Tatsujin Ramen

今日放咗工之後有啲事就去咗佐敦，順道約喺佐敦放工嘅朋友食一餐晚飯。我哋當時都冇乜嘢心水一路行嘅時候就見到呢一間特色拉麵店。見佢個裝修幾靚我哋就入咗去喇。一入到去店員就好熱情咁招呼我哋，拉麵店其實唔係好大大概有10多個位置，可能係閒日嘅關係，店內當時亦都唔係太多人。呢一間拉麵店嘅裝修好有特色，周圍都放滿左好多好日式嘅擺設，其中最吸引人嘅就係呢一個一碗入魂嘅木牌。再睇一睇餐牌，佢哋有好多款味道嘅拉麵供應，除咗最大路嘅叉燒黑蒜之外仲有牛肉w達人（即係鰻魚） ，而每一日仲會有限定達人供應添。價錢有＄75至到＄108不等，呢個價位屬於中等水平～除咗拉麵，佢哋仲有好多款小食，例如雞肉串，雞軟骨餃子芝麻雞翼炒雜菜等等。最好我同友人決定分別叫咗黑蒜達人拉麵同埋Miso (味增湯)達人，再加一客燒八爪魚丸小食。過咗一陣，拉麵就逐一送上。朋友嘅MISO味噌湯拉麵，佢嘅叉燒肥瘦均勻而且肉質鮮稔，口感剛剛好至於湯底，中史間佢湯底會再加一片牛油，但依然都唔會太油膩唔會好油啱晒女仔嘅口味。過咗一陣，我嘅黑蒜豚骨湯拉麵都上場喇。湯底亦都係濃而不膩，而且蒜味亦都好重，值得一讚係佢哋嘅流心蛋，糖心晶瑩剔透好有驚喜。最後，我哋嘅小食八爪魚丸子亦都上場，佢一共有三粒，而且每一粒都炸得好香脆，入面亦都有好多八爪魚粒，唔會一食落去淨係成口都係麵粉，再加埋沙律醬呢個小食送拉麵一流。…Read More

今日行左去佐敦搵野食，聽就聽到人講過啦，有間幾出名既拉麵鋪「拉麵達人」，結果我地就去呢間拉麵店醫肚先。餐廳裝潢好有日本風味，好懷舊既感覺，黃黃既射燈射落黎好有感覺。入左店內，好多唔同卡通人物既擺設，有玩具有零食，好似返回兒時，好有童真既感覺。🤖🚗🎮🎪🎲睇左陣餐牌，拉麵款式有12款選擇，其中一款係限定拉麵。而今次我地點選了：「W達人$95」、「黑蒜達人$92」、「雞軟骨餃子$38」。😋🍜「W達人」湯底係鰹魚豚骨湯，用上火炙豚角煮成，湯底比較稠身，飲落好香濃既魚湯味同豚骨湯味，唔會太鹹，而湯底配料有荀、粟米、蔥、木耳、紫菜、糖心蛋一隻開半，配上一件大塊而厚既豚肉，但脂肪比較高，食落好有口感。拉麵軟硬適中，麵身唔會太林太硬，口感豐富。🍜「黑蒜達人」湯底係豚骨湯再加上黑蒜，湯底比較稠身，飲落好香濃既黑蒜味及豚骨湯味，唔會太鹹，而湯底配料有荀、粟米、蔥、木耳、紫菜、糖心蛋一隻開半，配上數件豚肉，脂肪明顯較少，肉質炆到火喉剛剛好。拉麵軟硬適中，麵身唔會太林太硬，口感豐富。🍜「雞軟骨餃子」一碟5件，食落去唔算好多既雞軟骨，但味道好足夠，餃子皮亦唔會太厚。🍽「餐牌」我已經影左上載至openrice既「餐牌」入面啦，方便大家查閱相關菜式。📋…Read More

落雨天總係好想食一大碗暖笠笠既拉面..係佐敦會發現好多條街都有食肆, 唯獨係街尾比我發現一間外在唔起眼,但入面好有日本感覺既一間拉面小店..咁岩當日店內得幾個人~環境都變得好寧靜~~拉面店入面有好多日式玩具做裝飾, 等食期間真係比d玩具吸引住  好細緻啊~當日揀佐黑蒜拉面, 材料十分足夠, 有兩塊大叉燒同硬度岩岩好既拉面唯獨湯底勁濃帶微苦, 相信豬骨湯底應該更好…Read More

