Isaba Taifu

今天下著毛毛細雨，是星期六的下午3點左右，店外大概四至六人排隊，輪候時間大約15分鐘，顧客需於排隊期間先填寫下菜單。入店後，座位原來很寬敞，環境好乾淨👍🏻，有整壼的檸檬水提供😊，order大約7-8分鐘才上，等候期間可以觀賞牆上的食客評價和店家回應，及欣賞一下店家非常有心機的手工及插畫。點了2款沾麵，魚介豚骨熱食及魚介蕃茄海蝦凍食。自己更喜歡凍麵，口感比較彈牙，蕃茄海蝦湯非常醒胃😋，魚介豚骨湯好香濃，也是會上癮的味道。份量真係好大，結果2碗也吃不完，下次要點少麵少醬份量，正常版後生仔女先消化到😝不過真係好味，好正👍🏻👍🏻服務員全部都好有禮貌PS.入到店舖後先發現可以點：走蛋走叉燒或走筍的互換配搭，下次再幫襯時會醒目啲。…Read More

食埋呢間漁場台風，我終於食齊曬台風三間分店😍點解要食佢唔同既分店？因為佢每間分店既menu都唔同！而佢地每一間都係一樣咁人氣咁好味。今次食旺角既漁場台風，最特別既係佢晏就同夜晚係賣唔同嘢既。晏就係食沾麵，而夜晚就係食拉麵既。今日晏就黎到，食佢地既沾麵，都排左隊大概十幾分鐘，不過好好既係排緊隊既時候就店員已經比定紙你揀野食，坐低唔洗等好耐就有得食。沾麵選擇有三款，包括魚介豚骨沾麵、魚介豚骨焙煎黑芝麻沾麵同埋魚介豚骨蕃茄海蝦沾麵。入到去坐低，位置比起荃灣店同埋灣仔店闊落，檯面有檸檬水、七味粉、辣椒醬、蒜蓉等等既野比客人可以依口味自己落。 1️⃣魚介豚骨蕃茄海蝦沾麵（$88） 蝦味好香好濃，蕃茄味唔算好突出，唔會搶fo😍沾麵汁有好多櫻花蝦係面，入面有叉燒，切成一粒粒咁，肉質偏瘦。麵係偏粗既，食落好彈牙🤤而且都掛汁～配料有紫菜同溏心蛋，好鍾意呢度既配料可以換！個人唔太鍾意食筍，於是換左多半隻溏心蛋👍蛋幾流心，但係本身冇乜調味。  另外食到咁上下，沾麵汁變凍左既話可以同店員講，佢會攞熱石dum落個沾麵汁到，整翻熱佢。一dum落去，見到個汁即刻滾左滾，仲熱到出煙😋食到最後記得要問店員加湯飲埋個湯汁佢！呢度既沾麵汁唔會太鹹，鮮味比較出，所以加湯飲都正，加完湯之後，鰹魚味會更出，又係另一番滋味😌 …Read More

人氣拉麵店😍星期六下午等了一小時先有位🙈在店外排隊又熱又悶，還要避冷氣機水🤣所以還是早點去可能不用等太耐😟呢間店下午食沾麵，晚上才吃拉麵，不要搞錯了😝🔆魚介豚骨蕃茄海蝦沾麵$𝟠𝟠 首先試下湯底，好重的蝦味🦐反而蕃茄味就欠奉😶揀左普通醬汁，個人覺得濃度剛好，食完都唔會覺得好口乾🙌🏼入面仲有好多櫻花蝦夠哂足料❣️麵嘅質感屬於偏硬有點煙韌果種。店家標明麵的份量是一般店的1.5倍，所以叫左少麵，但佢比錯左普通😂最後真係食到攤係度😹麵的配料有小塊紫菜及半隻半熟蛋。湯裡面除了有切成粒狀的豚肉，還有!我最愛的荀🤤但佢地嘅荀帶有很重的胡椒味🧐第一下食嗆到😭因為怕不夠餸，所以要左增量叉燒，有三大塊，偏瘦的但不會乾柴👍🏼店舖裝潢加入左好多動漫元素，睇見都好開心🥰座位坐得闊落，每枱之間都有一定距離，唔會編排到好逼，所以排隊等咁耐就係咁解🙈整體味道湯底各樣都係幾好❤️ …Read More

