Beans (Hoi Pa Street)

Beans 又係一間好出名但一直都未食嘅cafe，而且陸續開多咗分店，荃灣呢間係有2個鋪位，我哋星期五夜晚去，都要排一陣隊，排隊等緊都見好多枱都會叫埋甜品，但 7點幾入座，見蛋糕櫃都淨返較少選擇，睇嚟下次要晏晝嚟食埋啲蛋糕啦😛•🥢 黑松露軟殼蟹意大利粉 $98黑松露野菌汁份量好多，每條意粉都佔滿咗黑松露，所以每啖都好濃黑松露味！意粉係偏硬身，但可以接受，份量啱啱好，食完唔會太膩～軟殼蟹分開咗兩半，有少少細隻，但炸得好脆又唔會太油👍•🥢 開心果馬蘇里拉芝士薄餅配蜂蜜 $86呢個薄餅有少少厚度，不過都做到外脆內軟，批邊加咗啲砂糖，都令個批邊食落脆啲，中間部分就佈滿芝士，芝士味都幾濃，加咗開心果碎，但開心果味唔夠突出，比蜂蜜嘅香甜蓋過晒，係一個甜嘅pizza~•🥢 檸檬蜂蜜All day menu會跟一杯飲品，可以揀檸檬蜂蜜/黑糖薑母茶/普通裝美式咖啡，我揀咗熱檸檬蜂蜜，蜂蜜味同pizza配嘅一樣，有種好清香嘅花味，唔會死甜，飲落都幾潤😌…Read More

嚟過荳子幾次，今次終於下定決心寫下食評。今次可以話係食黑松露大餐🤣主菜我地叫咗黑松露軟殼蟹意粉同黑松露什菌意大利飯，另外叫咗黑松露薯條同香草疏乎厘，再加三杯飲品，埋單大約人均$150，cp值算高。黑松露軟殼蟹意粉🍝每次同朋友嚟都一定會叫，黑松露味幾香，軟殼蟹炸得幾脆，但意大利粉略嫌唔夠彈牙。香草疏乎厘🧁呢個有驚喜，勁重蛋香味，同AM PM嗰間疏乎厘有得比。AM PM嘅疏乎厘比較實淨，Beans 嘅就比較鬆化，空氣感重啲。總結：有個舒服嘅環境同朋友聚會，嘢食唔錯，價錢合理👍🏻👍🏻👍🏻…Read More

今日打算和朋友去荃灣覓食，甘啱見到呢間下午時段3.30左右有空位，Beans係荃灣都算出名的cafe，平時都係要排長龍，天氣又熱，即刻登記衝入去食個brunch先~🤣因為我比較注重環境氣氛，荃灣呢間門店有兩邊可以入去坐，位置較細，如果係想打卡的朋友要揀窗邊坐比較容易影到靚相，因為係路邊同埋隔離起棚裝修，同埋座位較近，環境不算安靜。但係裝修和整潔度係okay的，算乾淨和較光亮。環境氣氛麻麻，但還可接受。食物方面好驚喜❤🥰❤千島醬蟹棒蟹子帆立貝薄餅($88)🌟5/5因為係Lunch set裡面，所以包一杯免費飲品，Latte，檸檬蜂蜜茶和黑糖姜母茶任選一杯，其他飲品+$6。海鮮味好重，薄餅較鬆軟濕潤，芝士和魚子好足，非常驚喜。💛黃金蟹肉意粉 $91🌟3.5/5連蟹蓋上菜賣相唔錯，我以為有糕係個殼點知係裝飾，笑死，入面仲有唔少蟹肉，蟹柳和蘑菇， 醬汁好濃，有好濃嘅蛋黃味，啱晒蛋黃愛好者，雖然分量五大，但係因為太濃郁而好膩，最後都係未食曬有剩。❤蜜糖單邊雞亦配薯條沙律($68)🌟3.5/5好大份，薯條好香脆又五會好干，青菜算新鮮，蜜糖雞亦都係照常發揮，不過不失，都適合一班朋友分住食。🎀總結:整體適合後生仔和KOL打卡，我最注重的食物質素仲有番咁上下。係荃灣無地方去的話，都可以來這間試試，不過建議下午茶時段，因為我地走的時候5.6點都開始排長龍。…Read More

