Tsukiji Japanese Restaurant (Island Beverley)

這天晚上我約了家人去銅鑼灣吃晚飯，經過朋友的推薦，我們便決定來到這間日本菜試一試，店內環境明亮和清潔衛生，店內客人是坐滿的，證明食物質素應用有一定的保證，餐廳會播放音樂牛油果軟殼蟹卷($48)青瓜爽口，牛油果清新淡雅，軟殼蟹彈牙，用蟹籽鋪面，壽司是用日本米，質素非常高，十分足料牛肉野菜壽喜燒($88)牛肉稔香軟彈，肉味非常濃，質素非常高，溫泉蛋十分嫩滑和新鮮，豆腐嫩滑細密，白菜爽口，冬菇軟彈煙韌，白菜仔爽口微彈，秋葵彈牙，壽喜燒湯底清甜芝士玉子燒($58)章魚十分新鮮，醬汁味道酸酸的，令人非常開胃，玉子雞蛋香軟鬆綿，芝士份量非常多，芝士味道非常濃郁，用生菜絲鋪底黑蒜油豬軟骨拉麵($78)豬軟骨非常香稔軟嫩，非常新鮮，拉麵十分軟身，吸收了黑蒜油湯底的味道，份量非常多海膽三文魚籽花之戀($34)三文魚籽富有水份，海膽清新淡雅，腥味比較少，厚切三文魚稔香軟彈，十分肥美，十分新鮮火焰芝士三文魚腩($14)用火槍燒，令到芝士和三文魚腩融合一起，芝士味道很濃郁，三文魚腩油脂分布十分完美，質素非常高，非常新鮮蟹膏花之戀($26)花之戀，是用三文魚刺身包住壽司飯，面層再鋪一層鮮甜的蟹膏，十分豐富整體來說，食物的質素非常高，食物的份量非常多，食物的用料非常新鮮，食物的賣相非常吸引，食物的選擇非常多，每張枱都有七味粉，胡椒粉，鼓油，芥末，價錢相對合理，而店員亦有良好的服務態度和積極，所以我認為這間餐廳是值得再去惠顧…Read More

因為約咗人係維園等，所以諗好耐邊間餐廳又好食又抵食，終於決定去"築地"。上次嚟係食午飯覺得都幾好食，所以再嚟幫襯。叫咗：- 黑蒜油豬軟骨拉麵起初怕怪怪地既港式拉麵湯底，所以預咗唔太好味，點之湯底好香既香蒜味，味道好濃但唔係好咸，而麵好爽。份量亦不算少。豬軟骨炆得好淋，味道亦很入味。配料亦很適中，令我很驚喜。- 廣島蠔釜飯這個飯需時，所以差多不食完才到。上枱後亦要熰四分鐘左右，才可以開餐。蠔都算大只，但只有兩只。飯內有少少菇粒，食時會有陣陣香菇味道，不過要食到最尾才有蠔味。- 咖喱豬扒飯豬扒大件，而且炸得好脆口，但味道不算juice，肉質有少少乾。咖喱有少少微辛，味道很濃很香。- 日本芝士年糕外脆內軟，味道不算太甜或大咸，唔太覺有芝士的味道，食起來有點似炸煎堆的味道。- 汁燒魷魚筒魷魚筒好大只！燒得好爽口，每啖都食到好香魷魚的鮮味，而醬汁好好味，無搶到魷魚的味道，反而帶出魷魚的甜味。極力推介！- 鹽燒牛舌一串有三大塊牛舌，每一塊不算太厚，可以說是適中吧！可能煮得過龍，所以有少許韌。這次晚飯有個小插曲，原以為咖喱豬扒飯有兩款，一款有蛋，另一款無蛋，呢排要界口，所以叫無蛋個款，點知原來無蛋個款是 "豬扒煮蛋飯" 完全沒有注意到，而落單時只說數字，完全沒有留意，這是我的責任。我沒有多說，他們主動替我更換，使我無限歉意及謝意。另外，他們給小朋友的碗會用熱水浪一浪先給我們，真的感受到他們的優質服務！…Read More

