潮福蒸氣石鍋 (Closed)

今晚因爲落雨，令原先打波活動取消左，所以成班朋友轉戰蒸氣石鍋！呢到位置離地鐵站比較遠，所以由旺角落車行過黎都用左10分鐘到呢到係一個價錢，包左數款海鮮之後再任食肉、菜同包點類，仲有任飲酒水～由於我遲左少少先到，所以朋友們都落好單叫左海鮮啦～第一樣到既係燉湯其實有兩款選擇，呢款雞腳豬骨比較好飲，味道濃郁啲，另一款朋友們話比較淡～之後到刺身，其實佢刺身都好新鮮，由其係呢啲蒸氣石鍋店本身冇期望既情況下，不過一人得一件，感覺比較少同埋我真係唔鍾意食希靈魚跟住係一輪海鮮，其實食蒸氣鍋最緊要係海鮮新鮮，呢到雖然係指定食材加任食組合，但款式唔會太差同埋的確新鮮鮮甜第一款係佢既蜆，每人分量都充足，見到入面冇死蜆，食落都係濕潤彈牙第二款係每人半隻龍蝦，新鮮龍蝦肉質鮮甜，蒸到剛剛離殻，蝦膏唔算多係佢比較普通既地方之後到鮑魚啦，由於我地坐既位對正魚缸啲南非鮑魚，所以FF左成晚會唔會有咁大隻，咁當然套餐價就只有鮑魚仔，但佢都係偏大既鮑魚仔，味道唔錯，但多啲果皮會更好貴妃蚌，一樣自從我屋企人發現後，成日都買返屋企整既海鮮，呢到大細屬於中等，有粉絲係底去吸收精華都的確唔錯！跟住係象拔蚌，師傅將佢切絲，食落都算大隻，質地係幾款貝中比較有咬口，但蒸出黎都剛剛好，唔係橡筋咁樣，合格最後係蟶子皇，見到size算大，爽口而海鮮味比較淡之後介紹既係任食環節，主要有肉、菜同包點一黎見到三款肉類，分別係一口牛、豬頸肉同雞肉，由於一口牛比較快熟，職員會先計時叫大家先食牛肉，而牛係三款之中最突出既，因為佢牛味濃同埋出奇地係淋滑既～豬頸肉蒸後冇平時煮法咁油，但都冇平時咁香，雞就同平時冇咩分別。之後係蒸丸，牛肉丸一如以往食開既手打肉丸一樣，好似食緊飲茶既牛似球咁，蝦丸唔算丸彈牙反而豬似丸味道最好，有啲梅菜調下味最後介紹包點類，馬拉糕係鬆軟既，唔算太甜，饅頭有中式飽點既麵粉味，係小弟其中一種最愛既包所以冇咩好評價，反而佢個薑汁糕有好大迴響，鍾意薑味既朋友應該幾鍾意，因為佢好香薑味，我食第一淡心入面諗如果佢有埋可樂味就好得意啦～ 但有朋友接受唔到佢既薑味，所以叫既時候都係唔好叫太多好另外要一提既係佢有任飲酒水，有青島同Asahi仲有嘉士伯draft，一班老友黎到吹水飲野都係唔錯選擇總結呢到雖然地理位置比較遠，但我覺得海鮮類係合格，如果人多唔想叫咁多貴價海鮮又想食蒸氣鍋傾下計食個飯，呢到係唔錯選擇！重點要提係佢服務好好，每款海鮮中間都會幫你換碟同埋幫你計時蒸海鮮！我地好唔好意思咁係上左湯後改少一個人，經理都好幫手cut左一個人位，唔似好多任食地方咁夾硬收費👍🏻小弟冇影到蔬菜，但其實啲瓜同菜都唔差…查看更多