呢間野食整體唔錯，全部都無伏仲要好好食！😋之前見到咁多人排隊所以無試，今次趁下午茶時間去食果然無乜人，唔洗等位又無咩人，環境好chill😚下次一定再嚟食！==============================🧁 荳子Beans(海壩街) @beans_cafe_hk📍荃灣海壩街99號地下⏰ 星期一至日 11:00 - 22:00==============================1️⃣【黑松露軟殼蟹意大利粉🦀】$74意粉黎到熱辣辣，亦都好香黑松露味😚食落好creamy，每一條意粉都有黑松露醬包裹住🤤意粉偏爽，好鍾意有咬口嘅意粉😍主角軟殼蟹🦀完全無得輸，炸得好脆，食落好香口，如果太隻啲就好嚕😋份量適中唔算多，男仔食可能唔夠飽🤪但整體唔錯，會為咗個軟殼蟹🦀再黎食👍🏻(🔥 怒食指數：8/10).2️⃣【開心果馬蘇里拉芝士薄餅配蜂蜜🍯】$58呢個薄餅幾surprise到我🤩蜂蜜同芝士好夾，又甜又咸，重點係要幾多蜜糖可以自己落，咁就唔怕太甜或唔甜🤪薄餅都係新鮮整起，做到拉絲效果😍不過開心果嘅味唔太出😅得表面幾粒開心果碎...整體係ok嘅，最好同朋友share食，因為食到第二塊已經有啲膩🤨(🔥 怒食指數：8.5/10).3️⃣【黑松露薯條】+$25薯條偏粗，食落外脆內軟，又唔會覺得好油膩同熱氣，再加埋黑松露醬，令到薯條嘅味道有層次👍🏻隻碟大睇落份量好似唔多，但其實食落都好夠飽🤣整體正正常常，如果鍾意黑松露嘅話一試無妨😋(🔥 怒食指數：7/10).4️⃣【Lindt Chocolate Mousse🍫】+$25作為朱古力嘅忠實粉絲，又點可以放過朱古力🍫嘅甜品！慕絲甜度適中，口感有啲似未融嘅甜筒雪糕，一放入口好香濃嘅朱古力味🍫湧出來🤤值得一試！(🔥 怒食指數：7/10).5️⃣【焦糖燉蛋配核桃蛋糕🍰】+$25核桃蛋糕食落好鬆軟，入面有幾粒核桃碎，幾特別同埋精緻🤪焦糖燉蛋🥚超好味！唔會太甜，面頭塊焦糖燒得啱啱好，唔會太燶，食落無苦味😋入面嘅燉蛋好滑，唔會整到太老變蒸蛋👍🏻(🔥 怒食指數：9/10)==============================🔥評分：環境：9/10 味道：7.9/10性價比：7.5/10總分：8.1/10==============================…Read More

今次去左呢間係荃灣Bookmark左好耐嘅餐廳~終於有機會過去緊係要試下最多人介紹嘅All Day Breakfast 😋🍴Deluxe Full English Breakfast($112)餐廳淨係All Day Breakfast 都有好多款可以揀~趁機放假比自己chill下今次就揀左豪華英式全日早餐😋有窩夫、煙三文魚、煙肉、豬肉腸、蕃茄、茄汁豆同黑松露炒蛋~窩夫造型好cute成個donut咁🤣配埋cream食都幾正😋炒蛋唔算好重黑松露味但炒得幾滑😋🍴黑松露軟殼蟹意大利粉($98)軟殼蟹炸得好香脆唔會好多油~黑松露味同樣唔算太重但幾creamy😋🍴Pearl(唔記得價錢🙊🤣)一入餐廳見到呢款白桃嘅甜品已經心心眼~但係得個樣靚味道就真係好一般🙊冇桃味之餘配搭唔係太夾🤣📍 荳子 (海壩街) (荃灣)荃灣海壩街99號地下…Read More

久仰Beans大名 經過見到7點幾竟然冇人排隊即刻入去食😆-帆立貝菠菜意大利飯🥘係我食過口感最正嘅意大利飯💕帆立貝軟嫩又香口放係菠菜葉上非常搶眼🤩醬汁方面有菠菜味 又神奇地冇草腥味 加上忌廉調製 超超超滑！意大利飯生熟岩岩好 唔會中間熟唔曬咁👍🏻評分:💛💛💛💛💛-黑松露軟殼蟹意大利粉軟殼蟹鬆脆 內裏充滿肉同膏 十分邪惡🤪黑松露份量超多！一上枱已經好香仲有好多菇菇 令creamy嘅汁多左好多口感🥰評分:💛💛💛💛💛-伯爵茶Latte☕️首先個杯已經好得意😍😍😍忌廉好輕盈 唔會有種”漿”住嘅feel伯爵茶同咖啡嘅味好夾 不過食到後期好飽所以飲唔曬😭評分:💛💛💛💛💛-榛子朱古力🍫呢杯相對差少少🥺🥺😣朱古力味唔算濃 啲冰溶左就好淡有啲失望呀😢唔知係咪上一杯太濃呢評分:💛💛💛-最後緊係叫多兩個甜品收尾啦🤪左下係Pearl 即係白桃慕斯同啫喱加蛋糕外層慕斯偏硬 但好香白桃味💕入面嘅啫喱酸中帶桃香 中和左成餐飯嘅油膩感👍🏻👍🏻評分:💛💛💛💛右上係卷。山政小山園茶味好濃😍岩曬我呢個抺茶控呀中間嘅cream一如既往咁滑我唔食紅豆所以冇試 不過同行話係高級野黎🤣唔係連鎖餐廳紅豆冰個啲咁評分:💛💛💛💛💛-總括黎講 成餐飯都係好食嘅😋不過真係樣樣都超重忌廉真係飽到第二日晏晝都冇食🤣🤣高質加價錢唔算貴 仲要係💛 真係名不虛傳！…Read More

