Read full review
2019-09-04
701 views
海壩街同大河道交界嘅轉角位，一連兩個鋪位，任何時間經過都有唔少食客。之前tea time食過抹茶流心吐司，嗰陣濃郁嘅抹茶味到而家依然記憶猶新。今次決定約埋朋友試試晚餐水準如何。店員安排入座，過咗半個鐘朋友仲未到，雖然店員沒催我落單，但我自覺唔好意思🙈，叫咗杯熱榛子朱古力。1\榛子朱古力估唔到即使係杯熱朱，店員都有心機做咗杯好靚嘅拉花。飲落有輕輕一陣榛子味，朱古力唔會有種落重糖嘅甜味，非常好。朱古力配合牛奶味道濃厚而細膩，可可嘅味道齒頰留香。2\黑松露軟殼蟹意粉意粉口感軟硬適中，乾身唔creamy所以唔會膩，黑松露味道飄香。軟殻蟹炸得酥香脆口，連殼一啖咬落去，蟹肉和外層軟殼係嘴裡交融，滋味特別濃厚。3\抹茶流心吐司向朋友極力推介咗呢個飯後甜品，佢都食得津津有味。即叫即製大大份吐司，兩個人share都好夠食，性價比超高。抹茶雪糕甘甜，冰涼口感配剛烘好嘅吐司，冰熱交雜，味蕾嘅享受真係冇得頂！紅桑子酸酸瞇瞇，中和抹茶雪糕嘅微微甘甜味，令成個抹茶甜品甜而不膩。切開吐司，暖笠笠嘅抹茶醬一湧而出，甘香濃郁，令人食指大動。每啖吐司都充滿抹茶甘味🍵，感覺好似抹茶醬揸多士咁，幾過癮。由於lava toas
店員安排入座，過咗半個鐘朋友仲未到，雖然店員沒催我落單，但我自覺唔好意思🙈，叫咗杯熱榛子朱古力。
1\
榛子朱古力
估唔到即使係杯熱朱，店員都有心機做咗杯好靚嘅拉花。飲落有輕輕一陣榛子味，朱古力唔會有種落重糖嘅甜味，非常好。朱古力配合牛奶味道濃厚而細膩，可可嘅味道齒頰留香。
榛子朱古力
$36
36 views
0 likes
0 comments
2\
黑松露軟殼蟹意粉
意粉口感軟硬適中，乾身唔creamy所以唔會膩，黑松露味道飄香。軟殻蟹炸得酥香脆口，連殼一啖咬落去，蟹肉和外層軟殼係嘴裡交融，滋味特別濃厚。
黑松露軟殼蟹意粉
$98
25 views
0 likes
0 comments
3\
抹茶流心吐司
向朋友極力推介咗呢個飯後甜品，佢都食得津津有味。
即叫即製大大份吐司，兩個人share都好夠食，性價比超高。抹茶雪糕甘甜，冰涼口感配剛烘好嘅吐司，冰熱交雜，味蕾嘅享受真係冇得頂！
紅桑子酸酸瞇瞇，中和抹茶雪糕嘅微微甘甜味，令成個抹茶甜品甜而不膩。
抹茶流心吐司
$49
37 views
0 likes
0 comments
切開吐司，暖笠笠嘅抹茶醬一湧而出，甘香濃郁，令人食指大動。每啖吐司都充滿抹茶甘味🍵，感覺好似抹茶醬揸多士咁，幾過癮。由於lava toast即叫即製，吐司經過烘焗，所以即使吐司內餡係液態狀嘅抹茶醬，口感依然香熱脆口。如果客人想食到最佳口感，記得上碟後盡快食用啦～(⁎⁍̴̛ᴗ⁍̴̛⁎)
抹茶流心吐司
$49
32 views
0 likes
0 comments
店員服務都值得一讚，即使我等朋友等到過咗大半個鐘先落單，店員依然彬彬有禮，亦冇催我落單或限制用餐時間。
Post