平日晏晝去，冇咁多人好快就入得😆一入到去就聽到動漫嘅音樂，見到動漫海報，親手畫嘅動漫畫作👏🏿👏🏿拉麵店有分2段時間，中午時段係食沾麵，夜晚時段就食拉麵。麵既份量、凍食熱食、醬汁既份量、要吾要蔥，都係客人自己隨意配搭👍🏾👍🏾店內有自助式水煲（凍水）🤣吾洗成日問店員拎水魚介豚骨沾麵 $83湯汁好濃厚，重口味啱晒🤘🏽魚介豚骨蕃茄海蝦沾麵 $88但蕃茄味吾重，吾係好飲得出同魚介豚骨湯差不多味道係多咗d海蝦🦐▪️食到尾仲有湯汁剩，可以問店員加湯沖淡少少當湯咁飲埋去❤️▪️店內牆上都係客人寫比拉麵店既支持同鼓勵，一路食一路睇，好好笑…Read More

之前食過灣仔分店，覺得唔錯。之後發現原來每間分店都有唔同嘅特色口味～今次嚟到旺角分店，上次食拉麵，今次食沾麵😎不過食食吓先發現原來如果下晝你食lunch嘅話想食拉麵都冇得食，因為佢係日間沾麵專門店，夜晚就係拉麵專門店。下次要嚟食番個dinner先得！.went to the wanchai branch a couple weeks ago and had a pretty good experience there 😋 then realized that each branch has different soup bases to try 😆 so had to go an explore their other branches! their mk branch is pretty different 😊 lunch time is tsukemen and dinner is ramen 🤣 but what was most different was their soup base like their Sesame soup base 🥣 overall, soup was really flavourful and the noodle portions were great 👍 definitely coming back again!.《沾麵》呢度嘅麵條唔算太粗，但真心非常之有咬口，而掛湯能力都好強～正！不過真心要讚一讚呢度嘅份量，我哋兩碗都嗌普通size，不過真係食到超級飽，因為仲要加啲熱湯飲埋碗湯🤪！真心覺得女仔嚟嘅話一定要叫少啲麵！！唔好浪費🤧.《魚介豚骨蕃茄海蝦沾麵》$88 😋😋😋～真～心～超～推～介～🤩之前又係喺日本食過一個番茄蝦嘅沾麵，一直對佢個湯底都念念不忘，之後幾次去日本每次都會食！今次喺呢度食嘅呢一碗蕃茄海蝦湯，同男朋友飲完第一啖堂之後，我哋兩個都真心覺得少似我哋係日本食過嘅味道！湯底香濃鮮甜得來又唔會話太過鹹，用嚟點完成碗麵之後再飲埋碗湯都冇乜需要點飲水😎！不過食落就覺得蕃茄味唔夠濃郁，蝦味比較重，然後每一啖都會隱隱約約食到有少少魚味。再加上湯底有好多細細粒嘅櫻花蝦乾，令到口感層次更加豐富！.《魚介豚骨焙煎黑芝麻沾麵》$85 😋😋簡單啲來講，如果你叫呢一個湯底嘅話，你就會有一種像拉麵店入芝麻糊裏便嘅感覺。然後每一啖都會淡淡食得出有少少魚香咁～個人覺得呢個湯底真係幾特別嘅，亦都值得一試，不過下次嚟我就未必會encore呢個，都係有一種試一次就夠嘅感覺。.漁場台風 𝐈𝐬𝐚𝐛𝐚 𝐓𝐚𝐢𝐟𝐮 @ramentaifu_mk📍#BELLYwongs_MK #BELLYwongs_wanchai #BELLYwongs_tsuenwan.#BELLYwongs_japanese #BELLYwongs_ramen #BELLYwongs_noodles…Read More

