Hao Ke Steam Seafood Restaurant

諗吓元朗有乜食！今日突然想食海鮮！！行過見到有間蒸氣海鮮店！濠客蒸氣海鮮！ 店員好細心咁準備整齊嘅餐具俾我哋仲放入鍋裏便消毒！全部熱辣辣咁樣俾我哋！保證乾淨！之後海鮮盤嚟啦！哇！全部都係我最鍾意食嘅款式！新鮮嘅澳洲龍蝦！！😱🦞🦞🦞絕對唔會好似一般用波士頓龍蝦！呢個真係數一數二嘅靚龍蝦！餐廳仲清蒸！因為一定係好新鮮餐廳先會清蒸！因為識食一定知龍與鳳！真心爽肉彈牙！極力推介！另外仲有大大隻靚蟹！好多蟹膏！清甜美味！仲好多肉添！仲有新鮮大青口！北海道元貝，象拔仔，鮑魚，海蝦， 全部都食得出好新鮮！真係冇去錯呀🥰食完海鮮佢仲會有一碟蔬菜俾你蒸嚟食！最後就係個瑤柱粥底！其實佢已經預先放咗係煲底！上面蒸海鮮嘅水份滴落下便！令到足底更鮮甜！呢個瑤柱粥底！每一啖都食到瑤柱！勁鮮甜！另外仲要講講，店員非常親切有禮！呢個值得一讚！仲會同客人有講有笑！呢啲服務態度令到每一位食客都感到開心！讚吖👍🏻😮❣️今次呢個套餐非常之抵食！全新先靚海鮮仲有埋飲品！埋尾仲有個靚粥！下次一定會再帶埋屋企人或者朋友嚟食！推介比每一位！👏🏻👏🏻👍🏻屯門靚海鮮餐…Read More

今日去元朗老友屋企玩，離開元朗前食埋晚飯先，原本想食嗰間已經不在，老友知我哋鍾意試新嘢，推薦呢間鳳攸南街嘅蒸海鮮。店舖內籠唔算好大，勝在乾淨企理坐位幾闊落，枱面放咗樽檸檬水，仲有齊食海鮮嘅工具。我哋叫咗$288一位，有8款海鮮嘅套餐，套餐仲包瑤柱粥底同汽水。落完單，店員就送上調味架，按自己喜好去選擇調味，仲有一碟拍青瓜，可以醒醒胃。店員首先拿來粥底材料，倒入蒸氣鍋內，有瑤柱、南瓜粒、白米。然後，海鮮來了，每人有奄仔蟹1隻、澳洲龍蝦半隻、鮑魚1隻、北海道元貝1隻、南海貴妃蚌1隻、大蜆1隻、象拔蚌仔1隻、海蝦2隻。店員幫我哋放埋落蒸鍋，夠鐘就過來熄火，好服務。龍蝦要蒸9分鐘，蒸嘅時間啱啱好，每人有半隻，肉質彈牙美味。跟住到我嘅至愛出場，每人有一隻奄仔蟹。奄仔蟹都幾大隻，蟹膏爆到瀉，蟹膏香軟滑溜，回味無窮！蟹肉肉質結實鮮美。跟住將蒸煮時間相約嘅一齊放，鮑魚鮮甜彈牙又唔韌，正呀！😋北海道元貝同海蝦又鮮又爽，好食😁跟住就係貴妃蚌、大蜆同象拔蚌仔，三樣都鮮甜味美，正呀😋食完海鮮，輪到蔬菜嘞，香甜嘅南瓜同清甜嘅粟米好好食，腍甜嘅娃娃菜亦都唔錯呀。最後，就到精華匯聚嘅南瓜粥，南瓜粥口感綿綿，好鮮甜，食到捧住個肚。整體食材新鮮，價錢相宜，抵食！…Read More

