Ching Burger (Closed)

店鋪位置於西環水街，見餐牌有咕嚕肉和西檸雞Burger，很好奇會是什麼味道... 平日出現在大排檔的餐牌好平常，出現在漢堡包餡料內，少少黑人問號未聯想到，決定一試！師兄漢堡，原來是四個來自不同界別、不同職業的朋友，放下自己本來的正職踏上創業之路，每人按自己的專長負責店內不同範疇。"四"人行必有我師，店內Menu正正反映4位partner所擅長做的食物和飲品。餐牌上暫時有4款漢堡包，2款屬剛剛所提及的Fusion類，另外2款較為常見牛肉漢堡。點解話'暫時'呢？店主話餐牌將會再update，推出更多款式的漢堡，要拭目以待 😛 店內位置不算多，大概可以坐到8-10人。店內以淺綠色和木質枱凳為主，也有自己設計的Logo。漢堡即叫即整，要預點等候時間。·Burger 漢堡· 脆炸西擰雞漢堡伴焦糖洋蔥 Lemon Chicken Burger w/ Onions ($75) 跟平日大排檔食的西檸雞近乎一樣，醬汁調配對我來講略為偏酸，加埋洋蔥平衡酸感和油膩感；麵包用上法包外脆內軟。香煎未來肉排漢堡伴田園大啡菇 Beyond Meat Burger w/ Mushroom ($85) 素食者必試，用上Beyond meat的植物漢堡扒，煎香的大啡菇的汁流落漢堡扒上，加上切碎的生菜；麵包是芝麻面的軟身麵包，非常穩陣的配搭也好好味。·Snacks 小食· 跟餐炸番薯條 Sweet Potato Fries - 秘製麻辣醬 炸番薯條沾上梅粉炸，番薯好甜，鬆脆內軟，沾麻辣醬食又有另一種風味。鴛鴦燒賣 Pork/Fish Siumai 跟自家調配醬汁 - 麻辣醬 2款的炸燒賣，食落似手工製作，喜歡魚味燒賣。燒賣同麻辣醬極夾! btw, 佢地有麥樂雞配2個秘製醬汁，唔想食大財團既咪呢度食... 個醬名係欖欖醬和羅柚醬, 唔知咩黎既呢🙈·Drink 冷泡茶·其中一位成員曾赴台灣學冷泡茶，學習茶藝，超有heart的。白茶 Cold Brew Tea，白牡丹茶，較中式，平衡食漢堡的邪惡和油膩感。荔枝紅茶 Lychee Black Tea，啖啖的荔枝味，較西式。紅茶濃度適中，好飲~ 食到每一份漢堡用心構思和製作，非常有誠意。持續更新的餐牌令人更加期待和欣賞那向上求進的心！祝願4位Ching巴打繼續一同走更遠的路。New opening special offer: 單點漢堡優惠 免費upgrade至套餐Set Meal.…Read More

有少量堂食座位，好多客人都係黎買外賣🍔老闆話店舖剛開業，處於試業階段，總括左客人意見之後，會再推出正式Menu😀----------香煎未來肉排漢堡伴田園大啡菇 $85好多層好豐富，估唔到未來肉排同大啡菇差不多厚，一啖真係冇咩可能咬得晒😂漢堡包搽左牛油烘過，食落特別脆口，影相禁耐之後都冇變腍👍未來肉排係泰國品牌，係老闆精挑細選之後先揀出呢款佢認為最好食嘅植物肉，確實食落去佢味道同口感都似真正既肉😎大啡菇好juicy，加上芝士同自家製醬汁，整個漢堡都唔會乾🤗 經典美式慢煮牛肉漢堡 $85漢堡包一樣脆口，牛肉味濃郁，醬汁同未來肉排漢堡既一樣係自家製 開業優惠免費升級套餐炸薯條係有薯仔皮既粗薯條，本身係跟茄汁，加$10有黑松露醬，不過今次係老闆送比綿羊試既😂黑松露好多，點薯條好正😋 蕃薯條比起出面食既脆口，而且內外都有甜味，灑上少量甘梅粉，老闆話唔點醬係最好食😉冷泡茶 白茶 & 荔枝紅茶浸左16小時既冷泡茶，白茶姐係白牡丹，味道偏甘🙂荔枝紅茶帶有荔枝清香，又有茶味🌿…Read More

