Hong Kong Wing Nin

食過幾次，大商場裡面食車仔麵，係比較坐得舒服。呢度港式懷舊鐵板真係無得輸嘅，例如今次食嘅美國極級封門柳鐵板餐碗牛油果薯仔沙律，跟永年辣汁，個餐包括埋炸麵同餐飲。個牛柳夠又入味，沾一沾辣辣地又濃味嘅汁，又或者將汁淋上炸麵，都非常好味！沙律雖然比第一次食細杯左，但性格比仲算ok，有3隻蝦、牛油果、桃等等，成本本來都比只係得菜嘅沙律更高。女神麵加永年三寶係必食嘅，個麵包括嘅餸有我超鍾意嘅酸甜適中又唔油嘅酸齋、入哂味靚花膠、魚腐、冬菇、菜心等等，餐飲可以加錢點涼粉冰，絕配！永年三寶有陳皮魚蛋、豬皮、同好軟淋香甜嘅白籮蔔。出色嘅韮菜豬紅同腐乳通菜都係好野黎，尤其是豬紅入哂味又滑口，每次黎必食。…Read More

黎食車仔麵見佢夜晚變身懷舊扒房，塊綠色格仔布仲加左唔少分。即刻轉軚叫左挪威三文魚扒餐同美國頂級西冷餐，食過就知抵食夾大件！三文魚扒超厚，自己買都未必買到咁大塊。皮勁香，叫個普通洋蔥汁都好好食。塊西冷當然都係重量級，5成熟非常軟淋juicy。原來佢地個秘制辣汁做鐵板牛都好鬼夾，增加肉香又惹味！旁邊放個小雜菜鐵板係靚同幾驚喜，香噴噴，顏色搶眼，多種類，仲有少少牛油香菇，認真豐盛！沙律有得揀！牛油果薯仔蝦沙律同雞扒咸魚凱撒沙律都好好好食；前者每樣材料都新鮮均等，尤其係唔膩嘅薯蓉：後者用咸魚代替平時嘅煙肉，出奇地perfect match!熟蝦醬通菜、韮菜豬紅呢啲經典招牌野唔洗講係必點，要好食唔係度度有。豬紅夠入味韮菜無渣，熟蝦醬夠香夠咸，正到痺！成日想試下樽仔奶茶同普通凍奶茶分別，今次就知，樽仔奶茶完勝，茶味滑度濃度一定係樽仔奶茶。…Read More

今日黎到，唔係食佢最出名既車仔麵，反而係試下佢新出既鐵板餐。美國極佳級封門柳鐵板餐 $228包餐湯同飲品，我加左$15飲酥皮湯。酥皮湯即叫即整，所以需要等一陣，佢焗得岩岩好，酥皮夠脆，湯都足料。封門柳肉味濃郁，雖然肉紋比較粗，但都好嫩好柔軟。好細心墊左洋蔥🧅係底，以防鐵板加熱時，牛會變得過熟。鐵板餐仲有加配小食優惠，$68任選2款，我地簡左懷舊蝦多士同黑芝麻西多士伴雲呢拿雪糕。幾欣賞佢呢到既炸物，好脆，但又唔會感覺好油。黑芝麻西多士係流心架，芝麻餡好豐富，加埋雪糕食，邪惡但好正。韮菜豬紅 $26我覺得小辣已好足夠同惹味，豬紅夠入味，推薦😋整體都唔錯，估唔到鐵板質素都幾好，夜晚黎，可能要等一等位，不過佢坐位算多，所以好快都有位。…Read More

久仰永年大名！但一直未有機會試！難得今日去沙田，順路試下呢間裝修比較特別既永年😆去到已經有好多人等緊，拎完飛，就影下門口d壁畫同雞蛋仔裝飾，再研究下食咩好，好快就入得去了！😆我點左女神麵+韮菜豬肉餃，男友點左男神麵+魷魚！我地都覺得命名呢2碗麵既人好醒，完全捉到男仔同女仔既口味！😂男神麵好岩男友口味，有牛栢葉、牛肚、牛筋、牛丸、牛腩、蘿蔔、時菜；而女神麵就有鮑汁炆花膠、豬手、枝竹球、冬菇、紫菜、蘿蔔、時菜。本來覺得一碗麵$88有d貴，但一見到塊花膠咁大塊，就即時覺得物有所值！花膠同豬手都炆得好冧，正！枝竹球幾特別，又好味！冬菇、蘿蔔都好入味！我地都揀左粗麵，一致認同麵質好滑又彈牙！正！😋😋小食方面，我地order左1. 香脆南乳雞翼：外皮好脆，雞肉無雪味👍🏻2. 懷舊蝦多士：必點！多士好脆！點埋沙律醬，一流！3. 永年辣汁牛腩：永年辣汁果然正！牛腩又炆得好冧！4. 韮菜豬紅：韮菜新鮮，豬紅好爽！5. 咸牛肉蛋芝士薄餅：最後點的！好足料！好好味！😋😋跟餐野飲方面，我地點左抹茶紅豆冰同紫薯奶泡，唔錯！紅豆冰有好多紅豆！👍🏻最後點多一枝樽仔烏龍茶配pizza黎食😬😬可惜店員話因為疫情，人手不足，所以無雞蛋仔食。。希望遲下有返啦！因為樣樣野都好吸引，今餐埋單有d貴，但好滿足！因為真係好好味啊！不枉永年咁出名！😋…Read More

