Sun Thai Restaurant (Closed)

香港真的太多泰菜餐廳，但質素參差，這家是我和朋友常去的其中一間，貪其環境舒適，食物質素高🙇🏻‍♀️🙇🏻‍♀️。.之前一直去開尖沙咀分店，今次就去灣仔分店一試。比前者環境更寬闊👍🏻，尤其我們安排坐在卡位，更有情調❤️～餐牌除了大路泰國菜式，更有些很特別的選擇🙇🏻‍♀️。先來一個香芒軟殼蟹🦀米紙卷($88)開胃一下，非常足料！點上魚露酸酸辣辣，很喜歡它的米紙十分煙靭☺️。燒鱔($128)比較少見，叫來一嘗，竟是全晚最驚艶的一味😍！烤得金黃，外皮焦糖面酥脆，內裏爽脆又油香滿溢，非常新鮮🥰！塗上燒汁帶甜，少少像日式鰻魚，點上泰式甜辣醬汁，中和油脂又惹味👍🏻！再來泰式炒椰菜仔($95)「故作」健康一下，頗有鑊氣，加上炸蒜很香口，份量也不少👍🏻～泰式燒春雞🍗釀黃茅黃飯($188)照片賣相吸引，而且很特別，不可不試☺️！圓滾滾的燒雞很香香料味！內面滿滿的黃飯，滲入雞油，很香口😋，帶有香茅味又有點清新～春雞點上蜜糖醬汁，很配👍🏻！旁邊的沙拉🥗也調味不馬虎，份量又多！二人叫四道菜有點誇張哈哈😂大滿足🥰尤其讚賞上菜快、不停倒水的服務，不是最便宜的選擇，但就是吃得舒服的一家餐廳🍽～…Read More

一直都知道W Square有好多好野食，今次終於可以黎食下哩間泰國野😋-我地六點半到都仲有好多位，但轉眼之間就坐滿晒咁濟，要黎食嘅朋友建議早少少到or book位🌟-入面都幾多位，枱與枱之間都唔會太逼，啱晒好耐無見想catch up下嘅朋友！-香芒軟殼蟹米紙卷🦀睇開我food blog嘅朋友應該都知我係勁鍾意軟殼蟹😆今次有埋芒果真係唔試唔得雖然佢每舊唔係好大，但作為前菜就啱啱好👍🏻整體唔錯，芒果令到成個米紙卷多左份清新感✨軟殼蟹炸得唔錯，唔會太油但keep到脆口要特別講下佢加左九層塔入去，個味好出，中意金不換嘅朋友就啱晒你啦🤣-泰式蝦炒金邊粉🦐佢上面有用蛋漿整嘅網係上面，啱晒又想食pad thai又想打卡嘅你😆比起泰國嘅炒金邊粉，佢嘅蕃茄味重啲，但又唔會炒到啲金邊粉碎晒👍🏻仲有花生同青檸比你自己想加幾多就幾多🥜如果可以係側面加啲辣椒粉，比想食辣嘅朋友加下就更好🤭-原個椰青大菜糕🥥哩個甜品大推！好特別！裡面有好多椰子肉，大菜糕嘅部分仲要係用返椰子本身嘅水整嘅，成件事好清新🥰-泰式甜品拼盤(小)😋得兩個人所以叫左個細嘅，叫完先知原來得大嘅有香芒糯米飯😭但哩幾款都唔錯，椰汁西米糕依然係我大愛♥️其他都幾好，唔會太甜，啱晒我怕甜嘅朋友😗…Read More

港島區有幾間正宗泰國菜？我腦海立即閃過這間，幾個月前食過，一直念念不忘，今晚和朋友約飯局，再次光臨:)泰國人主廚，食物水準保持得非常好，而且環境服務氣氛都是冇得輸的，很推薦給大家，無論一大班朋友，還是情侶浪漫，都值得來試一下泰式餐廳的佈置，地方闊落，燈光幾有情調先來試一下這個泰式生蝦刺身，泰菜最基本的一道菜，蝦夠新鮮，鮮甜，配以泰式醬汁，開胃。軟殼蟹米紙卷，薄薄的米紙包了軟殼蟹和配菜，一口咬落去，非常豐富的口感，清爽的配菜油炸的軟殼蟹混在一起，口感清爽泰式拼盤，四款小食都做得非常到位，炸蝦餅很彈牙肉碎生菜包味道非常正宗咖喱蝦，份量也算多，香濃的咖喱汁配以外脆內軟的鮮蝦，食完會想繼續食，停不了口印度薄餅也非常脆口，點咖喱汁食，一流侍應服務態度很好，不斷加水，有笑容，我們一行三人食了＄783 ,人均都只是＄262 ,朋友都說很抵食，下次聚會又多了一個選擇。…Read More