已經一段時間沒吃過拉麵，今天路經佐敦發現此店門外很多人等位，味道肯定相當好，反正唔趕時間，等就等吧在門外等候時，看一看店外餐牌，選擇頗多等了差不多廿分鐘，店員安排二人座位店鋪位置不太大，左邊是可自由組合的木檯，右邊靠牆是類似吧檯形式的木制長檯，但座位保留之間保留了足夠空間，不算逼挾餐廳擺滿很多日式擺設和酒類飲品，加上不停播放著日語輕快歌曲，令人猶如置身東京新宿拉麵店。主菜上場，黑蒜達人拉麵，黑蒜湯底超級濃，很杰而且膠，朋友是濃湯愛好者，未吃麵先飲湯。我就點了達人拉麵，與店名相同，估計一定是招牌菜，一試果然無選擇錯，湯底又是超濃郁，叉燒共三片，肉質鬆軟而且隱約帶點燒烤味道，麵質彈牙爽口，絕對值得推介溫泉旦半熟狀態，美味到想多點一隻小吃點了日式芝麻炸雞翼，皮炸得香脆而內裡佢保留肉汁如嫌湯底太杰，可要求清湯溝淡，店主很細心埋單$214；油尖旺區來說是很合理價錢，下次路經一定再試…Read More

是日拉麵日晏畫去左佐敦食碗麵，大概一點鐘到拉麵店，出面已經有幾個人等緊，唯有係附近行一陣再黎～店舖位於轉角位，面積唔大，簡約裝修，散發出一點日本拉麵舖既味道今日天氣好熱，店員見我地等左一陣，就拎左個風扇仔俾我哋涼着先，好體貼店內空間不大，但整齊有序餐牌選擇比起一般拉麵店較多，淨係拉麵就有十款選擇。當然，我哋第一次來就揀番啲推介嘅我選擇左可以美容、保健既黑蒜達人唔洗講，都知個湯好濃郁～黑蒜豚骨湯，濃濃既湯，應該用左大量既豚骨去煲，再配上由黑蒜提出既黑蒜油，令湯底更加升華！糖心蛋好正。煮到啱啱好，介乎liquid 同唔liquid 之間而且好入味男友揀咗W達人! 佢話個湯底更鮮甜，可能係因為豚骨配上鰹魚一齊煲同啱啱嘅黑蒜達人一樣，麵既質好彈牙！客人可以根據自己嘅口味去要求面嘅硬度，今次我地沒有特別要求，但已經很喜歡男友說去肉好好食，油脂分布好均勻，食落有口感，比起平時一般拉麵用嘅叉燒正兩碗拉麵都一樣，配菜（粟米、雲耳）唔算特別多，但我反而好喜歡，可以更專心品嘗拉麵我哋仲叫咗個餃子，一客有六隻，煎到金黃色咁，上碟好靚！ 餃子嘅皮好薄，涵好juicy! 整體黎講係好食既餃子兩人消費＄210，就食到兩碗拉麵同一份餃子總括而言拉麵高質湯底濃郁價錢合理…Read More

