食過幾次，大商場裡面食車仔麵，係比較坐得舒服。
呢度港式懷舊鐵板真係無得輸嘅，例如今次食嘅美國極級封門柳鐵板餐碗牛油果薯仔沙律，跟永年辣汁，個餐包括埋炸麵同餐飲。個牛柳夠又入味，沾一沾辣辣地又濃味嘅汁，又或者將汁淋上炸麵，都非常好味！沙律雖然比第一次食細杯左，但性格比仲算ok，有3隻蝦、牛油果、桃等等，成本本來都比只係得菜嘅沙律更高。
女神麵加永年三寶係必食嘅，個麵包括嘅餸有我超鍾意嘅酸甜適中又唔油嘅酸齋、入哂味靚花膠、魚腐、冬菇、菜心等等，餐飲可以加錢點涼粉冰，絕配！永年三寶有陳皮魚蛋、豬皮、同好軟淋香甜嘅白籮蔔。
出色嘅
韮菜豬紅同
腐乳通菜都係好野黎，尤其是豬紅入哂味又滑口，每次黎必食。