因為媽媽說慶祝生日飯都是吃自助餐好像有點悶，而且現在貴得來吃得不多。於是便決定去吃點其他菜式好了~~所以最後決定選這間 ^^ 預先book了位~用餐時間是1小時30分鐘先點 - 椰青 ($40) 比起三色冰那些，更喜歡飲這種的。清涼潤喉的好物！還有一些椰肉可以吃的喔~青芒果沙律 ($60) - 雖然是芒果，但青芒果不是甜的~酸度十足，帶點微辣~作為開胃菜來說絕對沒問題。香芒軟殼蟹米紙卷 ($75) - 軟殼蟹加上淡味的米紙包著清甜的芒果、生菜一起吃~不單止減低了油膩感，還有一點小清新。喜歡的還可加點酸酸的汁增添味道。之前吃過 串燒沙嗲 ($78/6串) 覺得不錯╴所以這次再點！有雞、牛、豬可以選擇，每款要了２串。但最好吃的是雞肉，夠嫩口。另外兩款不知是不是燒得有點過火?! 好像有點"鞋口"不過沙嗲醬還是那麼惹味~花生的味道也很濃郁！！除了串燒～還點了 - 蜜糖燒肋骨 ($88)這個的也很惹味，再加上甜甜的蜜糖和燒過的焦香。而且肉質也很軟嫩，很容易便可以將骨拆開來麵包焗咖喱軟殼蟹 ($188) - 因為想吃咖喱又不想配薄餅，所以選這個。沒想到意外地這個不錯嘛~麵包很脆身，沾滿咖喱來吃很配！不過說是咖喱，這個其實完全不辣。而且味道倒是有點像葡汁呢~日本南瓜焗海鮮飯 ($98) - 點這個是因為知道我妹喜歡吃南瓜嘛。焗得超香！飯亦很軟稔。用作碗子的南瓜還有很多肉~甜甜的確實很吸引！因為這個頗有飽肚感，所以這次４個人一起吃倒還好。既然來到吃泰國菜，當然要吃甜品吧。更何況原來我家有人沒吃過"芒果糯米飯"最後點 泰式甜品大拼盤 ($128) 可以一次過試很多款。這3款像大菜糕的味道還好~~ 千層糕很煙韌，而且超黏身。椰汁西米糕 - 3種糕來說，這個最甜 >____<椰絲豆仁軟糕 - 可能不太喜歡那豆仁? 所以覺得怪怪的。最後吃的是糯米飯加上清甜的芒果和椰漿一起吃，超滿足的喲！！…Read More

星期日約左小學同學食晚飯,選了這間在公司附近的泰菜,之前已試過午飯!７點鐘準時到達已經全場爆滿,因為下午已經電話訂了位,但也等了20分鐘才可入座.而且要1個半小時交枱!一坐低,即刻點菜,選擇頗多,點左以下幾個,侍應是泰國人,要用英文點菜,大約15分鐘,菜分別送到,速度頗快因為太辣關係,點了一杯泰式奶茶,呢個唔得!超甜!總括黎講,環境舒適,價錢不貴,食物質素不錯,可以再嚟!…Read More

