Pot of Soup (Sik On House)

鄰近香港大學站、CP值很不錯的雞煲海鮮火鍋放題，這種三合一放題實在很適合喜歡多種類的大伙兒聚會，Weekend晚餐來到就已經很熱鬧，兩層座位也幾近爆滿。斗滾四式 | 雞煲海鮮火鍋放題 $298第一式：任食雞煲五種辣度雞煲，不嗜辣的也建議選擇BB辣，辣勁是容易入口的惹味程度。洋洋、豆卜和雞件在4段熱炒後超香，秘製醬汁很出色，雞件入味，芫茜更能畫龍點睛增加香味層次。第二式：海鮮盛宴熱辣辣又新鮮的海鮮拼盤陣容鼎盛，一大盤有鮑魚、蟶子、扇貝、海蝦、花蜆、龍蠆和讚岐烏冬，都是簡單以蒜蓉清蒸，保留海鮮的鮮甜味。蟶子和扇貝更拌有粉絲陪襯，與烏冬一起吸盡海鮮汁的精華，美味有誠意！第三式：湯底店員提醒先喝湯，再火鍋。冬瓜花膠瑤柱清湯很足料，清澈健康而不失鮮美，保持了每一種食材的原汁原味。花膠份量也不少，口感滑嫩帶膠質感，在湯中慢慢煮至入味，充滿彈性。第四式：火鍋手切牛頸脊油花紋理均勻，牛肉味濃郁，口感嫩滑，這種質素甚至比單點的火鍋店出色，多次Encore也是靚料。自助區乾淨整潔，一碟碟在雪櫃自取即可。蔬菜類、丸類、餃燒、滑類等都應有盡有，皮蛋和粟米搭配冬瓜清湯非常合適。甜品有Yogurt和椰汁雪燕，後者椰味香濃，一絲絲雪燕滋潤養顏，還有水果小拼盤和龍眼任食，消除暴食後的邪惡感。…Read More

終於食到期待咗好耐嘅斗滾，呢度最岀名就係斗滾四式，有齊雞煲、蒸海鮮、打邊爐，滿足哂唔同願望，聚餐一流！第1式 ＜招牌大亂斗＞任食雞煲，提供五種辣度唔係太食得辣，叫咗BB辣，雞煲每次抄完要等2分鐘，總共分四次炒～每一次開蓋都香氣滿滿，雞煲好有鑊氣，而且超級惹味😍每一舊雞都好嫩滑，份量好足夠，唔夠雞仲可以加🤣第2 式 ＜海鮮盛宴＞食完雞煲後，就可以開始食蒸海鮮！蒸海鮮有蟶子、扇貝、沙白、鮑魚、蝦、萵筍、粟米同烏冬😍誠意滿滿嘅蒸海鮮👍🏻而且材料新鮮，蟶子扇貝好彈牙鮮甜🥰烏冬又好大浸蒜味，又吸晒海鮮啲鮮味，好好食😋第3 式 ＜養生燉湯＞湯底我哋揀咗椰皇雞湯🥥先飲湯後打邊爐，湯底非常鮮甜☺️飲得出落咗好多椰水🤣真係要飲返幾碗先開始打邊爐😍第4式 ＜手切牛頸脊>最後就係任食打邊爐，其中一樣最重點嘅就係手切牛頸脊，佢啲雪花好靚，同埋牛味好重😍入口嫩滑，一啲都唔韌👍🏻另外幾款丸類、水魷魚都十分出色🥰當中嘅火鍋配料超過30款，仲有糖水椰汁雪燕同生果，15款以上非酒精飲品任飲👍🏻成餐都好滿足，而且價錢合理☺️值得一試！…Read More

