KUROMON AQUATIC JAPANESE RESTAURANT (Minden Avenue)

好耐冇食過日本嘢，難得今日終於落少咗雨😆，當然要出街食返夠本！依間餐廳有唔同款式嘅海鮮、浜燒同刺身，樣樣都賣相吸引而且味道幾好，食完非常滿足。😍-💛黑門令蟹味噌甲羅燒 $78依個甲羅燒真係必食😝，除咗賣相一流，蟹膏味更係超濃郁鮮甜，搭配香脆嘅芝麻餅，真食過返唔到轉頭🥰。而且店員會幫手將所有野撈埋，放上火爐燒，完全唔洗擔心自己會整得唔好食，大推！😘(P.S. 記得趁熱食）-💛花酒漬甘蝦刺身 $1286大隻甜蝦味道都超級鮮甜，入口即刻覺得好滿足😚，而且性價比都幾高，愛蝦人士絕對唔可以錯過依個🥰。-💛蟹油蒜燒帆立貝 $88帆立貝一樣都係會有店員幫手燒，帶子又大又鮮美😝，加上爆多蒜，微辣惹味😍，上面仲有啲雜菇索汁，超級好食💕！-💛黑門令大漁魚子醬脆脆包 $98脆脆包賣相精緻，打卡一流😆。脆包上有吞拿魚蓉、甜蝦、蟹肉、三文魚子同魚子醬，充滿住滿滿嘅海洋風味😋，味道非常有層次，個人覺得幾特別。-💛黑門令海膽櫻花蝦海鮮炒飯 $238炒飯有好多海鮮，夠哂足料，而且櫻花蝦同海膽嘅組合令成個炒飯充滿海鮮嘅香氣，未食都已經流哂口水🤤。朋友最鍾意係嗰飯食落仲有粒粒新鮮魷魚，認真加分！👍
-…Read More

呢間餐廳之前黎過一次，覺得好好食所以今日再黎，依然無令我失望~ 首先推介既係海膽蟹味噌甲羅燒，佢一開始會俾你影相先，見到啲海膽蟹肉蟹糕已經好想食。然後侍應姐姐會喺你面前開個爐燒，不過唔只呢個，係每一樣如果要燒既野佢地都會擺得好靚俾你影左相先，之後再喺你面前燒。望住啲野食慢慢變熟同埋啲香味飄出黎，呢個過程好令人愉悅~ 至於個甲羅燒真係好好食，連埋塊餅一齊放入口，真係一個極大既享受!之後要推介呢個黑門令大漁魚子醬脆脆包, 呢個真係好好味，個包勁脆，而上面既料係會多到跌出黎，而且所有野既味都好夾，如果未飽呢個係會想encore~跟住到個蜜糖芥末火灸安格斯牛肉沙律，呢個有啲驚喜係佢真係配合番水產既特色，喺呢個牛肉沙律入面仲會搵到一粒粒既飛魚子同三文魚片。你會食到蜜糖芥末既香同埋佢又有少少酸，好fresh好開胃。呢個黑門令龍蝦湯煮海鮮都勁好味，佢個龍蝦湯好正，啲海鮮一路燒既時候吸哂個湯既香味，但同時啲海鮮既鮮味又入番個湯入面互相交融，我同朋友唔止食哂啲海鮮，連個湯都飲埋。我覺得呢度每一樣食物都好有heart，除左擺盤靚，所有野都好切合餐廳個主題，用料好新鮮，當然最緊要係真係好好味~…Read More