12月生日會，壽星仔 "千足純金"話想食泰國菜，一諗起唔就脚嘅九龍城 ，大家就頭痕 ！好彩我經常瀏覽OpenRice, 記憶中有間泰國餐廳係灣仔，即刻推介畀大家試試 ~新泰東南亞餐廳位處灣仔W Square 2樓 (係集成中心附近)，極之方便就腳！是晚靚女車預訂左9位，侍應生安排咗張大圓枱畀我地！泰式格局佈置嘅餐廳，清幽寧靜，狀甚 舒適！翻開menu, 發現有巧多美食啊 ，人多好辦事，樣樣點啲喇 ~1.泰式生蝦刺身 : 蝦夠大隻，肉質爽口彈牙 ！沒蘸上醬汁下，竟然有辣味，仲巧辣吓 添！2.冰鎮翡翠螺 : 肉質爽脆 ！3.蛹蝦 : 蝦夠大隻, 可以一分二食，肉質無生蝦咁爽彈，不過外層嘅炸麵卜卜脆，巧特別！4.泰珍珠椰菜苗炒香菇 : 椰菜苗口感較硬，似食芥蘭。香菇夠鮮脆！5.香芒蟹肉炒飯 : 有齊一般炒飯所需嘅配料，加咗芒果肉，更加香甜 ，不過好少蟹肉，每人分啲就食唔到 囉！6.拼盤 : 蝦餅、魚餅，爽口好味。春卷，饀料有芋頭蓉，香口脆好味！肉碎生菜包，包上生菜後，肉碎依然好辣 ！7.香芒軟殼蟹米紙卷 : 芒果、軟殼蟹等少得可憐 , 似有還無嘅口感，像素米紙卷多啲囉，味道清淡得滞！8.泰式蝦炒金邊粉 : 配料有蝦、魷魚、青紅椒、雞蛋等，金邊粉幼滑入味，炒得酸甜可口！9.蒜蓉包 : 巧香脆！10.印度酥餅 : 蘸上咖哩汁後，酥軟好味！11.咖哩麵包軟殼蟹 : 軟殼蟹夠酥脆，咖哩汁剛剛好，唔會太辣，蘸上麵包後食，滋味無窮 ！12.沙爹串燒 : 豬、牛、雞，每款兩串。豬、雞肉質嫩滑 , 蘸上微辣嘅沙爹醬後，惹味非常 ！13.蜜糖燒肋骨 : 雖然燒肋骨無咩用，但燒得好好食 ，腰果又香脆！14.越南蒜蓉牛油雞翼 : 雞翼夠香，唔油膩！15.紅毛丹肥牛卷 : 肥牛卷，肥美質嫩！16.三色冰 : 我揀咗三色冰，有三色啫喱粒粒，好口，椰奶味濃，冰涼潤喉！其他朋友仔點咗芒果冰、龍眼冰、椰青等等多款飲品，唔少得點返枝酒一齊賀壽星，開心暢飲一番呢  …Read More

又到灣仔食飯，唔知啲乜野好？當時上Openrice研究下啦！係相片睇到有帳篷既卡位好特別，於是我就打電話訂位，我同服務員講想坐卡位，但被拒絕了！原因帳篷卡位係比4位客人坐，所以冇希望了！不過都唔緊要，上到去，座位相距都幾寬敞，傾下密計都唔容易比隔離聽到，私隱度都幾好。但估唔到平日都咁多人食，坐滿有7成人啊！【香芒軟殼蟹米紙卷】米紙軟綿包住蔬菜軟殼蟹，食落感覺好清新，一啲都唔覺膩，食多幾件都唔覺劑，幾好。【泰式柚子沙律】好多柚子，仲有腰果，甜甜酸酸味道，好開胃，作為前菜，打開個胃口先！【串燒沙爹】 $78/6串（豬、牛、雞）每一串都幾大串，肉質淋，入味，沙爹醬都惹味，就係醬汁較少，唔夠用！呢個價錢都算抵。【麵包焗咖哩軟殼蟹】側邊麵是偏硬身，點咖哩醬食用，軟殼蟹件數都多，起碼有6～7件，咖哩汁唔辣，重椰汁味，較結身，比較難點麵包食。【蒜蓉炒貴妃苗】貴妃苗食落都幾幼嫰，不過有少少草青味，大至上都OK。【紅豆冰/椰青】（$32/40）紅豆冰OK，椰青價錢算平，可能我吩咐要多椰肉，所以椰青比較老，椰青汁唔夠清甜，不過都可以。2個人食左$633…Read More

