Akune Wagyu Tachikui Yakinikumise (Closed)

有時食飯未必揾到飯腳唔緊要 一字公都可以食好西呢到完全感受到😚一個人原來都可以盡興 ~~再整返杯啤酒咩都爽返曬🍺🍺其實呢到性價比都高💰$1XX up 就食到日本A4和牛兩個人食想食得簡單但又唔頹 佢地都係好選擇👍🏼👍🏼唔好以為叫立燒係要係企係到食 係有得坐落單後會附送前菜 係我愛食嘅蒜味螺肉🧄❣️U.S 頂級牛小排 100g $148 150g $198塊塊牛牛切嘅厚度都岩岩好🥩🥩燒起上黎好方便 雪花分布好靚靚肉質極其鮮美 口感勁豐富燒嘅時候將本身牛小排嘅油脂翻放出黎💧好香口想肉嘅味再重可以落佢地嘅調味有三款俾你🧂🧂🧂任君選擇而唔想淨食燒肉可以+$30 轉定食咁嘅話就會同我地一樣有味噌湯🍲飯🍚麻醬沙律🥗❣️阿久根和牛涮鍋 $148兩個人食 一個叫燒一個叫牛涮鍋咁就可以咩都試到我地當初個目的都係因為咁🤭成個牛涮鍋會出現：1️⃣胸腹肉2️⃣三角肋肉3️⃣A4眼肉4️⃣烏冬5️⃣菜菜真係覺得唔夠食可以再額外加料壽喜燒作湯底🥰唔鹹又唔會太甜加入肉肉同配料再涮涮下 啲味入曬落去…查看更多

叫左一個定食同一個牛涮鍋。🍲牛涮鍋：湯底係壽喜燒，唔太咸。先試三角肋肉，充滿油花嘅和牛，咬落充滿油香，好滑丫。跟住試牛胸腹肉，唔知係咪滾耐左，好韌好實。之後再滾短啲時間，好啲，但都係實淨，比較有牛味。好啦，到肉眼A5，正丫，食落冇咁油，軟淋淋。冇諗到單點嘅黑豚西冷有驚喜，黑豚肉味濃，一點不會被牛和比下去，反而更愛黑豚肉，冇和牛咁油。🥩極尚和牛定食：西冷A4，較有牛味，肉質相對實淨啲，燒肉嘅油脂好香，油香沾飯好食。到肉眼A4，燒同滾明顯不同，燒嘅肉香味更出，但入口相對油啲，都係入口即溶。牛舌燒左比較耐先食，還好唔太韌。最特別係雞心，諗住試一啖就算，因為怕果啲怪味，結果有驚喜，食落又唔錯喎。生菜免費，唔夠可以再點。肉係比較精緻，唔大塊，量唔多，細胃朋友啱食。牛和就係食油花油脂，入口即溶。…查看更多