呢排好想食雞煲就約埋朋友一齊去食，一行四人聽聞呢間都好full，我哋book到西環分店，有分2層既，6點食到8點交枱，我哋做咗15分鐘去到都俾我哋入$268加一一位，埋單$300有找雞煲嚟到係已經煮熟咗嘅雞，加生嘅洋蔥，加埋啲醬汁，可以揀大中小辣，職員會叫你分四次炒，每次炒2分鐘，會俾埋個倒數計時器你雞煲炒完真係超級香，我哋仲會加埋啲想濃味啲嘅材料落去一齊炒，例如午餐肉、牛柏葉，好正提一提你哋，呢間街都係無限任添！我哋都嗌多咗兩次之後到你食嚿雞煲就可以同佢講食火鍋，跟住職員就會上個海鮮拼盤俾你，份量因人數而定，本身冇得refill既，不過見到可以加錢嗌一嚟到，嘩！我哋當日就有每日一隻鮑魚，一隻大蜆，兩隻扇貝，蝦，龍躉片，少少蔬菜同烏冬(我哋嗌咗多烏冬)全部蒜蓉蒸，都幾鮮幾好食！之後就真係到打邊爐啦，佢都有幾款湯底揀嘅，不過職員就好推介燉湯，當日係五指毛桃煲烏雞，一嚟到感覺真係好足料，竟然有半隻烏雞喺入面湯好好飲，但係打邊爐嘅戰鬥力已經開始下降，因為真係已經好飽打邊爐嘅材料都幾多，下次試吓食少啲雞煲留肚先飲品櫃唔記得影相，大約都有10款飲品，有無糖茶，有汽水，仲可以自費啤酒最後仲會送每人一碗糖水，當日如果冇食錯應該係椰汁燉雪燕(?)好味呢間雞煲真係大癲！下次一定會再去！！…Read More

斗滾都算係食過性價比極高嘅餐廳🤩一個價錢已經包咗任食雞煲🐓、打邊爐🍲同埋每人一份蒸海鮮🦐今次已經係第二次嚟食，依然覺得回頭率極高🤣🥘雞煲一坐低先揀個雞煲要食幾辣，有走辣到大辣，總共有五個Level可以揀🤔每2分鐘要炒一次，總共炒四次就可以起筷啦🤗一度炒已經入到聞到嗰種花椒香料味🤩食落口我就更加震撼🤣鍾意重口味嘅人，不妨食埋雞煲入面嘅豆卜，超惹味😛🦐海鮮盛宴食完雞煲下一樣嘢就係重頭戲招牌蒸海鮮啦😍當日可能係冇蟶子嘅關係，每人改有兩隻扇貝，鮑魚、蝦、魚、蜆各一配埋蒜蓉粉絲同烏冬🥰 鮑魚幾彈牙🤗蜆就出奇地有啲細隻但明明個殼幾大🤔成枱人都對個烏冬都讚不絕口因為蒸都吸晒啲海鮮精華得好入味🤣🍲燉湯打邊爐錢先飲燉湯🤩當日係鹿茸燉竹絲雞烏雞湯🤗超級真材實料🤩湯底，足足有半隻竹絲雞🐓，五六嚿大嘅瘦肉，同埋一大堆菇🍄 個湯燉到超級入味，忍唔住足足飲咗兩大碗先開始打邊爐😆🥩打邊爐識咗成個幾鐘，終於嚟到打邊爐啦🤣其實已經飽咗一半有多🤣包左牛頸脊同埋黑豚肉任食同埋30款以上火鍋配料! 牛頸脊嘅牛味十足😍雖然發覺送上枱既牛質素有啲參差，有時比較碎同薄，有時會大塊啲🤣但整體質素都不俗👍🏻 配料方面推薦手工丸墨汁墨魚丸同蝦丸幾出色同彈牙😆🍧甜品甜品方面，有椰汁雪燕🥰一樣係好足料而且唔算太甜👍🏻食埋碗甜品真係飽到上心口🤣以呢個價錢同埋呢一個質素，一定唔會再嚟食第三次🤗…Read More

斗滾是我念念不忘一年的餐廳，住hall時是大家吃樓飯的最佳場所，但每次都因爲難夾而擱置了，終於在一年後成功托男友的福吃到了！ 在斗滾用餐能一次過享受香港本土三件套: 雞煲+海鮮+火鍋 雞煲及火鍋都可以任食，而且不限時； 價格很實惠，星期五六日人均 $320！ 不過一定要打電話預約，walk-in 應該不會太大機會成功 [用餐次序] ① 雞煲 第一步先吃雞煲，每個煲大概有半隻雞，可自行選擇辣度，芫荽會分開上；需要食客每2分鐘攪拌一次，重複4次就可以開吃！