餐，而且每間分店各有自己版本嘅烤肉拼盤，想試多幾個肉位可以去晒兩間！其餘大部分菜式都一樣，只有熱湯、薯條有少少唔同。即刻睇詳情啦～
【開胃菜】
Empanada(阿根廷炸餃子)
傳統阿根廷鹹味炸餃子，今次有雞肉餡同Fugazzeta(獨家芝士及焦糖洋蔥混合餡)，啲餡多到脹卜卜，蘸埋新鮮洋蔥莎莎醬食幾香口。
Provoleta(烤芝士)
阿根廷傳統嘅烤Provoleta芝士，極級拉絲!! 上面撒上牛至草同辣椒碎碎。配蒜蓉包一齊食幾香口，好啱餐前飲酒傾吓偈。
Bone Marrow(烤骨髓)
唔係度度食到嘅烤骨髓，每次食都係咁奢華濃郁!! “La Parrilla” 版本仲有淡淡蒜香，配酥脆金黃多士又係另一種風味。
【主菜】
中環店烤肉拼盤: Parrillada Platter
總廚精心設計嘅烤肉拼盤，集合咗“La Parrilla” 精髓！而且全部食材都係即點即烤，用熱辣辣鐵盤上枱。包括嫩滑和牛裙邊牛扒、豐富肉汁安格斯肋眼牛排扒、嫩滑燒春雞、美味羊肉腸、慢烤蒜頭及煙燻烤洋蔥。特配富青草香氣嘅阿根廷青醬(chimichurri)、酸辣莎莎醬，試吓唔同風味嘅啖啖肉，好啱2人或以上分享。
北角店烤肉拼盤: Parrillada Platter
北角店烤肉拼盤，同樣由總廚精心設計並集合各款烤肉精髓，即點即烤熱辣辣鐵盤上枱！包括嫩滑穀飼安格斯平鐵牛扒、多汁安格斯肋眼牛扒、鮮嫩燒春雞、美味雞肉腸、慢烤蒜頭及煙燻烤洋蔥。依然跟配阿根廷青醬(chimichurri)、酸辣莎莎醬，好啱2人或以上分享。
中環店限定: Humita Salteña(烏米塔風粟米濃湯阿根廷奶油粟⽶芝⼠)
用“La Parrilla”招牌忌廉粟米煮製，再撒上金黃融化芝士，濃郁暖胃。 加相
Classic Mashed Potatoes(經典薯蓉)
經典薯蓉好綿滑，配埋香濃蒜蓉燴醬同松露醬撞出獨特風味，比平時食嘅薯蓉有層次好多。
中環店限定: Thin Cut Fries and Rustic Potatoes Wedges(細切薯條及鄉村薯角) / 北角店: Thin Cut Fries(細切薯條)
兩間店都有細切薯條，用咗蒜香、新鮮香草調味，金黃酥脆。唯一唔同係中環店有埋鄉村薯角，係由總廚特選嘅鄉村薯仔製作，特別外脆內軟㗎。
Grilled Corn(烤粟米)
炭烤粟米棒搽咗蒜蓉牛油，再淋上煙燻辣椒蛋黃醬，加埋新鮮磨巴馬臣芝士，係估唔到咁好食!!
Churros con Argentinian Dulce de Leche(阿根廷吉拿棒焦糖牛奶醬)
阿根廷最受歡迎嘅經典甜品之一！金黃酥脆嘅吉拿棒，蘸滿焦糖牛奶醬，真係幸福感爆滿呀。
Flan Casero(自製法式焦糖布甸)
另一款深受喜愛嘅阿根廷經典甜品，就係呢款絲滑牛奶布甸。喺“La Parrilla” 優雅地配上焦糖牛奶醬、焦糖同軟忌廉。
Summer Sangria(夏日雜果甜紅酒)
好啱夏天飲嘅阿根廷Sangria，選用濃郁馬貝克紅酒，加埋新鮮水果好清新。邊飲邊享用一系列阿根廷料理，真係一大享受。
La Parrilla Steakhouse (中環店)
地址: 中環雲咸街77號嘉兆商業大廈1樓
電話: 26378555
La Parrilla Steakhouse (北角店)
地址: 北角堡壘街19號景文樓LG層
電話: 26623000