朋友介紹呢間拉麵唔錯，今日晏晝就去咗試試。去到仲未有位，店員就比咗張點餐紙我地，係出面等。原來佢係分開兩個時段，晏晝食沾麵，夜晚食拉麵，既然一場嚟到就試下佢嘅沾麵先啦！畫完餐紙仲未有位，見到佢門口有部扭蛋機抽獎，抽中一等獎仲可以免費食拉麵/沾麵；就算係五等獎都有免費加荀/紫菜/麵底，$10扭一次，咁我就試下啦，點知抽中咗三等獎增量叉燒(原價$25)，又幾抵玩喎！入到去舖頭，裝修裝飾擺設都好有特式，牆上仲貼咗好多客人嘅留言，別有一番風味。好快個麵就到啦，我要咗魚介豚骨蕃茄海蝦沾麵，凍麵普通份量，增量紫菜。就算係普通份量個麵都好多，而增量紫菜足足有十塊，份量十足。個湯味道濃郁，沾麵彈牙有口感，可惜個湯嘅蕃茄味唔夠突出，被咸味同櫻花蝦味蓋過。而最大敗筆係個湯唔夠熱！加上我要凍麵，整體凍冰冰咁唔夠暢快。(6.5/10分)不過$10扭嘅叉燒質素都唔錯，好食！(7.5/10)整體而言呢間舖仔都幾有心機，由門面、裝修設計、店員到麵都落足心思，當然有美中不足嘅地方，呢個有待改善。下次的話，我應該會夜晚嚟試下拉麵。相信叫拉麵唔會再比凍湯我喇掛…Read More

突然心血來頭好想食拉麵，上Openrice搵下，看到「漁場台風」有200幾個，就二話不說去食食看。 一入到店內，馬上聽到日本歌曲，包括 IDOLiSH7/刀劍神域/數碼暴龍/AAA 等等，對一個日本迷來說，是一個天堂之地！不過，可惜的是...原來午餐只食沾麵，晚上才食拉麵........算~有得聽日本歌的份上就留下食沾麵..........店員給一張點菜紙，你可以選擇麵份量，醬汁，蔥，另加配菜和飲品(180g是一個正常女仔食的份量，及本人覺得加的好貴)這間的醬汁完全食不出味精！！魚介豚骨蕃茄海蝦沾麵  $88  (180g)重口味，蕃茄味不是很重，相反櫻花蝦的味較香。加上醬汁中有豚肉粒，幾淋幾好味。魚介豚骨焙煎黑芝麻沾麵 $85  (250g)  淡口味，好香黑芝麻，有紫菜的味道。同樣醬汁中有豚肉粒，幾淋幾好味。味道比較突出同好味。強烈推薦！！…Read More

嗚～～～終於拉埋我爸爸同我試一直好想食嘅漁場台風 真係想試呢間人氣店好耐了🤤而我地兩個係假日晏就時間黎到 真係要排隊😳😳😳不過店員真係好好 細心講解個menu比我地聽係點比我地排住點菜先！其實都好快就入到去luuuu呢間舖係日沾夜拉 我就係衝住沾麵而去科科☺️一門之隔 一入到去好似去左第二個日本咁～店員又用純正嘅日本語去歡迎我地🤝🤝！.店員同時遞上可以紮頭髮嘅圈圈同圍裙 我綁唔好圍裙 店主仲幫我整番好 真係細心到我唔好意思呢💓.我同爸爸各嗌左一款沾麵魚介豚骨焙煎黑芝麻沾麵 ($85)湯頭係好濃郁嘅texture啊 豚骨香濃而不膩所以沾起黎真係超～～～掛湯❤️加上有焙煎嘅芝麻 食落香氣係口腔中四溢！鍾意香口嘅人一定好鍾意呢款好好食啊！.魚介豚骨蕃茄海蝦沾麵 ($88)蕃茄海蝦呢款 個人認為無黑芝麻咁稠身 所以亦無咁掛湯🙈不過呢款真係鮮味十足 加上真係有好多櫻花蝦蝦味超香超濃 食落有陣陣海蝦鮮味！相反蕃茄味唔算好出 但有少少酸甜減去左豚骨嘅油膩感 食落特別順口😋沾麵質地要讚！夠硬身 係我鍾意嘅口感～～食到中間湯開始凍可以叫店員加上熱石 因為冷麵熱湯真係好食好多😍😍而且好鍾意佢麵底加上檸檬🍋 加左落麵條入面 即刻令到個口感層次豐富左 多左層好fresh嘅味道巧巧痴啊！爸爸後生個陣好鍾意食拉麵 今次係佢沾麵初體驗～～佢話下次都要帶佢黎食啊🤣…Read More