這間居酒屋位於金百利廣場樓上，是一間良心小店，食物有不少選擇，如燒物、炸物、鍋物、刺身、壽司、拉麵、丼飯等等。黑蒜油豬軟骨拉麵 - $78想不到拉麵也頗出色，湯底有著濃郁豬骨湯味和惹味的蒜頭焦香，加上栗米粒、蔥花和炸蒜，更添口感；豬軟骨沒有骨，但肉質燜煮得入味又軟嫩，幾近入口即化；拉麵份量頗多，軟硬適中，有彈性。芝士雞卷 - $65即叫即炸的雞卷有著金黃酥脆的炸衣，毫不油膩，中間卷著飽滿的雞腿肉特別爽嫩，中央有小許芝士、青瓜和蘿蔔，加上芝士醬，口感很豐富。紫蘇梅醬雞柳串 - $32即叫即燒的串燒，雞柳不會燒得乾柴，反倒想點微焦更惹味，還包裹著紫蘇葉有著獨特的葉香，以及酸酸甜甜的梅醬。…Read More

之前返工都有叫外賣，因為真係好抵食，記得外賣自取試過有七折定八折🤔總之一個照燒雞扒飯折完都係20幾蚊😂未試過食晚餐，所以今次試吓，放咗工同朋友20:00左右到，已經坐滿九成，我哋揀咗好多嘢食，好似餓鬼上身咁🤣牛油果軟殼蟹卷 $48牛肉野菜壽喜燒 $88魷魚雞肉卷$88自家製餃子 $38金菇牛肉卷 $38黑蒜油豬軟骨拉麵 $78咁多樣嘢食質素都好平均🙌🏻我最鍾意牛肉野菜壽喜燒同牛油果軟殼蟹卷😋😋魷魚雞肉卷都好特別，魷魚🦑彈牙有咬口，雞肉口感嫩滑，雙重口感。本來仲想食甜品嘅，但已經冇晒位🤫😂…Read More

好耐冇去過日本，約埋朋友去日本居酒屋朝聖，揀咗築地日本料理，位於銅鑼灣地理位置非常方便。一去到門口已經俾佢嘅日式擺設吸引，猶如置身日本一樣，即使平日客人都好多，要坐卡位一定要訂坐！落單嘅時候見到Menu花多眼亂，揀咗好耐，最後選擇左幾款非常吸引嘅美食都好，質素好好，推介俾大家。頭盤叫咗牛油果軟殼蟹沙律，軟殼蟹分量多牛油果🥑熟得啱啱好，作為頭盤非常開胃。煮食就叫咗海之逸魚生當，同埋黑蒜油豬軟骨拉麵，魚生飯刺身種類非常多，下面係壽司飯，仲有青瓜等等配菜，整體非常不錯(*¯︶¯*)拉麵意外地高質，湯底黑蒜油味非常濃烈，豬完骨淋身有彈性，拉麵質素可以媲美拉麵店小食就一定要叫嘅，芝士蛋卷同雞卷都非常出色。芝士蛋卷好粥了，除咗蛋之外入邊仲有芝士，食起嚟有飽足感之餘仲好邪惡添。芝士雞卷外皮炸得非常趣，雞肉入面仲卷左青瓜等等餡料，味道口感都平衡得好好。…Read More