海膽蟹味噌甲羅燒($88)，這個甲羅燒加左鵪鶉蛋，所以燒熟後質感稀一d，食起上黎會滑一d，蟹膏味依家好濃烈，仲有蟹籽可增加口感。極上大漁貝燒($128)，用左幾種海鮮放上扇貝黎燒，帶子幾爽口，而蠔就算燒熟之後縮左少少水，但仍然係好飽滿肥美。蜜糖芥末火炙安格斯牛肉沙律($128)，用牛肉做沙律較少見，但配上醬汁之後確實好夾，甜甜辣辣既味道好醒胃。黑門令大漁魚子醬脆脆包($98)，賣相好靚好似一架船運載住海產，前中後不同海鮮有不同層次口感，海膽非常滑溜。黑門令鰻魚漢堡($88)，頂和底都有層鰻魚，食落好有啖啖肉既感覺，而且中間夾住一片紫蘇葉，有助去除一下油膩感，店家仲好細心諗到，用紫菜包住食，咁食既時候就冇咁易散晒。黑門三文魚加州反卷($128)，加州反卷最重要係三文魚要夠新鮮，食落有魚既油脂香。白桃雪葩($118)，不是每間居酒居都有提供雪葩，哩個甜品絕對不可錯過，桃味濃郁，好似食緊真桃一樣，而且夠晒冰凍，夏天簡直透心涼。…Read More

暫時未有假去日本 嚟尖沙咀食個日本水產過下癮一行入嚟裝修都好居酒屋 超有氣氛🤭聽聞講全部食材採自日本 每日空運到港食得好滿足 樣樣都夠曬新鮮👍🏻.🐈🎀ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆.▪️巨峰生啤 $68好飲 比一般啤酒甜 唔會澀🥳.▫️柚子焼酎 $68酒精濃度低 酸酸甜甜好開胃～.▪️黑門令蟹味噌甲羅燒 $72招牌必食 蟹味重 蟹膏味特別香濃鮮甜 口感creamy🤤.▫️自家製免治雞肉串 $78雞肉結實 真材實料 配上生蛋黃醬汁 鹹香味十足.▫️鐵板燒山賊醬蟹蒜地雞 $138黑椒味重口味 好好食😋雖然係鐵板燒 雞肉肉質嫩滑好juicy.▪️辣酒煮刀貝 $138配料蘿蔔好入味 大約十幾粒刀貝 滿足想食海鮮嘅心🐟.▫️黑門令大漁魚子醬脆脆包*2 $88好豐富嘅配料 有魚子醬海膽蝦等脆脆包係燒過嘅法包 超脆 好有口感第一次嘗試咁樣嘅食法 值得一試 推薦‼️.▪️黑門三文魚加州反卷 $128例牌款式 三文魚好新鮮～仲想叫個刺身 不過已經好飽.▫️海苔酒盜燒帆立貝 $88配上紫菜蟹籽口味好特別蟹籽令口感更加豐富 帆立貝剪開一舊舊好方便食.▪️岩手縣赤崎生蠔*2 $78加咗青蔥、蘿蔔蓉、同檸檬啫喱做調味 味道清新又特別🥰好新鮮好大隻 唔腥 富海水味 十分推薦‼️.📍黑門水產すいさん🐾尖沙咀棉登徑8號地下3-4號舖💸$1221/2people .❝☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ ғᴏᴏᴅɪᴇ𓌉◯𓇋 ‎‎‎ʙᴇᴀᴜᴛʏ⋆̩♬︎ ʟɪғᴇsᴛʏʟᴇ*⋆✈︎❞…Read More