每次經過開都大排長龍，今日行過終於見到冇咩人等位，即刻去左試試先讚讚員工服務個個都好nice好有禮貌，氣氛舒服放鬆感覺可以好好享受一餐晚餐一試難忘，真係因為去食嘅時間都9點，太夜原因，自家製蛋糕都剩下兩款，唔太岩口味，又食得好飽所以最後甜品冇試到，太可惜，但依一餐真係食得好滿足，又食得又睇得第一次黎食，真係感到好高質的Cafe下次一定要留反個肚食埋甜品，早小小黎排隊有多款選擇，難怪大排長龍，其實真係有原因的…Read More

💛💛💛Beans💛💛💛睇住呢間舖頭開，到睇住佢日日排長龍，已經有幾年。佢喺荃灣少數坐得舒服，影相又靚既😍！我地兩個成10點先入去食，好彩last order 係10點45分。咁夜都去食係因為想食Oreo麻薯流心吐司，之前食過真係好好食🥺，今！次！竟！然！賣！晒！最後我地嗌左一鹹食🍝一甜食🧁黑松露軟殼蟹意大利粉 $98一如既往好食😚，好濃郁既黑松露同白汁，兩個食岩岩好，因為份量都唔少，一個女仔食有啲漏😂。蟹係新鮮炸既，熱辣辣🦀！幾鍾意佢跟餐送既飲品，我地揀左凍既檸檬蜂蜜，細細杯都比兩片檸檬，好醒胃☺️☺️！Caramel banana waffles $58我地揀左焦糖香蕉窩夫做甜品，一份甜品包含左好多唔同款既小甜品🤤。有雲呢拿雪糕（下面有啲曲奇碎），焦糖香蕉（真係有焦糖化隻蕉），兩塊Waffles（跟埋奶油同埋糖漿），菠蘿粒（罐頭），荔枝爆爆珠（好味），一球吉士奶油（好漏好肥無食晒）！好食，我地有食晒🤪，但下次都係希望食返Oreo麻薯流心吐司，因為真係好出色💕💕💕！店員有禮貌🤤題外話佢嘅甜品幾好食，如果想慶祝生日，仲可以問下店員可唔可以喺蛋糕上面寫字！一年前得😂😂埋單$156（無加一）…Read More

Beans從開張到現在都經常排長龍，堂食限時90分鐘。餐廳環境給人休閒，食物味道好，就份量仍然沒變，相對比較少，尤其意粉給女仕食都未必胞。現時做緊外賣自取7折優惠，相對抵食。安格斯牛肉夠juice，配上滑嗗嗗太陽蛋，加上野味醬汁，想再食多次。焦糖洋蔥甜甜地，食落好辣。薯條因外賣原故，又凍又淋，已經變得唔好食，薯條始終係堂食比較好。小食拼盤的薯條情況一樣，雖然有已經凍了的肉醬搭救，淋左點講都唔夠熱辣辣外脆內嫩時好食，所以外賣盡量都唔好點有薯條的餐。意外的，啤酒洋蔥圈仍然脆脆的。其餘兩款小食都好味，所以小食拼盤外賣仍然值得一食。外賣推薦—黑松露軟殼蟹意大利粉，雖然軟殼蟹會淋，但醬汁配搭好味，值得一食。堂食雖然比較好食，但要等位又長龍，得90分鐘時間用餐，有點趕。外賣雖然會令食物質素下降，但打折後，價錢吸引。仍然有斟酌的餘地。…Read More