作為西營盤街坊，有新店開張當然會去捧場，呢日就嚟到水街幫襯「師兄漢堡」。原來小店尋日(星期日)正式開業，所以門口仲擺放住各方好友送嚟嘅花牌🎊。呢度面積細細，聽老闆講係想主打外賣生意🥡，但同時亦提供少量座位以供堂食。老闆非常友善，主動同客人傾偈，並詢問有關食物嘅意見。小店售賣四款漢堡包🍔，豬牛雞素各一款，並可加配套餐，+$20有小食同飲品。漢堡包目前定價為$75/$85，老闆話會睇吓街坊嘅反應，短期內再檢視餐牌。香煎未來肉排漢堡伴田園大啡菇($85)，作為食肉獸嘅我本身對素肉不抱太大興趣🙈，但佢個樣望落都幾吸引嘅，驟眼睇同牛肉漢堡無分別。未來肉排味道好OK喎，質感結實唔鬆散，富有彈性。我其實唔係第一次食未來肉，但呢塊感覺特別，原來係因為貨源來自泰國，餐廳選材有眼光。另外，🍄大啡菇係第二矚目嘅配料，離遠已經聞到菇香，而且仲好多汁添，正啊。其餘配料則包括生菜、蕃茄同芝士等。醬汁亦係精華所在，並由廚師自家調製，我食得出有啲芥末味。咕嚕肉排漢堡伴焦糖菠蘿($75)，呢個漢堡包可算係Fusion菜嘅代表。佢將🥢中式小菜「咕嚕肉」融入於西式漢堡，成個組合出到嚟冇乜違和感。咕嚕汁甜甜酸酸，再加埋焦糖菠蘿🍍，令人開胃。咕嚕肉排一件過上，幾大塊同厚身，豬排肉質亦唔嚡🐷，但炸衣較厚同埋偏濕，唔係我心目中最好食嗰種，不過都OK嘅，純粹我嘴刁啫。漢堡包嘅麵包層都幾好，表面經烘烤過，微微脆，而內裏就保持鬆軟，並唔乾身。脆炸三味，三味係指鴛鴦燒賣(魚肉燒賣&豬肉燒賣)以及墨魚丸🍢。佢哋經脆炸後，成個感覺就已經同蒸煮唔同，墨魚丸係最好食同彈牙。不過咁樣都未係重點，皆因個辣醬先係主角🌶，佢超好味啊，係我鍾意食嘅麻辣。佢辣度同麻度顯住，而且仲加咗啲肉碎，以添鹹香，Encore！炸薯條，🍟薯條就冇乜特別啦，配茄汁食，份量適中；不過抵讚嘅係佢唔會太油。飲品方面，老闆推介我哋飲冷泡茶(+$5)，是日有兩款口味，包括翠綠烏龍同埋白牡丹茶🍵。兩者味道都幾清香，最重要係無糖無添加。如果一定要二揀一嘅話，白茶感覺特別啲。總括嚟講，👦🏻師兄漢堡嘅食物質素幾有水準，漢堡包款式有經過精心設計。我感受到老闆用心經營，希望小店會成功啦，大家多多支持。遲啲有機會我都想試埋佢另外兩款Burger啊😉。…Read More

同fd一齊試呢間係西營盤嘅小店Burger同小食都有驚喜！我哋叫咗兩個set 我叫咗 經典美式慢煮牛肉漢堡🤤小食要番薯條 飲品係蘋果西打Burger好juicy之外 番薯條都好好食☺️朋友叫咗 香煎未來肉排漢堡伴田園大啡菇🍔Beyond meat🥩超級surprise!!本來都幾唔鍾意食齋食素係無問題 但我覺得蔬菜真係好難扮肉但呢個burger真心可以一試老闆們好friendly 因為夜晚唔係好多客人 所以有同我哋傾吓計 佢哋係4個後生仔出嚟創業 籌備咗好耐好佩服佢哋嘅勇氣最重要係burger真係好食🤤之後都一定會繼續支持！…Read More