Mint Thai House

今朝一起身就好想食泰國菜🤔 所以一放工就番元朗搵食 行下行下就見道哩間門面好有特色既泰國菜餐廳😋 其實應該係泰國菜mix bar 食住泰菜飲酒 可以話係一種享受🥰🥰🥰🥰店內都好有泰國傳統特色✨✨✨✨✨一嚟就點左個馬拉盞炒通菜 （$78）味道十足 好有鮮味 就算唔中意食菜都會俾佢個汁吸引到😋😋😋😍😍泰國菜又點少得點 泰式生蝦刺身呢 （$198）每隻蝦都好大隻 啖啖肉 再配埋獨特醬汁同配料 令蝦既鮮味更突出👍🏻 店員仲好有心咁提醒我地食得辣既先好點綠色個汁😈仲有點左個雜錦串燒 - 豬牛雞 （$108）每樣有兩串 份量十足 味道濃厚 仲要用1664酒杯裝最後叫左個特色菠蘿飯 （$128）份量係超級多 絕對夠3-4個人食 啱晒一家大細 幾個女仔去食👨‍👩‍👦👭👭…Read More

位於元朗劇院附近既餐廳，環境幾舒服，而且燈光暗暗地幾有氣氛，有室內室外坐位，幾岩一大班frd聚舊用餐。自家製炸蝦餅$88食泰國菜點可以唔嗌炸蝦餅，一碟有8件份量都唔少，外皮炸至金黃色，食落非常香脆，而且外皮炸粉唔厚，所以食落啖啖肉仲幾彈牙。馬拉盞炒通菜$78尼碟馬拉盞炒通菜鹹香可口，帶有少許海鮮醬味，菜口感爽脆，加埋蒜粒、蝦米粒口感更豐富。廚師特色蝦醬炒飯$138不得不說依款炒飯賣相100分，擺盤落足心機，正中間用一串蝦貫穿左用薄薄一層網狀蛋包住既炒飯，真係好靚😭旁邊材料有洋蔥、花生、青瓜、辣椒、肉、蝦乾，而最重要既一款材料就係魔鬼魚乾！我覺得係整個菜式既靈魂，味道鹹香超級開胃🥴 記得將佢整散再將所有材料撈混先食👍🏻口感同味道會更佳明爐酸辣魚$198 尼個明爐酸辣魚同平時出邊食既湯底唔同，尼款湯底顏色偏紅望落都幾辣，飲落酸酸甜甜帶點微辣。魚方面餐廳選用爐魚，經過油炸方式再放落明爐上面煮，魚皮雖然浸咗湯但食落仍帶點酥脆，而旁邊既蔬菜有西蘭花、椰菜花、通菜，索哂酸辣汁超正😭整體尼條魚非常惹味餸飯一流😋椰青$45每次食泰國菜必嗌飲品，椰青夠新鮮，食落清甜而且又解渴🤤士多啤梨特飲$32不但有士多啤梨果肉，仲加左少少椰果類，口感豐富，無糖漿既味道亦唔會太甜，推介比大家💪🏻…Read More

C小姐最近迷上了泰式風味，這夜便與她一同前往美食集中地——元朗，尋找真正的「泰好味」！來到元朗安康路這邊，沒有大馬路的煩囂嘈雜，更多的是一種日常的安寧。路邊有數間餐廳，其中一間半開放式、裝修頗具特色的泰國餐廳很吸睛。「薄荷葉」——很清新的泰式風情。餐廳的室外部分。室內裝修頗具心思，異國風情濃厚，晚上來很有情調。餐牌選擇眾多，令人眼花撩亂。點好菜後，先上了前菜和醬料。青瓜酸酸甜甜的，非常開胃。炸蝦餅$88大大件的炸蝦餅香噴噴的，配上泰式酸辣醬。底部有菜葉墊底，有助吸掉炸物的油分，不會讓底部油膩膩的。一件蝦餅的大小已經近乎我的2/3個拳頭的尺寸，外脆內軟，炸粉薄厚適中。咬開熱騰騰的，差點燙到嘴巴。蝦肉打至起膠，很彈牙。招牌火焰燒雞$168品嚐蝦餅間，店員把一隻「站立」著的雞拿了過來。原來是把雞固定在鐵架上，方便把酒均勻地倒在雞身，然後點火燃燒片刻。高溫下，酒香處處飄，而且雞皮也給燒得卜卜脆。燒好後，侍應先幫我們把雞切好，再上碟。外皮焦脆的雞，內裡卻十分嫩滑，雞的肉汁鎖在雞身裡，十分鮮美。馬拉盞炒通菜$78泰式炒金邊粉$128炒好的金邊粉的四周擺放了糖、辣椒粉、花生等配料，可以按自己的口味決定拌多少分量。狠狠拆開煎得輕薄的蛋皮後，金邊粉誘人的色澤、香濃又帶微甜的醬汁，都讓人食指大動。金邊粉有彈性不易斷，合格！青檸梳打$38若說美中不足的，可能就是飲品了。筆者比較口味比較重，喜歡喝甜一點的飲品，這杯青檸梳打口味較淡，我想比較適合愛清淡的舌頭。椰青$45椰青也很值得一試喔。點的菜飽得完全吃不完，我們實在太高估自己的胃了。埋單大約6百元，價錢合理，可以encore。…Read More