天氣涼涼地想食番d 熱野暖下胃，突然好想食拉麵，於是找到呢個地方。漁場台風位置有d 偏僻，不過門口勁sharp 一眼就搵到喇。假日一點鐘去到好彩唔使等位，一入到門口，店員就會好一致用日文歡迎你。而且未到聖誕已經有好多聖誕佈置喇，都幾有心思同氣氛。餐廳清一式係bar 枱設計，不過枱下有位置放袋，同埋有個小腳踏，所以都坐得舒服唔會太迫。而且仲有橡筋同埋圍裙提供，第一次食拉麵會有咁貼心既服務！枱頭仲有一大煲檸水飲餐廳日頭就主打沾麵，夜晚就食拉麵。款式唔多，只有三款。仲有好可愛既卡通公仔，教你點細心品嚐沾麵。加$15 蚊叫左個烏龍茶，係支裝黎既。由於好肚餓所以追加左紫菜（$10) 同半熟蛋（$15)。估唔到紫菜完來有成十塊😱，超多！！我同男朋友仲一齊追加左，早知一份就夠。✨麵質幾彈牙煙韌，d麵沾完汁再加d 檸檬汁幾清新。而且半熟蛋帶點溏心，好嫩滑👍🏻✨魚介豚骨培煎黑芝麻沾麵（$85): 魚介味好濃郁之餘散發淡淡芝麻香，呢款湯味道比較濃。叉燒係粒狀的，我食果幾粒都比較瘦所以有d韌。個人覺得追加既叉燒必定要試。✨叉燒追加（$25)👍🏻: 叉燒真係非常腍，腍既程係一夾就會分開。叉燒食到炙燒過既味道，用黎沾汁幾好食。✨魚介豚骨蕃茄海蝦沾麵（$88)👍🏻： 呢款真係超正，同男朋友係咁搶住食XD 個湯味道好豐富，有魚介味又有好濃既蝦味，繼而又食到淡淡蕃茄味，成個湯感覺好開胃，就咁飲都飲晒咁濟。如果食到一半發覺個湯唔夠熱，可以叫店員幫你加入熱石添。麵量雖然只叫普通，但真係好飽食唔晒，男友食完加罐汽水都話好飽。如果餐廳可以有其他小食提供就更加多元化。不過整體服務係幾貼心，雖然地方小小郤充滿住濃濃既日式風味👍🏻…Read More