蒸海鮮原來都有任食，有指定及自選海鮮定量外，肉類、菜類、糕點任食，大胃既我會安心少少。呢度用石鍋蒸爐，一開始會放d乾既米，淮山同瑤柱絲喺鍋底，但無水架，之後個鍋先自己加水加蒸氣，果然pro醬料自助，好多款，都算好企理一讚飲品櫃，好齊，咩都有，一樽竹蔗水，多款韓式飲品、汽水、仲有啤酒，飲品都抵返始終邊爐同凍飲係絕配，點都會叫，而家慳左!一到場就有幾樣必送菜式，如燉湯(3選1），每人半隻乳鴿。我叫左螺頭燉雞，真係用陶瓷燉盅，而且料多清甜。乳鴿都新鮮熱辣。必送既仲有2款海鮮，每人半邊龍蝦，貝殼拼盤。兩個都係亮點。龍蝦鮮甜爽口，蜆貝好大隻，唔係平價蜆，大肉而且爽甜。自選海鮮可簡4款，叫左桶蠔，肥肥的帶子，開邊加埋粉絲蒜蓉，始終即上碟就食，真係鮮過平時食海鮮。必叫大蟶子，手掌咁長，多肉，爽口新鮮，亦有炸蒜喺上面，正!原本想叫北寄貝，但嗰日無，店員介紹龍躉，都好正，厚厚肉身，一睇個厚魚皮就知條魚真係深海大魚肉質新鮮，所以爽口得嚟唔韌，不過有骨有腩，鍾意食魚既撞到有都必叫另外推介手打蝦丸，真係新鮮爽口馬拉糕都估唔到咁好食，鬆軟唔膩，encore左1個蔥花卷都好香，另外荷葉飯好似糯米雞細細隻，入面有蝦米，都好香。最後打開個爐，粥底好綿，用珍珠米，因好多瑤柱絲，同海鮮精華，個粥好甜，已夠咸味，最後清晒，侍應都話好少人咁食得，因為都每人有2碗粥架其實都試唔晒任食類別既一半，都已經好飽，加上材料新鮮，又任飲，同大班朋友嚟幾好。…查看更多

呢度蒸氣海鮮鍋，係少有既任點任飲，雖然海鮮限量，但都有6款，而且好新鮮。除海鮮既，如牛豬雞，丸，菜，糕點，一律任叫，而且種類都唔少。提提8點3前埋單有9折架!有3款指定菜式，每人半隻燒乳鴿，半邊龍蝦，貝殼拼盤(約每人4隻左右）。另外海鮮一欄可選4款海鮮。乳鴿，剛炸起，上碟熱辣辣，雖然我唔嗜食乳鴿，但都覺得好入味，而且覺得新鮮有肉味，唔似雪藏。貝類有文貝，黃刀貝，大蜆3款，好鮮，又大隻，又爽口，而且出面少食到。每人都有4隻左右。龍蝦係另一推介，肉色白雪雪，肉質爽甜，加上少少炸蒜蓉一齊蒸，好香。輪到4款自選海鮮：元貝，配粉絲熟蒜，開左邊，啖啖肉大蟶子，超大隻，唔可以一啖食晒，爽甜，必叫之選美國桶蠔，肥美大隻，蒸嚟食必定剛剛熟，比打邊爐或薑蔥蠔，蒸必係最嫩最鮮無北寄貝，改左龍躉肉，每人兩片，厚切，魚皮好厚好多骨膠原，而且肉質嫩滑鮮味，都係出面少食到既quality肉類中，最正係和牛片，肉味好濃，唔韌，encore左馬拉糕，鬆軟唔太甜。荷葉飯好香，少少地，有蝦米荷香，都幾好。最終極既粥底，唔好唔記得，要留肚食，因為有晒各海鮮肉類精華，鮮甜都不得了，已夠晒味，加埋本身有好多瑤柱絲同新鮮淮山，係不能錯過的(雖然已飽到不能）整體都好食，海鮮足料新鮮係重點，而且任食任飲，三百幾都真係幾抵，有下次既蒸火煱，越嚟越覺得蒸汽鍋好過打邊爐，因為每樣野都好似啱啱熟，食到最鮮味嗰刻既食物…查看更多

