Butao Ramen (New Town Plaza)

細佬喺外國讀書嗰陣，成日話好想食日本拉麵，叫我喺香港試勻佢，然後帶佢去食喎！我都好想幫佢，但係香港人鍾意嘅日本拉麵，通常都係濃厚又重膠質嘅豬骨湯底，自己個胃又唔爭氣……試咗幾間就頂唔順，但覺得豚王都唔錯。呢日一家人去開沙田，就還細佬一個心願啦！

豚王

首先介紹豚王。湯底好香豬骨味，膠質未算太重，幾啱我口味。

翠王

翠王，加入新鮮羅勒葉同埋大量芝士粉，似fusion菜，味道幾特別，都唔錯。

黑王

黑王好杰好鹹，據講落咗墨魚汁。喂！要有海鮮嘅鮮味唔需要鹹到嘔㗎！

1

赤王

黑王鹹到嘔，赤王就辣到嘔。辣到根本食唔出碗麵有其他味。如果你無辣不歡，可以一試。個人就喜歡一風堂嘅赤丸，微辣得嚟有層次感。

結論係，原味最好食。想變吓款？翠王啦！其他就咪搞。為咗款原味，值得嚟一次。