哪位日本愛情及動作女演員，一定不會令你失望？我選京香JULIA。哪些日本美食，一定不會令你失望？我選和牛‼️在日資公司上班的朋友推薦我光顧一間旺角的日本餐廳— —《阿久根和牛立燒店》，他說他間中也會和日本同事光顧，因為無論食材、酒水、還是店內的裝潢和氣氛都很有日本地道的格調。剛轉入店舖所在的那條街，已看見門前有長長的一條人龍在排隊，心想：「糟糕了，看來要等很久。」走近一看，才發現排隊人龍的目標是旁邊那一間內地網紅店《兩草》。心裡面立即高呼：「幸好那些遊客不懂吃，不然我就要花時間排隊吃和牛了。竟迷信張智霖和袁詠儀的明星效應，看看店內光顧和店外排隊的人群中，要找一個半個本土香港人都難，就間接知道這些遊客很快就會中伏了。」話回正題，一走進《阿久根和牛立燒店》，我就明白為何朋友的日本同事會光顧這間店，因為他的裝潢和日本本土的居酒屋、燒肉店無異，連貼在牆壁的宣傳海報都是日本櫻花妹，恍如置身日本的餐廳一樣。點了兩個套餐：「極尚和牛定食」和「阿久根和牛涮鍋」，另外加點「豚五花腩」、「黑豚肉」和「鰻魚」。🥩「極尚和牛定食」：A4肉眼x2｜A4西冷x2｜牛舌x2｜牛肚x2｜麵豉湯｜沙律🥗｜飯正式燒肉前，習慣先喝麵豉湯，第一口就知道不是普通湯粉沖出來的，而是真正煲煮過的，單單這一碗麵豉湯已經令我知道主角— —和牛的質素有保證。A4肉眼，牛肉本身的肉味最突出；A4西冷，油脂較多，油香充溢口腔，相當香濃；牛舌有驚喜，比較有嚼勁，多咬兩口之後，很多肉汁飆出來。這套餐最近有優惠，送澳洲和牛。雖然是送的，但相當有質素，無論脂肪的油香還是肉質的嫩滑程度都與日本和牛相差不遠，要不是店員告訴我這是澳洲的，真的可以以假亂真。🍲「阿久根和牛涮鍋」：胸腹肉x3｜三角肋肉x2｜A4肉眼x1｜雜菜拼盤｜烏冬這個鍋是另一程享受，原來和牛不一定燒的才好吃，只要湯底適合，燙熟自有另一番風味‼️日式涮鍋一般都是醬油湯底，和牛本身的肉香吸收了醬油湯的甜味之後，香甜可口，亦因為和牛的油脂包覆了整片肉，令口感相當滑溜。其實小時候看日劇就有疑問：「為何日本人的涮鍋配菜那麼簡單？尤其是大蔥和洋蔥這類食材，燙熟之後也不會太好吃吧！」今次這個和牛涮鍋告訴我，在《阿久根》湯底的加持下，大蔥和洋蔥都可以很好吃，味道變得很濃郁。最後，烏冬連同湯底一起吃，簡直就是happy ending，Kimochi。順帶一提，店舖員工很好客有禮，「唔該、謝謝」常掛口邊，又經常主動為客人斟水。光顧這天下大雨，更會主動勸客人等雨轉弱才走，不會急著讓吃完的客人離開，這點在香港很難能可貴。…查看更多

百幾蚊就食到 A4 和牛？真係講到冇人信，仲要係旺角區，方便又抵食！早排同屋企人行完旺角東，諗住源路行返去旺角下食咩好，點知就見到呢間「阿久根和牛立燒店」，個名雖然就寫立燒店，但望入去有位坐，價錢仲好吸引𠻹！就咁睇Menu都好多一人Set，就算一個人嚟都唔驚諗唔到食咩呀！今日我哋兩個人嚟，可以揀兩款唔同嘅Share食！阿久根和牛涮鍋 $148前胸腹肉/三角肋肉/ 西冷A4/烏冬/野菜盛/日本雞蛋壽喜燒湯底一煮熱，豬太郎就將啲菜浸落湯底度慢慢煮，將壽喜燒嘅甜味吸收晒！一邊煮一邊將牛肉燙熟。用鍋煮嘅牛肉比較軟嫩，配合埋甜甜嘅湯底，好滿足！食到差唔多放入烏冬，豬太郎就鍾意臨熄火前加入雞蛋撈勻，啖啖香甜更加滋味呀！極尚和牛定食 $168肉眼/西冷A4/牛舌/牛肚/沙律/麵豉湯/漬物/飯素白飯套餐份量十足，就算男仔嚟食都一樣夠飽！一邊燒一邊聞到陣陣肉香，咬落充滿油香和肉汁，惹味之選！…查看更多