秋風起, 本來想去打邊爐......但最近香港興起蒸氣石鍋就自然想食下新野來到就見到一個個好似漁夫帽咁的蓋係個石鍋上面而最近佢地有一個任食套餐...HKD 338我點選左<新鮮排骨粥>和一D 海鮮先, 待應就開落料海鮮就開始送來, 睇落幾新鮮<貝殼盛盒>幾大隻<生猛龍蝦>新鮮而且加了蒜蓉<大元貝>和<本地鮮魷魚>新鮮, 而且同樣加左粉絲和蒜蓉待應放低計器開始逐款蒸...而我就去左擇野飲~~~同時間....待應又拿了燉湯來...我要的燉湯係<姬崧茸燉螺肉>湯雖然唔算話好濃郁, 但都算幾足料....而且無味精, 都算幾好飲~~任食送的<脆皮乳鴿>脆皮乳鴿真係好脆皮, 而且肉質唔乾....好味而海鮮開始蒸好啦貝殼好鮮甜~~~隻隻打開都有水係入面....勁鮮甜~~龍蝦肉好彈牙, 加上香香的蒜蓉...半隻有D唔夠喉 XDD海中蝦唔錯.....但都係龍蝦肉正D~~~第一次食蒸...北寄貝...好鮮甜同爽口 鮮魷魚都好爽口...一D 都唔UN..蒸得剛好大元貝......配上粉絲蒜蓉真係絕配....而且都幾大隻...正之後我再點左D 任食的野食....當然先食和牛啦手切和牛肉 : 蒸完...牛肉汁鎖在肉粒入面....牛肉味濃手切和牛粒: 待應快蒸...7成熟....口感軟熟極好估唔蒸牛肉會有咁好的較果...而且食到牛的原味勝瓜: 正!!勝瓜汁留在勝瓜中.....勁清甜....蝦丸: 正常OK梅菜豬肉丸:同樣都OK最後當然食埋煲左好耐的...排骨粥啦呢個排骨粥把頭先所有的海鮮同牛肉的精華都跌入粥裹....味道超濃郁不過可能我地食太多的牛肉.....面頭比較多油......但整體都唔錯…查看更多

小菜在地面，蒸氣石鍋在一樓，當日平日都半滿，所以不用等位便直接入座。蒸氣石鍋都食過幾次，但任飲任食的蒸氣石鍋真係未食過，究竟抵唔抵食？！忍唔住約埋好友來食。原來海鮮指定九選四，還有乳鴿、龍蝦、貝殻盛盆，粥底有兩款，仲有燉湯送。任飲任食咩呢？有雞、牛、豬等肉類及丸類，蔬菜等等，有點似火鍋配料，不過特別在有馬拉糕可以蒸熱來做甜品。當日星期二，每人$338，可用2.5小時任飲任食，雖然蒸食物需時，但都夠時間任食的。另收醬油、花生$15，價錢也可接受。店員講解完收費，我同友人就出去取醬料及飲品。 呢度醬料都幾多，有12款，比較特別的有剁椒、XO醬等等。飲品是任飲的，有一般的汽水之外，還有竹蔗水、韓國飲品等等，最正有2款啤酒，asahi朝日啤酒及嘉士伯啤酒，都是任飲。先放米、排骨及南瓜，食完蒸氣鍋後，就有粥食。排骨陳腎湯，但有雞件，所以湯味道尚好，但好像隨便用料煲成。老黃瓜煲雞，也是有排骨，味道還可，但較普通。先飲蘆薈汁，有好多蘆薈粒粒，味道清新。 朝日啤酒大支裝夠凍又夠爽。脆皮乳鴿，每人半隻，不用沾醬料已經好夠味。入味得黎不太咸，皮薄香脆又油潤，肉質嫩淋帶香，味道好好。貝殼盛盆，兩人份量有約12粒，份量剛好。肉身夠飽滿脹卜卜，爽口多汁，味道鮮甜，不用任何醬料已經好夠味，最重要冇沙，食得放心。生猛龍蝦，每人都是半隻，沒有鉗，但龍蝦偏大隻肉厚，都好抵食。