今日同朋友完咗跑步後，想搵間餐廳坐低食晚餐。行過元朗劇院時見到依間餐廳，見氣氛幾好、又有得飲酒，朋友話星期五放左工想chill 下，於是入就入去。入到去個感覺好似去左泰國咁，位置夠哂鬆動，而且有音樂伴奏，燈光都好暗，有啲似酒吧，好relax，好舒服。啱晒返咗成個星期工，之後一班朋友互相吐工作上既苦水，傾下計咁。而且枱同枱之間相隔都幾開，夠私隱度夠哂，重有戶外食煙位添。佢係中英對照嘅餐牌，但係入到泰國餐廳緊係要叫馬拉盞炒通菜、炒金邊粉、泰式豬頸肉，重有青咖哩啦！所以基本上都唔使點睇。因為我地唔食魚，可以慳返好多嘢唔使叫，但係見到有木瓜沙律覺得幾得意所以都叫埋。佢上菜好快，5分鐘就上左菜！木瓜沙律好清新，好開胃，酸酸甜甜辣辣地，一流嘅前菜。馬拉盞炒通菜幾香、夠哂味，必叫之選。炒金邊粉有別於其他泰國菜館，賣相好好，佢用咗用蛋包住金邊粉，睇落好似蛋包飯咁，原來係炒金邊粉，而且仲有幾隻大蝦坐咗喺上面，而食落好煙韌，味道唔似其他泰國菜館咁甜，比較淡一啲，都幾好味。泰式豬頸肉烤得好香口，豬頸肉夠脆又唔燶，而且切得好薄，配埋啲酸辣汁，一見過成塊擺落口一流。而青咖哩做得好出色，唔會太辣，好香椰汁味，送飯同烤餅都一流。最後當然唔少得啤一啤加吹水啦，我地食咗好耐佢都冇趕客。下次一定再黎幫襯返。…Read More

想食這間餐廳好耐啦！今日終於就到時間去到！不嬲都覺得Farm to Table 係一個好正嘅idea，而香草生菜緊係愈新鮮愈好啦！老闆們對食物好執著，會好著意你嘅進食次序，不過都會好俾心機介紹佢地嘅食物👍🏼泰式炸蠔非常好味道。Waitress 教我地先將魚露擺入去隻蠔度，再用生菜包嘅方法包住黎食。惹味得黎都幾清新。隻蠔好大隻，又鮮味，食左一隻都飽飽地。生蝦刺生特別嘅地方，係佢隻蝦真係好厚！Sauce 辣之餘香料味都濃，好好食！我覺得個蝦醬炒飯就非常特別啦。有鮮蝦啦，有啲甜甜地嘅腩肉啦，仲有炸魔鬼魚乾，所有野加埋咸香嘅鮮味出晒黎。薄荷啤酒非常特別，一入口薄荷味就非常濃烈！老闆仲突登俾左啲啤酒砂冰我地試下，好fluffy，大家可以一試！…Read More

