Hungry Bird (Closed)

今日去左一間餐廳名幾得意既串燒黃店 係尖沙咀泥講 價錢真係幾抵食💛餐牌睇到我地花多眼亂 有好多選擇🥰 我地就試下以下既食物🤤1. 芝士蟹籽玉子燒 大大件玉子燒上舖滿芝士同蟹籽 睇見都好興奮😍2. 鹽燒厚切牛舌 有5件厚厚既牛舌 熱辣辣食好好食👍🏻3. 芝士燒廣島蠔 可惜今日無黑松露 芝士份量好多好邪惡👅4. 自家製芝士金黃醬燒扇貝 自家製醬汁好出色 加上粟米同沙律醬 酸酸甜甜 必試😋5. 黃金薯條 份最十足 每條薯條都被鹹蛋包圍 好惹味😚6. 蒜蓉燒原條茄子 必點抵食之選 有齊乾濕蒜 茄子唔會好乾好juicy🤩7. 蒜蓉牛油烤焗雜菇 有大量金菇同雞髀菇 牛油可以再重手d😆見到佢地仲有好多款手工啤 下次要試下🌟…Read More

十一月最後一個星期工晚上，尖沙咀。下班後跟友人到尖沙咀覓食，很久沒有吃串燒，在網上看到這家的店名挺有趣，就去試看看。繁忙時段，客人蠻多的，而服務生只有一個。裝潢帶點隨性工業風。坐下後我們研究一下菜牌，有燒丸、牛、豬、羊、雞、海鮮、蔬菜，連焗飯也有，選擇可以說非常的多。店裡售賣的手工啤酒外面少見，我們點了一瓶迷失海岸西瓜小麥啤酒，酒體偏甜，讓我想起某款甜點，一時之間卻忘了是甚麼，友人說有點像在吃西瓜口味雪條，蠻有趣的。友人點了Jaipur IPA啤酒，為英國索恩橋酒廠Thornbridge Brewery出品，在世界舞台上得獎無數。顏色呈淺黃，帶有濃烈而清新的啤酒花跟麥芽香氣，回甘帶有點點柑橘味，清爽順喉。燒雞泡魚乾，有別於普遍的乾燒，塗滿醬汁，吃起來有燒汁的甜度跟雞泡魚乾本身的香味，佐酒不錯。鹽燒厚切牛舌，香口軟嫩，而且肉質新鮮多汁，烤得入味，吃烤串必點。川式火雞腎串，外面很少看到有火雞腎，相對於普通雞腎更加爽脆彈牙，帶點微辣更加開胃。芝士蟹籽燒玉子，友人非常愛吃的一道菜，玉子表面鋪上厚厚芝士，形成邪惡的拉絲效果，非常吸睛。夏威夷大浪啤酒Big Wave Golden Ale，呈淡金色，帶點熱帶果香，以金黃愛爾啤酒來說，酒體相對淡身清盈，甚有熱帶休閒風情。勁辣跳舞雞翼，同為雞翼控又愛吃辣，當然要挑戰一下號稱極辣的口味，雞肉挺滑嫩，雞皮烤得香口微焦，不過好像不是想像中那麼的辣呢。燒蒜蓉廣島蠔，蠔非常大隻，蒜蓉把蠔的表面全蓋過，蒜香惹味，滿口都是蠔的甘香。免治雞肉棒，烤成金黃色，雞肉鬆軟中帶嚼勁，如果伴有雞蛋口感就更加完美了。椒鹽燒新加坡白魚蛋，我們都愛吃白魚蛋，很大顆而且比平常的白魚蛋更加彈牙可口，又能吃得出魚味，還是第一次試燒的白魚蛋，灑上椒鹽粉更惹添風味。看到牆上貼著每天晚上9點半後可以$88塊享用兩杯生啤，有1664或者朝日啤酒兩款選擇，再喝兩杯才結束今天的晚餐。…Read More