今日和友人剛好路經佐頓，憶起早前看過雜誌有關這裡不俗的評價，便索性提起膽子拉門內進。坐進店內，立時看到餐桌旁貼著紙條，標榜拉麵所用的湯底全是用上真正的豬骨熬製，而且無論是湯底的濃稠抑或是麵質的軟硬，食客都可以在落單時提出要求，大大增強了對店家的信心。我點選了一碗「W達人拉麵」($90)，先呷一口湯底，質感很稠，但仍未至忌廉湯的滯膩狀態。縱使湯底膠質感很重，但湯面也未有發生過份的油光。個人最喜歡的是湯底除了有豬骨的香味外，還混合了鮮甜的鰹魚湯，魚香滿溢，層次豐富。拉麵是略帶捲曲的拉麵，很有嚼勁，爽口彈牙，且未有發現鹼水的痕跡，惟份量可再多一點更佳。主角的炙燒豚肉片薄薄一片，入口稍加咀嚼即化之於口，只留下豬肉和油脂的香味，令人回味。配菜的溏心蛋約七成熟，蛋白保持軟滑，蛋黃剛好熟成，流心效果出色，也算是出色之作。友人則選擇了「黑蒜達人」($88)，拉麵的湯底熬製成如墨魚汁般純黑色的湯底，驚覺湯的濃厚程度比我的「W達人拉麵」更要高，而且滲入了各種複雜的味道，層次更為豐富，還帶有一點黏口的感覺，骨膠感頗重，可算是用心熬製的湯底。拉麵附有兩小片薄薄的火炙叉燒，一小一大，小的偏瘦，大的半肥瘦，肉香出眾之餘，白色的脂肪比例很少，肉質嫩滑。吃過拉麵後，都只有四成飽肚感，完全意猶未盡；我們再追加了一客「雞軟骨餃子」($36/5件)，餃子內有香脆的雞軟骨作餡料，配以煙韌的餃子皮，為是日的輕便晚餐畫上句號。…Read More

今日一個人出尖沙咀想剪頭髮，搭西鐵去柯士甸站出，下午兩點未還未進餐，好肚餓，找尋附近有什麼好吃的，選了拉麵達人，聽朋友說這間是排隊店，難得今天平日午飯時候來到，應該不用等位吧，結果剛好有一個位，幸運。黑蒜達人$88湯底是黑蒜豚骨湯，大蒜以高溫提煉製成黑蒜油，有保健養生之用。豬骨湯底用上多種豬骨熬而成，含豐富骨膠原，湯底比較稠身，的確喝到膠質感，但又不會章住咀。黑蒜令豚骨湯底味道提升至另一層次，格外香濃美味。拉麵配上兩片叉燒、粟米、蔥、木耳、半隻半熟蛋，叉燒好軟熟，有入口即溶之感，粟米粒粒飽滿香甜，木耳爽口，半熟蛋軟嫩流心，蛋味香濃。紫芋年糕$25共有兩件，各切一半，烤到外脆內軟，口感軟糯煙靭，紫薯細滑濃厚，如果餡料可以多點就更好。而它附上沙律醬, 個人覺得沙律醬和紫芋年糕不太夾, 年糕單吃就好了。…Read More

我地經過門口已經覺得裝飾特別，有濃郁既日本風味。而且有好多吾同既舊式玩具擺設，莫名有種返到細個既感覺 我點了達人拉麵~是濃厚的豚骨湯底喔。麵條偏向幼身，軟硬度適中(掛湯能力亦覺得合格)唯一可惜是 溏心蛋有少許熟了(蛋黃邊的位置)，所以建議大家先吃蛋 免得不小心就沉下去~湯底挺濃縮~另外這個有黑蒜，一個字：香！ 感覺更加惹味了~豚肉肥瘦比例適中，表面有少許的黑椒 芝麻點綴，咬下去口感比較軟身~我喜歡它有很多蔥和木耳絲配料，增加整體味道！紫芋圓的餡料味道較淡，雖然炸至金黃色 也很脆身。但稍嫌油膩感重，而且醬汁不太配搭，導致偏鹹了。友人覺得 外皮炸粉可以薄一點，加多少許紫芋~應該會更吸引！流心度很重要阿。整體也算滿意的~環境加很多分 有舊時光的感覺下次想吃軟骨餃子呢！期望再去時會有驚喜！…Read More

