Chiu Fat Restaurant

今日係拍拖週年紀念，我地一早計劃咗離島半日遊，可惜….下雨，但也無咗我們出發嘅決心，就向長洲去。老公一落船就話要醫肚，本打算掃街，食大魚丸、糯米糍、平安包….但被多間海鮮店極力推介$188/2款、$278/3款…仲送湯和油菜，抵！飯店整齊企理，座位唔少，坐外面仲可望住海，幾舒適寫意。超多選擇，有多種海鮮外，仲有肉類、蔬菜可選，而粉麵飯就雖單點。馬上送來魚肚粟米羹 ($0)，十分足料，魚肚鮮美，粟米爽口多汁，順滑可口，不錯！白灼生菜 ($0) 新鮮爽嫩，淋上熟油，賣相亮麗。老公愛肉，點了蒜蓉牛仔骨 ($$278/3餸)，好夠鑊氣，舖上炸蒜碎，蒜味濃郁，香氣撲鼻，肉嫩入味，大大碟，好食又抵食！我一揀就揀果皮蒸班頭腩  ($$278/3餸)，每件都份量十足，好厚肉。肉質雪白，嫩滑鮮美，魚皮黏滑富膠質，搭配甘香的果皮，最佳拍擋。再點推介的黃金蝦  ($$278/3餸)，外層沾上香濃的鹹蛋黃，鹹香可口，蝦仁啖啖肉，連殼都可食，口感味道層次豐富。…查看更多

趁平日放假，入長洲 行下踏下單車，食下海鮮午餐揀左人流最多嘅#知名 #新潮發海鮮菜館服務員落力招呼💪驚喜送😍😍 粟米羹/湯必食黃金蝦：咸蛋黃沾滿開邊蝦所以蝦肉都食到黃金味唔止於蝦殼，蝦肉嫩爽。蠔餅煎蛋：粒粒脹卜卜蠔肉好足料，蛋煎得好香唔油膩， 不錯。椒鹽九肚魚：肥美大條， 我初初以為係魷魚， 表皮酥脆可口 好like 佢少油。蒜蓉炒菜：蒜蓉好香 蔬菜碧綠爽口 下次約埋多D朋友再來佢地既海鮮同小菜都好好食特別係蒜茸蒸開邊蝦蝦仁蒸蛋再叫埋聖子皇， 蒸扇貝，瀨尿蝦，東風螺。。🤤🤤🤤🤤坐在室外邊位可以吹下風 睇下海景食下海鮮 ， 一流享受🥰…查看更多

星期日入咗長洲，天氣好熱，好多人🤣 午餐想食海鮮，揀咗新潮發。啲海鮮質素真心嗰句真係好普通，不過個廚鑊氣夠，味道還可以。同埋價錢真係唔貴，八個人叫咗個10餸餐，再加一碗白飯，一碟肉絲炒麵，一個自攜海鮮加工再加一支大藍妹，埋單先係$1006⋯⋯ 環境就好一般，可以稱得上係有啲污糟，同埋最大鑊就係連室內都冇冷氣，大熱天時真係食到大汗踏細汗🥵服務方面呢，上菜都快手嘅，禮貌就唔好要求咁多啦，個阿姐有時係會喝人嘅🤣…查看更多

好掛住旅行嘅感覺～一於入長洲 Relax 下去個短Trip 🥰 入到黎除左食小食同魚蛋～都仲要食餐好嘅️雖然得2 個人但又好想食海鮮～ 見到呢間好多食客～所以就膽粗粗試下海鮮套餐～ 2人套餐可以自選3 款菜式都係$248 仲加送左粟米羹同油菜 真係好抵食呀🥰🥢蒜蓉蒸扇貝呢個真心推介🤗 每隻扇貝都鋪滿左粉絲～ 加埋蒜蓉同扇貝一齊食真係無得頂～ 主角扇貝2 人餐有6 個開邊～蒸得岩岩好～唔會過左火喉～🥢黃金蝦呢道菜一直係我最愛～要讚嘅係黃金蝦係隻隻都脆口嘅～當然呢道菜一定要趁熱食～因為份量太大… 我地留到後尾再食就會無左脆口效果～🙈🥢椒鹽鮮魷呢道菜又係份量十足睇外表係炸到黃金香脆咁️我專登食一半睇過～ 鮮魷算係厚而炸粉係適中嘅🤗 果然無令我失望～ 食落係脆口嫁️ 🥢粟米魚肚羮+ 油菜呢2 樣係order 套餐送嘅～ 粟米魚肚羮係一大碗～絕對唔係水稀稀咁～好有誠意～ 是日油菜就係生菜🥬～都幾健康️之前好怕海鮮套餐會將貨就價～ 為食妹可以拍心口咁同大家講～ 呢道絕對係抵食又大碟😋2 個女仔食左4 道菜加一個羮️ 大滿足～仲有好多道菜都好想試呀～下次絕對會帶埋屋企人一齊黎再食過呀🥳…查看更多

天氣如此涼爽，最適合外出遠郊。所以今個週末就去到長洲，輕鬆一下順便食一些長洲名物。來到傍晚時分，發覺長洲真的非常漂亮，我們在長洲海旁附近行行，行到咁上下已經有點肚餓，就來到今日我最期待的在長洲食海鮮。長洲有非常多的海鮮菜館，我們差不多兜了一圈，發覺全個長洲最受歡迎，最旺的餐館就是這間新潮發海鮮菜館。未到六點就幾乎已經全間滿座。這麼多人來食的看來有保證，相信大家的眼光。天氣這麼涼快，坐出邊絕對不成問題，而且還可以欣賞到海景，簡直就是海景餐廳。新潮發的餐牌明碼實價，而且一個餐牌有着不同款式，不同煮法的海鮮，非常抵食。兩個人我們就點三款菜，但老實說，要在咁多咁吸引嘅海鮮要選三款是非常困難的。⟳ 1. 粟米羹 & 生菜坐落才知道，原來餐館係會每台客人都會送一碗粟米羹和一碟炒生菜。看得出餐館非常有誠意，變相我們可以少叫一碟菜和湯。⟳ 2. 椒鹽鮮魷無論食打冷、大排檔，或是海鮮菜館，我都會必點椒鹽鮮魷。新潮發的椒鹽鮮魷外表金黃色，香脆的黃金外皮，再加上爽口的鮮魷，香口而彈牙。⟳ 3. 黃金蝦香口嘢點可以食一碟咁少，店員推介我們食黃金蝦，她笑着說這些都是在家弄不到的，我們就一於嚐嚐店員的建議吧。黃金蝦很香鹹蛋黃味，一隻一隻咁很快就食清光。⟳ 4. 豉汁蒸倉魚食了兩碟比較熱氣的海鮮，當然要食返一碟傳統的蒸魚吧。豉汁蒸倉魚，吹着涼風，食一口蒸倉魚非常舒服，倉魚吸收了豆豉汁的香味，而且倉魚沒有過多的魚骨，啖啖肉非常好食。食完就知道為甚麼新潮發會是長洲最旺的海鮮菜館，好食之餘又抵，又加送粟米羹和生菜。店員又會向我們介紹一些海鮮，這裡絕對是海景海鮮中菜館！…查看更多