前排係日本🇯🇵旅行番嚟 真係好掛住日本啲美食呀😛今日就跟屋企人去位於尖沙咀既黑門水產要食個夠😚由於呢幾日都幾凍下 所以我地都叫左一啲用網燒整熟既熱食🥰首先係 黑門令大漁魚子醬脆脆包😍 非常岩想一口食盡好多美食既人😚脆包上面有爆多豐富食材 😙有吞拿魚、生蝦、蟹絲、刺身、海膽 跟海量魚子😋 所有食材都好新鮮 勁鮮甜 一啲猩味都冇😎同埋個包真心好脆😌一咬入口係多重口感👍第二樣食既野係 岩手縣赤崎生蠔🦪呢個生蠔真係好大隻 勁厚肉！食到lam lam 脷同埋好creamy 又fresh 冇咩猩味😍一啲金屬味都冇！柔軟多汁 😉不得了！第三道菜係北海道海鮮丼🦞當中有 海膽、帆立貝、三文魚🍣、鮮蝦、魚子、 玉子、 油甘魚、吞拿魚 非常豐富😍仲要皆好新鮮鮮甜 啲剌身都係厚切 很肥美🤪第四樣野食係海苔酒盜燒帆立貝呢道菜係餐廳店員會幫手在網上面燒既😉在未燒之前 已經見到個帆立貝好厚肉😜仲配添了啲冬菇跟魚子 同埋一啲紫菜絲 配埋酒香味更夾！ 店員仲好細心咁幫我地剪開帆立貝 跟朋友share嚟食十分方便😋第五道菜係赤鬼蟹味噌甲羅燒 🌶好難得係香港搵到甲羅燒 😙 本身燒前可以清楚見到個醬係由 帶有辣味既明太子、魚子、鵪鶉蛋、蟹肉、蟹子 等在磯燒而成！店員幫手燒好後 可以把熱騰騰既醬塗上香蔥梳打餅上 咸咸辣辣的好惹味🔥第六道菜係黑門令龍蝦湯煮海鮮🦞不要以為佢細細鍋 其實材料都唔少架先有蝦🦐、冬菇、芋絲、魷魚🦑、海螺🐚特別要讚係海螺 好彈牙又大粒😚金菇仲要吸哂啲精華tim!在冬天燒完熱辣辣咁食 十分幸福😏最後係鐵板燒山賊醬蒜地雞🐔店員在呈上前見到佢倒了啲油 然後雞肉在鐵板燒上吱吱渣渣咁跳舞😙加埋啲炸蒜係上面真是滿分💯同埋記得要趁熱食呀 唔係就好易燶底😌至於野飲 呢到好多酒揀 但屋企人未成年未飲得🤣結果我飲左一杯赤子草苺🍓而佢就飲了奇異果梳打🥝呢到啲野食都好新鮮 又多選擇 好似番左日本咁😎…Read More

適逢老公準備生日 揀左呢間想去好耐嘅居酒屋食餐好嘅🥰門面好地道 相當吸引除咗壽司刺身 仲有鍋物 丼 天婦羅 燒物等等😋超愛漬物嘅我先叫左個花酒漬甘蝦刺身 酒味好出 帶啲鹹香 唔需要再點醬汁 好好味❤️蝦好鮮甜第一次食秋刀魚刺身 9-11月係秋刀魚當造期 所以食落特別肥美 味道濃郁鮮香 油脂豐厚 而且賣相好靚 仲有魚頭魚尾做伴碟😂👍🏻真材實料大愛呢塊脆脆包 內有乾坤😍脆脆包上面有吞拿魚蓉 蝦 蟹肉 飛魚籽 三文魚籽 海膽 魚子醬 口感超豐富食落好滿足反卷沙律醬帶少許辣味 相當開胃 最有驚喜嘅係入面夾住嘅海老係仲脆卜卜嘅🥹再加埋滿瀉嘅飛魚子籽三文魚籽超正北海道刺身丼有5款魚刺身 再上埋甘蝦 帶子 玉子 飛魚籽 三文魚籽 海膽 超級豐富~刺身都好鮮甜肥美 食落好濕潤😋珍珠米上有少許紫菜飯素👍🏻呢度嘅甲羅燒好多人叫 一共有3款口味 我地叫左黑門令蟹味噌😍蟹膏 蟹籽 蟹肉同鵪鶉蛋燒完溝埋放梳打餅上面食👍🏻👍🏻👍🏻蟹膏味特別香濃鮮甜 口感亦好creamy 超唔捨得食😂蠔 帶子 蝦 飛魚籽 海膽 賣相好吸引👍🏻店員會加啲上湯落去一齊燒 食落好鮮 蠔亦好肥美多汁😋呢個睇落冇咩特別咁 但食落一流 佢湯底係龍蝦湯 我地一啖又一啖咁飲唒🥹超香濃嘅龍蝦味 配料有冬菇 芋絲 八爪魚仔 螺等 索唒龍蝦湯湯底味 一試難忘愛琴海甜甜地帶啲茶味 幾清新解渴玫瑰梅酒偏甜 但幾好飲😋啱晒想飲酒又怕酒味苦味嘅人 咁啱影緊呢杯酒嘅時候 突然全場熄唒燈 以為跳fuse 突然店內播起生日歌 原來有客人生日😂嚇咗一跳 唱完店員仲同客人講生日快樂 好溫馨❤️…Read More