🙋🏻‍♂️餓底探員今晚去咗旺角調查呢間高質和牛燒肉店，主打係食和牛，佢有唔同嘅和牛套餐選擇，一人燒肉套餐可以自私食，或者叫個二人餐同伴侶，閨蜜開心share，除咗和牛仲有其他蔬菜同肉食嘅，店名雖然叫立燒店，其實係有得坐架🤣🥩極尚和牛定食 $168📸表示個和牛定食有沙律，麵豉湯，白飯，當然唔少得和牛啦，成個定食好豐富，睇見都興奮🙋🏻‍♂️表示啲和牛係A4級，油花分佈平均，輕輕將兩邊燒熟，食落口感嫩滑好重牛味，配埋個飯食更加一流，百幾蚊價錢就食到咁高質嘅和牛，性格比非常高，真心推薦呢個定食🥩🍲阿久根和牛涮鍋 $148📸表示個牛涮鍋除咗主角和牛之外，仲有烏冬，蔬菜拼盤同埋有隻生蛋，𢦓個鍋好精緻又好足料，令餓底我好期待🙋🏻‍♂️表示個湯底係sukiyaki，飲落鮮甜味十足，將啲和牛煮到五成熟，食落入口即溶，特別係個三角肋肉，真係好正，烏冬口感彈牙，掛湯力強，加上好多雜菇，娃娃菜，洋蔥，京蔥，豆腐等配菜吸收晒個壽喜燒湯底味道，食落啖啖都好惹味，最驚喜係有蒟蒻絲，食落煙韌仲要高纖健康，呢個牛涮鍋相當滿足🍔和牛竹炭漢堡 $38📸表示個和牛漢堡係要自己燒完再砌埋嚟食，配上黑色嘅竹炭麵包，成個漢堡好的骰，賣相吸睛🙋🏻‍♂️表示個漢堡扒用個迷你嘅煎pan嚟煎熟，麵包烘一烘連埋生菜，洋蔥同蕃茄仔砌成個漢堡，和牛漢堡扒食落焦香又多汁，竹炭麵包口感軟熟，有得自己動手做，成個過程好過癮⚠️呢間和牛係可以逐片點嘅，一個人自私燒可以唔同部位都嗌嚟試下，兩個人嘅不妨一個燒肉定食再加個牛涮鍋，可以試齊兩種食法，各有特色📈吃貨指數😋好味度 9.5/10🔙返啅度 9.5/10…查看更多

今次同朋友去左食立燒，原本以為真係要企係到食，不過係有位坐架。<前菜，$8>位位都有嘅前菜。<極尚和牛定食，$168>一共有三款牛，A4肉眼2pcs、A4西冷2pcs同牛舌2pcs。另外仲有埋牛肚，想食燒肉又唔想諗唔想揀，揀呢個SET就岩哂喇。啲牛嘅質量唔錯，都幾腍而且有牛嘅香味。不過略嫌個飯太濕，口感無咁好。<阿久根和牛涮鍋，$148>胸腹肉3pcs（前胸腹肉1pc、後胸腹肉2pcs）、三角肋肉2pcs同A4肉眼1pc我好喜歡呢個和牛涮鍋，有菜有雞蛋有薯粉仲有烏冬，配埋甜豉油湯底無得輸。啲牛烚左好好食，好腍好滑，完全唔韌。<墨魚咀8pcs，$20>價錢好平，相對細粒少少，但係都幾好食。同埋應該未調味，所以要自己加鹽或者燒汁，唔係就會無味。<鰻魚 2pcs，$29>有少少腥，但都算肥美同無骨，性價比唔錯！整體而言，我都好推介大家嚟食，性價比都幾高。…查看更多

旺角呢間和牛立燒店唔止可以立食，仲有櫈坐，環境好有日式燒肉店風味～呢度唔止有燒肉，仲有shabu shabu~ 極尚和牛定食 $168- 包括A4肉眼，A4西冷，牛舌各兩塊, 沙律，麵豉湯，飯，漬物- A4肉眼油花分布好靚，肉質嫩滑，油香味濃～- 牛舌切到厚薄適中，爽口有油香，牛香味濃，配海鹽最夾～- 🥗沙律爽脆清新；配上漬物好開胃～- 🍚白飯配上味素好有日本特色；麵豉湯都係自家製，加咗蜆肉好清甜～🍲阿久根和牛涮鍋 $148- 包括上胸腹肉3塊，三角肋肉2塊，A4肉眼1塊，日本蛋一隻，蔬菜一份，烏冬一份- 壽喜燒湯底好香甜，牛肉沾蛋汁好正～- A4肉眼涮過肉質細嫩，口感軟滑～- 上胸腹肉口感較結實，牛味相對較重～- 🥬蔬菜好豐富，有京蔥，白菜，香菇，豆腐，葛粉～ 仲可以免費添加生菜- 豆腐嫩滑；蔬菜新鮮爽脆；葛粉好滑好掛湯～🧀芝士魚餅 $25魚餅香甜，口感彈牙，燒完之後有焦香味，中間爆出芝士軟心，香濃creamy~鰻魚 $20鰻魚肉質鮮嫩，冇咩細骨，燒過後好香～…查看更多