浦一進店，很有日本家鄉風味，小小的玩具擺設更添親切感。店的尾尾小是廚房，還有一個小小玻璃窗可以窺探一下內在的激烈戰場。設備簡潔得來還是很齊全的。可愛小風扇，好啱我地啲港女呀"W"達人（鰹魚豚骨湯） ＄90厚燒叉燒呀！！！又厚肉又大件！！！肉味很強，把叉燒外層的脂肪輕灸成小焦令叉燒多了一陣香烤味道。（補充，太心急咬左一大口叉燒先記得影相）湯偏甜亦鮮，可能是以鰹魚餚製再加上豚骨底的香濃。麵，是幼面，充滿旦香和彈牙黑蒜達人（黑蒜豚骨湯）＄88黑蒜是近年興起的健康食品之一，拉麵都要趕上潮流，黑黑的豚骨湯帶着小許的蒜香和豚骨的肥沃，每住拉麵都沾得上，也愛它跟的芽菜，令原本的濃味帶出清新別有一番風味，而絲絲的芽菜size和幼身拉麵也相當合拍，還有炸蒜脆口和甘香。重點還有叉燒，一點都不肥膩，小小焦的核心外圍加埋嫩滑的核心內圍叉燒口感形成對比，肉香，大愛！！！吉烈煙肉菠菜餅 ＄25一上場，勁香！！夾落還感覺到麵包糠的脆，咬落shot shot 聲，外層勁香和鬆脆，中間很柔軟。味道方面，小顆粒的煙肉是很香，菠菜撈薯蓉亦很夾味和清新....結論是外脆內嫩又香又fresh！！！！加埋沙律醬又增添滋潤感和奶脂香！！！…Read More

朋友父母回鄉，嚷著家裡無飯開，作為好友是發揮功效的時候，陪他解決一日一餐，順道聯誼一下吧。朋友說想吃拉麵，人在佐敦，看看附近有甚麼拉麵店吧。走過拉麵達人，看著其門面挺有風情，一於選它吧。走進店內，裝潢很有日本風情，擺放了很多帶有日本特色的小裝飾。先來一份小食！芝麻雞翼芝麻雞翼一份2隻。雞翼上灑了一些芝麻一起炸，但芝麻味不太香。雞翼新鮮炸起，十分香口，咬下去是熱辣辣的；火喉控制很好，炸至金黃色，雞皮脆身，不會過乾。黑蒜達人黑蒜豚骨湯拉麵，湯底由豚骨加上黑蒜熬製而成，湯底味道濃郁，黑蒜味很香，但略嫌帶點油膩感。配料有2塊义燒、溏心蛋、木耳、芽菜、蔥花、粟米粒、炸蒜，味道豐富。义燒煮得入味，但不會太稔，肥瘦適中；麵質彈牙有咬口。溏心蛋不夠流心，只有蛋黃中間是流心，尚有改善空間。櫻花蝦達人"本店推介"的櫻花蝦達人，湯底用了濃蝦醬油，散發著很香的蝦味，帶有海洋的感覺。這個有點像海鮮拉麵，配料有炸蝦、蟹棒、帆立貝、木耳、粟米粒、蔥絲。炸蝦的炸粉團吸了湯底以致軟稔稔，幸大蝦佢然爽口彈牙。帆立貝是急凍帆立貝煮熟，放於麵中，淡淡的有欠味道。最後一提，店內的裝飾使人愉悅，店員亦殷勤，但冷氣不足，吃得冒汗。…Read More

從佐敦道裕華百貨轉入吳松街，第一個映入眼簾的，就是這家日式裝潢的拉面店，木板的招牌與外牆，與街上其他港式餐廳相比，別樹一格。這家專吃拉面的店，有點像日本街巷中的隱世小店，而且門口貼著新假期推介，應該有信心保證。和很多拉面店一樣，店內放滿清酒玻璃瓶作點綴裝飾。來一客小吃開開胃，很少見到芋頭小吃，朋友點選了芋頭年糕，煎得薄薄的，咬落煙煙韌韌，芋頭甜度剛好，不過小碟附上蛋黃醬，與甜吃好像有點不太配合，蛋黃醬大多配煎炸咸吃吧。面書上不時都有朋友更新日本的賞櫻照片，我也來一客櫻花蝦應一應節好了。蝦身炸得香脆，不過要趁早吃，放久了就會蝦浸得軟腍。湯底是濃郁的蝦湯，也有蟹棒和帶子，大大增加海鮮味。拉面可以向店員提出隨便加辣，要了少辣，但似乎程度太少，完全吃不到辣味。朋友受出前一丁黑蒜油味的薰陶，久久以前已經愛上這種味道，毫不猶豫就選了。面頭的黑蒜味很香，渴一口湯已經滿口蒜味，附上的豚肉薄切得入味，雞蛋浸久一點蛋黃也被黑蒜味沾染了。店內拉面都可選擇硬度，可以要軟一點或硬一點，我選擇吃最正統的沒有加要求，但好像已經有點偏硬，所以喜歡吃軟腍的面不妨直接選擇軟面吧此外，餐廳的加辣好像程度不算上什麼，而檯面上也沒有辣粉等供應自行調味，略微有點失望。…Read More