銅鑼灣不嬲都好多好嘢食，而金百利中心就係一個集中地，隨便上一層都好多餐廳，今次介紹嘅呢間就係喺金百利中心7樓嘅築地。必點嘅係黑蒜油豬骨拉麵，因為見到好多人都推介所以就決定要試吓，果然一上就聞到好香嘅黑蒜油味☺️☺️豬軟骨好夠入味同埋軟熟，超正，有少少似滷水嘅感覺😆好味，下次嚟會再叫呢一個除咗呢一個都叫咗啲壽司🍣個人最鍾意火灸，所以就叫咗火灸三文魚壽司🍣火灸味好香好味，仍然係最愛，加左芝士個款口感更濃郁仲叫咗一個三文魚三味，可以每樣試少少牛油果軟殼蟹卷都好好味😋炸物仍然有香脆感，牛油果增加左新鮮嘅感覺最後要推介嘅就係甜品拼盤😍😍可以一次過食晒依間野嘅甜品，就好似食甜品buffet咁，每樣試一啲！有柚子蛋糕🍰、奶凍、抹茶雪糕同tiramisu 🥰 雪糕係淡淡地嘅抹茶味，其他全部都好食，雖然好飽但係都清晒！😚😚…Read More

前排銅鑼灣好熱鬧, 我都黎呢頭搵下食😂😂 又掛住鄉下, 搵下日本菜食🇯🇵 發現呢間極高性價比小店, 入咗我黎銅鑼灣嘅飯堂list!精選二人前套餐 ($298)有沙律+小食+串燒拼盤+2個主食+甜品+2杯特飲, 咁多野食, 竟然抵到咁!以為主食之外的餐點會細細份, 單知份量全部都唔細!😦蟹子沙津 : 一上碟個份量嚇親, 好大碟XD, 好多蟹子同蟹柳絲!海鮮野菜天婦羅: 小食有6款揀, 揀咗天婦羅, 有2件, 份量又係拳頭咁大, 包住蝦、魷魚、南瓜等, 外層炸粉唔厚, 好鬆脆👍🏻串燒拼盤: 有”燒菠蘿+雞翼+雞柳, 燒菠蘿爆汁又鮮甜, 雞翼香脆身又唔會太油, 雞柳都好juicy, 幾高質!牛肉野菜壽喜燒: 主食4選2, 叫揀咗壽喜燒, 牛肉好多又唔肥, 絕對唔係cheap cheap肥牛料, 仲有一粒半熟蛋, 野菜索晒壽喜燒湯底食一流呀, 仲跟埋加左味素嘅飯, 食到呢到我已經飽咗😝黑蒜油豬軟骨拉麵：另一款主食, 黑蒜味重, 雖然比唔上拉麵專門店, 湯底較油, 豬軟骨較韌身, 但麵身搭夠, 係九洲幼身拉麵, 都幾彈牙北海道牛乳奶凍：食完太飽, 完全唔記得仲有2個甜品, 仲叫埋單走🤣🤣 綠茶雪糕正常唔多講, 奶凍就幾好食, 奶味濃郁又夠嫩滑!☺️板燒香蒜牛舌：由於我係燒牛舌控, 見咁抵食都叫碟黎食, 係薄切牛舌, 連鐵板燒上, 個賣相有d似燒切片嘅腸仔XD 唔算好彈牙, 不過不失, 燒汁多咗少少, 食得多會有少少咸, 呢個價錢黎講可以接受, 但下次會叫下其他小食XD😝❗️P.S： 跟餐仲有兩杯野飲, 大杯又解渴, 食完咁多野都未飲完, 呢個set真係勁抵食! 佢仲有豪華版2人前, 有埋刺身set同再多D野食, 我細食就真係搞唔掂😂😂 …Read More

