The Admirals Chinese Restaurant

久不久就會問身邊識食的朋友仔有什麼好食肆推介，他們每次都沒有令我失望，太感謝！她今次就推介了一間中菜館給我，還要在我家附近，當然要去試試。裝潢優雅，簡約舒適，地方寬敞，設有多張闊落的梳化卡座、二至四人的圓枱和長枱，亦有六至八人大枱，枱與枱之間的距離不少，還用上優雅的圍板相間，令食客有獨立的空間。最吸晴就是放在門口的造型點心，見到都想吃。用app點菜，清晰精美，附上菜式相片，又易用又吸引！分別有點心、前菜、主菜、烤鴨、飯麵、甜品及飲品。另外還有餐牌外選擇，包新張優惠、精選海鮮、廚房推介、4-8人套餐和甜甜品品。******************************新張優惠都不少選擇，當然不能錯過，點了一客金箔原隻鮮蝦餃（$32/2件），在皮面抹上金箔，加上薄薄的外皮見到內饀，矜貴得來又吸引。外皮薄滑，包着滿滿的內饀是啖啖爽彈鮮美的蝦仁，名乎其實的皮薄饀靚，正！******************************接着是涼拌魚皮 （$58），陣陣麻辣香，刺激味蕾。魚皮的份量不少，還加配了一些爽口的雲耳仔。魚皮極之爽脆，吃落啖啖麻辣味，香辣惹味，但又不會令人吃至全口麻庳，味道剛好。******************************金沙莆田聖子（ $78）是一道既邪惡，但又令人難以抗拒的菜式。聖子肥美鮮味，外層沾滿鹹黃金，隻隻金黃，微脆鹹香，熱辣辣，邊吃邊送啤酒更佳。******************************在門口已見開邊美國龍蝦芝士送伊麵（$188）新張優惠，一早已看中它。即點即焗，熱辣辣，芝士香四溢，極誘人。嘩！比我手掌還要大的龍蝦好有份量，真是絕不欺場。龍蝦舖滿焗至金黃半溶的芝士，芝味滿分，嚐到鹹香的芝士之餘，亦有本身的鮮味，鮮甜美味，優質！肉厚彈牙，啖啖肉，而龍蝦頭亦藏着龍蝦膏，甘香黏滑，動手吃好滋味！還有伊麵底，弄得剛好，並沒有散爛，條條沾上白汁芝士，又黏滑又香濃，同樣邪惡得來卻令人難以抗拒。******************************吃完幾道濃味的菜式，就要來一道清淡的蟲草花翡翠苗（$78）平衡一下。翡翠苗色澤青綠，清爽幼嫩，完全無渣，加埋鮮香爽口的蟲草花，配搭雖簡單，有益美味，很討我倆喜歡!------------------------------有識食之友推介果然零舍不同，今次也唔例外，又一好推介，不單止食物正，吃到我們津津有味，環境又舒適，服務亦佳，期待她下次的推介。…Read More

有一段時間冇去將軍澳新都城晚飯，今天放工到來發現又有新餐廳進駐 —-「將軍會館」。裝修唔似一般中式酒樓，結合了西餐廳嘅元素，裝修時尚型格。有卡位，圓枱，和弧形設計位置，配以半開放屏風，有私隱得來不算密閉，座位寬闊坐得舒服。餸菜款式選擇多，最妙就係有夜茶點心，擔擔面、麻辣水煮、魚酸菜魚、北京烤鴨、煲仔飯，上海菜… 不好飲夜茶同時提供台式珍珠奶茶、香芋奶茶、相當多元化。珍珠奶茶價格$18起，難怪見唔少老人家寧揀手搖飲品都冇開壺茶～😋7點未夠就差不多坐滿人。新開業仲有玉桂乳鴿贈送（每兩位一隻）。烤乳鴿香噴噴，有淡淡的玉桂香，皮脆肉嫩滑，質素有驚喜，單點做特價每隻$39👍🏻抵食。金箔原隻鮮蝦餃(2件）食用金箔令蝦餃超立體~ 餡料滿滿的！蝦肉爽滑彈牙，筍絲爽口，蝦餃皮厚薄適中，好豪華嘅一盅兩件😋酸菜無骨魚(鯛魚片）$148比較中式嘅做法，唔會有一層油係面，較清爽不油膩。酸度，辣道適中，魚湯鮮味。鯛魚片入口好爽，質感獨特，亦有點似翠玉鯇魚不過比較嫩滑。配菜有粗水晶、萵筍、芽菜，夠豐富。龍鬚芥蘭$88每款小菜都總有啲不平凡之處。這款手工菜把芥蘭雕琢成龍鬚，口感同無芥過嘅完全兩回事，又爽又脆。但建議可以炒耐少少冇咁硬，加多點蒜蓉炒會更好！清酒冰鎮鮑魚$48/隻鮑魚夠大隻，蒸煮得啱啱好，入口軟腍彈牙，散發出淡淡酒香😋🍽豉汁自鱔煲仔飯$88製作需時，要俾啲耐性。大概等了20分鐘，香噴噴嘅豉汁白鱔煲仔飯。白鱔新鮮，肉厚肥美，豉汁惹味，淋上甜豉油風味絕佳！手機下單，睇到最後原來仲有多款中西甜品，下次要來試其他特色手工菜餚。😋🍽…Read More

