Chan Kun Kee

見陳根記十二月搬遷，與友人打完羽毛球就行過來食飯。我們四個人，發現了食物份量比我上次很的少了很多可能佢地會因人數而更改份量。有好有唔好，雖不會浪費，但我想食多啲聽說wasabi手撕雞和沙拉骨是招牌菜，所以點了試試。wasabi很勁，攻上鼻個下真的很爽，但就會蓋過了雞的鮮味。沙拉骨幾滑，不過沙拉和骨好像兩樣分開的東西。另外叫了魚腩煲，魚腩很多細骨，味道正常，反而蔥就超好味！菜就較鹹，適合重口味人士，但份量較少。叫了三個飯，三可樂，一啤酒，但無傳統的啤酒妹了，結帳每人約一百元。…查看更多

之前傳陳根記就摺, 我地呢班食開佢的中大老鬼就特登入沙田懷舊下第一碟必食緊係WASABI手撕雞啦!(以前好似冇蟹籽@@?)其他大排檔菜, 掛住食就冇影啦LOL而家知佢續到命, 恭喜哂!…查看更多

Wasabi手撕雞每一台客人都會叫嘅小菜，這次是我第一次吃，我想像中的手撕雞是凍的，現實卻有點出入，呢個份量係例牌，凍啲會更加好食，Wasabi味唔算濃烈，另外配有飛魚子、火腿和海蜇。椒鹽白飯魚雖然係油炸，但係食落口唔算太油膩，點淮鹽更好食腐乳通菜是很普通的家常小菜，味道跟家裏吃到的也差不多，也算不過不失另外仲叫咗薑蔥生蠔，不過唔記得影相，最欣賞就是這道菜。因為這道菜算是色香味俱全，雖然不是用整個煲上菜的，賣相依然吸引，而且上菜時香氣撲鼻，蔥也煮得很入味，生蠔也不算劣質芒果一口脆是陳根記很著名的甜點，底層是忌廉，所謂的芒果一口脆，是熱辣辣的班戟皮包着一舊冰冷的芒果。講真，食落有少少失望， ＄34只有八件，平均約＄4多一件。因為皮的部份是熱的，導致忌廉溶化，失去加忌廉的意思，咁不能做到裝飾的效果。但外熱內冷的感覺是幾有趣的，芒果都夠甜，但是下次可能不會再試。但是，來這裏吃菜有一點回到家的感覺，四處也很熱鬧，夥計做嘢都好快手，非常之欣賞，以後會去多啲不同的大排檔吃飯…查看更多

陳根記,讀中文大學的學生一定聽過!這個大排檔位於沙田禾輋,聽說很多中大學生都會相約食消夜這天我和家人就慕名而來,因為聽說要早點來才不用等位,於是我們五點半已經來了未到5:45大排檔差不多已經坐滿人我們心裏大叫了一聲好彩!這裏所有東西都是自助的,自己把要點的菜寫在落菜單,自己找位置這裏環境如果是大排檔來說是不錯,至少感覺不是濕濕漉漉污糟的來說一下食物,這天我們點了知名的Wasabi手撕雞,名字是有點fusion菜般的老實說沒有Wasabi味,只是與普通手撕雞差不多,沒有驚喜但不過不失反而我對於香煎腐皮卷超有驚喜他是比外面一般吃到的更要大,煎得香脆之餘裏面餡料充足,意想不到這個價錢會有這樣的份量和質素😆😆😆接着蠔仔粥亦是我想推介的!蠔肉大粒而且相當鮮甜,這裏沒有因為要減輕成本而加大量水於粥中,反而是吃到綿綿香米,真材實料👍🏻我們亦點了一般茶餐廳都有的金銀蛋時蔬金銀蛋份量相當驚人!與一般茶餐廳有別,菜亦十分鮮甜,浸菜的湯底於是帶有點點鮮甜味❤最後這個牛柳煲就相對有點肥膩了,不過我這個喜歡吃三色椒和洋蔥的人來說就相當興奮,值得一讚是配菜與牛肉比例同樣地多,不像一般外面供應的配菜多而牛柳只佔三份一,這裏牛與配菜的比例大約是一比一陳根記不算是相當便宜的那般,然而以這個價錢吃到這些東西讓我們捧着腹離開,這一餐吃得是很高興…查看更多

宜家嘅香港大排檔真係買小見小囉，所以豪哥特登帶我過黎體驗下，以前只可以係TVB，港片入面捕風捉影，宜家可以體驗下一支啤酒兩佬吹的感覺，招牌力薦嘅washabi手撕雞有驚艷到我，辣而不嗆，海蜇，蟹籽遍佈令口感更加清爽，正皮；砵仔蒸魚腸，表面焦脆內裡魚腸味鮮，不腥鹹香是為一絕！蒜子大鱔煲，鱔肉色白有彈感，肉味明顯，但若果炆時久些，相信會更加窩味。沙田呢除左跑馬，你也可以選擇beer，炒一兩味，與友共肥。…查看更多