荃灣的拉麵台風是著名的人龍店，旺角的漁場台風則是其姊妹店，同樣排滿長長的人龍，不過見到流量很快，不用排太久已可入座，終於有機會試一試！午市12:00-15:30只賣沾麵，晚市17:30-22:30則供應拉麵，平時出外經常食到拉麵，沾麵在香港卻不太流行，所以這次我也是等下午來試沾麵。餐牌選擇不多，但重質不重量，這樣才能夠專注於食物質素之上。排隊時就可落下單選定沾麵口味，省卻入座後的等候時間，如同日本當地的食肆般不收加一。店面面積較細，裝修有如舊式日本小店，到處貼滿日本動漫、明星poster，滿是濃濃的日本風情。而且店家還生動地圖文並茂地介紹沾麵的享用方法，相當貼心。魚介豚骨蕃茄海蝦沾麵 $88沾麵是拉麵的變奏，上桌時會把麵跟湯分開，但食法、味道、風格均與傳統拉麵截然不同。湯頭極之濃厚，加入甜酸味的番茄，配合表面撒滿了許多鹹鮮的櫻花蝦，兩者沒有違和感，反而令魚介湯底更清新開胃。沾麵上桌時是微冷的，這是因為在煮熟後必須過冷水，麵條才能保持滑順，收縮後變得緊緻彈牙，提升入口的嚼勁，呈現小麥特有的甘甜原味。粗麵條亦可增加讓湯汁吸附的面積，大約蘸七分熱湯即可，既能掛起濃湯，又可以吃到拉麵的小麥粉香，讓味蕾遊走在冷與熱之間，口腔內變成微暖的溫度，帶點曖昧。叉燒肉質軟嫩不死實，厚切成豚角，讓肉粒輕易地掛滿湯汁。魚介豚骨焙煎黑芝麻沾麵 $85另一碗選了罕見的黑芝麻味，這裡的麵量每碗有250g重，比坊間的拉麵份量大很多，除非你是大胃王，否則一定吃到頂著肚皮 湯頭呈現一片烏黑色，只因加入自家烘焙的黑芝麻，更加厚身濃稠，濃得化不開的芝麻香氣稍為蓋過了魚介豚骨的原有味道，反而會令人想起加了鹹味的中式芝麻糊 XD湯汁稠身令麵條可以沾上更多湯，假如吃到湯汁變冷時，可以要求店員將高溫熱石放入湯內，令湯汁再次升溫。 溏心蛋的軟嫩蛋白包裹著半熟晶瑩的蛋黃，稍嫌每碗只有半隻好像少了點。飲品選了烏龍茶和可樂。不想點飲品的話，這裡也有提供室溫的檸檬水，可以自斟自飲，不另收費。…Read More

放工餓餓地與同事落旺角覓食，突然想食拉麵，就諗起呢間沾麵喇！門口都幾易認架，入到裡更加好有和風既味道～之前都食過一次佢地既黑芝麻沾麵感覺就比較普通，味道唔係好突出，咁今次就試下佢另一款味道，魚介豚骨蕃茄海蝦沾麵！餐單上除3種沾麵湯底你揀之外，仲可以揀份量，醬汁多少，蔥唔蔥，熱定冷食咁，仲可以配菜加碼，份量加碼，當然加碼就要額外加錢啦！個拉麵等左一陣就到喇，跟手黎埋個湯底！個湯底黎到就聞到陣陣海鮮蝦味！試一啖就覺得成個口都好香蝦味，配埋酸酸甜甜既蕃茄湯就相當開胃！麵條就暖暖的，軟硬適中有咬口！不過個叉燒就麻麻喇，可能我唔太喜歡果陣騷味啦.....整體都唔錯的，而且普通份量都食到飽晒！如果細食既朋友要少麵比較好喇！…Read More