以前住過新都城, 大型商場真係好方便, 今晚約左朋友去行街食飯, 朋友中意食中菜, 我地揀左 - 將軍會館。將軍會館係寶琳站新都城商場3期, 寶琳站一出經天橋去3期, 5分鐘就到, 十分方便。將軍會館係新開張, 光猛整潔, 格局新派, 裝潢時尚, 見到仲有獨立房間, 啱晒家庭朋友聚會。我地係出面睇餐牌時, 職員話我地知, 午市晚市2個人會一隻乳鴿, 真係立即心心眼。職員安排左半圓形梳化位比我地。坐低後職員介紹有數款茶可供選擇, 壽眉, 普洱, 香片, 玄米茶。好少見有玄米茶, 我地選擇了試下。玄米茶味香, 唔會太濃。將軍會館除了裝潢時尚, 連點餐也可以用QR CODE, 十分方便。又或者可以問職員取餐牌睇都可以。枱面擺設精緻, 枱面用上雲石面, 除了濕紙巾, 還有即棄手套比客人使用, 好細心。尤其食乳鴿可以用得著, 枱面仲有一個紅色小桶子, 用黎放骨頭, 職員好殷勤, 幫我地替換左幾次。值得一讚 !餐牌除了有點心, 前菜, 主菜等, 原來連台式飲品, 好創新。我地點了以下 :玉桂乳鴿 (免費)崧子鱸魚 $228金沙四季豆 $78花雕醉雞 $68金箔原隻鮮蝦餃 (2件) $32黑白紫薯小豬豬 (2件) $33白飯 $12玉桂乳鴿除左係免費外, 如要再ORDER都係$39隻, 即炸卜卜脆, 聞到淡淡的玉林味, 肉質夠滑崧子鱸魚崧子鱸魚真係考師傅的功架及技巧, 而且過程複雜, 十分期待。上枱時已聞到香味, 鱸魚好大條, 酸汁開胃易入口。師傅將鱸魚起左骨, 再炸時真係啖啖肉。魚肉新鮮嫩滑, 連魚皮都炸到甘脆可口, 再配上酸汁佐飯一流, 真係要大讚金沙四季豆四季豆食得多, 但用鹹蛋去炸真係第一次, 炸漿唔會厚, 咬到鹹蛋味, 配合四季豆出奇地夾, 好惹味花雕醉雞花雕味濃, 醉雞夠滑, 用作前菜確實不錯, 份量亦多, 好滿足金箔原隻鮮蝦餃有金箔係表面已令畫面昇華, 入面的蝦粒多, 味道得宜黑白紫薯小豬豬蒸出黎個樣仲係脹卜卜, 勁可愛, 一上枱真係要食左先, 凍左就唔好食。黑白小豬入面都係紫薯蓉, 紫薯蓉滑而甜, 加上咁可愛造型, 真係唔捨得食, 仲有其他動物造型點心呀. ! 下次再去試下。今餐我和朋友十分滿意, 除左崧子鱸魚令人回味外, 其他食物性價也很高, 還值得讚賞是侍應們的服務, 有禮殷勤, 自動會替客人加熱水, 收拾碟, 更換放骨頭小桶, 令你十分稱心。…Read More