銅鑼灣日本菜🇯🇵《築地日本料理》放假去銅鑼灣shopping，行完街要醫下個肚，平時最鍾意去金百利廣場覓食，而又好掛住日本，掛住魚生，所以揀咗築地🥰———————————————-三文魚腩刺身 $68食日本料理三文魚腩係必不可少嫁！我已經掛住左呢種味道好耐啦🥺食落口滿滿嘅魚油味，真係好滿足🤤三文魚親子丼 $115雖然只係三文魚，但並不比三文魚腩失色，只係丼飯既三文魚，但都非常厚切！😍七味燒鮭魚旗 $38呢個部位嘅三文魚真係好嫩滑，加啲檸檬汁落去可以中和返油膩感🥰黑蒜油豬軟骨拉麵 $78鍾意食豬軟骨嘅你千祈唔好錯過呀🤩築地嘅豬軟骨真係炆得好淋！我好耐冇食過咁淋，咁入味嘅豬軟骨啦😍而且湯底嘅黑蒜油味好濃郁😋燒雞軟骨 $28有燒物嘅地方，雞軟骨都係我既必點😆同朋友一啖接一啖好快就解決左佢lu😝————————————————環境：👅👅👅👅食物：👅👅👅👅性價：👅👅👅👅服務：👅👅👅👅…Read More

築地真係可以話係銅鑼灣最經濟實惠的日本餐廳，價錢非常合理之餘，質素亦不錯。前排同朋友在銅鑼灣行街後想不到吃什麼，就再次去築地食😝今次仲意外地發現他們的拉麵也不錯的！黑蒜油豬軟骨拉麵的湯底好香蒜味，配上麵質幾好的拉麵，香濃惹味。而且出乎意料地多豬軟骨嘅軟骨，整得軟淋淋的，口感好好。去日本餐廳總要吃點刺身才滿足，海之逸魚生丼雖然只是$108，但款式非常多，三文魚同油甘魚更加是厚切的！帶子和北寄貝魚生則幾鮮甜，下次要食海膽丼😋😋😋餐廳還有燒物、鍋物、串燒等，真係食幾多次都總有新意！…Read More

日本料理向來是友聚的首選，和朋友來到出名多餐廳，而且價錢親民的金百利廣場，搵食前，望望電梯旁醒目的水牌，選一間適合的餐廳，是明智之舉。這日，在十多間餐廳之中脫穎而出的是廣場7 樓的『築地日本料理』， 餐廳貫徹一般日式居酒屋風格，放滿日本酒擺設也有魚缸，特別之處是餐廳整壁牆上貼滿了日本築地市場風貌的壁畫， 別具特色。場內爆滿，等了5 分鐘，被安排坐在窗邊的卡座，正感幸運之際，鄰卓滿口粗言穢語， 大聲談論，實在影響心情。餐牌選擇多元化由於價錢相宜，我們放任的點餐。餐牌選擇多元化～由於價錢相宜，我們放任的點餐。🎐 牛肉野菜壽喜燒食日本菜，通常會點一客壽喜燒，貪其可食到蔬菜之餘，也有甜美湯水享用。 這裡的壽喜燒用方形鐵鍋盛載，樣子吸引，牛肉，冬菇，黃芽白，小棠菜，紅蘿蔔和豆腐整齊排列，水微滾，牛肉熟後，便請店員幫忙關火 。味道方面，由於先食拉麵， 牛肉長時間浸在湯內，也無礙嫩滑口感，值得一讚，多款蔬菜同煮，使得湯水特別可口。🎐炸軟殼蟹天婦羅軟殼蟹炸得不算太乾爽和酥脆，勝在蟹的品質優良，入口蟹膏滲出， 鮮甜而且啖啖肉！🎐黑蒜油豬軟骨拉麵蒜油貨真價實，未食已經聞到強烈蒜味，拉麵盡吸湯底精華， 香濃煙韌，主角豬軟骨大件且炆得軟淋，入口骨質像啫喱般融化，味道比想像中更好。壽司選擇特別多，最便宜10元有交易，點了幾款壽司品嚐，其中火炙芝士三文魚腩最為出色，魚腩油脂豐富，魚油，芝士，燒過的香味在嘴巴內合體， 讓人不介意多食幾件。😆食飽飲醉，連加一，除開每位220元，便可嘗盡天婦羅， 壽司，拉麵和壽喜燒，價格親民，味道不錯，難怪顧客源源不絕，可以一試。…Read More