今日朋友請食飯，之前同佢一齊去大阪旅行，因為住近黑門市場，差不多日日過去食海鮮丼做早餐。為左懷緬舊事，佢話今日要食黑門水產😅整間餐廳嘅裝修真係極有feel，淺色木系為主調、紙燈籠、小木牌等日本signature 物品作點綴，未食嘢，但一起旅行嘅感覺已經返晒嚟。懷緬就一定要叫返個海鮮丼先得啦，經比較下就揀左🍣北海道海鮮丼（$178），因為有我地鍾意食嘅海膽、魚子、凡立貝、三文魚。鮮味嘅刺身配上軟糯珍珠米飯，未完全食到日本嘅味道，但足以令人回味。 黑門令大漁魚子醬脆脆包($88/件)個法包真係好脆，咬入口卜卜聲，配埋帶上海水鹹香嘅魚子醬、鮮甜嘅海膽，每啖都係享受。 深海池魚薄切刺身($238)擺盤超靚，肉質緊實而爽口、略帶油香、味道鮮甜。鐵板燒山賊醬蟹蒜地雞($138)超級濃味，啱晒嗜鹹者，或者配碗珍珠米白飯，絕對好送飯。牛油燒帆立貝($72)好大隻帆立貝，睇住侍應慢慢即場燒熟，後期更會剪細件方便入口，這點似十足日本人待客之道，要加細心分同禮貌分。海膽蟹味噌甲羅燒($78) 呢個十分滿分🥰因為朋友專為我而叫(個人俾嘅友情分😅)，係我鍾意嘅海膽＆蟹膏，味道其實都幾好，食得出的鮮味。餅乾一定要食埋，唔係一般食開嘅梳打餅，餅身較厚，而且勁香脆。 仲有顏色靚靚嘅飲品：巨峰梳打($58)、奇異果梳打($68)，青新嘅顏色似cafe飲品。我地入座時間較遲，後期已接近餐廳落場休息時間，所以只係剩返我同朋友兩個人，忽然包場，享受私有化嘅日本感覺，寧靜嘅餐廳，加充滿日本感嘅裝修，再加埋剛滿足完日本味道，心已飛到日本了。…Read More