蒸完的賣相好吸引，蝦膏不算多，但肉質結實爽彈，蒸煮可以食出原味。味道鮮甜有彈性，而且由於肉厚所以啖啖肉的口感好滿足。自選四款海鮮：生猛大元貝/蘇格蘭蟶子皇/美國桶蠔/生猛海中蝦。蟶子好珍寶尺寸，比一般的大，爽脆口感更明顯，嫩滑肉質又唔腥。粉絲仲吸哂海鮮味。帶子蒸得剛剛好，嫩淋滑溜，仲有好香蒜蓉味，好夾帶子。海蝦每人兩隻，易去殻好新鮮，肉質彈牙好好味，沾少少醬油更好味。桶蠔夠大隻，蒸左一陣，特別要求蒸得唔好過熟，所以肉質較嫩，蠔肉肥美飽滿，但味道還是有點腥。之後就點任食的食物，呢款手切和牛肉好正，所以再點多次食。微微在蒸鍋上蒸一下，不過熟保持嫩滑感，牛味濃郁，薄切更易咬，又快熟。再點了：蟲草花清遠雞/百花釀花菇/鮮蝦丸/梅菜豬肉丸/鯪魚球蟲草花清遠雞味道不算入味，幸好雞肉嫩淋，但店員話污槽雞同呢款差唔多，所以我地冇叫到，但好奇咩係差唔多。百花釀花菇只有少少蝦膠釀冬菇，細細粒味道淡，麻麻地。都係留肚食牛肉好過。鮮蝦丸好彈牙，蝦味突出，必叫的丸類。梅菜豬肉丸，好特別的丸，但說穿了就是梅菜蒸豬肉，但製成一粒粒丸好易食。味道微甜的梅菜豬肉好好食。鯪魚球軟淋有魚味，最正唔太腥，友人都食到。Round 2，點了牛肉，還有南瓜/粟米/牛丸/蝦丸。南瓜清甜粉綿，粟米特別甜，牛丸比較普通。最後店員推介馬拉糕，蒸熱後食，熱辣辣夠濕潤特別好味，微甜帶香鬆軟有彈性。食到尾聲已經好飽，還有南瓜排骨粥。加入大頭菜，蔥花等等。粥底夠綿，味道不夠咸鮮，有點海鮮味，整體味道不錯，份量每人2-3碗仔，超飽肚。總捨，海鮮蒸氣鍋抵食，新鮮夠豐富，自選自由度大，還有熟食的乳鴿、燉湯。醬料齊全，任飲也有啤酒。只係任食的食物質素不夠海鮮好，但仍算抵食。基本上食完海鮮加粥都飽，如果大食可以試下任飲任食套餐。…查看更多

星期五晚， 我和一班舊同事相約到旺角的潮福嘗試新出品的蒸氣鍋， 他們食過話唔錯，所以我都想試下，果然十分有驚喜，比我想像中更好。首先來的是一盅蟲草雞龍躉骨燉湯， 湯很夠熱，而且真材實料，很足料，味道很好。跟著是海中蝦，海中蝦十分新鮮，捧出來時還會動，放在蒸氣鍋煮熟，很鮮甜美味， 蜆和蚌也很新鮮，一點也不軔，也沒有半點腥味。壓軸出場的是龍蝦，龍躉，鮑魚，聖子皇和扇貝，龍蝦捧出來時也是會動的，這些海鮮都超級新鮮，令人眼前一亮。龍蝦肉鮮甜多汁；龍躉則嫩滑鮮味， 鮑魚扇貝聖子皇都不軔，蒸的火喉恰到好處；扇貝伴有粉絲和蒜蓉， 蒜蓉本身已經很香，粉絲加點鼓油，令扇貝的鮮味更特出，好味到難以形容。食到這裏時，我原本以為差唔多，但我想不到這只是開始，還有和牛，雞，栗米，菜心，花枝丸，馬拉糕等火鍋配料任點任食， 比較特色的配料是菜肉釀涼瓜，涼瓜一點苦澀味也沒有，肉釀落涼瓜也很合拍，味道不俗。食了這麼多，我已感到很滿足，但原來主角還未出場，這兒的主角是淮山瑤柱粥底，粥底就在蒸氣鍋底，用粥的蒸氣把上面的海鮮和蒸氣鍋配料蒸熟，粥吸收了海鮮和肉類菜類的精華，簡直是完美，令人回味無窮，建議大家不要在前段吃得太飽，留肚食粥底才是重點。 這一晚食得很開心，大家都盡興而歸，享用了一頓很豐富的晚餐。…查看更多