一直想試「阿久根和牛立燒店」好耐，奈何佢平日午市唔開，要週末先食得到。行過門面會以為佢係拉麵店或者居酒屋，但其實係燒肉店嚟😉。店舖面積唔大，一眼睇晒，但裝修別具風味。雖然話係立食店，不過其實有得坐的，而座位普遍係高枱，較具空間感。樓面主要由一位男店員負責，佢服務超好，非常有禮貌，令客人好舒服，抵讚👍。呢度嘅和牛好矜貴，按片計算，單點的話感覺幾貴，唔係好捨得嗌🙈。不過好彩佢有提供套餐，免卻選擇嘅煩惱。我哋要咗一份燒肉餐同涮涮鍋，估唔到擺盤咁繽紛！是日前菜$8位，係中華沙律拼八爪魚🐙，兩樣都係大路嘢。極尚和牛定食($168)，呢款套餐值得高度推介🌟，因為食材內容比餐牌所述嘅更多。🥩和牛拼盤有A4肉眼、A4西冷、牛舌同牛肚，兩款A4和牛睇個樣都知道掂啊，雪花紋理分佈平均，食落堅係有入口即溶嘅效果🤤。牛肚有意外驚喜，燒完脆卜卜，但咬落又繼續有煙韌嘅口感，好得意。店員話老闆大放送，仲送多兩件紐西蘭牛肋肉🍖，呢款輕輕醃咗味，肉質軟腍，味道出色。圖中伴旁嘅係芥末醃漬，開開胃。牛肉以外，我哋仲追加咗一份日本鹿兒島黑豚五花腩($78/100g)，🐷五花肉有成十片，都幾多。由於脂肪含量高，燒完變得香脆。定食套餐包蜆肉海帶味噌湯、麻醬沙律同白飯，好完整的呢🍱！麵豉湯同沙律分別加入咗蜆肉同玉子蛋，兩者感覺都有所提升。白飯面頭灑上飯素，相當惹味。題外話，燒烤爐並非入枱式，雖然細細部，但火喉都唔錯🔥，而且餐廳抽風OK，食完冇一大浸味。阿久根和牛涮鍋($148)，燒肉之外呢度亦可以打邊爐🍲。經典壽喜燒湯底無令人失望，醬油湯鹹中帶甜，淥蔬菜好入味，但始終濃味就唔適中就咁飲。涮涮鍋餐同樣有一碟牛，包括A4肉眼、三角肋肉、上胸腹肉同前胸腹肉。🐮牛肉質素高，但拎去烚熟感覺好似有啲浪費，因為未必品嚐到牛嘅脂肪，所以我哋選擇攞去燒，原汁原味。隨火鍋奉上蔬菜拼盤🍄，當中包括娃娃菜、蘆筍、大蔥、洋蔥、冬菇、金菇同豆腐等，全部都係吸湯嘅食材。主食係烏冬麵🍜，開頭見得半個麵餅好似唔多夠喉，不過蔬菜籃其實仲包埋葛粉，所以一定夠飽，唔使擔心。總括嚟講，呢餐和牛盛宴令人滿意😋，雖然唔係任食，不過套餐內容極豐富，能同時帶來味覺同視覺嘅享受，值得推介。…查看更多