W Square餐廳不算多，不過一眼就睇中新泰東南亞一出Lift一眼就望到好有泰國特色裝潢，木凳同墻上的裝飾令我有種好似身在泰國既feelstaff安排我地坐窗口位，可以望到街景鮮蝦柚子沙律——（4.5/5）好中意這道菜式，柚子好大塊同埋食落又唔苦，好多時係餐廳食既柚子都會苦蝦都唔馬虎，係大只既，肉質幾嫩香芒軟殼蟹米紙卷——（3.5/5）米紙卷外層真係好薄，口感係軟軟地，一咬就溶既感覺，原本會以爲好硬身其實都唔係，内陷係食到軟殼蟹但就好似食吾到芒果泰式炒金邊粉——（4.5/5）見好多人都推介點尼個，賣相不錯，好似一個地球保護罩一層雞蛋絲整的橫縱交叉包住金邊粉金邊粉炒得軟硬剛剛好芒果糯米飯——（5/5）極力推介尼個甜品芒果雖然得一半，不過隔離個椰絲同糯米飯可以補救糯米飯粘力足夠，入口有很香的 椰奶味特別要提的是這裡的staff好nice，基本上都係泰國人，但廣東話非常之流利。笑容滿面到我都有D怕羞…Read More

一進入餐廳已感覺到濃厚的泰國風味椰青清甜多汁，椰肉彈口泰式小吃中最具特色之一一定少不了米紙卷圓形精緻 賣相像一件件壽司 餡料包得實在不鬆散沾點酸蒜 口味清新開胃 米紙卷味道較淡靠醬汁吊味米紙皮頗厚但內裏蔬菜爽甜 和軟殼蟹比例是三比一軟殼蟹味道淡薄 不太油膩但僅僅的味道被汁醬蓋過不錯的小吃 但如果目標是軟殼蟹的話可能便會失望這款偏不辣的咖喱 當然要加碟酥餅先係孖寶組合咖喱色澤深厚褐啡色 味道濃烈但不太嗆的辣淡淡的椰汁與香料味道合襯 然後看到一片片牛展牛展大塊又厚切 肉質軟腍筋位軟嫩 配咖喱一流結尾是牛油濃香 微微煙韌軟綿的酥餅的必勝組合以原個橙黃色的日本南瓜承載著滿滿的飯與咖喱 賣相震懾上方有不少海鮮幾乎滿溢的感覺 食指大動了起來以大匙羹取下一點 淡雅的南瓜與味道較強的咖喱互補著海鮮與咖喱的配搭合適 有青口魷魚鮮蝦等份量十夠咖喱不辣但足濃厚 還有小方塊般的南瓜肉在內飯底是橙黃色的茄汁炒飯吧 單吃味道也不錯份量其實很大 甚至裏頭的南瓜也能吃 三個人分享也不會太多冬陰公裡有一點海鮮 鮮甜沒冰鮮的感覺椰奶味濃郁 入口滑滑的 惹味十足:)最後甜品少不了芒果糯米飯 芒果很甜 糯米有黑有白 糯香煙煙韌韌夠香軟很滿足的一頓泰國菜…Read More

今天真的累死了! 由早開会到晚上, 己七時多, 肚咕咕響, 一於拋下手頭工作跟同事齊去揾食.同事建議東南亞菜, 得知公司附近有間, 環境不錯呢!餐廳装潢甚有氣派, 濃厚泰國風味. 卡坐還大大張頗舒適.同事發辨我懶得去理, 一於舒舒服服坐係到等食….香芒軟殼蟹米紙卷米紙卷煙煙靱靱勁有嚼口軟殼蟹軟熟又不油膩有點可惜是芒果味不夠突出鮮蝦柚子沙律全碟鮮蝦只二隻, 份量有點少巴東牛展惹味的巴東醬汁, 跟沙爹醬汁有點相似牛展軟腍巳吸盡巴東醬汁的精華, 讚!印度酥餅熱辣辣, 醮巴東醬汁最美味參峇炒洋角豆洋角豆即秋葵, 最喜歡秋葵那滑潺潺, 黏黏的口感.調味方面比較鹹了點, 美中不足…Read More