·黑門水產すいさん 位於尖沙咀日本街——棉登徑🇯🇵無論出面門面定裡面裝修都有濃濃嘅日本風傳統日式浜燒店的裝潢 貼滿日文字嘅海報令人有種飛咗轉日本嘅感覺✈️🥇黑門令大漁魚子醬脆脆包💰88必點之一💁🏻‍♀️底下係一塊脆口的法包，放上幾款新鮮嘅刺身——牡丹蝦、海膽、三文魚籽、吞拿魚蓉、魚子醬，集鮮味於一身，口感同味道都極為豐富💯🥈脆燒白穴子串💰98外皮燒到金黃香脆🤩，肉質鮮嫩綿軟，簡單撒上海鹽同黑椒碎調味，燒出白穴子本身的鮮味及魚油香😋🥉黑門令蟹味噌甲羅燒💰72蟹蓋釀入新鮮蟹肉、蟹膏、蟹籽、鵪鶉蛋、香蔥一齊燒，火候控制得剛好👍🏻，蟹殼完全冇被燒燶嘅嘅狀況。未食已經聞到濃郁的蟹膏味，拌勻後厚厚地鋪在爽脆的梳打餅上，啖啖滿足🥰🦞黑門令龍蝦湯煮海鮮💰98龍蝦湯湯底同廣島蠔🦪、海老、魷魚🦑、海螺、芋絲、金菇、冬菇🍄一齊煮，小小的一煲盡是海鮮的精華，雙重鮮味。龍蝦湯非常香濃，同時帶出其他食材嘅鮮甜💕🐚極上大漁貝燒💰98帆立貝鮮味十足，旁邊放上肥美的蠔、爽口彈牙的鮮蝦🦐、晶瑩通透的三文魚籽、鮮甜的海膽🤤，用貝殼盛著來燒，保留到海鮮的原汁原味，入口仲有滿滿的清酒香❣️🍤赤鬼海老天反卷💰158超級足料的炸蝦天婦羅卷物，有六大舊。海老炸得好香脆，被滿滿的飛魚籽同三文魚籽包裹著🫣，形成外冷內熱多重層次的口感，再配上明太子醬，微辣又惹味🌶️🤌🏻📍黑門水產すいさん (尖沙咀)棉登徑8號地下3-4號舖…Read More

每次經過尖沙咀棉登徑都見到唔同日本餐廳，例如串燒店、居酒屋、燒肉店等等。其中居酒屋有至少四間，今日同女友食左黑門水產，我相信係性價比最高嘅一間👍🏻餐廳入面非常熱鬧，不斷播放日本歌曲，而且有我鍾意嘅YOASOBI😍。裝修設計傾向日本漁村風貌，牆身亦貼上不少日本風景照🏞- 長崎本釣池魚成條池魚起曬骨，而且可以「一味兩食」，味道甘甜肉質非常彈牙🥰- 海膽蟹味噌甲羅燒蟹蓋上面有海膽、蟹膏、蟹肉絲、蟹籽、生鵪鶉蛋和香葱🤩。店員會幫客人燒烤，所以生熟程度啱啱好。燒既時侯職員將所有材料拌勻，蟹膏鮮味滿溢，配上梳打餅有另一番風味👍🏻- 蟹油蒜燒帆立貝同樣職員會幫我地燒帆立貝，蒜味非常香濃，帆立貝肉質鮮嫩多汁！- 赤鬼海老天反卷手卷係居酒屋必點首選，因為好多飯夠飽肚🤣。入面係天婦羅炸蝦，炸粉唔厚，蝦仍然爽口彈牙，加入三文魚籽同明太子醬更加惹味。- 黑門令龍蝦湯煮海鮮龍蝦湯口感比較稀身，對比西餐嘅龍蝦湯截然不同🤔。海鮮包括海螺、蠔、蝦同魷魚，龍蝦湯吸收埋其他海鮮既精華，味道超級鮮甜😋- 黑門令大漁魚子醬脆脆包脆脆包猶如一艘軍艦，陣容非常鼎盛，包括吞拿魚蓉、海膽、魚籽、蟹肉、蟹籽、同埋魚子醬😍。美味程度非筆墨所形容，口感非常豐富。- 巨蜂乳酸生啤呢款生啤非常適合女仔飲，味道一啲都唔苦澀，甜甜地容易入口。- 海底之心賣相非常吸引，味道清香，同巨蜂乳酸生啤一樣容易入口👍🏻整體而言，所有菜式都好出色，以後想食日本菜一定諗起尖沙咀棉登徑，而黑門水產絕對係性價比最高既一間！…Read More