今天和太太來到銅鑼灣逛街，晚飯時間很自然地來到金百利廣場，這次選擇了日本料理的「築地」位置：銅鑼灣Sogo旁的公司百利廣場7樓，地點相當方便環境：餐廳看上去面積少，但座位亦有很多，環境也沒壓迫感服務：店員端茶密，下單上菜亦快食物：味道好，選擇多，可惜魚頭很快沽清炸軟殼蟹天婦羅（$68）最先上的食物，軟殼蟹炸的香脆又不算油膩，份量亦有不少，算是不錯炎辛地獄拉麵（$78）我最喜愛吃地獄拉麵，而這裡的只是一般的辣，但勝在香辣開胃，拉麵質地煙韌，配有兩隻蝦和一片日式叉燒，及配菜的海苔、玉米粒、木耳及香蔥。蝦算是新鮮，蝦膏味濃:)日式叉燒比較厚身，肥瘦適中，味道幾好黑蒜油豬軟骨拉麵（$78）太太愛吃豬軟骨便選了這款拉麵，黑蒜油湯底很香濃，拉麵同樣質地煙韌，配菜同樣有海苔、玉米粒、木耳及香蔥，而主菜的豬軟骨煮得很淋及入味，而且很大塊和很重肉香另選了四款壽司跟太太分享：蟹膏蟹肉軍艦壽司（$14/件）蟹肉鮮甜，蟹膏濃而不腥，質素滿意火炙芝士熟蝦壽司（$12/件）火炙芝士溶在熟蝦上，很Juicy而蝦亦鮮甜火炙芝士三文魚腩壽司（$14/件）芝士在三文魚腩上燒永遠是最美味的，芝士混合三文魚腩，入口即溶蟹子軍艦壽司（$10/件）蟹子算是新鮮，但沒什麼特別驚喜:)牛肉野菜壽喜燒（$88）原本是想點油甘魚頭鮫鍋，可惜售罄。改選壽喜燒，味道比想像中出色。牛肉新鮮而且有幾大片，配合生雞蛋、生菜、冬菇及百福豆腐等，使湯底很鮮甜，鍋的份量亦有不少原本對金百利廣場的食肆沒什麼期望，想不到這家日本料理卻比想像中出色，味道固然不錯，環境及服務均有一定水平，難怪能成為這座廣場中少有客似雲來的餐廳…Read More

日本料理一直都係我至愛🥰呢間築地日本料理餐廳坐得好舒服，食物又唔錯！重點係杯茶，每一杯都會跟一個獨立茶包，水滾茶靚😂🦪吉列炸生蠔四大粒炸到脆卜卜嘅生蠔，咬入口蠔汁出哂嚟！炸得啱啱好，唔會太乾，又夠大隻👍🏻👍🏻👍🏻🍙海膽帶子卷一口帶子刺身加上火炙海膽，味道鮮甜！配上牛油果加青瓜，口感柔軟加爽脆👍🏻👍🏻👍🏻🥠日本芝士年糕外脆內軟嘅芝士年糕，食極都唔夠喉😋🍜黑蒜油豬軟骨拉麵點解？點解？一碗望落平平無奇嘅拉麵點解可以咁好食㗎🤩豬軟骨嘅size差唔多有手掌咁大呀✋🏻質地炆得好腍！味道有啲似扣肉味，夠入味！拉麵煮得夠彈牙，而且條條分明，每條都掛上湯汁，一流👍🏻黑蒜油夠哂香，飲落又唔會覺得好油膩👍🏻喺香港好難得食到一碗煮得咁好嘅拉麵😍感動🥺🍱三文魚海膽丼厚切三文魚，配上鮮甜海膽加埋一件玉子，猶如喺日本食到嘅味道👍🏻…Read More