這個星期五選擇了這間串燒店Happy Friday一下！ 餐廳座位舒適，非常適合大伙兒或是知己好友把酒談談心！串燒種類繁多，各款肉類、海鮮、蔬菜、飯類、推介小吃的選擇都非常之多！ 我們就各自點了幾款推介的串燒！每一次吃串燒，原條茄子都是必點的！這個微辣肉碎原條燒茄子跟其他店的不同是加入了充滿麻辣的肉碎，十分惹味！ 而茄子肉質鮮嫩多汁，非常好吃！秘製醬汁燒豬頸肉是男友喜歡的小吃，可見數量非常多，而且每條都燒的微焦香脆，質感爽口彈牙！ 配上酸酸甜甜又辣辣的秘製醬汁，好無敵！而第一個上菜的串燒鹽燒厚切牛舌表面用了黑椒和鹽巴調味，煎的金黃微焦，而肉質爽口多汁，火喉控制的剛剛好呢！接著是我們很期待的燒玉子（芝士蟹籽）！ 玉子大大份，上面佈滿蟹籽和熱溶的芝士！ 配合微甜的玉子，味道非常搭配呢！而海鮮類我們就點了珍寶日本帆立貝，店員說由於來貨的問題，師傅詢問我們會不會介意用四顆帆立貝來換兩顆珍寶。我們當然沒問題啦！ 帆立貝咬下去很彈牙又有鮮味，額外加了孜然粉就更加惹味突出啦！然後就輪到我最愛的汁燒惹味翠玉瓜！ 鮮嫩多汁的質感配上秘製醬汁和孜然粉，我自己一個吃畢了整串 嘿嘿！而肉汁香燒餃子雞翼是我們覺得很特別的一個小吃！雖然雞翼size沒有想像中大，但內裡就藏著惹味的餃子！ 配上香燒多汁的雞肉，完美的搭配啊！黃金薯條完全是今晚的highlight！首先沒想到份量有這麼多 哈哈。即叫即炸的粗薯條再用咸蛋黃即炒，讓每一條薯條都被咸蛋完美的覆蓋著，真的邪惡又美味的太過分了！最後就以棉花糖燒多士作一個完美的句點！香脆可口的多士上面有著美麗金黃的棉花糖，再加入朱古力醬，簡直要俘虜了少女的心！多士和棉花糖一起放入口裡，口感特別之餘又不會過於甜膩！吃串燒的最佳伙伴一定是啤酒，我們點了杯1664啤酒，很冰涼很爽呢！餐廳有一個很划算的優惠是在9pm以後兩杯生啤只需要$88，下次要再來吃吃宵夜 嘻嘻！…Read More

都有一段時間冇黎呢間串燒店食啦，點解話會有好多回憶?因為幾年前被求婚後就黎左呢間餐廳食，所以黎到就諗起好多野啦!餐廳不如很大，座位主要以高枱高櫈為主，如果坐近窗位置還可以看到尖沙咀夜景!餐牌都有幾多唔同的選擇，可惜當天有很多蔬菜類都沒有，要下次先可以再食啦!枱上有孜然粉、辣椒粉同埋鹽可以俾你調味，所以唔怕唔夠味啦！而且9點半後仲做緊啤酒$88帶兩大杯，好抵呢！燒墨汁墨魚丸($22)，好券串燒會用呢隻墨魚丸，不過呢個燒完味道都唔錯，又幾彈牙！鹽燒厚切牛舌($68)，佢既牛舌真係幾厚肉，好香牛味，口感又唔會好韌！汁燒北海道原隻魷魚($69)，魷魚雖然唔係好大隻，但有兩份，魷魚鬚跟魷魚身已經分開，魷魚醬汁都好多，而且燒得好惹味！魷魚爽口彈牙！黃金薯條($62)，薯條是粗身薯條，外脆內軟，而薯條是加了咸蛋黃的，所以食落有淡淡的咸蛋黃味，口感特別！蒜蓉燒廣島蠔($68)、芝士燒扇貝($68)，前廣島蠔都算大隻，多汁，配上蒜蓉更能提起蠔的鮮味！扇貝也很鮮甜，配上焗的芝士更惹味！牛油粟米($38)，粟米好爽甜，加左孜然粉同埋少少辣粉味道更突出！Watermelon Wheat Ale($78)，西瓜味啤酒真係第一次見，飲落有淡淡的西瓜味，但又帶有少少啤酒的甘味，好特別！下次再黎唔知又會係咩特別日子呢？…Read More