今日落大雨，陪阿媽黎旺角攞衫，阿媽話附近有間拉麵店經常有人排隊，諗住咁大雨又差不多兩點幾，應該有位卦，就去碰吓運氣。麵店雖然喺旺角但其實係喺比較外圍嘅洗衣街嗰邊，但仍然要排隊。前面大約有十人，好在同時有幾枱客食完走人，所以等左10分鐘左右就入得。等位嗰陣，店員俾左張紙我地點嘢食。咦? 點解係沾麵唔係拉麵? 原來呢間麵店好特別，日間只做沾麵，夜晚就係拉麵。好在阿媽話never mind，反正未試過食沾麵，就試吓(其實我自己都未食過)。阿媽點咗蕃茄海蝦沾麵，我就點咗焙煎黑芝麻沾麵汁，我冇食早餐，所以加左麵底同埋半熟雞蛋。麵店內在環境真係好地道日本feel，阿媽話「好似我煲劇經常見到啲上班族默默地又「擒擒青」食麵嘅麵店。」一入到店就已經聽到幾聲響亮嘅いらっしゃいませ！而且店員經常以流利日文交談，真係以為入左隨意門去咗日本食麵。周圍都係啲日本動漫畫海報、裝飾、吧枱前面仲有啲action figures。上菜時，店員會俾返張點餐紙你離店時埋單用，食完可以喺「客人意見」欄度寫吓comment。餐廳寫埋回覆就貼咗上牆度，唔係凈係揀讚嗰啲貼架，好有heart!!有好多客人仲喺點餐紙後面畫公仔，餐廳會貼堂架。等食期間可以先睇吓食沾麵SOP，連SOP都用漫畫表示，仲有中、日、英文版本。魚介豚骨焙煎黑芝麻沾麵 - 超級濃厚嘅黑芝麻沾麵汁，一上枱已經聞到好香芝麻味，質感就好似甜品芝麻糊咁，食落好有芝麻特有嘅咸香味。麵條好爽夠煙靭，加咗麵底真係好大碗麵，雖然我係肚餓狀態但最後都食唔晒……黑芝麻沾麵汁入面有叉燒粒同埋竹筍，叉燒粒肥美，所以食落香滑充滿油香。原來配菜可以因個人喜好選擇，可以走筍、走蛋或走叉燒，不過我食食吓先望到，建議餐廳可以喺點餐紙註明。:)魚介豚骨蕃茄海蝦沾麵 - 又係一上枱就聞到濃烈蝦味，問阿媽整左兩啖試吓，未食嗰陣有啲擔心蕃茄味會蓋過蝦味，但食落覺得兩種味道都完美地平衡，真係いちばん架哩。蕃茄海蝦沾麵入面除左叉燒粒同埋竹筍，仲全碗都係蝦，真係用料十足。哈，全部都係蝦~另加$25額外多三塊叉燒，三塊都好大塊，而且肥瘦均勻，一大塊咁食比起一粒粒更滿足。如果食食吓嗰沾麵汁唔夠熱，可以搵店員落兩粒熱石喺碗汁度，整熱返個汁。一加落去嗰吓就嗞嗞聲，然後碗汁就即刻冒煙，可以繼續熱住食~記住呀，啲熱石係唔可以食落肚架……沾麵汁嘅特色係味道濃厚，餐廳亦好貼心，擺咗壼檸檬水，中和吓味道~連咁鍾意食拉麵嘅鳴門都直豎姆指，搵晚一定要拉埋阿媽嚟試埋個拉麵。…Read More

旺角嘅日本餐廳有好多，放題、拉麵、壽司等應有盡有。早前係Instagram見到有人介紹呢間漁場台風，日頭提供沾麵，夜晚就提供拉麵，感覺幾特別，所以特地過黎試下。餐廳並非位處旺角最中心位置，丟同友人都要搵一陣（路痴）。我好中意餐廳既佈置，佢係門口隔離嘅牆上貼滿左好多食客嘅留低嘅意見，有好多仲畫晒公仔，好得意！沾麵嘅落單紙只有3款選擇，包括魚介豚骨沾麵、魚介豚骨焙煎黑芝麻沾麵同魚介豚骨蕃茄海蝦沾麵，另可加錢加配3樣野食：叉燒、紫菜同半熟蛋。我地分別叫左普通份量嘅黑芝麻沾麵同蕃茄海蝦沾麵再每人加一隻半熟蛋。蕃茄海蝦沾麵嘅湯底呈較深嘅紅色，而且睇落都幾濃郁，一上台就聞到好香嘅蕃茄酸甜味同魚湯嘅香味。麵條掛湯嘅能力都唔錯，一沾麵轉個圈夾起放入口已食到好濃嘅湯底味道，但一唔小心沾多左真係好鹹下。個半熟蛋好流心，而且質感好嫩滑。友人嘅黑芝麻沾麵真係好濃芝麻味，我可能唔太中意芝麻加魚湯，所以覺得一般般。…Read More

