Hiro Sushi Shin (Moved)

難得去開屯門 緊係順便覓食一番☺️ 想食平民高質日本菜 醒起呢間宏鮨芯🍣🍣 閒日下午時間去食 唔需要等位👍🏻 好快可以入座 門外同入面裝修已經好有去左日本居酒屋🏮feel😍 見到lunch set 有好多款色選擇 價錢仲相當親民有唔同丼飯簡 套餐仲配有沙津前菜、味噌湯 飲品就需另外加錢我就簡咗鮨芯特級丼，包左5款刺食、牡丹蝦、海膽！相當抵食 滿足到我想食刺食既慾望☺️ 刺身都好新鮮另外見到鋪內好多客都叫左招牌甲羅燒 所以都嗌左個試下😍 好濃郁既蟹膏 配上麵包 味道好香又好夾！食完仲想encore 仲加左花之戀、火灸平目魚邊壽司🍣 壽司質素唔錯 不過因為仲食左丼飯 唔敢叫太多！燒平目魚邊壽司好香 入口即溶 好似同左口魚壽司差唔多味道👍🏻👍🏻 正呀 屯門友或者平時去開屯門既朋友 可以試下呢間抵食日本料理😍 性價比相當高呀！…Read More

24.7.2021宏鮨芯今日又去宏鮨芯，之前已經食過一次，剌身同沙律都新鮮好味，今次再去試多次。去到又見到上次老闆娘，仍然好好招呼，專登俾個大藤籃放袋。鮨芯特級丼：上次食過，本身有五款刺身，加牡丹蝦、海膽，我揀咗帶子，其他四款由廚師發辦。剌身好鮮甜，另加小碗沙律、花甲麵鼓湯。和風刺身沙律：上次試過豆腐，今次試和風味，除咗有刺身，仲有好多沙律菜，啱晒我！柑橘蜜 ：唔係咁多食肆有得飲，好味！老闆娘話嚟緊午市做九折，大家有興趣可以問下試下。剌身、沙律甚至麵鼓湯都質素高，值得大家去親嚐！宏鮨芯網上訂座享特別優惠兼賺里數 網址: https://s.openrice.com/QrbS06sSA00~uMDTuAw地址: 屯門仁愛堂街1號麗日閣地下3-4號舖電話: 34817778…Read More

「宏鮨芯」12.06.2021今日下午又去試好西，見Open Rice介紹「宏鮨芯浜燒料理」。餐廳好闊落，張枱好大張，坐得好舒適。午餐個餐牌不少選擇，本身仲有一個正餐menu，多啲朋友一齊來可以揀多幾款。餐廳老闆娘介紹我食「鮨芯特級丼」，有五款刺身，好豐富好鮮甜，而且除了牡丹蝦同海膽，仲俾我自己選擇。鮨芯特級丼午餐包括一個細沙律、花甲麵鼓湯同餐飲。想講個花甲麵鼓湯，平時我唔鍾意飲麵鼓湯，因為平時啲麵鼓湯只有咸味，唔識欣賞，但鮨心嘅湯不但唔會太咸，而且有昆布和花甲，所以湯說不出鮮味。另外加咗個「胡麻豆腐沙律」，胡麻醬本身已經分上，多寡自己加，除了香滑豆腐，還有加咗好多菜，啱晒我。除咗食物吸引、環境舒適之外，餐廳老闆娘（我估係）招呼週到，附上相片詳細介紹餐廳美食，值得欣賞。還有好多美食要試，有時間一定要再來。…Read More

今日難得Work from Home，又好想食日本嘢，就openrice搵到呢間日本餐廳。地理位置來講都算方便，由屯門西鐵站行過嚟都唔使10分鐘。店員服務殷勤主動，環境舒適，枱與枱之間有足夠距離，客人可以放心食用。午餐有好多選擇，有熟食，亦都有刺身類。加上而家做緊八折，又跟埋麵豉湯，同埋沙律，都好抵食。每樣刺身都好吸引，所以揀咗鮨芯特級丼，有五款刺身，再有牡丹蝦同海膽。其實香港食過好多有海膽嘅海鮮丼，啲海膽都會有啲苦味，但係！今次呢個海膽好有驚喜，真心係好鮮甜，有日本嘅質素！帶子同隻牡丹蝦亦都好大隻，好鮮。五款刺身都好新鮮，完全有去咗日本嘅感覺！雖然個飯睇落去會硬身少少，但係加埋豉油食就剛剛好。個麵豉湯入邊有埋蜆肉，誠意之作！如果想食得簡單少少嘅話，朋友叫嘅呢個北海道魚生丼，都一樣好值得推薦。有齊晒北海道必食嘅魚生，帆立貝，甜蝦，三文魚，三文魚籽。甜蝦亦都比市區嘅日本料理店更鮮甜大隻，刺身份量好慷慨，睇得出餐廳好用心製作。絕對推薦大家嚟屯門支持呢間親民小店！😋我都一定會再嚟，試吓佢嘅小食。…Read More