星期日中午時段去 係面口等左15分鐘左右有位 限時90mins.見個黑松露軟殼蟹意粉係open rice 好似係推介菜所以嗌左，如果中意食忌廉應該會中意 因為都幾多cream味道一般 ，有淡淡嘅黑松露香個三文魚Egg Benedict 賣相唔錯。 因為有煙三文魚原故 所以略帶鹹香。 蛋係流心👌🏻👌🏻 夾埋三文魚同個English muffin 成個感覺都ok. +$25 嗌黑松露醬薯條個醬幾香黑松露味 ，另外用油幾好 啲薯係真係金黃色。 啲薯條都幾香 ，摸上手又唔會油淋淋咁， 值得一試套餐+$25有件cake 個卷蛋係dessert menu 左上茶&黑糖？個隻味道偏甜 有黑糖味 茶味好淡中間啫喱重蜂蜜味 不過就太多cream Cheese cake 🧀 賣相幾得意 有檸檬香 但後勁有浸雪櫃味 係美中不足嘅地方…Read More

驚肺炎搞到好耐冇出街食，終於忍唔住喇！見食評上咁多人讚呢間，就試下你荳子嘅虛實！同女朋友好易就搵到餐廳。入去前有職員量體溫，貼心餐廳唔大，去到剛仲有兩個位叫左幾樣野竟然咁有驚喜1.黑松露軟殼蟹意粉意粉即叫即整熱騰騰軟殼蟹一大隻，炸得趣趣地又唔油膩，味道非常好！黑松露味道好香，汁又唔會太過黏，意粉質感亦軟滑唔硬。2.熱檸密🍋晚餐除左主菜意粉仲送一杯飲品，叫左杯熱檸密試下。就咁睇檸密嘅顏色就知道真係有料到，檸檬清香，飲落口真係好有蜂密香味，又唔會太甜。附送嘅飲品估唔到都咁出色！同出面好多茶記所謂嘅檸密完全唔同級數。3.車打芝士薯條食set dinner加+$25就有薯條。我本身唔係特別鍾意食薯條，女朋友想食就叫啦。薯條賣相好吸引，芝士味都稱得上濃郁。薯條算厚身，真材實料，都唔覺油膩。4.抹茶流心吐司食完正餐當然要食甜品，甜品依然驚喜！一切落去d抹茶湧出黎擋都擋唔住湧出嘅抹茶味道唔算非常濃，我反而更鍾意，因為太濃反而會有苦味。碟上面有少量焦糖同埋杏仁，吐司入面仲有d趣趣地嘅野，味道同質感都非常豐富抹茶雪糕都好好食。食完仲可以俾小費，小費會用於幫助慈善基構。呢間真係良心店。值得再去！…Read More

☕️Beans 🍝🍰🌱《荃灣》💛#黃店屹立左好耐嘅cafe 荳子 好耐冇黎食過喇！今次黎食晚餐～值得一讚係鋪頭員工會幫大家探熱先可以入鋪！🍝黑松露軟殼蟹意大利粉🦀（$98）呢個價錢食到呢個質素 真心Good Good成隻軟殼蟹炸得好鬆脆 黑松露汁都整得好好份量亦都好多😋🥑Avocado crab meat Benedict🦀($96)呢個同樣好出色兩隻留心蛋上面林左啲牛油果汁底層沾滿晒蟹肉🦀☺️好清新有啲檸檬汁嘅感覺 fresh 🤗🧀芝士薯條🍟（$25）個芝士薯條真心出色啲芝士醬佢有調較過唔會死鹹 味道岩岩好 超級推介😻👍🏻伯爵橘子茶十分清香Cheesecake （+$25）檸檬芝士蛋糕 造型十分之可愛成舊芝士咁味道就不過不失啦😆成餐飯兩個人份量但係唔使$300就埋單又好食真係抵到爛😆👏🏻👏🏻👏🏻👏🏻…Read More

