豚王 (新城市廣場) (Closed)

途經沙田無理由唔拜訪吓豚王 今次黎到都姐多人 不過 一個人就唔洗等位啦黑王 豬骨湯底加埋墨汁 墨魚味香加埋豬骨香味 唔怪得咁多人食 再𠯆大埋個餃子 餃子皮薄帶有少少焦香 香脆口感 點埋個餃子汁就無禁油

因為今日去文化博物館睇展覽，所以同朋友泥左新城市廣場搵野食。之前聽朋友講泥間D湯底好正，所以就泥左泥度打算一戰佢個黑王。不過由於都多人等位，所以我同朋友等左成20分鐘先有位。都算係等得比較耐喇。係點餐紙果度你可以自訂湯底既醬油、香味油同蒜油既分量。由於我偏向食重口味，所以我全部都叫左最多。黑王係用墨魚汁做湯底。由於太黑，所以除左舊豬肉我完全分唔到裹面仲有咩其他餸。味道方面，湯底濃稠，但食完之後完全唔口渴，而麵條都好有咬口，感覺好真才實料。不過豬肉既味道就感覺無咩特別。我自己覺得唔洗加麵底都好夠食，不過大家如果想食多D既都可以加麵底既 (雖然我個人覺得泥度加麵底好貴)。

今日喺沙田放工，約左朋友喺新城市廣場搵食。放工時間周圍都好多人，但見豚王少d人，等左5分鐘就有位。入到去環境都唔錯，但我個位咁啱有條橫柱頂住伸唔到腳，唔太舒服😞。至於拉麵，叫左碗肩肉豚王（豬骨湯）幼麵，普通醬油走油走蒜。淨湯底巳經好香，麵條有韌度，兩塊肩肉唔太肥，夾埋一齊食啱啱好。平時食拉麵都覺得d湯好鹹，食完之後勁口渴，但豚王就唔會，可以自己揀湯底，少油少味精，食完都冇咁肥。😎😎朋友叫左碗黑王（墨魚汁湯底），少辣。碗麵上面有個類似黑色雪糕球的物體，朋友話食落去好似係蒜粒，湯底有海鮮味，徝得一試。另外試埋兩款日本啤酒🍺，惠比壽全麥啤酒（金色）和札幌啤酒（銀色）。推薦前者，麥味比較重😋。

夜晚七點到黎食，唔洗排隊即刻入得👍🏻豚王拉麵賣四款拉麵：豚王、黑王、赤王、翠王。黑王（$96）黑王湯底本身偏濃，所以最重要記得湯底唔好揀濃！如果唔係會好咸，普通濃度已經足夠。呢款拉麵對我黎講比較容易滯，食完都易口乾。但比起其他款，我覺得黑王係最好味😹肉嘅份量幾多，可惜冇溏心蛋，加一隻嘅話要$16～朋友嗌翠王（$96）佢話個湯底好濃郁，芝士味唔雖然唔太特出，但覺得整體好味過黑王。另外麵嘅份量唔算太多，男仔可能唔夠食～

豚王上次食限定王中咗伏之後（個限定王果次係叫蜆王，做法其實係basic果隻加花甲，完全冇鮮味可言），之後一直都係食黑王，當然今次都唔例外啱啱好今日唔係好舒服，冇咩胃口，食濃味嘢啱啱好湯夠熱，麵質啱啱好枱面只有凍水提供店員細心提供熱水方便食藥，值得一讚比起之前銅鑼灣店，地方較寬敞，

平時黎開沙田新城市廣場，都係唔知道食乜嘢好，因為呢度多數食嘅嘢都比較貴，啱啱出咗糧，見又想食拉麵，就選擇左呢一間豚王！今日係星期四夜晚大概八點左右，諗住冇乜人，但係都要等三張枱，大概十幾分鐘之後先可以入到去。呢度嘅鋪面都幾日式，大部份都係用木做裝修，眼前見到一大個開放式廚房，都幾有風格！因為本身都趕時間，於是一入到去即刻點左嘢食先，點完之後，都仲要再等大概十幾分鐘先可以食得。俾大家睇睇餐牌我哋主要可以選擇豚王、赤王、黑王、翠王同埋限定王，詳細有咩分別，可以睇睇佢旁邊嘅講解。如果有特別喜好嘅，都可以隨意加錢，加以下呢一啲嘅配菜一埋到位，店員就比每人一份點餐紙，任何嘢都可以自由選擇，包括湯底、配菜、辣度同面嘅種類等等。我哋揀咗一個黑王，同埋一個赤王。黑王黑王使用日本傳統黑醬秘製而成嘅湯底，今次嘗試選擇咗濃湯底，配搭肩肉。黑醬加蒜有啲似食緊黑蒜油嘅感覺，因為濃湯嘅關係，唔太食得出豚骨湯底嘅味道。肩肉比腩肉大塊，肉中的油脂分佈均勻，口感有層次。赤王赤王是由麻油研製而成嘅鮮味香辣醬油，辣道選擇左3辛，初頭食都唔算好辣，但食到中段，已經成頭大汗。選擇左腩肉做餸，啖啖肥肉，食落去好有滿足感！兩碗面都