元朗人想講元朗真係好多好食野，雖然香港依家咁，我決定俾d正能量，講下最近食既好味海鮮！香港加油！呢間野老闆娘好客，人情味濃，兩個女仔叫左每人288既黃金套餐，好飽食唔曬><睇下D蟹膏幾多，清蒸真係細正，原汁原味！配既食蟹工具好足，我自己都拆到完整既蟹棒😋龍蝦長過手板，好大隻，啖啖肉，呢度既員工會幫你擺盤同set時間，確保d海鮮唔會over cooked 🤤醬料既辣椒落少少都夠辣，配埋d青口，元貝一流！開火蒸海鮮前就落米煮粥，食完海鮮手d粥岩好吸收曬海鮮既精華，加上本身有既南瓜同瑤柱，配埋d菜莆，我同朋友幾飽都食多碗丫，最後食唔曬個粥係唯一美中不足既事！d相無p過同佢地一樣原汁原味都夠曬吸引！…Read More

今晚又去左鳳攸南街搵食，呢條食街真係好多野食，任何菜式都有，行過見到有間新開的蒸氣海鮮，見佢餐牌都幾吸引，我同老公就入左去試下。套餐有幾款，價錢由$188至$888不等，豐儉由人。我地選左$288的黃金套餐，每人仲包一罐汽水。店員會先將粥底放係蒸隔下面，然後將海鮮放係上面蒸，咁海鮮的精華就會流落D粥到，到最後食粥的時候就可以食到鮮甜的海鮮味。呢度唔洗自己落手蒸，全部由店員負責，佢地好識掌握時間，每食完一道菜就岩岩蒸好下一道，所以我地只需要keep住食就可以，咁海鮮就可以keep住新鮮滾熱辣。一坐底店員就送上炸魚皮當季奄仔蟹(1隻)隻蟹好大隻，非常新鮮，勁多羔。澳洲龍蝦 (半隻)鮮甜，而且肉質爽脆美味鮑魚 (1隻)、海蝦(2隻)北海道元貝(1隻)、北寄貝(1隻)、象拔仔(1隻)、澳洲青口(1隻)新鮮蔬菜籃瑤柱粥底醬料…Read More

今日同媽媽兩個人撐枱腳，媽媽最喜歡吃海鮮，所以便尋找一些蒸海鮮的餐廳，感覺上健康一點😋看見這間蒸氣海鮮，原來3月才開張，附近有泊車位$12一個鐘，揸車來也非常方便。套餐的選擇也不少，今次我們選擇了黃金套餐$288。這個便是今天晚餐用的蒸氣鍋，旁邊也有一些調味料提供。開始到晚飯時候，也陸續多人來了。很快便上了海鮮盤！！材料非常新鮮，而且份量也挺多，用來打卡一流！📸老闆還走過來跟我們介紹他們的海鮮，每日也新鮮運到👍龍蝦也挺大隻，而且有少許膏。奄仔蟹是我的最愛，非常喜歡他裏面超多膏！😻😻喜歡吃膏的朋友不能錯過！另外還有元貝，青口等等。店員會幫忙控制時間，所以蒸的程度剛剛好。最後當然不能錯過這個集合了所有海鮮精華的瑤柱粥底！吃完這個粥也超級飽了😋總括來說，我覺得這裏的價錢便宜，而且食材新鮮，環境舒服。老闆也超好人，一直在跟我們介紹他的海鮮😂下次再和朋友來吃。…Read More