我們分別點了小辣、中辣、大辣、特製勁辣；最後發現中辣的程度具挑戰性，入口已經感覺到了，而大辣比起中辣更重口味，不過就不太辣；而勁辣則是後勁超厲害，沒有辦法可以吃第二口🥵值得稱贊的是，配菜中的平菇在炒的過程中吸收了雞煲醬，十分入味 ② 招牌海鮮拼盤 苦等一年就是爲了它的海鮮拼盤！海鮮的分量會根據人數而變，海鮮的種類大概有6款，包括鮑魚、蟶子、扇貝、蒜蓉開邊蝦等，亦會有烏冬及萵筍等配菜；印象最深刻的有著麻油香味的鮑魚，柔嫩细滑、爽口弹牙；比較可惜的是蜆並不新鮮/未蒸熟，有少許腥味；墊在底的烏冬吸收了海鮮的湯汁，不過稍微過熟，口感偏軟 ③ 養生火鍋 一行人總共有兩個養生燉湯：烏雞湯和胡椒雞湯；烏雞湯滋補營養，鮮味十足，十分足料；而胡椒雞湯可以暖身，不過胡椒味可以更加濃烈些，稍咸；記得一定要喝了頭啖湯候才開始加水吃火鍋🤫進入火鍋環節，不是普通的安格斯肥牛，是手切牛頸脊及黑豚肉；很愛牛頸脊的口感，脂肪不多，油花適中，肉質具咬口；而黑豚肉口感爽嫩軟滑 ④ 甜品 最後送上甜品椰汁燕窩，為全晚畫上了一個完整的句號…Read More

斗滾四式 $268/298加一，晚市食第二輪不限時，同朋友又食又傾三個幾鐘，非常滿足的雞煲海鮮打邊爐！① 招牌大亂斗任食雞煲，每次都起碼要食兩煲！雞煲上枱唔係即刻食得，需要翻炒四次，每次炆焗兩分鐘，亦可加入火鍋配料一齊炒，例如芋絲，豆卜，支竹，牛百葉等等。五款辣度可選，非常惹味！有時朋友唔食辣，店員主動提供辣醬比我地食辣既自己點，真係貼心。② 海鮮盛宴呢個係最打卡Able既蒸海鮮盤！有鮑魚，蟶子，扇貝，海蝦，花蜆，龍躉及讚歧烏冬。用荷葉墊底，簡單用蔥蒜蒸，味道偏淡，海蝦有少少梅，但打卡真係一流！最好味係讚歧烏冬。③ 滋補火鍋等個湯底都等左好耐，個清湯安格斯牛腩好正！先飲湯之後打邊爐，湯頭清甜，爽口牛腩，好食！其實已經飽飽地，打邊爐食唔到好多野，手切牛頸脊同黑豚肉之外，其他都是自助櫃取的蔬菜及丸。④ 椰汁雪燕最後再送上椰汁雪燕，唔係燕碎，都幾大舊，而椰汁幾濃幾甜，無溝水溝到淡。.除左食物質素唔錯，員工服務態度都幾友善，同埋幾有效率，讚！…Read More

呢間想食好耐！成日都夾唔到時間，又Book唔到。今日終於有機會一試，絕對冇令我失望 😻😻😻 好食！好抵！好飽！好高興！（大力推薦）第一步：任食雞煲雞煲有得揀辣度，我地就揀左BB辣。雞煲有半隻雞，唔夠食可以Encore，上菜果陣係生雞件黎既，開火後就要自己每隔2分鐘兜一兜，8分鐘後就食得啦 🥴 雞件無提前醃製，食得出雞本身既鮮雞味，麻辣調味嘅花椒嘅用量恰到好處，麻而不太辣！過癮、過癮 ！🥴第二步：海鮮盛宴大大盤既海鮮有開邊蝦、鮑魚、扇貝、花甲、龍躉魚片、蟶子，海鮮雖然細隻但鮮味十足，絕對唔係冰鮮貨仔。中間放左稻庭烏冬吸收晒海鮮嘅精華，咁既食法又幾得意。第三步：烏雞滋補燉湯每一煲燉湯都係用半隻烏雞，加上松茸菇等藥材熬製而成。