唔好意思影得好濛，因為餐廳有啲暗 😜串燒店茄子係必食！有啲鋪頭既燒茄子係個皮燒到好窿，淨係食到中間啲肉；但呢度超超超好食！成條都好juicy，可以連皮食埋都好fresh，個人最enjoy係除左充滿蒜蓉既茄肉外，仲有個頭冇燒到好熟，好似食緊生果咁，一條茄子，雙重味覺享受 ❤️雞串超好味，好多肉，好嫩滑。豚肉有啲乾，但個整體所有串燒醃味都好好，唔會條條一樣味😂 但呢個又有啲細串，雞抵好多😜呢個不得了。。。。勁厚切牛舌，真係好痴線😂 中間油花多到滴出黎，真係諗返都肚餓同流口水。必試！彈牙！玉子又個又係必試，超好味！甜蛋有芝士鋪面。呢個啲粉有少少辣，如果唔食得辣又鐘意秋葵既話，記住同廚房講聲。但我好有創意咁將秋刀魚舊檸檬擠左係秋葵上沖走啲辣粉🤣黑松露醬好香，仲有菇既咬口，好正。呢個地方勁岩朋友聚會，最可惜係我果位朋友唔飲酒。我見到人地飲既手工啤好正😭 下次帶班酒鬼再去😎…Read More

新春期間，差不多每餐都食中菜，開年第一餐就想食一些特別的，就來到了這間樓上串燒店預先訂了座位，來到要等一小陣子才安排到座位，座無虛席，好熱鬧點餐係以手寫畫單形式，想食多少就點多少，悉隨尊便HOEGAARDEN $45Zero $18同朋友分別點了啤酒同汽水，一落單就好快送上了飲品因為串燒原故，上菜都要些少時間呢鹽燒厚切牛舌 $59真的是貨真價實厚切牛舌，厚厚實實的，啖啖都是肉，好吃黑松露香菇醬燒扇貝 $59燒扇貝配無得輸的黑松露，上面鋪滿了切粒的香菇碎粒，吃起來有點咬勁自家製金黃醬燒廣島蠔 $59自家製黃金醬吃起來像沙律醬配搭些粟米川式燒韭菜 $25必食的燒韭菜，個人認為排名前三名，不會太辣同燒焦，燒得剛剛好黃金薯條 $59這是整晚裡，最好吃的一道，配啤酒一流，吃到底還有一顆顆咸蛋呢黑松露磨菇串 $48磨菇裡釀著黑松露再加了一些雜菌碎，吃起來不會太過單調，贊香燒原條日本鰻魚 $59比想像中有點出入，有點被騙的感覺，不是寫明原條嗎，哈，不過味道不賴，就原諒你啦烤焗西京比目魚 $88簡單的烤焗，已經可以帶出魚的鮮味，如果味道不夠，還可以自行加配調味料(台上面有四款調味料，可任勻選擇)個人認為蔬菜、肉類比海鮮類較為出色，下次再來可以多點這類款式，還有手工啤酒，都想試一試…Read More