陪朋友仔去診所拎番份report後, 大家都有d餓, 其實佐敦一帶的確好多野食, 但又唔想食茶仔麥記突然比朋友見到有間外面掛著紅燈籠的拉麵店, 其實門市細細, 好易被走漏眼自月頭去完日本旅行番黎都無再食過拉麵了, 一於試試入到店後, 地方唔算大, 大約有十多個坐位, 不過就好有日本既居酒屋風味掛著"一碗入魂"的牌匾, 好似好堅咁喎, 真係要試過先知店內仲放咗一排日本燒酒樽同埋好多日本懷舊玩具, 我仲見到有兩朵小丸子既帽掛咗起牆上面添望過Menu後, 見到店內標註著佢地既豬骨濃湯係經過多種豬骨新鮮去餚煮含豐富既骨膠原 (女士聽到一定好喜歡) 所以湯身會較稠濃如果唔太喜歡飲杰湯既, 可以在落單時同侍應講聲同埋麵既軟硬度都可以任自己口味來order的, 呢2點我覺得做得很好很貼心不過我地第一次來, 就當然要試下"原味"先啦~落完單又環顧周圍環境, 檯上原來放有幾款特別既調味除一般的七味粉,芝麻之餘, 仲有一樽叫昆布醋同埋原粒蒜頭供客人添加其實昆布係一種有益養生的健康食物, 相信昆布醋是減低飽滯油膩感, 不過我不太呻醋, 所以沒有試了除以上講的調味之外, 店主更拿出佢地既特產: 辣醃菜佢話食得辣既朋友先好加呀, 因為都幾辣下 (啱我)好了, 我點的黑蒜達人來了~侍應送上檯時著我們要小心熱, 最初以為是講緊湯同d麵, 原來係個碗都好熱架, 咁樣就可以保住湯既溫度, 雖然是小店, 佢既細節位係比坊間做得好好, 好細心黑蒜達人入面有半邊溫泉蛋, 2片半肥瘦叉燒, 粟米, 乾蒜, 蔥花, 個底仲有d芽菜可能你地會覺得黑蒜油可以再多少少, 但...我覺得係適中, 因為我唔鐘意太油, 通常都會有一朕油起面女仔怕肥嘛, 所以我覺得啱啱好好, 講到個湯底咁勁, 識食拉麵就一定係先試一口湯先啦~ 湯底就是拉都的靈魂所在wow....飲完我用呢d表情去表達 >>> 喂, 真係好濃, 濃唔一定係咸或味精味, 口感又唔會好似食碗仔翅果d咁杰身麵是幼身的拉麵, 我唔鐘意食淋麵, 對我黎講軟硬適中, 份量都唔少因為想飲多d湯既關係, 個麵係食唔哂囉另外之前講店主介紹果隻辣醃菜, 我都有試少少, 如果就咁食就一定辣既, 加入湯一齊食就好d不過唔想影響湯本身既味道, 我都只係加左少少啫朋友的牛肉達人, 湯底是3選1, 佢都係揀左濃厚豬骨湯, 其餘2款湯我忘了, 好像有款是辣的牛肉是薄切, 唔韌!佢對呢個濃湯都大讚, 平時好少見佢飲湯, 今次佢都飲左唔少小食就點咗個炸雞軟骨$25, 全部都唔係細粒, 微脆有趙口, 如果加枝酒就perfect啦~頭先講既原粒蒜頭, 食法係咁呢↓壓一下就榨成蒜泥, 題外話, 呢度除咗拉麵之外, 仲有飯類供應↓↓↓超抵呀! 啱哂大胃王, 至少一次過滿足3個願望 (有湯, 有麵, 有飯)…Read More