先飲一碗湯，暖暖個胃，補補身子 😮‍💨 然後就去自助配料凍櫃度揀自己想食嘅食材打邊爐，縱觀食材新鮮，而選擇都比較大路。值得一提嘅係水魷魚同埋手切牛頸脊，魷魚爽滑，牛味濃郁。🤤臨走餐廳仲會送一碗椰汁雪燕，燕窩份量無欺場，一絲絲既雪燕食落巧滋潤，巧C服 🥰今晚食完呢一餐，好似脫胎換骨咁，滋補又滋潤 💗💗💗 大推！食左咁多野每人都係$298 + 10%，超抵食！勁化算！呢間真係值得一試！餐廳環境黎講整體乾淨衛生，枱面冇痴笠笠。格局來講就迫咗少少，但係都明白既利潤唔高，梗係多啲黎，密啲手啦 😉 而餐廳服務態度好好，侍應好有禮貌好幫手 ✅✅✅ 留意番果要碌卡嘅話餐廳會收返2% credit card charge。 …Read More

又係時間我們 吃貨四人幫 總動員出動了, 今次我們去了西環吃雞煲, 地點好近大學站 B2, 出 MTR 真係轉個右邊就到.因之前姪女去吃過話幾好, 所以今天來試試. 這間是無限時的, 飲品不算多, 但我OK的因為我都係只喝解茶. 坐低了就有個靚仔問要不要先上個雞煲, 我說未齊人禾, 他就說 食住先 囉…哈..好..我們就叫了中辣的. 嘩...超上來時超多椒囉, 心想死得...雖然都吃得下辣, 但望到這麼多辣椒即刻有點慫. 這個雞煲原來吃起來有學問的, 不是一般雞煲店一上便吃得的, 上了先要自己炒一炒, 待兩分鐘後又要炒一炒, 翻一翻, 來回來回四次, 待雞肉完全熟透才可吃的呀, 不要心急. 不孰吃懷肚子不要賴人呀. 好了好了, 等不切了,  味道都 OK, 沒有看到的辣 (我本人嫌不夠麻, 不過他沒說是麻辣的) , 味道就不是太野味, 一般啦還可還可, 不是太咸, 雞肉都算嫩滑的, 可以收貨的.吃得差不多, 就要叫靚仔準備上海鮮盤喇...嘩嘩嘩...不得了,  好豐盛禾...有蟶子/扇貝/蒜蓉蝦/鮑魚等等等等, 還有我第一次見是用荷葉薦底蒸的. 但吃落有點失望全部都過了火, 不知是否蒸了又翻蒸, 時間全過了(知道當然不能全部都即刻蒸, 但第一次蒸的時候應該不要全熟, 待翻蒸的時候便剛好,  現在全都 諧 晒), 但全是新鮮的, 最攪笑是中間有些白色一條條的...我們起初以為是魚麵, 點知吃落才知原來是 烏冬 ...但混合了那些蒜蓉海鮮汁, 反而覺得全個海鮮盤, 這個烏冬是最好吃的. 跟住吃得差不多又叫靚仔過來準備上火鍋湯, 我們揀左 烏雞湯, 這真的很足料,  而湯頭又不是太多師父, 不咸, 幾好飲, 唔錯, 成碗飲晒. 飽左一大半. 哈哈...飲完就開工打邊爐啦...邊爐料在外邊自記己拿的, 款色不夠專做火鍋的多, 但也夠吃的, 而且分好一份份, 不用夾到跌晒出街, 幾好. 一般的午餐肉厚切/蟹柳/丸/鴨血...這些的不多說, 就說一下這黑白孖寶 蝦滑&墨魚滑.  蝦滑(熟了) 有點實,  不知是否雪得大實呢,  AND 不太彈牙, 蝦味是有的.  