多興幸有一班能暢所欲言的同事們，放工後仍會聚首一堂暢談上班趣事、家庭近況以及人生目標等，話題總是蝶蝶不休，晚飯過後大家還興致勃勃尋找另一個落腳點繼續談天說地，實行談個痛快！最後我們找到在餐廳附近的一間串燒店 －肚餓了串燒烤焗專門店，名字有趣吸引，老闆必定是希望大家肚餓時便會想起它串燒店位於亞士厘道17-19號大廈6樓全層，餐廳寧靜且燈光燻暗，加上裝潢以木啡及黑色為主，環境非常適合把酒談天，幸好當天為星期三晚上，人流不算多，不然每檯用膳時間為1.5小時坐下後店員馬上遞上點菜紙及餐牌，點選食物可寫在點菜紙上，而餐牌則提供圖片參考。餐廳之串燒款式頗多而全面，有燒肉類豬牛羊雞、蔬菜及海鮮，如怕未能飽肚，可點選飯類，如想這頓飯來得更完滿，可點選甜品😆該串燒店特色地方莫過於專門提供手工啤酒，更有充滿本土特色的經典電影系列啤酒，燒串燒在手工啤酒的襯托下味道必定更出色，可惜明天還要上班，盡興只好留待週未吧！每一個位都擺放著一隻印上不同國家特色圖案的碟、叉子及紙巾每檯亦放有4款味粉及牙籤，味粉由圖中左至右包括黑胡椒、鹽、孜然粉及辣椒，全部也是非常適合為野味串燒作調味之用😋蒸氣從熱烘烘的扇貝散出，遞上時已經聞到菇味，喜歡菇菌類的我看到菇粒堆滿在帶子上已經涶言三尺，香濃菇味滲出淡淡黑松露味，撥開菇粒可見帶子大小有如雞蛋，帶子不但保留到水份，更嚐出少許牛油香味，令帶子鮮味更加特出，可惜菇菌與黑松露味未能滲至帶子中，兩種味道只能分開品嚐如服務員不介紹會以為眼前所見的是牛柳粒！牛舌被切成正方體並加上黑胡椒及孜然粉炭燒，令炭燒味特出而且野味，自行加少許鹽會更特顯牛鮮味。牛舌新鮮爽口，但略嫌太厚導致難以咬開或切開，相信切成薄片更能嚐到牛舌爽脆的質感鰻魚大小與餐牌圖片有所出入，但滿佈燒汁的鰻魚外貌仍覺吸引！炭燒程度剛好不會有燒焦味，與以住品嚐過的鰻魚相比下，肉質特別有嚼勁彈牙，而且魚骨幻細脆口，數量剛好不會阻外品嚐，但燒汁偏甜，由其佈滿整條鰻魚時甜味更為顯著出奇地牛柳粒反而切成片狀。燒至外脆內軟，能鎖著牛肉汁，肉質嫩滑但比想像中有嚼勁，而且咸味不太特出，建議自行加鹽可令牛味更出眾外皮燒至軟身非乾身，咬開時熱烘烘的秋葵汁液流出，使秋葵變得不平凡莫過於師傅把燒汁搽在秋葵頂至中段，尾段則沾上孜然粉，味道由甜到咸立即使秋葵味道變得有層次感，而且可以中和燒汁偏甜問題磨菇大小如半個乒乓波，燒至乾身並放上撈有黑松露的磨菇粒，磨菇粒味道與扇貝上的味道相同，特別之處是每顆磨菇內加了少許燒汁，為平平無奇的磨菇添上了一點甜西蘭花上佈了數塊煙肉及少許芝士，最感到驚喜是煙肉的煙燻味能滲透至每一顆西蘭花，令西蘭花有燒烤味至沒有燒焦過的痕跡，而煙肉較一般厚身有質感，芝士能夠做到拉絲效果，但略賺芝士份量較少，未能覆蓋至每顆西蘭花—————整體評語：味道-整體味道令人十分滿意，食物新鮮沒有雪味，串燒沒有燒焦味道或痕跡，燒烤程度令串燒剛好熟又野味，而且靈活運用調味料令食物變得更有層次感，特別是汁燒秋葵。製作食物意念存在小驚喜，令我期待其他食物的味道。野味串燒會令人上引，令人一點再點，愈吃愈滋味，愈吃愈肚餓，不禁令我沉思......究竟肚餓會想起串燒，或是串燒才會令你肚餓？我想心中已有答案！.服務-服務質素可接受，每款遞上之食物也作介紹.衛生-所有餐具都潔整乾爽，可能因為餐廳為串燒店，始終也避不了用具例如調味料及地板有黏感.環境-環境寧靜加上燈光微燻，非常適合把酒談天.抵食-以尖沙咀地段的串燒店價錢屬合理，蔬菜類最為抵食，大約$50內一串，新鮮食材加上師傅燒烤技術不俗，可以把蔬菜烤至熟而不燒焦，還可保留到熱騰騰的蔬菜汁…Read More