鼎鼎大名的永年士多憑著車仔麵打響名堂，從起初只得元朗一間小店拓展至分店遍佈港九新界，但這次卻是我首次品嚐。在沙田新城市廣場一樓聚集不少美食佳餚，從遠處已經可見「香港永年」的霓虹燈招牌，門口更擺放著一列香噴噴的港式麵包。這間車仔麵茶冰廳有別於其他分店，除了招牌車仔麵外更有供應菠蘿油、蛋撻和西多士等茶餐廳美食，亦有各式各樣的新派創意小食如雪糕雞蛋仔、沙嗲牛肉菠蘿包等，掃描QR code下單清晰方便。紅油日本小黃瓜 ($28) 紅油雲耳 ($28)兩款涼拌前菜配上辣油爽脆開胃。牛三寶 ($38)三寶包括牛筋、牛肚和牛柏葉，當中又以牛筋最為出色，質感柔韌有致。生菜魚肉 ($26)魚肉不論外形抑或是口感均與魚蛋如出一轍，渾圓彈牙，但魚肉比例較少故魚味欠奉。韮菜豬紅 ($26)豬紅軟滑配上辣汁更加惹味，平凡簡單。永年車仔麵 ($86)車仔麵款式多變，除了包羅萬有的永年大碗麵和別出新意的男神麵女神麵外，亦可以自由選擇配料和麵底，基本包括四樣配料，另外每款再加$9，這碗則選擇了魷魚、流心蛋、牛筋、紫菜、白蘿蔔和冬菇。永年車仔麵 ($86)另一碗則選配了魚蛋、雞翼、豬頸肉、豆卜和白蘿蔔，最平凡的白蘿蔔卻是最令人喜出望外，預先以咖哩汁烹調至軟腍，清甜無渣。土炮大茶飯 ($48)向來認為雞蛋仔與雪糕的配搭只是多此一舉，但看到這款甜品備受推薦倒是決定一試，配上雲呢嗱軟雪糕但雞蛋仔卻出乎意外地保持香脆，面層淋上花生醬和煉奶香甜濃厚。另外更有馬仔、開心果糖、花生糖、龍鬚糖、蛋卷、花生酥、雞蛋餅和花生碎，由元朗其奧餅家出品，充滿懷舊風味之餘所有配料均出奇地匹配。蛋撻 ($6)曲奇皮蛋撻鬆化香脆並富牛油香，蛋漿滑溜但甜度較高。抹茶紅豆冰 ($28)車仔麵套餐只需另加$9便可升級至特飲，抹茶甘香且甜度適中，紅豆蓉亦香甜綿密，相得益彰。紅豆奶茶冰 ($28)奶茶茶味與奶香並駕齊驅，惟與紅豆融為一體後大失風采，個人認為單點奶茶的話定必更加出色。…Read More

永年士多在元朗甚為出名, 現時香港永年落戶沙田新城市廣場, 店鋪裝潢時尚中帶懷舊, 例如天花吊燈、地板, 橄欖綠及柔和藍的色調予人親切又舒適的感覺.   剛巧我們坐梳花卡位, 香港永年特有的cushion ,  也刻畫了車仔麵是香港特色啊~ 餐牌上超多美食, 到底要怎樣選呢? 骨膠原, 女生至愛, 這碗女神麵可說是無敵, 大大件厚花膠之餘又有豬手, 頓時覺得吃了很多骨膠原! 還有幾款餸, 例如紫菜、咖喱白蘿蔔、鮮腐竹卷、冬菇及菜芯, 好豐富. 麵底可選粗麵、幼麵、油麵等, 各有喜好, 麵的硬度剛剛好.   小食方面, 選了惹味的韮菜豬紅及清甜的生菜魚肉, 兩款都能在車仔麵檔吃到的, 若果要細說代表香港的美食, 這兩款應該on the list吧! 我們的胃口也不細, 尤其我從menu上看到炸雞脾薯條已經尖叫, 實在太喜歡吃香脆炸脾, 沒有多餘油膩感, 若果雞肉有多些肉汁會更美味. 波浪薯條也值得讚, 不是油淋淋那款, 夠脆口. 從前不懂欣賞熱奶茶, 但如今我也慢慢開始接受了, 但略嫌永年的茶底不夠濃. 最後來一個冰火菠蘿包, 這件超邪惡的美食我已經多年沒接觸, 多半是我懶惰的關係. 既然有好友分享, 就豁出去!! 菠蘿包的size也不小, 皮夠脆但不會亂跌下來, 一口咬下那冰凍牛油與鬆軟麵包, 你會明白, 美食就是不需太理會卡路里. 最後, 土炮大茶飯. 是甚麼玩意呢? 一堆傳統美食共冶一爐, 包括雞蛋餅、花生酥、龍鬚糖、馬仔、雪糕、蛋卷等, 足夠兩至三人吃. 吃時記得問店員拿一隻大碟, 把全份放到碟上, 再用叉每樣夾著放在雞蛋仔上吃, 這就最全面了. …Read More