於沙田經一輪瘋狂式逛街後, 經過久違了的豚王, 於棉登徑一別後, 已很久沒有光顧, 雖然要等上幾張檯的時間, 還是想重拾一番。 進駐入大商場後, 有點失去街頭拉麵店的感覺, 縱然大紅燈籠高高掛, 也難掩其商業味道。 雖然如此, 這間拉麵神話的信徒仍絡繹不絕地朝聖, 當中包括我。 比起其他分店, 沙田店還要高樓低, 還要大間, 沒有了狹窄逼夾的背貼背溫馨, 換上一張張的大檯, 流水式的搭檯, 身旁左右都不知換了多少轉食客。唯一保存了紅掛布的特色吧檯, 可惜大多都情願堆頭大檯中。 快快於點菜紙點上拉麵, 選擇仍舊是五款: 豚王、黑王、赤王、翠王及限定王。 黑王 $95重口味的我倆, 很自然地就選上黑王。 個人口味選擇方面: 湯底的秘製醬油 - 多, 香油味 - 濃, 蒜蓉 - 多。 配菜方面: 叉燒肉 - 選了肩肉, 野菜 - 要了蔥。 豚王唐辛醬 - 要了1辛。 而麵條 - 選了普通硬度的細麵。 熱騰騰的豬骨湯底基礎上加入“黑波”、黑蒜、黑墨汁, 還有乾蒜, 黑漆漆的湯頭, 泛點油光, 蒜味芳香濃郁, 不過入口質感較單薄, 未算十分厚身。將“黑波”打散, 盡是濃味混

想當年淨係得佢一間嘅日本拉麵係最正宗就覺得佢好好食成日早起身走去排隊，依加拉麵店開到一街都係，將佢同其他拉麵店比較先發覺佢個湯底有啲偏咸，尤其係"豚王(原味)"以外嘅"王"。所以唔鐘意咁喊嘅朋友可以係香味油同秘製醬油果度揀"少"。除左"豚王"之外其他"王"都有一舊半圓形嘅醬，舊肉嘅色就代表唔同嘅味，但個base都係"豚王"。"豚王"係88定唔知9蚊，其他王係95蚊。全部拉麵會包兩塊肉，可以揀肩肉或腩肉。我次次去食都淨係會揀肩肉，比較薄身但好大塊。我分別食過翠王同黑王。翠王:主要材料係巴西葉同芝士粉。睇啲材料似意粉汁好似好怪咁，但係又啱味架喎。個湯好香豬骨味，加上巴西葉別有一番風味。黑王:主要材料係肉碎同黑蒜油。上面講果個半圓形嘅醬偏咸，所以其他有味嘅嘅都可以揀。

黑王又話新城市無人既？星期六依舊多人到嘔，3:00pm間間食店都爆哂，只有在暗角的豚王無人排隊。最愛這兒的黑王，湯底濃稠香甜，配上硬扁麵多蔥多芝麻掛上湯頭的麵條極美味，正！FB專頁: smallsmallsmalllin

細佬喺外國讀書嗰陣，成日話好想食日本拉麵，叫我喺香港試勻佢，然後帶佢去食喎！我都好想幫佢，但係香港人鍾意嘅日本拉麵，通常都係濃厚又重膠質嘅豬骨湯底，自己個胃又唔爭氣……試咗幾間就頂唔順，但覺得豚王都唔錯。呢日一家人去開沙田，就還細佬一個心願啦！首先介紹豚王。湯底好香豬骨味，膠質未算太重，幾啱我口味。翠王，加入新鮮羅勒葉同埋大量芝士粉，似fusion菜，味道幾特別，都唔錯。黑王好杰好鹹，據講落咗墨魚汁。喂！要有海鮮嘅鮮味唔需要鹹到嘔㗎！黑王鹹到嘔，赤王就辣到嘔。辣到根本食唔出碗麵有其他味。如果你無辣不歡，可以一試。個人就喜歡一風堂嘅赤丸，微辣得嚟有層次感。結論係，原味最好食。想變吓款？翠王啦！其他就咪搞。為咗款原味，值得嚟一次。