好耐之前試過阿久根既拉麵店，個間成日滿座，所以一直都想試埋依間燒肉店☺️，2間同樣都位於旺角，位置方便👍🏻✨前菜$8/位✨不設加一-💕 阿久根和牛涮鍋 $148前胸腹肉 3pcs,三角助肉 2pcs,肉眼,烏冬,蔬菜拼盤👅好味指數：8/10壽喜燒湯底好甜好夠味☺️，蔬菜爽脆清甜，索哂湯汁👍🏻🥰，而牛肉每塊色澤都好鮮艷好靚，油花均勻，仲有小小厚度，食落軟腍有口感，牛味濃郁😍 烏冬就有啲似薯粉口感，掛湯彈牙👍🏻-💕 極尚和牛定食 $168肉眼A4 2pcs,西冷A4 2pcs,牛舌 2pcs👅好味指數：8/10定食: 米飯+蜆肉海帶味噌湯+麻醬沙律當中最好食既估唔到係西冷😍肉質柔軟細膩唔韌，肉眼油脂甘香，牛舌夠爽脆。米飯珍珠米煮得剛好好煙韌☺️ 味噌湯有一隻蜆同海帶，有鮮味幾清甜！唔係平時鹹到爆個啲🤣-💕 鰻魚 2pcs$20,上胸腹肉$22 ,下胸腹肉$21👅好味指數：8.5/10鰻魚肥美有厚度☺️，燒完後既炭香味同油脂逼岀，$20真係好抵食😍上胸腹肉比下胸腹肉厚小小，上胸比較彈牙，下胸比較嫩腍，但同樣油脂豐富。👍🏻-💕可樂 $15-環境：7/10服務：7.5/10整體味道：8/10回頭率：7.8/10…查看更多

牛愛好者的我，推介下呢間喺旺角嘅燒肉舖。鍾意呢度有傳統日式鐵網燒烤爐，2個人仲安排咗高枱，好似去咗日本居酒屋咁有風味，同朋友燒下靚肉吹下水一流。今日同朋友分別試了2個定食套餐，一個極尚和牛定食，一個阿久根和牛涮鍋。阿久根和牛定食套餐A4肉眼用鐵爐燒至微微轉色，牛味夠香濃，牛舌夠爽口，A4西冷入口質感都不錯！套餐仲有一個沙律，一個我覺得好好飲的海帶味噌湯和一碗有味素的飯，很滿足。阿久根和牛涮鍋原來牛涮鍋的肉都是另上，職員話都可以放在網爐燒，我哋就決定都用燒的方法，感覺更食倒肉的原汁原味！前胸腹肉油脂分佈平均，又幾好味；最意想不到係三角肋肉，雖然油脂比較多，但有入口即溶嘅感覺，見隔離枱都追加呢個肉。牛涮鍋湯底係類似壽喜燒的，甜甜的，配菜都幾多款，仲擺得好靚，除咗有一個烏冬，仲有少少薯粉，又幾有心思。我哋追加咗燒菠蘿，雞軟骨串，豬腩肉，同埋鰻魚。燒菠蘿當然要嗌啦，店舖仲細心已經去咗皮。燒鰻魚好好味，不過小心燒燒下會黐住個鐵網！枱上仲有三隻辣粉可以試下，不過職員提我哋要燒好拎起先加，如果唔係會好大味。之前經常去食燒肉放題，但係放題要食靚牛，人均消費都起碼5-6百，仲食得趕頭趕命。今日同朋友不是太餓，選擇嚟呢度燒下肉吹下水，咁樣share食，埋單每人都係2百，覺得性價比幾高，會再嚟幫襯！…查看更多

立食在日本大行其道，喜愛日本文化的香港豈能不跟隨家鄉的腳步？相繼引入立食壽司及燒肉，奈何立食文化仍未能受大眾港人喜愛，不少立食店已添置座位，而這間以不例外，男朋友與我也因此吸引進內。門面簡約，主要以木色及黑色為主，內裡鋪頭細小，大約可容納14人，每兩人一爐，同樣面向牆身，牆身設有擺設及資訊，不覺納悶，更有自成一角的空間感。餐廳提供燒肉單點及定食選擇，單點更可選擇不同牛部份，還有雞肉、黑豚肉及蔬果點選。餐紙簡直是解開我對各牛部位的不解，令我倆品嚐牛肉時更專注更細膩。100g大約有6片和牛，油脂分布相當平均，建議大火燒可燒出脆外皮，內裡燒至5成熟為最嫩且入口即溶，沾上少許鹽有提鮮及增加惹味度，配米飯更可減低油膩感，還附上蜆肉海帶味噌湯及麻醬沙津 。單點牛肚與牛舌，牛肚燒完後仍保留煙韌口感，但沒有預期中的香脆效果，加上無調味味道單調，牛舌薄身快熟，無調味也不覺羶，燒後帶爽脆口感。包含3款牛部位燒肉共5片，還有蔬菜、粉絲、烏冬及生蛋，甜甜湯底配牛肉與蔬菜都變得清甜惹味，不過有愈煮愈甜情況。建議第一轉湯滾後先放蔬菜粉絲，其後放生蛋及涮牛肉，最後加湯食埋個烏冬，套餐份量足而二人分享，那晚又燒肉又涮涮鍋很滿足～…查看更多