在香港，有d野真係要珍惜。聖誕夜，無P開，只好同友人幾條友去陳根記擦餐勁。7點幾最旺既時間去到，係自找的，企係度睇住人食飯睇左半個鐘先到自己食。話說，8半黎就唔洗等到傻了。等，唔係問題，重點要識避，要避關飛來插去既送餸阿姐同執枱阿姐，身手差d都俾人鬧到飛起，仲要人地食飯，你個pat就係人隔離，真係非常唔好意思的。不過呢d時間個個都咁等，唔咁企係度等，就呢世都無枱咁…呻完等位講返野食先！當晚叫左5個餸3支酒。呢度已發展到酒自己行去後面水吧位買，單要自己手寫，咁又真係慳唔少時間既，與時並進抵你有得留低！招牌wasabi手撕雞(半隻) 幾乎每枱都order碟手撕雞，份糧無以前咁大碟，味道都差左d, 可能太多人點做唔切！？wasabi重手左，調轉淡左。椒鹽瀨尿蝦香口野黎大排檔走唔甩，蝦肉新鮮，係細隻d, 不過唔貴，重點食完d炸蒜唔好浪費，可以加落炒麵度食，正爆琵琶豆腐足料，睇似濃味，食落淡味。唔熱氣。馬拉盞炒菜當然無泰國餐廳炒得咁惹味，但亦無咁油。豉油王炒麵作為當晚既結尾簡直perfect! 除左麵炒得乾身外，加埋瀨尿蝦d炸蒜落去撈真係飽都食得落2碗！是晚朋友話大排檔都有可能第時會無，唔多留意時事既我唔知點解，淨係知得閒要黎食多幾次！將來既野唔好諗太多！飲啦！p. s. 價錢唔太記得，只係約數，參考only…查看更多

2016.06.05來到沙田，即刻提議到陳根記晚飯是日星期日，亦係晚飯時間，竟然無爆場，不用等位下就可以很輕鬆有位飲品跟上次有些改變，除了酒要自己去賣酒處付現金外，汽水可以跟伙記落，好似25/3枝WASABI手撕雞招牌菜之一，Fusion 菜之冷盤，已經係第二次食，配Wasabi醬係幾特別，未試過既朋友可以一試豉油皇炒麵麵很幼身，很有口感但略嫌太乾身，同埋麵上有芝麻好像會香口些豉椒炒蜆豉椒味太重，太咸，掩蓋了蜆肉鮮味都算無呃秤，蜆肉多椒鹽九肚魚算係全晚最受歡迎既一碟食物，外脆內軟，炸粉唔多，上枱都熱辣辣榴連奶露食過最差既甜品，一pat野，底下有榴蓮肉，一半都食品到，個感覺好漏，無諗過會係一pat野，榴連肉有啲苦，唔係太新鮮，不可一，不可再，全晚最差的食品…查看更多

今日再黎食陳根記呢間已經係買少見少既大排檔記得第一次黎係入U上莊莊員介紹既鋪頭一直對陳根記有讚無彈不過今次食味道差過以前 Wasabi手撕雞 味道得wasabi味無雞味漁香茄子 細鍋又好油黃金蝦 一食勁喊九肚魚同西檸雞係keep到水準醉拳係吾錯！最抵飲依然係啤酒～希望下次黎會有改善！…查看更多

陳根記一早出哂名 好多人特登黎食 但係我黎食因為呢度可以好多人一齊食 10幾個都唔係問題 今次終於叫到手撕雞食 之前黎親都賣哂 今日特登早少少 9點左右黎到試下個手撕雞 真係幾好食 但有啲fd唔係好中意芥辣味所以岩岩好夠食…查看更多

同「男公關部」太耐無見，所以心思思想聚大聚，難得約齊人梗係要約食飯，不過一大琴男人又唔想太貴，就決定再去試過平靚正嘅「陳根記」。去陳根記如果係食飯鐘數，就一定要等，因為一定爆！好彩一行十人分散投資，等咗半個鐘終於有位！滷水拼盤 ，大圍食飯必叫，除咗滷水鵝、牛展、魷魚、蛋、豆腐、紅腸、豬腸，就算唔點滷水汁都好入味，滷水嘅鹹味配上花椒八角，豆腐特別入味，配啤酒一流！Wasabi蟹籽手撕雞 $208壹隻 必食之選！幾嫩滑而且Wasabi味幾夾，唔算太辣，就算平時唔食Wasabi嘅朋友應該都接受到。份量相多大碟，而且仲有啲蟹籽同海蜇，又係配酒良物。孜然一條骨 $56 鋪頭招牌菜之一，幾咸香入味。魚香茄子煲 $40 ，睇相都知啲茄子幾新鮮，煲上熱辣辣，魚香隻咸香味叫突出但唔會OVER，意外好食（通常出面都會好濃色水煮老哂）。椒鹽骨 $48 ，少少辣幾惹味，不過唔知點解出街唔係太鐘意食豬肉（個人問題）。椒鹽鮮魷 $48 ，皮唔會粉之餘，入面嘅鮮魷仲咁鮮嫩多汁，被十個大男孩秒殺！蒜蓉蒸蝦 $78 ，時間蒸得剛好，蒜蓉同豉油味唔會襟咗蝦味，預想以上。金銀蛋萈菜 $48 ，食咁多肉梗係要叫翻啲菜中和下。豉汁蒸大鱔 $78 份量算幾足，家吓啲魚真係好貴，不過幾好食，無後悔叫嚟食！豉油王腩仔肉 $48 ，非常入味，送飯一流！下面有啲芽菜，配肉一齊食口感豐富，亦中和翻腩仔肉嘅咸味。根記頭抽雞 $110半隻 ，因為有朋友唔食Wasabi雞，所以後加嘅一味雞，同我屋企整嘅豉油雞差唔多，都係咁嫩滑。不過豉油汁就稀啲，味道都清新啲，可能頭抽關係？Arashi啤酒 ，男公關部聚會點少得Beer一Beer，大滿足！之後仲有甜品，應該係鋪頭寄賣，本來無咩期待，不過一食就中槍！如果去陳根記食飯就唔好放過佢！整體嚟講可以俾10個大男孩飲飽食醉，幾好味之餘仲要有甜品，每人埋單都只係$150，夫復何求啊！…查看更多