最近都是下班時下雨，心情難免有點鬱悶，面對這黑黑沉沉的天氣，掃除陰霾的好方當然時吃好吃的。媽媽想吃熱騰騰的東西，但不想吃火鍋，因為太熱氣，但蒸氣海鮮又不同說法，完全沒有這負擔。濠客蒸氣海鮮最便宜的一人特惠套餐只是198元，而我們選吃288元的黃金套餐，這包括當季奄仔蟹，澳洲龍蝦，美味鮑魚，北海道元貝，北寄貝，象拔仔，海蝦，澳洲青口，新鮮蔬菜籃和瑤柱粥底及汽水。蒸氣海鮮有專人服務，故只需動口不需動手，完全交給店員服務即可，我和媽媽輕輕鬆鬆聊天和用餐。蒸煮海鮮食材有一定順序，不是隨意自己蒸的，店員先把南瓜瑤柱粥倒進鍋底，用來承接蒸氣海鮮滴下的精華原汁，南瓜瑤柱粥留待最後品嚐。店員首先蒸煮當季奄仔蟹，蓋上鍋蓋，用蒸氣鎖住奄仔蟹的鮮美。時間到了，陣陣香味飄出，這時蟹肉由晶瑩變成白白的，熟掉的奄仔蟹太棒了，蟹膏甘香極致，蟹肉細緻甜美，令人回味無窮。新鮮澳洲龍蝦呈現我們眼前，雪白的龍蝦肉彈牙可口，還有鮮甜的龍蝦膏，不需任何調味，龍蝦破表的鮮度勝過一切，美食當前當然吃了再說吧。美味鮑魚熟度剛剛好，又嫩又富彈性，沒有老韌咬不爛的困擾，媽媽大讚鮑魚蒸得不錯。北海道元貝真的超飽滿，看看它肥嫩的厚度，一口咬下元貝更是爆汁，幸福感滿瀉。海蝦不用多加描述，蝦殼輕易剝下，蝦肉爽彈無比，正是鮮的證明。象拔仔真的很過癮，肉質細嫩不老富彈勁，肉汁豐盛，甜美化不開的滋味。北寄貝肉飽嫩，富含海水自然的鹹鮮，鮮味就是王道。澳洲青口滿大顆的，濃濃的鮮味從青口竄出，單吃原味已好吃到不行。蔬菜籃包括冬瓜，南瓜，粟米，秋葵和娃娃菜，蔬菜顏色鮮艷引人食慾，蒸蔬菜營養完全保留。剛蒸好的娃娃菜口感蠻有脆度，個人喜歡沾點醬料提味。南瓜十分綿密，粟米清甜，秋葵滑溜溜的。南瓜瑤柱粥經多番海鮮蒸煮，收集它們滴下精髓，熱粥烹煮恰到好處，不會太硬或過於軟爛。小嚐一碗，南瓜瑤柱粥甘，甜，鮮，醇，帶來海鮮原味味蕾享受。…Read More

元朗雞地不嬲好多嘢食，最近呢度開咗間蒸海鮮舖頭，諗起最近蒸海鮮都幾新潮，呢度個姐姐又講到明食材新鮮，所以就入咗食，睇下係咪咁好味啦同呀爸呀媽三個人叫咗兩個黃金套餐，一個鑽石套餐。其實望落去餐牌嘅分別就唔大，但係老闆話俾我哋聽鑽石套餐每一樣海鮮都係比較大份同埋比較靚嘅，所以我哋就試吓鑽石套餐。其實鮑魚同埋龍蝦都真係更加好味，俾多100真係好值！望落去已經超級吸引，所有海鮮都係好新鮮咁所有野都有人幫我地蒸，而且有哂計時，完全唔擔心會過咗火候，讚！呀媽高度讚賞奄蟹仔，佢話好鮮甜好有海水味喎，同埋其實都有唔少膏㗎！龍蝦我覺得都好正，啲肉好彈牙，又好容易撕啲肉出黎，老豆就話388套餐嘅龍蝦正好多，啲肉勁實，唔同層次，正過係酒樓食嘅冰鮮龍蝦多多聲其實食完厚肉龍蝦已經有啲飽，但係接落黎嘅貝殼類都一樣冇令我地失望，我自己就幾鍾意北寄貝同埋元貝，好鮮甜仲有海蝦都非常好食，彈牙厚肉！一咬就知上碟前仲係好生猛。老闆話我咁孝順帶呀爸呀媽黎食飯竟然送咗一碟安格斯牛肉片俾我地勁好人！牛味非常濃郁，不過就係瘦咗少少。飽到嘔之後仲有得食蔬菜，因為全部都好解膩，本身又甜，一粒鹽都冇放過都照樣好味！估唔到個粥底先係俾我地最多驚喜嘅餸！所有海鮮嘅精華都滴哂落去，飲落去就食到海水嘅味道！正，每人食咗2碗都仲有，太好味唔想哂所以就打包返屋企食嚕不過都建議一日內就好食哂啦 唔係就會有腥㗎啦呀爸呀媽食得好開心，值得再有下一次！…Read More