之前有聽同事介紹黑門水產，咁啱有日行過又見餐廳有位就入咗去試吓。刺身嗌咗兩款，三文魚同油甘魚，兩款刺身都好肥厚，油脂分佈平均。本來想叫個時令秋刀魚刺身，可惜當日已經賣晒。第一款前菜係「赤鬼海老天反卷」，即係炸蝦卷，上面有足料嘅三文魚籽同蟹籽，隻蝦炸得好香脆，加埋隻醬相當滿足。另外一款前菜係佢其中一款招牌菜式「黑門令大漁魚子醬脆脆包」，喺塊鬆脆嘅麵包上面鋪滿各種新鮮刺身，有海膽、三文魚籽、飛魚籽、呑拿魚蓉、蟹膏、牡丹蝦，全部都好新鮮，咬落好過隱好滿足。主菜叫咗四款，首先係「脆燒白穴子串」，燒到個皮脆卜卜，但仍然keep到啲肉汁。第二款係隻「牛油燒帆立貝」，隻帆立貝本身已經好肥美，落埋啲牛油去燒仲香。個「黑門令龍蝦湯煮海鮮」份量雖然唔大，但係材料非常充足，啖啖都有濃郁嘅海鮮味。呢餐個精華⼀定就係個「黑門令蟹味噌甲羅燒」，影完之後職員就會放上個爐，燒完就將啲醬放上塊梳打餅上面食，好creamy好濃郁好好食，好食到唔記得要影相。整體而言食物水準都好高，餐廳環境亦都好有feel，值得一試。…Read More

難得香港都有富有日本特色又高質嘅居酒屋～ 依家餐廳都幾多人幫襯，一定要卜位！見到佢地方都裝修得好靚，好有日本風味～首先就叫咗刺身，肥美又新鮮，價錢都好合理感覺似鰻魚，燒到香脆但係唔會乾，香口飯卷嘅份量比想像中多，炸蝦同飯嘅比例都岩岩好，同埋炸蝦keep到脆！帆立貝好大隻，職員會係食客面前用爐去燒，溶埋牛油即刻好香口～帆立貝 本身就係好鮮甜，燒熟左就有爆汁效果呢個甲羅燒真係世界級好食！可以話係喺香港食過最好食嘅～生嘅時候買相已經好靚，職員會即場燒熟，然之後撈埋一齊就食得～ 一食落去就有種鮮甜感！鹹鹹香香，配埋梳打餅食會冇咁油膩啦～分量可以填滿晒兩塊梳打餅～呢個又係好新鮮，魚生夠鮮甜，海膽都唔會好搶味！食落去就係一個新鮮嘅感覺呢個又係可以職場加熱嘅，食材都唔算少叫做應有盡有，不過重點係呢個龍蝦湯好鮮甜！飲得出真係用龍蝦煮嘅上湯，如果加個白飯落去應該會好正！…Read More