極尚和牛定食🐮 💰168有花甲海帶麵豉湯、沙律、前菜、珍珠飯，麵肉類就有A4西冷、A4肉眼、牛舌、牛肚各兩塊麵豉湯的味道很鮮不鹹，珍珠飯口感香軟配搭紫菜碎更滋味，西冷雖脂肪較多但口感一點都不肥膩，入口牛香撲鼻阿久根和牛涮鍋🍲 💰148個湯底係壽喜燒，食落味道清香又甜甜地，牛皮涮鍋有水晶粉、烏冬、蔬菜盤、一塊A4肉眼、兩塊三角肋肉、三塊上胸腹肉肉眼：油花分佈十分平均入口即溶三角肋肉：和牛味道重一點，油脂多一點，接近肉眼質量上胸腹肉：胸腹肉係日本人燒肉必食位置，而油脂較多所以燒起來特别香，肉質口感都較其他結實另外加的菠蘿聞起來有很濃郁的菠蘿香，食起來很清甜不酸不熱澀…查看更多

今日來旺角行街食飯，行過見到間和牛立燒店，本身以為係立食，睇真啲原來有櫈坐，你鍾意立食又得鍾意坐又得，自由選擇👍🏻環境好有日式立食燒肉店風味，兩人一格，自成一角，有私隱度又可減低感染病毒風險。原來呢度唔止燒肉，仲有牛涮鍋，叫牛涮鍋的肉仲可以一物兩食，既可以燒又可以涮😆前菜：漬醬牛舌牛舌切粒，口感爽脆，酸酸地好開胃😋A5和牛刺身：A5和牛油花分佈好靚，入口軟滑細緻，鮮味重但唔腥，包住酸酸甜甜嘅洋蔥絲好開胃☺️極尚和牛定食：定食包括A4肉眼，西冷，牛舌，牛肚各兩塊, 沙律🥗，麵豉湯，飯，漬物。牛舌超正🤩切到厚薄適中，燒到外皮香脆，咬落去爽口有油香，牛香味咀嚼過程中慢慢慘出，原汁原味，配海鹽食係最佳配搭。A4肉眼油花分布好靚，肉質軟滑，油香味濃；A4 西冷油花相對少啲，牛肉味較香濃，肉質比較結實有咬口🤤阿久根和牛涮鍋: 包括上胸腹肉3塊，三角肋肉2塊，A4肉眼1塊，🥚日本蛋一隻，蔬菜籃一份🥬個人認為三角肋肉脂肪同筋位比較多，適合拎去燒；A4肉眼涮過肉質細嫩，入口軟滑；上胸腹肉口感比較結實，牛味相對較重。最正嘅食法係吸收左壽喜燒湯底嘅醬汁，之後再沾蛋汁，蛋味同牛味十分配合👍🏻蔬菜籃🥬好豐富，有白菜，京蔥，蘆筍，香菇，豆腐，葛粉。蔬菜新鮮爽脆，豆腐嫩滑，香菇夠晒厚肉，葛粉好似薯粉咁，吸收左壽喜燒湯底嘅醬汁好香濃，質感好滑。菠蘿🍍；翠玉瓜外面燒到好香，爽口清甜，咬落去好Juicy多汁，酸酸甜甜好開胃，師傅好細心起咗皮同切左件；翠玉瓜爽脆鮮甜，蔬菜正好平衡燒肉嘅油膩感。鰻魚：蒲燒鰻魚厚身冇咩骨，肉質鮮嫩，配埋蒲燒汁燒過後更香更惹味。整體來講，食物質素高，價錢相宜，可以體驗日式立食燒肉風味；老闆服務態度親切，會主動推介食法同幫手開爐；環境舒適，座位有私隱度，地點方便。…查看更多