香港可以食沾麵既地方唔多難得係旺角小街中 會有日本沾麵拉麵好處 即是係自己一個去食 都唔會感覺奇怪叫左個魚介豚骨蕃茄海蝦沾麵沾麵可以間冷或暖 傳統應該間凍沾麵不過怕凍沾麵會太硬 最後都係間左食暖沾麵望落去已知魚介豚骨蕃茄海蝦湯底好濃 有好多櫻花蝦放左係湯上沾麵質真係好有口感 再沾上濃濃湯底食落口充滿蕃茄味同櫻花蝦係台風食過蕃茄湯底 先真正知道咩叫蕃茄濃湯一碗拉麵最重要既就係湯底 師傅完全做出超水準而湯底內更有叉燒 叉燒肉質軟軟 但不鬆散每一啖肉都充滿濃濃湯底 真係要去食過先知到係香港會有咁好味既拉麵…Read More

睇咗蘋果介紹，得知呢間拉麵店幾特別，日頭賣沾麵，夜晚就賣拉麵，少見地用魚介豚骨湯底熬成湯，好奇心驅使下，今日嚟咗一試。鮮紅色的門面，很有日本風的裝潢，霸氣的台風，從遠處已經吸引到我的目光，來到的時候看見長長的人龍，幸好排隊時有位可以坐，最終排了半個多小時先入到去。簡單易明的點餐紙，只有三款沾麵可選，另外可以選擇麵的份量，要不要蔥，醬汁的多少，以及凍或熟的麵，排着隊的我們已預先想好吃什麼。終於明白為何要排隊，入面一行行嘅座位，總共只可以坐24人，實在不能招待太多客人。店內有免費橡筋，讓女生可以扎頭髮吃麵而不會弄污頭髮，非常貼心。牆身貼滿日本動漫海報以及客人的食評，餐牌還會教第一次吃沾麵的人如何吃。而我喜歡沾麵的原因，是因為麵跟湯分開，所以麵條能保持嚼勁，能避免一般拉麵因為浸湯過久，吃到最後麵會變軟的問題。魚介豚骨蕃茄海蝦沾麵 $88湯底熱騰騰呈暗紅色，面頭灑滿櫻花蝦，麵內有叉燒、半熟蛋、蔥絲、筍條及紫菜。原來唔要筍可以要多d紫菜，啱哂唔食筍既我。湯底都幾濃郁，原來魚介粉以沙甸乾、鰹魚乾、秋刀魚乾及鯖魚乾等多種材料打磨而成，魚味濃郁卻無腥味，豬骨仲有魚介香味，不過蕃茄味就唔太覺，櫻花蝦份量頗多，令湯底帶有咸香。正宗的沾麵應該選擇凍麵+熱湯，但我選擇了熟麵，因為不想令湯太快降溫，麵質好彈牙，而且掛湯力不錯，麵份量超級多，女仔既話要少量(180g)就可以了，因為我揀咗250g，最後朋友幫我包底。半熟蛋有蛋香而且甜甜的。增量叉燒 $25共有3片，叉燒都幾大塊，看過介紹原來選用了脂肪較少的巴西脢頭豬肉，增量叉燒與沾麵內的叉燒切法不同，沾麵內的叉燒厚切成豚角，肉粒更容易掛上湯汁，感覺較Juicy，而增量叉燒因為脂肪較少，感覺有點乾身，不過入口有煎香的感覺。當沾麵食到一半，如果湯底變涼了，客人可以要求店員放入熱石，令湯的溫度再次回升。食完又飽又滿足。…Read More