天陰陰雨紛紛, 但不減我為食的心, 今天來到灣仔尋泰菜。W Squre在銅鑼灣與灣仔中間, 與地鐵站有點距離。但其實只要沿軒尼詩道直行就可, 還算易找。踏出電梯, 已經被門面吸引~門口的裝潢精緻, 燈光暗暗的, 讓人很放鬆、很舒適。餐廳空間寬敞, 位置舒適, 還有我最愛的卡位~~外出吃飯, 最喜歡問店員有乜好介紹, 可以更了解餐廳有什麼好吃, 又不用花時間鑽研餐牌。今次也不例外, 店員很耐心的問我們喜歡吃什麼再逐一推介。泰式冰咖啡 與港式咖啡最大的不同是會加奶油/練奶, 味道香濃但感覺少點苦澀味, 正合小妹不愛苦。味道不過不失, 還是喜歡泰式奶茶多一點~香芒軟殼蟹米紙卷 米紙厚薄適中, 軟殼蟹頗香脆, 芒果味也蠻平均, 好吃但未算驚喜。泰式明爐蒸魚吃得多, 酥炸香芧魚真是第一次吃! 魚肉先起骨, 切成長條形才炸, 方便食用。魚肉炸得很香口, 又能保持嫩滑, 還帶有淡淡的香芧味。伴碟的青芒果沙律也是一個很好的配搭。酸酸甜甜, 很清新, 用來平衡炸魚的油膩剛剛好。 食晒成條魚也不會覺得很滯~店員介紹的南瓜焗咖哩海鮮非常大堆頭! 咖哩非常香濃, 並帶淡淡南瓜味。 青口新鮮多汁, 不像平時泰國餐廳般又乾又奀。蝦更有半隻手掌大, 名乎其實的大蝦! 鋪上薄炸粉輕輕炸過, 沾上咖哩汁非常入味, 蝦肉保持鮮味、爽口。還有魷魚、魚柳... 海鮮豐富而且鮮味!一直覺得泰菜好吃, 但來來去去也是那些款式。這裡的泰菜款式較特別, 而且美味, 有機會一定要試試!…Read More

三號風球的這天媽媽放假，不過既然約好說泰國菜還是出門去(・◇・) 吃完還可在灣仔附近逛逛和買點東西平時搭8p巴士都會經過W Square，但說吃東西可是第一次來到這個地方這家餐廳裝修還滿不錯，而且有不少的梳化位置之前在舊地址都是在灣仔~不過是地舖。聽別人說想吃地道點的泰國菜要來試試這家除此之外，還結合了其他的東南亞菜式~選擇更多元化 (´･ω･')有午市套餐，不過想試試別的就看大餐牌好了 (≧Д≦)媽媽在的話~點餐也變得容易得多香芒軟殼蟹米紙卷 ($75)可能香口的軟殼蟹的比例較多，反而芒果的味道不是太吃得出因為中間還有生菜、紅蘿蔔絲等~配著酸酸甜甜的醬汁來吃很開胃而且不油膩酥炸香茅魚配青芒果沙律 ($168)(o’ω’o) 一邊的魚肉都起了來炸~其餘的則是原條炸至金黃色旁邊的那個泰式醬好辣，不過沾少少的勉強還可～倒是這樣的話也頗醒胃的呢啖啖的魚肉配青芒果沙律來吃也同樣醒胃~還可以減低炸物的油膩感日本南瓜焗海鮮飯 ($98)這個飯是連南瓜一起焗的呢！！沒想到飯焗得很軟身而且水份仍然保留不像外邊的焗飯都變乾~而且吃時還能嚐到南瓜的甜味~除了海鮮外，也有南瓜肉再加上芝士，整個飯也很惹味 !! (但有我不喜歡的青豆 QAQ泰式甜品小拼盤 ($68)平時比較少機會吃到這種甜品。大菜糕、椰汁西米糕、千層糕黃色那款吃不出~但感覺像是玉米(?)很爽口到煙煙韌韌的口感也有~不過重點是喜歡重椰汁的味道甜度和濃淡也剛剛好～ (っ´ω'ｃ)…Read More