之前食過今次又想食泰國菜，第一時間諗起薄荷葉～我地點左個2人餐（$438），包括有：肉碎生菜包肉碎生菜包酸酸辣辣作為第一道菜確實好開胃！餡料一啲都唔馬虎，內有洋蔥、芫茜，全部夾埋一齊食好好食😋不過我本身唔係好食得辣，辣到問店員拎水飲😂泰式燒豬脾仔最有特色嘅係呢度嘅香料係店主自己種！睇得出店主好花心思，亦都好有誠意經營。香料的而且確比坊間嘅更香！讚豬脾仔意外地唔會好韌、好難咬開或者癡牙，燒烤過嘅豬脾仔好香，配合酸甜醬食好夾！椒鹽魔鬼魚外皮脆唔會過稔，不過略嫌有啲油膩。店員細心介紹2款特製辣椒醬比我地配搭泥食。馬拉盞炒通菜2次泥都特登食😋2人餐嘅炒時菜仲有其他選擇，不過個人覺得泥食泰國菜當然要食馬拉盞炒嘅菜😆咸咸地好滋味😆另外我地仲點左沙嗲串燒（$108）沙嗲串燒（豬羊雞各2串）香料係店主自己種，當然食串燒都要配埋佢嘅香料食。3種串燒都唔會燒到好燶，肉質唔會太硬/韌。而且亦唔會好似市面上啲串燒用過多調味醬汁如孜然少等蓋過肉味。串燒配搭少少辣嘅沙嗲醬食餐廳佈置都充滿泰式風情。呢度環境氣氛一流，餐廳又一直播住歌，好有情調！Mint Cocktail（$58）最後聽住音樂以杯cocktail為今晚作結👏🏽味道似係紅酒溝7喜，冇咩酒精味，頗甜，易入口。總結味道：✨✨✨✨推薦：✨✨✨✨回頭：✨✨✨✨性價比：✨✨✨✨（滿分為5✨）…Read More

印象中依間泰國菜開左好耐好耐明明係元朗人但今次係第一次去！！果然好好食~✨特色菠蘿飯$128加左大量肉鬆同果仁既炒飯好香又粒粒分明！味道甜甜地, 有好多魷魚圈同大蝦✨班蘭咖哩雞+薄餅$173泰式咖哩本來就已經好味, 加埋班蘭就更香~雞件又多又嫩滑咖哩撈薄餅係我至愛☺️食左好多~✨馬拉盞炒通菜$78例牌一定要叫既菜！通菜脆口唔會炒過龍👍🏻店員好用心推薦食物比我地☺️又話我知水蜜桃味frozen beer好飲d~又幫我雪蛋糕落雪櫃💖如果入開元朗想食泰國菜真心好推薦黎！裝修都好有格調好靚架！…Read More

炎炎夏日, 熱得沒有胃口, 就想吃點刺激性食物就來嘗嘗這家泰菜-薄荷葉這家店的地點並不位於元朗太中間的位置而是位於市區的邊緣﹐圖書館那邊終於來到店前﹐氣氛很是不錯內部裝潢七彩的裝潢﹐為店面增添格調加上旁邊的 Bar枱﹐感覺很Chill厚厚的餐牌和桌上的用具都很簇新 先來前菜 - 越式紙米卷擺碟非常漂亮﹐賣相很田園看下去很清新﹐有著蟹柳﹐甘荀﹐青瓜等的味道﹐很是 Juicy :)加上外皮很薄﹐不會影響口感和味道﹐讚！馬拉盞炒通菜 通菜很翠綠﹐很脆口加上點點辣味和淡香的馬拉盞味﹐味道配合剛好﹐很好吃廚師特色蝦醬炒飯賣相滿分！炒飯外鋪了一層薄薄的網紋蛋對﹐是蛋！本人是首次看到這種蛋的做法　蛋迷大愛！再上面是插了香草﹐魔鬼魚乾和蝦而吃法也是非常過癮！　（有職員熱心教導）先把上面的東西抽起﹐在飯山的最高點挖一個洞﹐然後把所有配料放進去﹐把整個飯撈勻再把魔鬼魚乾渣碎再食用。雖然複雜﹐但過程也是很有趣的而味道也有驚喜﹐有點甜也有點咸﹐並不像平常的炒飯有洋蔥和菜等等增加口感﹐也有一點辣椒畫龍點睛的是魔鬼魚乾不只是香脆﹐也帶有濃濃魚味！這個飯﹐不論是創意或味道真的是很不錯﹐大推檸檬魚　被森林包圍的魚﹐也有它的獨有吃法。就是把魚放到生菜包中一併吃魚完全不會很乾﹐而是多汁也肉滑香料很足不過不會蓋過其他味新鮮蔬菜會為你先清一下口腔　魚也很大條﹐兩個人吃或有點多﹐划算　飲品方面﹐我倆就點了椰青和石榴特飲椰青很新鮮﹐很甜也椰味十足而石榴特飲應該是用新鮮石榴汁完全不覺得化學和太甜是自然果甜清甜﹐整個平衡剛剛好從地點菜式創新和味道來說﹐薄荷葉是一家很值得來試試的餐廳我和朋友不喝酒﹐可能喝酒的感覺或會更爽！…Read More