但墨魚滑, 看起來已有點嚇人, 真未見過這種一 pet pet 有點假的灰黑色, 熟了也是有點實, 有墨魚粒, 但有少許 餿 了, 可能天氣太熱, 多人開雪櫃門關得不太好. 另外在 社交平台讚好 (全抬), 便可點這個 牛頸脊, 我姪女說很有牛味, 很軟, 總知好味啦... (因我不吃牛的, 所以我冇意見), 不過看起來都幾靚.飽餐一頓後, 係上甜品嘅時候了, 全晚最驚喜, 我個人覺得除了那個海鮮盤內的烏冬, 這個  椰汁雪燕 真是打邊爐後的絕配, 椰汁不太甜, 雪燕都落本的, 不是一絲兩絲的, 每口都有咁濟, 正正正. 我是不喜歡吃甜的, 但這個我整碗喝完.  完美劃上句號.…Read More

📍西營盤/尖咀 養生燉湯暖身邊爐🍲臨近新年🧧我地決定割愛同大家分享我地打邊爐嘅pocket list🤫呢間餐廳我地由西營盤開張食到開埋尖咀分店🎉燉湯甘甜足料 打邊爐補而不燥😋加埋任食牛頸脊🐮真心無得輸👍🏻依家無左晚市堂食🥺邊爐店尤其難做 大家不妨支持下💛❤️劃一收費👫🏻成人$268/加一(星期五六日 另加$30)👩‍👧‍👦小童95cm以下免費/145cm以下半價🔖養生燉湯邊爐🏆(9.5/10)呢個唔洗講咁多🤤睇片都已經見到有幾足料😻烏雞蟲草花紅棗🥣啖湯甘甜又滋補用黎打邊爐一流🍲一啲都唔會覺得熱氣/唔健康🤙🏻打住邊爐養生‼️正🔖任食手切牛頸脊(9.0/10)出面一碟手切牛肉閒閒地都過百蚊啦🉐呢度竟然可以任你食🐮係超級回本位💰牛味濃郁 厚薄適中 有口感😋好味到我地唔記得影相📸️用住舖頭ig相補數先😝🔖招牌雞煲🔥🐔(7.5/10.0)個餐雖然咁多野食但係雞煲都唔係行嘢👏🏻即叫即炒🐔惹味又好味👅雞件仲keep住嫩滑添🔖招牌海鮮大亂鬥🦐🐟(8.0/10.0)呢個海鮮大亂鬥又係無得輸😚一大盤熱辣辣蒸起🌫超級鮮甜👻扇貝 蟶子 鮮蝦 鮑魚…數都數唔曬😻啲烏冬吸收埋荷葉香同海鮮精華😆係講唔出口咁好味🔖椰汁雪燕🥥 (8.5/10.0)以為咁樣就完❓斗滾臨走仲送翻碗椰汁雪燕🥣甜而不膩 好香椰汁味😋好味到同行朋友問老闆有無得encore🌟#️⃣💡Hashtag Tips: 無限時任食啱曬成班friend一齊開心gathering😆但一定要記得book位☎️如果唔係好難等到位_____________________📌環境: 8.0/10.0乾淨企理，西營盤店枱同枱之間近左D 🙈疫症期間可能會有少少擔心🤭但係尖沙咀分店更加企理 仲有露台位置📌推薦: 9.0/10.0 用養生燉湯打邊爐🍲啱曬手凍腳凍既你🥶雞煲🐔海鮮🦞任食牛頸脊🐮一路食到落尾🤙🏻一路打邊爐 一路養生🍃📌斗滾 (西營盤)西環石塘咀山道54-66號適安大廈地下📌斗滾 (尖沙咀)尖沙咀山林道38號銀座3812樓訂座電話☎️5404 2994#hashtag美食 #hashtag十八區 #hashtag尖沙咀 #hashtag西營盤 #hashtag邊爐 #hashtag任食 #hkfoodie #香港美食 #尖沙嘴美食 #尖沙咀美食 #香港邊爐 #尖沙咀邊爐 #西營盤美食 #西營盤邊爐 #hkhotpot #hkallyoucaneat #尖沙咀黃店 #西營盤黃店 #hkfoodies …Read More