今日約咗食黑門水產😍 一直都好掛住日本 好想喺香港試吓甲羅燒🦀 所以一早就book咗呢間 準時六點入到去啦～～ 一入到去係俾佢嘅天花板吸引咗先🤩 好靚好靚嘅佈置呀 真係有起日本嘅感覺🏮🇯🇵 再睇睇餐牌 好多都係好想食好吸引😌最想試就係甲羅燒同埋帆立貝🤣 先講飲品啦～ 🍇巨峰梳打 有氣清新 非常開胃🌹玫瑰梅酒 第一啖飲落去嘅時候都重酒味 到後尾啲冰開始溶 又有另一番風味～ 海膽蟹味噌甲羅燒 $78我最期待嘅甲羅燒呀😍 今次叫左海膽蟹味 見到海膽大大舊 店員會拎左比我地等我地慢慢影完相佢再開始幫我地燒 禁岩我地坐卡位 佢就直接拎個爐起我地面前燒啦🤩 好香好香 好快食得～ 就咁食可能會少少咸 但加埋餅食就岩岩好 真係好好食😋 蟹油蒜燒帆立貝 $78牛油燒帆立貝 $72燒完甲羅燒就燒埋帆立貝啦😍 2個口味都唔錯 蒜燒就比較濃味啲 蒜味都好夠 而牛油味呢燒果陣真係超香 店員仲提我地燒好就要即刻食 熱辣辣好好食😋 帆立貝新鮮冇雪味又夠大粒👍🏻 黑門令大漁魚子醬脆脆包 $78呢個真係好想試🤩 有魚子醬 海膽 吞拿魚 蟹籽 蝦 蟹肉等等 好足料好豐富嘅口感😍 加埋脆脆包真係每一啖都好好味😋 秋刀魚刺身 $228秋刀魚成日都食 但刺身真係第一次試 好鮮又唔會有腥味 可以配佢嘅醬汁或者用wasabi都唔錯😋 脆燒白穴子串 $98呢個串燒燒得好香 表面燒得金黃香脆 咬開入邊嘅魚肉仲係有少少汁 燒得好出色👍🏻 黑門三文魚加州反卷 $98三文魚新鮮 醬油飯包住青瓜蟹柳牛油果 仲有啲蟹籽 好味道😋 整體來講 好豐盛嘅一餐日本晚餐☺️ 食物新鮮高質 環境舒適 店員親切 好有日本嘅感覺😍 一定會再嚟👍🏻…Read More

多得朋友話我知，原來尖沙咀有條韓國街之餘，仲有條日本街 - 棉登徑。黑門水產すいさん門面同入面既裝修都有濃濃既日本風格，食物既外形與味道並重，真好享受呢餐☺️推薦🥳🥳首先叫左3樣招牌菜（黑門令）1.黑門令蟹味噲甲羅燒店員會先將燒前既甲羅燒比食客過目+影相，然後燒。燒後先知原來有咁多膏，非常鮮咸！舖滿2塊餅都仲有多！👍🏻👍🏻2.黑門令龍蝦湯煮海鮮蝦好鮮爽😋魷魚、蠔、螺新鮮之餘，都好入味。3.黑門令大漁魚子醬脆脆包好多層次，有魚子醬、海膽、魚籽、蟹籽、蝦等，脆脆包係十級脆！😋4.極上大漁目燒蝦、帆立貝、三文魚籽、海膽都好鮮甜😋😋5.赤鬼海老天反卷蝦肉爽，炸皮香脆，紫菜都保持到脆，蟹籽魚子份量十足！6.時令秋刀魚刺身店員介紹的😀好新鮮☺️7.黑門鰻魚玉子燒玉子燒好甜滑，夠蛋香味。👍🏻😋8.飲品赤子草莓：草莓漿+梳打汽水海底之心：白桃汁+梳打汽水2杯飲品都好靚，顏色有層次，一睇到都頓時心情放輕鬆☺️仲好解渴添！😋😋…Read More

呢度裝修設計超日本居酒屋🏮播埋超熱血嘅日文歌，瞬間好似去咗日本咁！🥰好開心同新朋友仔食咗超豐富嘅一餐！店員服務好nice！每道菜都介紹特色同食法，仲會幫手網燒添！🥖黑門令大漁魚子醬脆脆包 $78表面放上海膽同黑魚籽，脆脆包類似烘過嘅多士，首先食到海膽鮮甜味，然後喺一齊食好夾！🦀黑門令蟹味甲羅燒 $72超Creamy食落入口即融，蟹膏味超香濃鮮甜☺️ 🦀甲羅燒主要為蟹膏、蟹籽、蟹肉同鵪鶉蛋，店員放低比我哋影相後，然後放上個爐度燒，一路燒一路攪拌，燒好放返隻碟上面，店員叫我哋放混合好嘅蟹膏放喺梳打餅上面食，仲附有一小碟炸蒜吊味～🦪蟹油蒜燒帆立貝 $78店員幫忙燒時候淋上大量蟹油，剪開大大粒帆立貝，方便我哋食用～🍣赤鬼海老天反卷 $158 辛口表面有大量魚籽！食落去中間帶點點輕量辣，包住炸蝦亦唔錯🦐花酒漬甘蝦刺身6切 $88師傅將蝦浸喺花雕酒，所以蝦肉帶有濃厚花雕酒味，蝦肉亦夠爽甜！🧊平目魚薄切刺身 $168超薄切平目魚，白裡透紅，附上帶有少少甜甜哋點點辣嘅醬汁，味道超開胃！🥘黑門令龍蝦湯煮海鮮 $88細細豌但材料超豐富！有大蝦、蠔、魷魚、螺、芋絲、金菇店員將碗放上網度烤，烤到咁上下放底，海鮮味超香！💙海底之心 $68🍍白桃、菠蘿、伏特加，味道以甜味為主，酒精成份較少，飲完都無咩醉～❤️赤子之心 $68🍓草莓七喜…Read More