有時想同朋友吹下水，唔一定去酒吧既。去依類型串燒店，食住串燒叫返枝啤酒一樣好正！依到有好多唔同類型既手工啤，仲有經典電影系列(唐伯虎點秋香、食神、家有囍事1992、回魂夜)。睇名雖然唔知係咩，留左份神秘感😂串燒質素唔差，但全部都係即叫即燒，一輪輪咁一次過出菜，候菜時間較耐。不過邊吹水邊等唔成問題。可encore既串燒店！仲有好多款想試！．🔸秘製醬燒豬頸肉 $69 👍🏻份量多👍🏻秘製醬酸酸地，似食泰國野食會跟既醬汁。豬頸肉好爽口，夠juicy，再點一點醬汁酸酸地，中和返啲豬油😆第一碟食黎講，幾開胃！🔸鹽燒厚切牛舌 $59一串有五大舊。一般厚切牛舌都係以片狀上，依到就以一舊舊不規則上😂所以食落口感有啲唔同，個人認為唔夠爽口，有進步空間。🔸芝士金黃醬燒15cm虎蝦 $59/隻 👍🏻賣相打卡一流！15cm長既虎蝦面上舖滿芝士，多到滿瀉！一撩起就有拉絲😍芝士多到食幾啖都未食完，好邪惡但好幸福🤤 隻蝦多肉既，但可能始終冰鮮蝦，肉未夠彈牙。🔸辣味北海道原隻魷魚 $69以為係小辣既朋友你就錯了🙈唔食得辣千其唔好叫食左一啖辣味燒滾了我的舌頭🔥但知道係好惹味的！好香！聽到隔離幾枱都叫好辣😂😂如果出無辣version就好了🤔🔸玉子燒(芝士蟹籽/肉鬆) $38玉子燒形狀唔似平時一條長長的，反而係兩片正方形。上面舖滿蟹籽，入面就包住芝士。食落唔算好梳軟，口感較實淨。🔸肚餓了燒扇貝拼盤 (六隻) $168如果想試哂唔同口味，叫拼盤最抵！扇貝又夠哂大粒，上面配料都舖到滿，足料！口味包括: 蒜蓉、芝士、蒜香勁辣、蜜糖、黑松露香菇醬👍🏻、自家製芝士金黃醬👍🏻．by VIN環境分數: 7/10食物分數: 8/10 …Read More

大部分串燒店都會以日本字或名作店名，所以一開始便覺”肚餓了”這名很有趣。餐廳位置算是方便，但覺得它於街的廣告牌可更加特出。由於餐廳地方有限，檯與檯的距離亦相對地窄。因聽聞串燒比較出色，沒點主食。餐牌以食物分類，同一種食物有不同的配搭或煮法任你選擇。牛舌當然是此飯的主角！很愛很愛這裡的牛舌😍，它的肉很厚，同時燒得剛剛好，肉質很滑並很彈牙！無論是鹽燒或配京蔥也一樣好味！絕對是令我再回來的原因！燒豬頸肉值得推介，肉很嫩，質點也很滑建議不應點它的配汁，因它會蓋過本身的肉汁。燒羊架，肉厚不羶，肉汁能鎖住，不會太油膩。原條鰻魚，鰻魚份量不算大，因即叫即製，温度熱熱的。微辣肉碎茄子，辣味是有的，但如多點蒜味會更好。燒豆角及汁燒秋葵，兩款菜很相似，味道差不多，應是用同一樣的醬汁去燒。芝士廣島蠔，芝士味是有的，但因蠔有點水，沖淡了。黃金薯條，薯條是很脆的，但因太脆關係，薯條有點乾，鹹蛋黃味不入，而且很難叉起。西京比目魚，份量多，魚肉滑度及味道正常。芝士丸，芝士沒有很澎湃的感覺，普通。鹽燒鴕鳥肉，外表有點像牛舌，但味道及肉質差很遠。肉比較韌並沒味。…Read More

好耐無食串燒了，所以揾個朋友仔陪我去食串串。呢間位於尖沙咀的樓上串燒店，地點近地鐵站夠方便。餐廳去到都唔少人，不過都有幾張枱淨，所以都唔洗等位。餐廳的串燒種類好多，由豬牛雞羊到海鮮、丸、蔬菜，到小食、甜品，甚至飯類都有。餐廳除左有不同的罐袋汽水果汁外，仲有不同的手工啤。見到餐牌有黃金炸魚皮，諗都無諗先叫左一份。暖粒粒又脆身的炸魚皮，加上新鮮撈埋一齊的鹹蛋黃，真係同新加坡個個係兩個Level。另外，我們叫左「自家製醬燒黑豚肉」及「鹽燒鴕鳥肉」。兩款串串都燒得非常香口，肉質卻唔乾。當然我都有叫到食串串必叫的牛舌啦！個人認為用燒的烹調方式係最適合牛舌的，因為火喉可以火速燒熟表面，把肉汁鎖係入面。朋友對海鮮敏感，所以我只係叫左一隻蒜蓉燒15cm虎蝦及一份兩隻的芝士燒廣島蠔。虎蝦非常厚肉彈牙，而且上面的蒜蓉山都好惹味。芝士燒廣島蠔非常肥美，上面的芝士都好香。另外。我仲要左一份兩隻的汁燒鮑魚，個汁好香、鮑魚有咬口但唔會太un。此外，我推薦大家試呢個比目魚！雖然係用燒烤的方式烹調，不過都無阻魚肉的嫩滑度。金菇牛肉卷的牛肉油香滲埋黎金菇到，整體好Juicy！芝士丸用左調味粉調味，令芝士丸內外都好吸引。原條茄子切開後加入大量蒜蓉調味，茄子肉已經燒到好軟身，令蒜蓉的香味滲透入茄子肉內，令平凡的茄子再不平凡。餐廳出菜都幾快，職員收碟又收得密，重點食物又幾好食，非常適合朋友一齊黎一邊飲啤酒，一邊食住傾。…Read More