雞地一向都係元朗區既清泉，冇大馬路咁繁囂，但啲餐廳都大部份有相當質素之餘，仲要唔少選擇，所以我都等鐘意去雞地搵野食😋😋今次見到一間食蒸氣海鮮🦞，有做埋海鮮直銷，咁啲海鮮都應該相當有保證😎咁就入去豪一豪吓🤑佢有幾個套餐俾我地選擇，由$288到$688不等，咁經過荷包既考慮，就決定要一個黃金套餐（$288）and 鑽石套餐（$388）黎試吓🥴🤩 首先會上個前菜俾我哋開下胃，今日有炸魚皮同埋醃咗青瓜雲耳！大家睇圖可以睇到黃金套餐同埋鑽石套餐有咩分別！咁佢有個粥底跟埋可以最後食到碗粥，我地揀咗要粟米，貪佢有甜味，另外佢都加咗啲瑤柱吊一吊味，咁就佢有佢滾，我有我蒸海鮮了🥳🥳咁其實都係有專人幫手蒸，set好timer，等夠鐘就可以食🤗首先第一樣係食蟹，分別係菲律賓頂角膏蟹半隻同奄仔蟹一隻，大概蒸佢七分半鐘就食得，而喺呢個等待⌛期間，我哋可以一路食炸魚皮同啲冷盤，慢慢食著等😳🥰時間一分一秒過去，蟹既香味都越嚟越勁，好快已經蒸起喇，啲奄仔蟹膏已經變到金黃色，帶有流心狀態，一口連埋蟹肉一齊嗒，真係好鮮甜甘香，隻蟹又多肉，真係啖啖都係享受🤤而朋友食嘅係角頂膏蟹，橙紅色嘅蟹膏確係又幾靚😍😍而下一味就係食澳洲龍蝦🦞各半隻，雖然唔算話好大隻，但每隻都容易扯晒成條肉出嚟食，而龍蝦味都好夠而又帶有甜味😘😘之後就蒸啲貝殼類，例如北寄貝，帶子，象拔蚌，蟶子皇😚新鮮貝殼蒸出黎一定好鮮甜多汁，呢個冇例外，果然來貨信得過，而多咗啲汁都倒翻落啲粥到，希望有用啦🙏🏻🙏🏻接著就食蝦（黃：海蝦2隻，鑽：虎蝦一隻）同鮑魚，啲蝦嘅蝦頭都有橙色膏食，唔黑，有甘香味，肉都厚身，點啲豉油啱啱好💪🏻💪🏻鮑魚一早經過處理，冇咗啲污糟野，可以好方便逐啖食，易咬👻👍🏻個鑽石餐仲有啲牛肉、豬肉食，原來咁蒸啲肉都好保持到原味，食到咁上下，就蒸埋啲娃娃菜，粟米，雞髀菇中和吓😽最後就梗係食番碗海鮮瑤柱粟米粥，加啲蔥花，少少鹽吊味都已經好好味，臨尾都食到三碗先肯停手🤰🏼🤰🏼P.S 呢度啲員工好好客，會幫手放海鮮去蒸，又會教我哋每樣材料蒸幾耐最好食，基本上只係坐喺度等食就已經OK了！而家新開張期間仲唔收加一添呀！…Read More