為同一舖位的不同時期食肆撰寫食評，第一次是小弟「出道之作」，位於高街的中菜小店 (今日的高街已不可同日而語)。當日初心是不忍見用心的小店門可羅雀，至今舖面已不知轉換過多少遍。而我，多年下來，「產量」時多時少之下，如今成就了一個小小的開飯角落。這回執筆的對象，由超過十年前的「煲皇」，至今經歷兩番易手，仍是經營火鍋店。上回與「倫哥」緣慳一面，那麼今趟又是甚麼理由，叫我倆一聽聞就立即「滾」來呢？真相，永遠只得一個：手切，牛頸脊，任食，不限時，三舊水！(平日更只需$268) 食材價格飛升、機啤肥牛任食也買少見少的今天，竟有人敢做手切放題？而且，是不限時 - 訂位時，店員說只要訂枱不緊張，基本上可以坐到打烊。(當然，如今「事件曝光」，加上火鍋旺季已至，想不緊張也很難！)這小店，不單位處斜路上，而且店面較隱蔽，即使已有了西港島線，出站後還要餓著肚子撑上半條山道，立地條件比較輸蝕。而店面小，擺滿也不過十張，連同旁邊地庫舖位，再怎麼說也不是具規模。但也許因為「小」，才夠膽 (也有需要突圍) 擺出這個 value proposition；而對於小店，維持牛肉供貨是更容易還是更難？這天致電訂位，店員已告知已訂滿，只有八時半後來搏 walk-in。我們相信精誠所至，所以七點左右就出現在門前。除了二至四人的細枱，還有兩三張較大的圓枱，都已有客人或被預訂了。報到之後，我們周圍逛逛 (是，下山之後再次上山！)，到八時一刻再來門口視察，不久之後就有枱了。一切，還不是為了牛頸脊！到了店面角落的一張小圓枱就座，急不及待便詢問和落單。其實也不用點菜或剔紙，因為只有一個享用流程：雞煲 >> 海鮮盤 >> 火鍋，食法與之後會另行撰文的「家嫂」相當接近 (包括價位)。這個晚上，店子很是熱鬧，讓我感覺到久違了的𤋮攘和高興；電視正重播「鏡仔拉闊」，主觀上覺得更增添了氣氛。打頭陣的雞煲先上枱，店員解釋是未煮熟的，請我們DIY，計時四分鐘 (還是七分鐘？) 打開攪拌，四分鐘後重複動作，再四分鐘便可享用。想想看，又餓又攰 (因為上山下山又上山) 的我倆，面對「睇得未食得」的雞煲，是怎樣的心情？就像心理實驗中，只能眼看棉花糖卻要為第二粒糖而忍著不吃的孩子，我們也要找些地方，分心一下。除了欣賞拉闊的演出 (老實講，這天才是認真看)，還有到雪櫃看食材款式，並拿些來製作「雞煲一品鍋」，索性「一鑊熟」！吃完一輪「一品鍋」，豈料已半飽以上了，別忘好戲在後頭！看見鄰座海鮮盤的堆頭，就更冒一把冷汗。請店員準備我倆的那份，不一會也大軍壓境了⋯隊型超好睇，亦要望真個個靚仔！