在尖沙咀走進棉登徑這段小路，總會被這間燈光火盛的日本居酒屋料理<黑門水產>吸引着，為了慶祝生日，特別挑選這間以水產料理為主題的日式居酒屋來慶祝一番。平日晚上，街上人流雖然不算多，不過餐廳內則坐無虛席，充滿人氣，日系感覺氣氛濃厚。幸運地，我地等了不久便可以安排入座。<鐵火卷 $58>鐵火卷入面係吞拿魚刺身，配赤醋日本珍珠米飯，魚肉新鮮肥美。<赤子草莓 $68>顏色很美，充滿少女心，帶草莓果香味道，入口甜蜜。<海底之心 $68>彩藍色調，陣陣青春感覺，帶香桃清新果香味道，入口清甜。<三文魚刺身4切 $58>三文魚刺身是厚切的，魚肉非常新鮮，肉質肥美鮮甜。<黑門角切海鮮沙律 $78>用上甜蝦、三文魚、白魚刺身，蟹子等材料，融合沙律醋和沙律菜，酸酸甜甜的味道，感覺清新開胃。<平目魚薄切刺身 $168>魚肉非常晶瑩通遙，而且質量新鮮，入口鮮甜，肉質非常嫩滑，值得推薦。<黑門令大漁魚子醬脆脆包 $156>矜貴的魚子醬，配上吞拿魚魚蓉、海膽、蟹肉、三文魚子及蟹子，放在微脆法包上，鮮甜味道突出，完全是品味享受。<黑門令蟹味噌甲羅燒 $72>甲羅燒就是將一梳梳的蟹肉，混和鵪鶉蛋的幼滑與細膩，還有惹味的蟹羔，再將烤好的蟹肉，放於薄脆的餅塊上，配上炸蒜，將鮮甜味道與調和的味道混合，非常惹味好食。<黑門令龍蝦湯煮海鮮 $88>龍蝦湯底鮮甜味道尤其突出，配上新鮮冬菇、螺肉、桶蠔、芋絲和金菇菜等，絕對值得推薦。整個用熱鍋盛着，一邊吃同時亦保持到熱度。<牛油燒帆立貝 $72>新鮮的帆立貝，非常厚肉大隻，今夜我們試了兩個味道。牛油燒帆立貝燒得香口，帶有點兒酒香味道，而且牛油的味道非常出眾好食。<蟹油蒜燒帆立貝 $78>蟹油的味道不算強烈，不過能令帶子更為香滑，另外亦帶有酒香味道，入口的感覺盡是蒜香味道，極為濃郁，都幾特別。整體來講，餐廳的食物質素水準都非常高，食材新鮮，日式的煮法亦看得出廚師的心思，每一道菜都相當精緻，而且非常美味。加上個人亦非常喜歡這間餐廳的環境和氣氛，就是充滿正宗日本居酒屋料理的感覺，彷如置身於日本一樣，非常適合同朋友慶祝或打卡，值得再來呵！！…Read More