食過兩次潮福, 新鮮美味無容置疑, 價錢不算太親民就是了, 最近得知旺角分店推出套餐+半任食的形式, 似乎是放低高貴的姿態, 投入這平民區懷抱。因為愛海鮮, 愛那純粹的味道, 訂了位再同朋友食潮福, 今次試試這新形式, 平日夜晚, 都未算爆滿, 可能不太多人留意到這間餐廳。地下是點心專門店上樓梯到樓上才是吃蒸海鮮的海鮮定食 配料任食任食時段分兩round: (1) 5:30pm-8:00pm $248, (2) 8:00pm-10:30pm $298每人可選5款海鮮, 一款燉湯, 每枱選一款粥然後丸類、家禽類、主食類、蔬瓜類任食汽水、竹蔗水、獅威啤酒任飲竹蔗水兩個人來了一JAR, 份量好多啊!竹蔗水味道偏甜, 有淡淡竹蔗味。這一次海鮮價目表不用看了倒是可以看看有什麼海鮮看上去吸引這一間分店的環境比其他沒那麼光鮮亮麗, 裝潢比較舊式。先放瑤柱鮮淮山粥底, 用料看上去幾靚。帽子蒸氣鍋, 已經不陌生了, 這裡店員人手充足, 可留意到時間到, 立即來幫忙取出海鮮, 故海鮮蒸的熟度都剛剛好。這裡有番薯蜆及花甲各一份蕃薯蜆是大大隻那款, 有一種特別的香味, 似乎是蕃薯香?論甜度還是花甲稍勝, 很新鮮的味道有著些少海水的咸味, 作為晚餐第一口, 完全打開了味蕾的感覺。左邊是象牙蚌仔, 右邊是聖子皇象牙蚌仔肥美鮮甜, 口感嫩滑彈牙, 鮮味無窮。蒜蓉及粉絲亦為其加添了不少分數! 粉絲吸收了海鮮的甜味, 亦很迷人呢!蒜蓉是生熟蒜混在一起, 很香濃的蒜味, 卻沒有搶走海鮮的鮮味, 聖子皇很鮮甜又好大隻, 夠份量! 淮杞燉海蜆肉湯燉湯裡除淮山杞子外, 有隻大蜆, 及有雞腳雞肉等, 用料幾足。湯質清澈但味濃, 感覺好滋補, 今天氣溫急跌, 剛好來補身暖身。原來預先訂座每人送半隻龍蝦, 好驚喜!!龍蝦肉新鮮爽口, 肉質結實彈牙, 有著龍蝦鮮味, 輕易離殼, 咬落啖啖肉好滋味。日本大元貝用蒜蓉粉絲蒸, 蒜蓉味道好惹味, 厚厚的元貝, 從中間切開一半蒸熟, 肉質嫩滑, 味道鮮美。蒜蓉象拔蚌仔上兩次吃過蒸象拔蚌仔令我驚喜, 令我見象拔蚌仔即點! 象拔蚌仔切成一條條, 既方便進食, 容易控制熟度, 亦無損口感, 新鮮, 彈牙, 爽口, 讚!!感覺份量都幾多, 十分滿足!新鮮的蒸海鮮, 吃它原始的鮮美已很完美, 不用沾醬油已很夠味。吃完了海鮮, 可以拿點醬料, 準備吃之後的東西。什菜籃: 有娃娃菜及菜心蒸完的菜不會乾, 有點像白灼的感覺, 娃娃菜比較清甜, 菜心會有其特別的菜味, 餐廳說會給二人份量, 但菜的份量有點太多了, 令我們較難試到其他任點食物, 肉丸也沒有吃到。