趁熱吃海鮮，旁邊留下的雞煲被冷落了、也冷掉了⋯我們還是不時挾來吃，以免暴殄天物。(敏哥上身) 好了，來到今晚節目的最高潮⋯店員卻說「慢著」！因為要先做一件事：「表示跟隨/喜歡」，明白了嗎？店員隨即端出那煲湯底⋯不，是「盆」才對：是懷舊銅製洗臉盆一樣大小的盆！看到旁邊四人或以上的湯底，反而就是一煲煲上的。事其實大部分的火鍋食材，都被我們變成雞煲一品鍋、盡情享用過了；事到如今，撐著快飽的肚子，專心等待手切牛頸脊的駕臨。2009年的某天，同一地點的一碟牛雙拼 (頸拼腋)，價錢$158，到了今天任食，又是怎樣的賣相？店員拿著⋯pizza盤出來，那在高街西式食肆司空見慣的容器，竟在這裡出現！成個飛碟咁車埋嚟的牛頸脊，單是懾人氣勢已是攞足滿分！近年少有機會吃到牛頸脊，但一入口，那軟腍而帶勁、又充滿膻香牛肉味的感覺，不單叫人精神一振，更喚起我的鮮活記憶，特別是那不復見的英記⋯化淡淡的憂愁為食量，倆口努力把一整碟牛肉掃光，同伴都舉行投降了，我還再接再勵，來多一碟⋯噢不，一盤！吃了接近三個小時，今次任務總算完成！結帳離座之後，才發覺好像欠了點甚麼⋯㢢！甜品沒有吃！You know what we have missed？係椰汁雪燕呀！！只好下次再戰了：尾巴，就是下集的藉口！…Read More

以前呢個位都係食打邊爐，啱啱轉左新老闆，食法雖然有啲相似，但味道就唔同。首先，會先食雞煲，而雞煲係可以任添。不過，我哋食完之後都冇添到，因為好戲在後頭，包你食到郁唔到。之後，就可以享用蒜蓉粉絲蒸海鮮。我哋得兩個人食，但個盤就好大，用荷葉墊底。食物有蜆、扇貝、鮑魚、聖子、蝦等。啲海鮮全部都好新鮮好鮮甜，當我哋食完呢一盤嘅時候，已經覺得好飽。壓軸出場嘅仲有蟲草花花膠烏雞湯，我哋先品嚐個湯，感覺好養生同埋好足料好入味，然後就可以加水打邊爐。打邊爐嘅配料都好有質素，牛頸脊嘅份量雖然係限定，但絕對夠你食。老實講呢個價錢真係好平好抵食，依家諗返起都覺得好飽，下次我會再嚟挑戰的。…Read More

一年一度生日搵好西食ge時候又到喇！咁岩社交平台成日見到個post講e間火鍋放題，非常吸引！於是就係openrice訂座啦！餐廳就係香港大學站地鐵出口隔離，非常方便去呀！係有小小斜路行上去，但都好快就到達。坐低之後就好快問你雞煲想食咩辣度，我就揀左小辣，雞煲到枱會教你每2分鐘炒一次，炒4次就可以熄火食得架喇！2人份的雞煲份量任食黎講都唔少，而且味道非常濃，係好食推介👍🏻食完雞煲就上一大盤蒜蓉蒸海鮮，嘩嘩嘩！一上菜好大盆😆食完海鮮就到養生鍋，建議係先飲湯再打邊爐，湯底味道濃，但略為鹹左啲！手切牛頸脊任食，任食呀最後太飽都冇咩拎過配料打邊爐🍲，然後就送埋個椰汁糖水就完喇！而家睇返先發現當晚冇左個海鮮盆打邊爐，可能當晚侍應都太忙唔夠人手招呼，又或者係冇左海鮮都唔出奇，下次再去就問清楚先😆😆…Read More