位於新城市廣場最入面嘅豚王，真係幾隔涉@@上圖我同朋友叫咗黑王同翠王，真係幾重口味湯底十分濃，顏色都好重，食完之後食口變晒色！咁啱我中意重口味嘅野，所以我係覺得幾好食嘅XD

近年來，好多日本知名拉麵店陸續登陸香港 ，其中豚王以湯底見稱，基本上去到都不用三心兩意，因為餸就係一種，豚肉，只是分肥d的脯肉，同瘦的肩肉，飲品都係汽水，入座後，店員會幫你選好位，(但注意，是要搭桌，即同人排排座)還會逐一介紹湯底，有黑王，翠王，赤王，定王，豚王，黑是最濃，豚是清湯，同附上配料紙，得知黑王是店的名牌，當然一試 ，除了選了黑王外，我click了廚師推薦，即佢幫我配料，除了主菜都，還可加配，肉，糖心蛋，我配多了隻糖心蛋 黑王送上來，因為成碗都充滿墨魚汁，真係好黑，麵上有一肉丸，店員話係肉，加其他配料做成，要打碎拌混，我看到似有木耳，肉碎，蒜泥，等等，拌好後，試連湯喝下，好濃，好香，墨魚汁味也明顯，但有點咸，肉，廚師選了肩肉，瘦度適中，唔硬，中上的水準，基本上一路食，到尾連湯也想喝清，加配的糖心蛋，好滑，味到剛好，本想追加多隻，但17元，我覺得唔平 ，所以放棄總括來說，拉麵店有好多選擇，有的多花款，食品種類取勝，有的真材實料得到好評，呢間就是用一種豚肉麵來真材實料得到口碑，建議大家，經過豚王，不妨一試

豚王出名大家都知，但小弟最怕排隊，所以屢是無緣拜會這個香港正宗日式拉麵元祖。剛好今日無聊走入沙田，新城市廣場店無人排隊，當然要趁機一試。我都知閣位食家達人對豚王點麵方式講解過無數次，不過小弟第一次拜訪，真心覺得order 紙比其他麵店詳細清楚，除了麵質硬度，蒜蓉份量，香油份量可供選擇外，還供太麵，肩肉或腩肉，青蔥或白菜選擇，適合不同口味。有選擇困難症的大可選廚師推薦。原本想試是日限定，可惜我太遲，已經售罄。朋友的黑王，廚師推薦口味濃濃的墨汁豚骨湯，中央金蒜粒，細麵，麵質偏軟。不味是否墨汁的原因，豚骨湯味被掩蓋了，麵質比我個人喜好偏軟，不過仍然是水準之作。我的翠王，濃味，肩肉，青蔥，太麵普通硬度。未見其麵，先聞其香。香濃的羅勒跟芝士的香味，我還以為身處意式餐廳。從來沒想到pesto跟豚骨湯這麼配合得出神入化。豚骨湯味濃，完全試出骨的甜味。每口麵都夾雜著羅勒，芝士，豚骨的味道層次，這個配搭跟本就是fusion 菜。普通硬度的太麵最合吾意，口感爽滑。豚肩肉軟滑，入口即化。我在太愛這拉麵，麵連湯通通纖滅。有人話始終只有中環元祖豚王最好吃，本人未試過，如真有其事，經過今天一試，日後必要拜訪老店。

一直都好想試豚王, 但銅鑼灣和尖沙咀店舖總是排長龍, 始終未有機會一試.直到上星期下午去完EVENT, 返到沙田都是五點幾, 反正我又未食午飯, 便去沙田豚王碰碰運氣, 果然完全不用等位, 直接入到.這裡店舖較大間, 坐得較舒服.接着, 店員遞上餐牌和一張紙, 因應個人口味配搭出一款屬於自己的拉麵, 這是我最鍾意的地方.麵款選擇有豚王、黑王、赤王、翠王和限定王選擇.本身是鍾意較濃味, 所以選擇咗黑王.黑王是在豚王獨有的純生豚骨湯底上，加上秘製香味油, 黑王裡秘製香味油的漆黑帶光的色澤，是來自日本傳統黑醬, 再混以當日新鮮蔬菜配合而成.一上枱時已經香味撲鼻, 因為我揀了濃的香味油.由於碗麵是黑色, 店員好細心咁俾多一張紙巾我用, 避免整落衫上, 食的時候真是要小心一點.枱上有四款不同配菜和調味料, 任君選揀.我先試個湯底, 非常濃郁, 正心我心意.雖然選擇咗軟身太麵, 但麵身仍然彈牙, 麵吸收晒湯精華, 真係好正.我唔食肥, 我揀了肩肉, 肩肉大而薄身, 但不會硬.食完這碗黑王真係大滿足, 下次要再來.日後想食拉麵, 係沙田便可以食到, 非常方便.