是日收工同大人出遊尖咀，不過到尖咀都7:00，所以就搵好西食先。亞士厘道有唔少野食，見到有間野叫"肚餓了"幾得意，上網睇左好似唔錯。上到去地方唔算好大，不過勝在就算搭枱都唔會黐到好埋或者唔夠位放野食。我地剔剔下野食，唔計野飲都揀左12樣。（雖然叫左咁多，但我無樣樣影哂）先黎左個黃金魚皮，同新加坡嗰隻包裝咸蛋魚皮差唔多，不過呢個係新鮮熱辣辣。當然係咸，所以要黎送酒的確唔錯！順帶一提佢有唔少手工啤酒，餐牌有寫埋唔同酒有咩唔同味道之分。鹽燒厚切牛舌，真係幾厚下，唔韌，肉味好濃。鹽燒鴕鳥肉+醬燒黑豚肉相比之下黑豚肉比較好食，因為鴕鳥肉肉味稍為遜色，相返黑豚肉比較出味同比較juicy，不過鴕鳥肉都係唔錯的，只係黑豚肉燒得比較好食。蒜蓉燒茄子，大人睇相已經話一定要食。因為個面差唔多全部都係鋪滿蒜蓉，茄子又無燒到乾哂，啲肉汁仲喺返哂到，加埋滿滿既蒜蓉好邪惡！芝士燒蠔，今次到滿滿既芝士再加上肥美既廣島蠔，魔鬼來了～西京比目魚，唔知咩係西京（可能係東京既對面），剩係知個汁甜甜地，舊魚又好滑。以為啲野食會好細舊，其實都唔少野，一分錢比返一分貨你，唔錯，食得過！…Read More

好耐無食串燒，較早前便與友人去了尖沙咀的肚餓了串燒烤焗專門店食飯. 愛食牛舌的我, 來這裡必食的鹽燒厚切牛舌. 這裡的牛舌同其他串燒店好不同, 牛舌切得夠厚身, 又大粒, 食的時候好有口感. 牛舌又夠彈牙, 加上牛舌面放了鹽, 更能帶出牛舌的味道. 烤焗西京比目魚. 一打開已經香味撲鼻. 比目魚份量也不少. 魚肉夠雪白, 肉質好嫩滑, 好好味. 蒜蓉燒扇貝. 扇貝幾大隻, 而且每隻也放滿了蒜蓉, 愛食蒜蓉的朋友真係唔可以錯過. 入口有濃濃節蒜蓉味. 特式茄汁芝士海鮮焗飯. 海鮮飯有不少海鮮, 而飯吸收晒海鮮的精華, 特別好味. 一口你食了多款的肉和海鮮, 就點了蒜蓉燒原條茄子. 茄子的肉夠鬆軟, 而且混合蒜蓉特別惹味, 兩者好夾. 茄子更起了中和作用, 無咁油膩.…Read More