上次食過蟲草雞, 今次試污糟雞, 污糟雞是順德美食, 但它並不污糟, 只因煮法家常不講究, 故有污糟雞之名。將南瓜、粟米、勝瓜一同蒸, 色彩縯紛悅目。南瓜味道不太夠香甜, 粟米有點偏硬, 雞隻切到好小件, 並已調味, 有點咸味, 雞肉很嫩綿, 有雞味, 份量剛剛好。還試了馬拉糕和蔥花卷, 馬拉糕鬆軟不會太甜, 蔥花卷就沒什麼特別, 就只為過過口癮。之前蒸海鮮多用排骨粥, 這次試試瑤柱鮮淮山粥底。淮山本身沒太突出的味道, 粥底味道被瑤柱的咸香味主導了, 令海鮮味顯得淡薄, 味道不夠濃郁, 又可能我們二人吃的海鮮份量不多, 如果是大夥兒的吃, 粥底該會較美味。最後贈送西瓜作結, 西瓜好冰凍啊, 甜度可以。蒸煮食物, 從來都是健康又有營養的, 不像其他外吃多油多鹽, 即使今晚有任食部分吃得比較多比較飽, 罪惡感亦不重。原來「海鮮定食 配料任食」只限通菜街分店, 可能這新玩法推出不久, 所以不太多人留意到, 個人覺得好抵食, 海鮮部分十分新鮮, 已物有所值, 有了任食可以吃點菜, 補充纖維, 這一餐既健康又美味。…查看更多

座落於通菜街的潮福蒸氣石鍋、環境跟一般中式酒樓分別不大、寬敞舒適。有大圓枱最適合大夥人、還有卡坐方便三五知己聊天。每張枱中央位置擺放了一頂尖草帽、非常有趣。作用當作鍋蓋、食物蒸起來時會散發出草香味、又能吸蒸氣免出現倒汗水情況。石鍋的底部放了瓶蒸餾水可產生蒸氣從石鍋中噴出水份、可煲粥之餘又可蒸煮海鮮。平常食海鮮每人至少消費伍百元或以上、但這裡有‘海鮮定食、配料任食’ 推廣、聽講整個集團只此一家做試驗。分三個時段、最貴的時段只不過三佰左右、非常抵食。其實什麽是‘海鮮定食、配料任食’ 呢？粥底二選一　+　燉湯三選一　+　五款自選海鮮　+　配料和飲料任食任飲、如預訂敬送加拿大龍蝦半隻　+　合時鮮果服務員己將我們選好的瑤枱鮮准山粥底材料放入石鍋中、上面再放上蒸盤用來蒸煮海鮮、在蒸煮過程中海鮮的精華滴入粥底中、食到最尾便可慢慢品嚐粥的精楕。准杞燉海蜆肉湯湯底清徹見底、入口清甜鮮美、自家難以做出這種水準。海鮮分別選了象拔蚌、北寄貝、聖子皇、美國石蠔和鮑魚、海鮮最重要新鮮、新鮮的話就無可挑釁。象拔蚌非常鮮甜。北寄貝手掌咁大、肉厚爽脆、鮮味出眾。聖子皇蒸煮時間掌握得好、不會過靱。美國石蠔最欣賞、飽滿圓渾、蠔味濃稠。鮑魚肉質軟腍有嚼口。奉選的龍蝦亦毫不遜色、肉質爽口彈牙、鮮！食到咁上下、己飽了七成、任食配料還末開動呢！！任食配料選擇多多、如家禽類、丸類、蔬瓜類和主食。蒸污槽雞、有杞子和羗絲醃製過、肉質嫩滑多汁、健康之選。肉丸、相信是手打、彈牙滋味。南瓜和絲瓜可清清腸胃。到最後要品嚐瑤柱鮮准山粥底、嘩！不得了！米粒綿綿的、又帶點煙靱的感覺、不知是否用上了日本珍珠米的原因、好好吃。瑤柱的鮮甜再加上剛才蒸煮海鮮的精華、只可形客為鮮！鮮！鮮！！！肚皮漲漲、今晚大滿足喔！…查看更多