上次去完阿久根和牛拉麵屋之後一試難忘🤤決定試埋同一系列嘅和牛立燒店前菜係辣牛舌粒，加咗洋蔥、芝麻粒調製而成，肉感豐富，爽口極尚和牛定食包括沙律、前菜、湯、飯，前菜係醃蘿蔔，飯面鋪上飯素，增添味道😋麵豉湯比其他餐廳嘅麵豉湯更濃郁，份量更足，有海量嘅海帶同埋蘿蔔，仲有鮮甜大大隻蜆肉類有A4肉眼、A4西冷、牛舌各2塊，仲有餐廳送嘅2塊已預先涮熟嘅牛肚，燒嘅時候油香四溢，入口時油脂喺口腔漫延，入口即化，整體肉質油潤軟滑，油花均勻且佈滿阿久根和牛涮鍋嘅肉類包括3塊胸腹肉、2塊三角肋肉、1塊A4肉眼，冇諗過用嚟shabu shabu嘅肉同燒肉嘅肉類一樣咁厚身，有驚喜🤩純樸和牛香散發口腔，涮至半生熟放入口，別有一番滋味另外搭配一個蔬菜拼盤同埋半個烏冬，蔬菜拼盤有金菇、茶樹菇、蘆筍、娃娃菜、豆腐、薯粉，壽喜燒湯底濃度、甜度恰到好處，薯粉、烏冬索晒湯嘅精華，零舍入味A5和牛刺身入口順滑，中間包住洋蔥，口感豐富牛胸爽油脂感重，筋位帶嚼勁整體嚟講，肉類質素確實高質，油脂感重，口腔佈滿香濃和牛味，最貼心嘅係，每款肉類上均放咗小木牌，分辨每款肉嘅種類，等食客清楚知道品嚐緊邊一款肉，唔會越食越迷失🤣…查看更多

.‼️❤️ 記得CLICK我PROFILE關注我呀 ❤️‼️.🔥 𝕎𝕒𝕘𝕪𝕦 𝔹𝕖𝕖𝕗 𝕊𝕖𝕥 @ 🌟 阿久根和牛立燒《👽食神大媽食烤肉》.💁‍♀️ 圖片展示美食為：極尚和牛定食 HKD 168阿久根和牛涮鍋 HKD 148A5和牛肉眼 HKD 38A5和牛西冷 HKD 38.👽 大媽一路都唔知道原來除咗拉麵店以外，呢個品牌有立食燒烤店㗎！當然要來試吓啦！裝修更加係非常之地道好有日本嘅感覺呢 😍 唔好睇佢細細間，抽風系統都做得幾好完全唔會覺得烤肉就空氣混濁呢！.👀 午市都幾多選擇，原來除咗燒烤以外，仲有涮涮鍋！每一款都嗌一份試下先 😬.🐂 平時一見到「和牛」通常冇可能係一字頭，而呢度不論你係選擇邊一款套餐，都只係一字頭咋！同埋用料唔差喔，咬落絕對冇筋唔會韌，同埋配菜都幾豐富。.🥘 最驚喜嘅係原來除咗烤肉會有涮涮鍋食，個湯底係最經典傳統嘅 SUKIYAKI，配埋咁多蔬菜，非常鮮甜好味呢！😋.🤤 唔夠喉嘅話，仲有好多款優惠價嘅肉類或者小食可以加。難怪夜晚生意咁好啦，好彩大媽係趁下午人較少嘅時段來，可以慢慢傾吓計、食吓野、好盡慶。絕對係旺角呢一個鬧市入邊嘅樂土呢 😌.‼️❤️ 記得CLICK我PROFILE關注我呀 ❤️‼️.💯 最真實的美食點評 ❤️ 歡迎報料 ❤️.꧁𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌ꕥ𖠌꧂.📍 旺角白布街2-24號藝興大廈8號舖☎️ +(852)2697-6988.…查看更多