每次到銅鑼灣晚餐都只懂到地鋪或商場內的連所餐廳用膳，總覺得乏味無新意。那晚友人帶到我樓上餐廳用餐，感謝她讓我發現了這間性價比頗高的日本餐廳！築地位於金百利廣場7/F三間餐廳中其中一間，餐廳主要以黑灰色為主，主牆身貼有一幅築地魚市場檔攤的海報，頓時從深實的顏色中變得有生氣。現時疫症有所緩和，餐廳雖不用等位但座無虛席餐廳提供信封與每枱一瓶消毒噴霧，還提供消毒濕紙巾用餐前使用，一切的抗疫法寶使我倆更放心見到有2款二人前、1款四人前及1款一人前套餐選擇，心中簡直有解脫的感覺，二人終於不用糾纏在點選食物那步驟當中，其套餐更相當豐富，第一次到訪的我對每款食物都大感興趣，決定點選1款較簡單的二人前及追加壽司8件蕃茄上鋪著沙律菜並撈過柚子沙律醋，柚子醋帶動了蔬果鮮，而蕃茄多汁非乾身，味道偏甜應撈過糖粒，冰梅夠冰凍但並非想像中多肉多汁，而且梅味清淡，最可惜是一碗內只有冰梅一顆每次看到「咋咋」聲的鐵板呈上時總覺特別餓，蒜與牛香伴隨著聲音四散，牛舌比起以住品嚐過之串燒牛舌來得厚，保留到爽脆之餘還多添一份嚼勁，蔥與蒜充分吸收鹹香醬汁，並包裹著每一片牛舌，味道更惹味雞翼整體較乾身，可以剪開燒容易令水份流失，但雞皮與雞肉表面也脆身，少許鹽巴灑在雞翼上帶出雞肉味。燒焦後的菠蘿有如增添了一層薄膜包裹著多汁菠蘿，味道偏酸有開胃去油膩感覺。雞肉串雞肉頗大件，同樣燒至表面帶微脆，但略嫌較乾身乏味頗大份量的一盆壽喜燒，內裡包含娃娃菜、豆腐、粉絲、南瓜、肥牛片及溫泉蛋一顆放在中央，還附上白飯一碗，香甜湯底令蔬菜粉絲帶清甜，肥牛大約有4-5大片，較厚的切片方式加上脂膏分佈不算平均，所以咀嚼時更有嚼勁，而且更飽肚，2人吃過壽喜燒後已有七成飽，那是意想不到的份量！買相十分吸引，食材一點也不吝嗇，有粟米粒、木耳絲、蔥花、紫菜及兩大件豬軟骨，湯底帶有幽香蒜蓉味，卻欠卻黑蒜香與味，令濃郁度有所下降。豬軟骨相當嫩滑，肉質鬆散得把湯汁都充份吸收，咬下時湯汁從牛肉中溢出，湯底夾雜著牛肉汁味道變濃郁，麵條屬軟身略嫌欠缺口感十分香濃及滑嫩的3.6牛乳味奶凍，甜度適中一點也不覺溜。豆腐雪糕有淡然豆腐味，口感偏硬，相信是冰的比例較奶為多我倆對整個二人前份量豐富感到十分意外，還以為不夠飽的我們額外點了7款壽司品嚐，較喜愛當中2款：蟹膏蟹肉- 紫菜包裹壽司飯的軍艦款式，紫菜與預期般煙韌淋身，壽司飯黏稠程度剛好夾起時不會鬆散之餘亦不會過於濕潤，酸度也適中不會奪去刺身鮮味，飯上鋪著一層蟹肉並點上少許蟹膏，不但吃到一絲絲蟹肉的鮮甜，還配上香濃蟹膏，就像一整隻蟹的味道濃縮於此，但略嫌蟹香及蟹鮮味不足，未能完全散發出來.火炙芝士三文魚腩-三文魚保留到整件屬刺身同時表面經火槍微燒焦，不但可散出魚油香還保留到三文魚嫩滑口感，加上帶鹹酸之沙律醬增添惹味度.由於菜式甚多，而上菜速度快速，就座二人桌的我們桌面空間有限，幸好服務員亦窩心地因應我們的進食速度上菜，我們也吃得不至於太匆忙～我倆飽得撐著肚子離開才每人平均二百多元！疫症時期九時後壽司更半價，看來我找到我的銅鑼灣食堂了。…Read More