去到荃灣搵嘢食驚好朋友介紹試呢一間連個門口都唔知點入嘅鋪頭（點解我會咁講？試吓你就知）聽講呢間鋪頭平時排隊排得好長龍不過咁啱我哋夜晚9點幾先去所以唔使等位就可以好快入座場內嘅環境都幾舒適柔和嘅燈光賠償歐陸式嘅裝修都好適合三五知己過嚟坐吓傾吓計其實睇完個餐牌有好多野都好想食不過因為胃口有限我哋就叫咗黑松露軟殼蟹意大利粉意粉煮得彈牙唔會太淋再配上黑松露忌廉汁同埋炸得鬆脆嘅軟殼蟹味道就真係唔錯唯一挑剔嘅點就係個汁唔夠鹹⭐️⭐️⭐️⭐️（5⭐️滿分）Caramel  Banana  Waffles 配料非常多口感很豐富重點係全部配料味道都非常好個窩夫亦都做得非常鬆軟亦都非常香整體配搭令我十分驚喜⭐️⭐️⭐️⭐️⭐️抹茶流心吐司上面凍冰冰嘅抹茶雪糕球配上下面烤得香脆熱辣辣嘅吐司再加上吐司入面香龍嘅抹茶流心簡直係抹茶控嘅天堂香濃嘅抹茶再加上豐富嘅口感簡直就好似成個人浸喺抹茶入面一樣⭐️⭐️⭐️⭐️⭐️Chocolate  Paradies非常香濃朱古力尤其係個心太軟都好好味不過比起其他野食就好似無乜特別⭐️⭐️⭐️⭐️熱榛子朱古力非常香濃的榛子味和朱古力味而且口感順滑喜歡朱古力的朋友要飲⭐️⭐️⭐️⭐️奶泡桂花荔枝特飲外型好靚桂花味同荔枝味都夾但飲到最底的時候太咸可能係海鹽溝唔均勻⭐️⭐️⭐️最後埋單367蚊呢個質素3百幾蚊絕對係抵俾驚喜程度非常高喜歡甜食係比主食好食好多喜歡食甜品必試…Read More

座落荃灣區中心地段角落既荳子Beans，落地玻璃設計，平日晚飯時段以及假日都會出現長龍。同朋友bookmark左呢間cafe好耐，一直唔想排隊冇去試，咁啱同朋友一行三人約係荃灣食飯，時間比較晏(都9點)，去到冇人排隊仲可以即時入座。內部裝修偏向簡約、文青風，Beans除左有主食Pasta、pizza、all day breakfast、小食類，仲有好多食評都有推介既甜品。同場見到隔離幾枱放上賣相精緻既甜品，加埋花茶，配合如此Chill既內部裝修，十分適合打卡。我地點左黃金蟹肉意大利粉、黑松露軟殼蟹意大利粉、北京燒鴨蒸包漢堡配薯條沙律，另外再加左客焦糖單骨雞翼。意粉同埋漢堡都係ALL DAY MENU，包檸檬蜂蜜/ 蜜糖薑母茶/ 美式咖啡一杯。咸香味不錯，個人覺得有少少漏，適合同朋友share黑松露味偏淡，軟殼蟹香口好味配搭新穎但蒸包太厚，口感一般推介雞翼炸得香脆可口，配合焦糖味道一流，食落非常方便下次再黎一定要試下佢地既甜品先得 …Read More

海壩街同大河道交界嘅轉角位，一連兩個鋪位，任何時間經過都有唔少食客。之前tea time食過抹茶流心吐司，嗰陣濃郁嘅抹茶味到而家依然記憶猶新。今次決定約埋朋友試試晚餐水準如何。店員安排入座，過咗半個鐘朋友仲未到，雖然店員沒催我落單，但我自覺唔好意思🙈，叫咗杯熱榛子朱古力。1\榛子朱古力估唔到即使係杯熱朱，店員都有心機做咗杯好靚嘅拉花。飲落有輕輕一陣榛子味，朱古力唔會有種落重糖嘅甜味，非常好。朱古力配合牛奶味道濃厚而細膩，可可嘅味道齒頰留香。2\黑松露軟殼蟹意粉意粉口感軟硬適中，乾身唔creamy所以唔會膩，黑松露味道飄香。軟殻蟹炸得酥香脆口，連殼一啖咬落去，蟹肉和外層軟殼係嘴裡交融，滋味特別濃厚。3\抹茶流心吐司向朋友極力推介咗呢個飯後甜品，佢都食得津津有味。即叫即製大大份吐司，兩個人share都好夠食，性價比超高。抹茶雪糕甘甜，冰涼口感配剛烘好嘅吐司，冰熱交雜，味蕾嘅享受真係冇得頂！紅桑子酸酸瞇瞇，中和抹茶雪糕嘅微微甘甜味，令成個抹茶甜品甜而不膩。切開吐司，暖笠笠嘅抹茶醬一湧而出，甘香濃郁，令人食指大動。每啖吐司都充滿抹茶甘味🍵，感覺好似抹茶醬揸多士咁，幾過癮。由於lava toast即叫即製，吐司經過烘焗，所以即使吐司內餡係液態狀嘅抹茶醬，口感依然香熱脆口。如果客人想食到最佳口感，記得上碟後盡快食用啦～(⁎⁍̴̛ᴗ⁍̴̛⁎)店員服務都值得一讚，即使我等朋友等到過咗大半個鐘先落單，店員依然彬彬有禮，亦冇催我落單或限制用餐時間。…Read More