我好鍾意餐廳既環境同氣氛，有D似bar，有個大screen播mv，間餐廳d音樂都幾好聽，夜晚黎既話幾浪漫，適合一邊飲野一邊傾計，可以慢慢坐。我同朋友兩個人黎，每人嗌左杯野飲：士多啤梨特飲，賣相好靚，好鍾意個顏色，朋友話飲到最後淡左d，建議叫少冰。石榴特飲，賣相都好吸引，幾大杯，味道特別。我地嗌左三樣野食，夠晒飽！馬拉盞炒通菜，都幾大碟，好鍾意d馬拉盞，好入味，ｄ通菜都幾嫩，唔會un，我食到停唔到口。紙米卷，一碟有八舊，裡面係煙三文魚，都幾特別，點下ｄ醋好開胃。蝦醬炒飯，呢個係呢餐既重頭菜，除左個賣相超岩打卡外，仲大碟夾好食。有一塊塊既魔鬼魚片，要我地用手撕開放落飯度食，餐廳會比埋濕紙巾抹手。仲有d葉，（唔記得左叫咩名， 好似係茴香）， meet 開d葉加落個飯落，會有一 種好fresh既味，不過個味幾特別，受到先好落，我個人黎講就幾鍾意。整體黎講好滿意，因為真係好味道同埋環境好，令我過左個好relaxed既晚上。…Read More

Happy Friday梗係要食餐好啦，今日就揀咗元朗呢間薄荷葉泰國菜式。係OpenRice睇到有個菜式係泰式羊架覺得好特別，一路都好想去試今日終於可以一嘗所願啦。呢個泰式羊架都幾特別，味道酸甜，但係就完全冇騷味，卻保留左羊肉嘅香味，味道均勻適中，酸甜味梗加令人醒胃想食多幾舊。我哋兩個叫咗個馬拉盞通菜，炒得香口之餘，又唔會太鹹，以炒菜來講佢嘅味道都算係清新，好啱我哋鍾意食清淡少少嘅人。而且個份量都好大碟，足夠四個人食都得。見到隔離枱有人食薄餅，都幾精緻，咁梗係要叫埋黃咖喱去襯番去啦，見到呢度有我哋最鍾意食嘅軟殼蟹，咁就唔使再諗食咩啦。薄餅鬆軟得來又唔會過分油膩，配合黃咖喱去食真係無得輸。食完呢個濃味少少嘅餸，飲番啖佢嘅麒麟冰泡啤酒，真係爽丫丫架。個啤酒上邊啲泡沫係青檸沙味，食完濃味飲佢真係好疏肝。最後梗係食返個硬野做結尾啦，佢個泰式炒金邊粉炒得都唔錯，酸味適中，令人會忍唔住口食多佢幾啖。…Read More