📌而家有好多食肆都藏身於旺區嘅商業大廈中，從而節省成本。呢度都唔例外，位於銅鑼灣金百利。其實食物好食，都唔介意排一陣隊等𨋢嘅！.一坐低，friendly店員即時奉上口罩袋😷，比你袋起個口罩，又提醒枱面有消毒噴霧，好窩心呀😍.打開餐牌，見有《精選二人前》$298，啲嘢又啱食，即時order啦。對於我呢D🈶️選擇困難症嘅，套餐真係幫到手！👍👉鹽🧂燒鯖魚🐟～ 即燒魚皮脆卜卜，肉厚多汁，點埋個汁啱啱好👏👉黑蒜🧄油豬🐷軟骨拉麵🍜～嘩😍一上枱蒜香樸鼻👃，湯頭睇都知係濃郁版，🈶️2⃣️大舊肥瘦稱均，仲要入晒味嘅豬軟骨⋯麵質爽口Q彈，濃厚湯底掛麵，做得比一啲拉麵店出色😉👉泡菜黑豚肉石鍋飯 ～ 大堆頭石鍋飯加上韓式辣醬拌勻，爽脆木耳絲，厚切黑豚肉，淡淡泡菜微辣滲入飯中，唔好漏咗鍋底嘅飯焦呀！連甜品都好好味😋，唔會過甜，正👏👏👏…Read More

Thanksful week去完sogo血拼之後去左對面金百利搵食~見到呢間日式餐廳叫築地~就試下係咪同日本築地d野一樣咁新鮮好味。Menu有一人餐同二人餐選擇，但因為唔想俾二人餐局限左選擇，於是都係決定散嗌~叫左兩個主食，一客壽司同一個小食~青龍呢條青龍係以4件用海膽、吉列蝦、青瓜作為材料而成既卷物~$50一份本身我以為係好細舊，點知黎到原來份量都唔細喎!幾抵食!青龍上面既海膽好鮮甜~食得到新鮮既味道，一d腥味都冇!入面既吉列蝦唔會太油膩，仲keep到脆口，成件一啖食落去好有咬口，點埋wasabi同豉油食仲正!炸軟殼蟹天婦羅上檯熱辣辣~但唔會油淋淋。試過其他餐廳既炸軟殼蟹一食落口成口油，可幸呢度既炸軟殼蟹冇呢個問題，外層炸粉夠薄而軟殼蟹好有肉地~每咬一啖都啖啖肉，好脆口好鮮味!唔駛點汁都咁好味~點左汁就咸咸地別有一番風味。黑蒜油豬軟骨拉麵黑蒜油湯底濃郁，一上檯已香噴噴~豬軟骨兩大舊半躺係拉麵上~份量係非常大件，超級厚身!師傅將豬軟骨煮得軟稔而且入味!食左一舊都已經夠飽!而拉麵都唔會被湯浸到林哂，亦算彈牙!推介用匙羹筆起d湯同麵一齊食，將湯汁同麵一齊係口腔度嘴嚼~食完成個口都有果種濃郁既餘味!和牛釜飯落單時侍應已提醒需時25分鐘製作，果然呢個飯係最後先上~不過等待既時間亦算值得~上檯既時候係原爐上，入面有和牛粒、蒟蒻粒，仲有食到少黑松露味同牛油味，奉上時連木飯勺一齊上檯，感覺好似自己煮飯咁好得意~一路撈一路食，D飯KEEP住個溫度，唔會怕擺凍~食到最後仲有飯焦，超級香~最後埋單313蚊，店員吸左個印仔話下次黎食可減$31，咁就好似有9折優惠咁~呢個宣傳策略唔錯!真係引到我~應該好快再黎食多次~…Read More