去完旅行放假幾天後，一回到公司就有排山倒海的工作等著我處理，越辛苦就越肚餓 XD 前幾日一放工，就來到肚餓了串燒烤焗專門店開餐~店鋪面積不大，座位不多，幸好早來了，平日放工時間來到都差不多滿座。餐牌選擇繁多，看得人眼花瞭亂 @@自家製惹味燒雞肉串 $39燒雞肉串啖啖肉，表面微焦，內裏多汁，而且已經去掉雞皮，入口不會太油膩。鹽燒厚切牛舌 $59鹽燒牛舌同樣厚肉，經鹽烤不會帶出過多油脂，但是卻能保持鮮香多汁。西班牙黑毛豬件 $69黑毛豬肉質軟嫩，不會過韌，更能細味當中的脂香豐腴。麻吉燒 $20造型可愛，想不到這裡也有這款台灣道地的小吃，麻吉燒採用魚漿包覆Q軟不黏牙的麻糬年糕，同時保留魚蛋的鮮甜。蒜蓉燒 15cm虎蝦 $59虎蝦的size就如一隻手掌般巨型，頭大大很有氣勢，而且虎蝦是海蝦，肉較爽，味較鮮。黑松露香菇醬燒廣島蠔 $59蠔身纖巧但煮熟後卻未有嚴重縮水，蠔味濃，甘香鮮甜，黑松露香菇醬菌香四溢。惹味汁燒雞泡魚乾 $49這碟可說是全晚中我的最愛 ^o^ 帶有焦香之餘，鮮甜可口，一點也不腥，煙煙韌韌甚具咬口。辣味北海道原隻魷魚 $69原隻魷魚筒份量十足，鮮味肉厚，只可惜辣味醬汁對於我這個吃不了辣的人來說，也實在是辣到噴火 秘製汁燒鮑魚 $88鮑魚燒得軟腍入味，口感彈牙而又保留到肉汁。 惹味黑椒牛仔骨 $59稍嫌燒得過了火候，令肉質過韌，頗難咬開。珍寶日本帆立貝 $69漲卜卜的帆立貝夠厚肉，內裡仍能保持爽口嫩滑，保存鮮味，質感幼滑細膩，鮮甜無比。蕃茄薯條 $48薯條是茶餐廳最常見的粗條波浪形款式，炸得金黃酥脆。表面撒上大量蕃茄味粉，惹味開胃，只是吃得多就會覺得味道稍為濃重了一點。還點了兩杯飲品，熱柚子蜜 $18 及可樂 $18。…Read More

今晚呢個串燒夜係生日之星自己揀既，呢間餐廳係係尖沙咀d商業大廈入面，好方便呀。去到眼見地方唔太大，但係就塞滿左人，我地book左位準時到都要搭枱就有d失望，不過最緊要係有位姐。我地坐低左睇下張點單紙，都有好多選擇，我地就點左d大路野食住先，諗住唔夠先再落order。原來食串燒都可以好飽架。呢度食物既分量都ok，食物既質素唔錯，先講下佢個燒牛舌真係超級厚切，但係又燒得幾好味喎，唔會硬，燒得arm arm好👍🏻👍🏻👍🏻再想講既係佢個柚子雞翼，係雞翼上面加左d柚子係度燒，多左種甜香，但係又同隻雞翼好夾喎👍🏻👍🏻👍🏻反而個烤牛舌焗飯，我覺得麻麻地，仲好大個盒tim😱入面既牛舌都係好多好厚，不過就冇燒咁好味，略嫌太林同唔夠味。而個辣味噴火黃金薯條就幾好食，不過確實好熱氣呀，薯條炸得好金黃同脆身，仲要真係做到黃金蝦咁，蛋黃味好夠，而且個隻辣味真係好似會噴火咁🤤整體味道唔錯，環境都可以，係細左dd，要改善嘅係book左位唔駛搭枱會好d。…Read More

本來朋友約好這晚飯聚，可是中午卻忙得没有時間午餐。直至傍晚時分，來到尖咀，即是朋友約定的餐廳，看到餐廳的名字，真係笑左！係極餓之時，竟然來到＜肚餓了＞！現在真係肚餓了，快快入內就座。高腳椅，枱面有不同的調味料，碟上有叉有匙。大家看著餐單，都選了一串有几件的串燒，方便共同分享。 蔬菜類： 惹味韮菜～有豐富的膳食纖維，是燒烤必食之選。微辣肉碎燒原條茄子～表面鋪了四川風味的肉沫，而且茄子的蒂部已切開，方便夾起茄子肉。紫金甜薯串～每串有四件，一口一件，熱辣辣又香甜，很喜歡這個小蕃薯。汁燒BB蘆筍～好似頗健康肉類：     香草燒紐西蘭羊架～厚身羊架，要以刀叉分件  燒厚切牛舌～本身很喜歡牛舌，奈何不知何處購買，也不知如何烹調。就喜歡牛舌軟棉棉，啖啖肉。燒牛舌要鮮嫩多汁。 蜜糖惹味燒雞翼～甜甜的雞翼，帶點八角丁香的味道。  勁辣跳舞香燒雞翼～真係辣到會跳舞  海鮮類只點了燒蠔，選了十分大路的蒜蓉味   飲品：蒸餾水　　便利店每支的價格也差不多，個人覺得這是最抵飲也最健康的飲品。  這晚本極餓之時，在＜肚餓了＞晚餐，肚餓的問題解決了！…Read More