朋友話想去泰國但又無假放 , 帶佢去食泰國菜頂住癮先😉一出已經可以見到 四周圍既 環境佈置極之精美 , 地方舒適 , 彷如置身於泰國;帳篷座位更為特別 , 要求入坐其帳篷座位也是理所當然的 , 可能 當時時間尚早 尚未有其他食客 , 所以 我地只有兩個人但都可以坐四人帳篷座位😁, 我見晏少少有兩位食客話想坐都無啦。…Read More

最近吃到了超好味的泰國菜，個人覺得比九龍城更好吃，所以想要和大家分享！這是位於灣仔的「新泰東南亞餐廳」，和我工作的地方很近，地點都很易找，就在W Square 2樓，無論是乘巴士、地鐵，或是電車都容易到達。因為是全層的關係，所以這裡很大，分開有不同的區域，令客人不會覺得很擠擁。而且有為數不少的卡位，都很寬闊，能座上6人呢！座位間有適當的空間，令大家都能坐得舒舒服服地享用美食，環境超讚！水吧位置，有看到水吧的桌上有很大枝黃色的東西嗎？那是Order 3L啤酒時會送到桌上的東西，大家可以自行盛酒，有得飲又有得玩。可是因為我們不喝酒的關係就沒有點了，不然也會試試看呢！餐牌設計精美，而且十分整潔，裡面圖文並茂，光看到餐牌上的美食已覺吸引。Order了的食物都等了一會兒才送上來，果然即叫即做、慢工出細貨！這個泰式炸蝦餅 ($65) 送來時仍然是熱騰騰超香脆！吃的時候還要先吹涼呢 (笑)很好吃啊，蝦膠夠彈牙，表皮亦香脆，超讚超推薦！我們還Order了馬沙拉咖哩(雞) ($75)，它有雞牛豬選擇，而我們選擇了雞。味道不錯喔，和之前吃印度菜時吃過的味道差不多，都很正宗。而且咖哩裡還有很多洋蔥和薯仔，配料的量都適中，唯一就是雞不太入味，但整體來說不錯。食咖哩又怎少得麵包類的東西！所以我們點了印度酥餅 ($28)，一份有8塊，很抵食！而且十分鬆化，可以比得上在印度餐廳吃到的味道呢！因為有很多咖哩汁的關係，所以即使點了一份印度酥餅都不夠沾呢！為了不浪費所以我們又追加了蒜蓉包($28)，共有4片。送來時仍是暖烘烘的喔！而且很香很脆，加上咖哩實在是太美好了！來到吃東西亞的菜式，串燒是一定不會缺少的吧？所以我們亦Order了串燒沙爹(雞、豬) ($68/6串)。它有雞、牛、豬選擇，而我們不想吃牛所以就只選了雞和豬了。串燒很大串，比起外面一後的Size要大得多，感覺好抵食！不過用碟盛沙爹醬還是沾得有點難，如果店方能夠使用杯子盛著相信會更正，因為實在太好味了，想沾很多很多沙爹醬！XD還有點了我向來都很喜歡吃的香芒軟殼蟹米紙卷 ($75)，可以見到很足料！軟殼蟹仍然是脆的，配上很多生菜和紅蘿蔔絲等等，感覺好Fresh，很適合炎夏時吃呢！只是香芒的量相對較少，所以不怎麼吃到香芒的味道。雖然整體不錯都很好味，但比較其他菜式就有點被比下去了。最後就健康一下來個泰式炒雜菜($65)，有很多不同的菜，份量也適中！而且很喜歎這裡的菜味道不會太濃或太鹹或太多味精，清清的十分健康！最後就點一個甜品吧！這是芒果燸米飯($52)，甜甜鹹鹹的味道真的超讚！而且有別於外面吃的芒果燸米飯，這裡的燸米飯是雙色的，分別有黑燸米和白燸米，令到口感更有層次，賣相更是精美，所以真的很推介大家試試！已經很久沒有吃過這樣好吃的泰國菜了，環境更是一流！所以說，要吃泰國菜亦不一定要到九龍城啊，日後又多一個好選擇了！…Read More