TGIF, 終於捱到星期五，辛苦左成個禮拜梗係想同男朋友去遠啲拍拖搵好野食啦🤤由於仲有一個禮拜先去曼谷旅行，喺安排行程嘅時候實在太想快啲係香港都搵泰國野食住先，所以係我做完一輪research之後，就揀咗黎元朗嘅薄荷葉食喇！見佢門面有户外同室內座位，因為都花左小小時間搵路，所以就坐室內涼冷氣。由於第一次食，佢嘅選擇都非常多，所以我地都嗌咗好多網上推薦嘅熱門菜式果然多人讚都係好東西來的....🤩我個人最欣賞係-> 燒羊架店員上菜時好細心咁解釋旁邊嘅伴碟原來係自家種嘅小茴香，伴埋羊架一齊食，散發着一股獨特嘅香氣。佢個羊架好入味，肉質唔會過肥亦唔會過瘦，底下伴碟仲有d醋味沙律菜，一啖肉一啖菜，寧捨開胃羊架完全無蘇味，調味同烹調火喉都係我中意嘅！佢嘅黃咖喱軟殻蟹配薄餅都係冇得輸嘅！黃咖喱甜甜地，薄餅亦都係新鮮焗製，一啖一滋味另外都order左泰菜入面馳名嘅馬拉盞炒通菜，有人話最簡單嘅食材先最考廚師功力，佢碟通菜火候控制得10分好，唔會炒得過老，而且咬落仲係好爽口，唔會好似其他餐廳咁一味死鹹，感覺寧捨健康當然唔少得要叫埋泰國最出名嘅炒金邊粉啦。一上枱已經俾佢賣相吸引，唔講唔知原來係自家種嘅韭菜嚟㗎撈起之後食得，調味岀色，金邊粉都好入味，如果可以再多啲配料，就更加啱我我呢個貪心嘅大餸王喇🙊泰國嘢又點可以唔叫椰青啊本身椰青都係健康嘅飲品，佢d椰水好清甜，裏面嘅椰肉更加係非常嫩滑，所以忍唔住自己一個獨享咗成個食完今晚之後真係有去咗泰國嘅感覺，雖然價格有少少貴，但從店舖嘅擺設再加上店員介紹佢哋自家種值嘅調味料，呢間餐廳真係堅有heart💪🏻💪🏻…Read More

每年我地3個都會慶祝生日🎂今年都吾例外，3月份是其中一位好友生日，而佢今年就想食泰國菜，見尼間元朗就大家就腳又未食過又幾出名所以揀左佢另一位好友預約左，我地落訂個甜品來為壽星增添驚喜終於到左今晚去到發現原來是地鋪中開放式店有室外同室內既座位，燈光偏暗有點酒吧既感覺...我地預約左晚上7點左右，人流不算多。我地坐係室內與室外之隔陣陣涼風吹過坐下睇menu先來了個前菜《涼拌青瓜》夠入味小小辣 不錯我地每人點左個《泰式特飲》$30壽星點左杯士多啤梨特飲，味就吾太似士多啤梨，不過就好香好似平時乳酪飲品既香料味甜甜地，其實不錯的我地就點左兩杯番石榴特飲好正有果肉真係石榴香特飲都幾大杯尼個係細size既《冬蔭公湯》$88味就夠，不算太辣又吾會太酸，不過就太少料3-4人份量左右尼個木桶就係《特色菠蘿🍍飯》$98上面有肉鬆同好多菠蘿粒同大蝦等甜甜地個飯好開胃，個飯超多，夠4-5人食，我地3個都食吾晒原本想試馬拉盞炒椰苗，諗住試下未食過點知賣晒最後轉左《馬拉盞炒通菜》$88味夠但好普通既一碟炒菜，吾夠惹味蝦味不太重同無咩辣最後滿心期待既《火🔥焰燒雞》$148 初頭有位職員話點左火俾我地影下相先，點知另一位職員點得好細火同我睇到平日既火焰🔥差好遠，之後叫佢點大d個火佢話吾得之後未問我地就切左隻雞，滿心期待拍片影隻火焰咩都影吾到超失望未問我地就將隻雞切成一舊舊了幸好隻雞比我地想像中好食，肉質外脆內嫩，好惹味好多肉食吾晒最後有位職員好用心幫我地上預訂左既甜品同在餐廳內播埋生日🎂歌俾壽星，超驚喜的獨家甜品好好食由平日食開既煎薄餅包住cream…Read More