天寒地凍，最好就係食碗熱騰騰拉麵…望住餐牌…爭扎於濃厚豬骨湯同黑蒜豚骨湯之中…最終選左黑蒜豚骨湯！上枱…蒜味香氣重，一層黑蒜油係面既豚骨湯，好吸引！湯…濃而唔咸，有好重蒜味，豚骨湯濃度適中，掛麵。流心蛋蛋黃正常，但係蛋白就好實。拉麵食唔出好特別，唔係好煙韌…重點係個叉燒…收88蚊，左搵右搵，都係得一塊！雖則拉麵重點唔係叉燒，但得一塊就有少少那個。橫綱都係一塊，厚佢4倍，面積大2倍…都係收呢個價錢！除左個湯唔錯外…其它只屬一般！…Read More

放工後又要準備晚上到佐敦進修，中間有個半小時，平常我多在附近隨意吃碗米線，但今日有人甘乖主動送我番學，就食佢鐘意食既拉麵喇！ 黎到一直想試既達人拉麵，之前每每經過門面，都覺得好有深夜食堂的感覺，有種隱世小店的低調，但從中又看到裝潢的用心。 入到店內，發覺店內裝修比店外更有日本純樸的味道。全木板裝潢，有鐵皮簷篷掛在牆身，連同鐵線燈膽，營造出古舊拉麵店的形象。拉麵製作需時，小食搶先送上。 炭燒雞肉串 $36未食到拉麵，想不到小食已經溶化了我。炭燒厚身雞扒配上濃厚燒汁，再有蛋黃醬及香草，整個配搭超有層次，味道有照燒汁的甜味、有蛋黃香味，又有香草香及檸檬酸味，十分豐富！ 櫻花蝦達人 $95主角到！我點的櫻花蝦達人湯底是以「濃」蝦醬料炮製而成。奶黃色的湯，味道充滿鮮蝦味，質感濃稠但不油膩，我差不多把湯喝光光。配料有櫻花蝦、帶子、蟹棒、糖心蛋、昆布及粟米。特別欣賞糖心蛋的生熟程度拿捏得剛好，蛋黃能保持要流不流的狀態最吸引。櫻花蝦很大一只，外殼略炸，蝦肉紮實。而蟹捧亦是相當飽滿！麵條屬幼身，有嚼勁，吃起來軟硬程度剛剛好！ 黑蒜達人 $88高溫提煉的黑蒜油配以熬製十小時的豬骨湯，喝得出香、滑、濃厚。拉麵配以日式叉燒、糖心蛋、芽菜、炸蒜、蔥、粟米及木耳，單看賣相已滿分。日式叉燒肉與脂肪分佈平均，厚切果然就是吃起來有啖啖滿足感。 店內還有多款調味品讓你自己調配一個你喜歡的味道，磨芝麻、壓蒜頭都能自己動手，很好玩！我覺得櫻蔥蝦達人配上芝麻碎，會更香。而黑蒜達人再加上生蒜蓉則多了一種辛辣，很過癮。這一餐晚飯吃得很滿意，店內播放的舊式電視劇主題曲，真是首首都充滿回憶。食物用心，吃得出一碗拉麵背後滿滿的誠意。真心覺得這家拉麵應讓更多人認識。…Read More

終於有一日可以早小小放工，咁當然係約朋友食餐飯架啦。咁岩就經過呢間......無錯~ 就係拉麵達人啦。其實門面都好似幾吸引，所以決定入去一試。入到裡面~ 都幾有特色，放左唔同既公仔同日式酒瓶係到。再看看餐牌，其實價錢都唔係太貴。所以我就點左一腕.....麵上面一層厚厚既黑蒜油，再加上特濃既豬肉湯。喝了一口，濃郁既豬骨味在口中散發。麵都算夠彈性，不過叉燒就差左D，唔係幾夠味。而且加左蔥花，入口更加香。仲有粒半熟旦，食洛去又滑再加小小流心既旦黃。完全溶入在麵中。其實味道都算唔錯，仲有提供檸檬水。食完飲返兩啖清下D味都唔錯。…Read More