又喺久唔久一次跟班好姊妹嘅飯局，不過，諸多原因，人脚有變，但開心嘅喺照樣能如期開飯，因為大家都忙，人多極之唔易約，雖然唔齊章，都先嚟一次小飯局 。一出電梯門，估唔到新泰個門面咁寬敞，比起好多食廈，擠擠迫迫，依度就感覺舒服好多 :) 。就算入到裡面，亦都唔會為做生意將枱櫈排到密麻麻，反而，在柔和嘅燈光配合下，予人有一份寧靜嘅安祥感。翻過一轉餐牌，因為實在好多選擇，由小食、燒烤、湯、沙律、咖喱、肉類、海鮮、蔬菜、飯麵……等等，大家都覺得有好多想試嘅美食。好多時候，揀食乜的確傷腦筋，猶幸朋友們都唔喺咩揀飲擇食之輩，你提議吓，我和議吓，好易決定到食乜好 。餸菜未到，大家就先點點嘢飲，因為見到啲飲品甚吸引。 芒果沙冰 $38 芒果，菠蘿，兩款都喺心水口味，最後都喺決定要芒果，貪其夠香，果然，芒果味好濃香，但沙冰質感又唔算好冰喎。 番石榴沙冰 $38朋友話好正，所以試咗一啖，的確入口非常清爽， 番石榴味道獨特而清甜，真喺暑氣全消。 鹹檸檬七喜 $32好穩陣嘅選擇，應該唔會有咩太大落差。唔使等得好耐，就已經有餸菜上枱。因為我哋人唔多，小食類只要咗個小拼盤，而點多客紙米卷因為想食軟殼蟹。 小拼盤 $88 細拼寫到明只有蝦餅同魚餅，一客各有兩件，每件開半。炸得金黃，兩者入口已感到好彈牙，誇張啲講句，前者蝦味濃，後者魚味鮮，再沾少少泰式酸醬，酸甜滋味！ 香芒軟殼蟹米紙卷 $75 芒果類嘅前菜向來都甚得人歡心，加埋軟殼蟹，啱晒我啦。大口一咬，口感豐富，米紙卷內更加入埋米粉，生菜，甘筍絲，青瓜絲，感覺非常清新 。 南瓜焗咖喱海鮮 $128 咖喱類有十多款菜式，南瓜實屬個人偏好，而依道南瓜焗咖喱海鮮個南瓜品種較大隻，內裡放滿多款海鮮，所以整體份量頗多，計有青口、大蝦、魷魚、魚柳……等等，浸在鮮橙紅色嘅咖喱當中，望見已非常吸引。海鮮嘅質素唔算好高，屬於不俗水平，但個咖喱真喺有一手，撈勻啲椰奶，濃香而富層次 ，配印度酥餅（$28）抑或蒜蓉包（$28），都咁正。 鹽燒鱸魚 $108 食泰菜經常食明爐烏頭，今次轉一轉晌燒烤類試咗一道鹽燒鱸魚，賣相睇落相當唔錯，外皮燒得焦香。揭開外皮，雪白嘅魚肉活現眼前，入口果然嫩滑，鹹鮮味以外，又滲出淡淡香料味 ，原來魚肚內放有唔少泰式香料一同鹽焗，果真有心思，就算唔蘸醬都夠晒味 :) 。 蒜蓉炒貴妃苗 $75 貴妃苗個名真喺好聽，我就慣叫佢做翡翠苗，因為非常翠綠，因此得名。除咗翠綠得靚，爽脆亦喺好食嘅原因之一，簡簡單單蒜蓉炒，唔使搞咁多，已經好好食。 千層糕 $38 經典泰式甜品之一，一層一層，碧綠養眼。入口煙煙韌韌，有點班蘭及椰子口味嘅交融，食極都唔厭。 班蘭糯米飯布甸 $52 當晌餐牌睇見依款甜品時，覺得好新穎，所以，已覺諗住要試。一客只有兩件，打開蕉葉，原來好似件玉子壽司咁，下層喺班蘭糯米飯，上層喺雞蛋布甸，無論內外，賣相都相當有心思，味道方面亦不俗，糯米飯黏糯而滲出淡雅嘅班蘭香味，雞蛋布甸軟軟滑滑！一餐飯食得開唔開心，除咗餸菜嘅味道，同枱嘅人脚都好重要，啱傾啱講會食得開心好多，所以，味道好壞有時源自心態，正所謂心情唔好，食龍肉都無味！…Read More