去元朗先發覺好多好嘢食，你朋友話想食泰國菜，我就上OpenRice搵，發個元朗最出名嘅一間泰國菜叫薄荷葉，而且好近我哋，所以就膽粗粗過咗去！餐廳嘅氛圍較似高級酒吧，天花板裝上富有特色嘅吊燈，去過泰國嘅女朋友都話餐廳充滿泰式氣氛。值得一讚嘅係佢哋餐牌嘅設計，十足一本雜誌，食物選擇也頗多，餐廳有佢哋嘅signature drinks。一坐低餐廳就會送上一小碟飯前小菜，小小辣，令人胃囗大開。首先上菜嘅係馬拉盞炒通菜，味道唔會過鹹，幾香辣。菜也非常新鮮，份量好足夠。之後上菜嘅係泰式燒牛仔骨，亦都係最最最好味嘅一道菜式。坦白講上菜嘅時候我覺得平平無奇，但食牛仔骨第一口令我非常驚訝。唔算太油膩之餘完全冇煎到好老，鎖住晒肉汁。餐廳提供嘅牛仔骨係冇骨，食落非常方便。另外牛仔骨下方係大量嘅沙律菜，可以平衡返牛仔骨少少既油膩感。最後一道菜色就係泰式檸檬魚。菜式嘅配色好靚，魚真係好大條。職員好細心提醒我哋魚有啲骨，並建議我哋將生菜、辣椒仔同魚夾埋一齊食，非常惹味，魚嘅肉質亦非常滑嫩，超抵食！我哋仲叫咗杯signature drink，粉紅色嘅顏色飲品令女朋友難以抗拒，加上酒精濃度比較低，而且好大杯，女仔可以嘗試一下。…Read More

到元朗探朋友，之後男友想食泰菜，就在附近找到一間環境很有氣氛的，餐廳空間不大，坐位算是舒適唔太迫，室外還有數張枱而滿坐了。冬陰公湯（$88）食泰國菜，必叫冬陰公湯尤其這麼凍的天氣，賣相不是很精緻反而是特色簡單，湯飲起來味道異常豐富，蝦的鮮味非常搶鏡，而南薑、香茅、檸檬葉、辣椒等不同配料亦各司其職，一個大融和後無比和諧，不會過酸、過辣。平衡才是精采之處。味道不錯。馬拉盞炒通菜（$68)通菜份量相當多，通菜相當青綠爽脆與馬拉盞少辣香濃口感匹配，泰式炒菜十分惹味 廚師特色蝦醬炒飯($108)很精緻，蝦醬炒飯口感豐富鮮香，每一顆米粒都充溢著濃郁的香味，魔鬼魚乾硬但味道很，蝦肉富有彈性，炒飯食不停口柚子蜜($20)冬天來一杯暖暖的柚子蜜太窩心，甜甜的味道。…Read More

近日想同朋友食泰菜慶生，因為幾位都係元朗人，所以都係openrice度揀翻依區，雖然有朋友話另一間阿字頭既好食啲，但我地見依間好多好評，所以就打算一試。依家懷疑啲好評係買返黎。首先，我地被安排坐係樓上雅座，環境ok既，叫天不應叫地不聞甘樣。枱面有個制係叫人鐘，虧既，成晚無成功叫到一次人。上蛋糕都係我地自己行落去搵人，結帳就直頭落去比錢走。服務態度又唔係話差，不過唔係好醒，幾次要人幫手都好似唔係好幫到手... 例如我地問左一個女仔有無芒果糯米飯，佢唔知就落左去，隔一陣有個男仔上黎問我地有咩要幫手？我地已經呆一呆，repeat一次有無芒果糯米飯？個男仔話唔知幫你問下... 之後我地好無奈 甘點解個女仔唔一早同個同事好好溝通下？仲有個waiter愈夜臉愈紅...可能一路嘆杯Beer一路開工 😂😂😂入正題: 野食唔算係好出色，前後兩枱勁大聲話難食 lol 甘又無甘差，正常味道啦，性價比低囉。我地叫左碟豬頸肉($88)。通常人地都大大份肉架麻....但依碟野係薄切到呢，少到嚇親。(有相) 之後仲叫左個冬陰公湯，幾香既..不過叫份大既唔知係咪唔夠煲用...係用兩個細煲上...(嚴格來說係1.5煲) 總之怪怪地...炒金邊粉有好好地教我地點撈，但撈完好甜 😂😂 可能口味問題，但無炒既香味依個是肯定的。不過一間野會生存到一定有原因，我相信每間餐廳都有佢既優點。佢無收我地切餅費，仲有收哂啲碟先，派過新既碟同叉比我地食蛋糕。依個係我幾欣賞既。同埋無限用餐時間。最後，我諗依間野我都無下次。…Read More