Rustico

咁多年好似都冇試過同大夥兒朋友在外一齊食聖誕大餐，今次呢間西班牙餐廳已經係第二次再度嘗試，果然冇令我同朋友失望。$1288一個二人餐絕對唔過份佢主菜嘅份量絕對對得住大家！我哋一行八人，總共選咗三個唔同嘅Main份量足夠大家分享！以前菜佢都好驚喜，好好食特別要讚佢個墨魚麵係真係用墨魚做，仲有溫泉蛋做配汁…Read More

成日經過D2 place都見到一間好有歐陸風格嘅餐廳✨！裝修好靚，有外國feel! 今次去咗試，果然幾有情調🥰！有high table 同普通枱，每張枱之間都有啲距離，好啱大家傾計😉！🐟脆炸鱈魚球配蜜糖泡沫 $108外層好香脆😋食到入面有啖啖鱈魚肉🤤好足料！配埋蛋黃醬同蜜糖泡沫🍯，口感同味覺都好豐富🤩🍖些厘酒煮西班牙黑毛豬辣肉腸 $108西班牙黑毛豬辣肉腸味道鹹香，酒味唔太濃郁，如果就咁食得多，感覺會有少少鹹，建議多啲人食先一齊 share😛🍛西班牙海鮮飯 $248海鮮飯有大蝦、青口同蜆，全部海鮮都好新鮮😍！ 特別係青口，飽滿得嚟好鮮甜，無overcook! 海鮮飯嘅汁鮮味濃郁😋驚喜嘅係飯入面都加咗好多粒小蝦肉，每一啖都好滋味！🍫Churros配雲呢拿雪糕及朱古力慕絲 $75Churros好香脆！平時出面食churros多數都係點朱古力醬，今次點朱古力慕絲同雪糕個口感好特別，軟綿綿又有啲凍😆飯後必食！…Read More

西班牙菜在香港一向甚受歡迎，尤其是細細碟、種類繁多的tapas，切合港人愛嚐鮮的性格，今次就來到在荔枝角D2 Place One的西班牙風味小館Rustico。裝潢走歐陸式懷舊風，在昏黃柔和燈光的映照下，給人一種寫意、放鬆的感覺。落地玻璃可以飽覽荔枝角街景，搭配紅磚牆，散發濃厚的復古風情，瀰漫著自在寫意醉人情調。店內設有乾式熟成凍櫃，提供自家製Dry-aged肉食美饌。最近餐廳新加盟遠道來自西班牙瓦倫西亞的總廚，特別推出Chef Javier Tasting Menu，共八道菜的嚐味菜單定價為$1188 (2位用)。Pintxos總廚Javier擅於融會貫通，尤其鍾情巴斯克料理，菜式兼容經典及創新，Pintxos即是巴斯克版本的tapas，最常見的做法是用木簽將不同的食材串在一起，最下面通常是麵包切片。西班牙白毛豬火腿配焦糖羊奶芝士串西班牙白毛豬火腿鹹度適中，香味輕柔，細緻有餘香，融合焦糖羊奶芝士，甜味伴隨奶香在口腔溢出。士多啤梨羅勒西班牙一口凍湯以士多啤梨入饌並非只有甜點，當製成充滿天然莓香的羅勒凍湯，利用其清新及酸甜味喚醒沉睡中的味蕾。西班牙冬季傳統伊比利亞黑毛豬火腿湯伊比利亞黑毛豬火腿是西班牙國寶級名物，以橡果作為糧食，帶有獨特榛果香。表面舖滿香脆薯絲，湯頭熬得濃厚稠身，釋出火腿鹹鮮及肉味。吞拿魚他他配日本雞蛋黃及脆多士吞拿魚他他入口軟嫩而有彈性，魚鮮十足而又不會過腥。刺破蛋黃後，滑嫩的熔岩蛋漿亦會漸漸流出，將蛋香與鮮味融為一體。將吞拿魚他他塗上薄脆多士，一嫩一脆的質感呈現極端對比。香煎刺身級帶子、慢煮牛面頰、血腸忌廉球擺盤裝飾出簡約美感，血腸忌廉球肉味濃郁，配合小蘿蔔及紅菜頭蓉，中和了肉食的膩感。刺身級帶子以伊比利亞黑毛豬火腿作點綴，煎香至表面帶焦香，肉身光滑細緻，味甜富彈性。牛面頰肉以低溫慢煮，不怕高溫破壞食材的蛋白質而影響口感，肉質被柔化並慢慢吸收湯汁，極之入味，味道醇厚，入口鬆軟卻仍帶有嚼勁。澳洲深海小龍蝦及嫩香蒜西班牙飯 +$98Paella堪稱是西班牙美食的代表菜色之一，顏色鮮豔令人食慾大開，鐵鍋上桌香氣撲鼻，挑起誘人食慾。小龍蝦體態雖比龍蝦嬌小，但肉質夠爽口彈牙，煮熟後讓海產的鮮汁滲至飯粒當中，將鮮味再昇華。米飯粒粒分明，煮至軟硬適中，不會過份濕軟熟爛，淺身平底大圓鑊底下更有脆脆帶炭火焦香的Socarrat飯焦，不禁令人吃得津津有味，輕易將其「清盤」。曼徹格羊奶芝士泡沫配迷迭香雪糕及朱古力香橙小吃在樸實的外表下，兩款甜品都吃得出是真材實料。曼徹格羊奶芝士泡沫曼徹格羊奶芝士口感柔滑綿密，奶香溫和順口，混和粒粒脆餅碰撞出多重層次。朱古力香橙小吃朱古力慕絲入口軟滑帶黏性，深醇濃郁的可可韻味略帶苦澀，純度夠高。…Read More

Booked左630pm, 7點同我地講last order (??????) 原來我地8點要還枱. 如果卜枱或者入座個時同我地講限時90分鐘會更好. 事關唔想黎慶祝朋友生日都要咁趕, 同埋食西班牙菜想慢慢享受，chill住咁食。講番野食先，我地order左青口、西班牙奄列、乳豬、西班牙海鮮飯、HAM、魷魚同埋一個pancake甜品。全部都幾好食，唯一挑剔位係海鮮飯個兩隻蝦唔夠新鮮. 價錢合理同埋裝修幾靚👍🏼👍🏼…Read More

第一次食果陣係中秋節, 聽過朋友講, 一直都未有機會試, 點知一食難忘!! 氣氛環境唔錯, 雖然好多人, 但唔算太吵, 可能大家都俾個環境搞到斯文晒, '被'斯左了~~哈哈服務好好, 上菜會係俾你食完一樣再一樣, 每食完一道菜會幫你換碟, 服務員會自動針水俾你, 食物O既熱度同熟度都係剛剛好!!一D都唔hard sell, 食完最後一道菜就會問你: 呢餐飯岩唔岩食啊? 感覺如何啊? 好care我們的意見!!! 食緊果陣已經講左下次要去食下lunch or weekend brunch, 應該會比dinner抵食好多~!!…Read More

黎呢家餐廳食飯都已經好幾次，不過主要都係晚飯多，午餐就真係比較少。呢頭都發展得唔錯，D2 Place 一直開展梗本地制作的flea market, 有啲日本餐，cafe 等等選擇。因為想坐得舒服，所以㨂左Rustico 午餐！ 佢地裝修都好有歐洲風，窗外有小花，感覺好輕鬆，入面都好乾淨俐落既感覺，只是枱同枱之間有啲迫，只怪香港地方淺窄⋯我地每人叫左一份set lunch, 佢地先上了一份餐飽， toasted bread...比較細塊，味道確實不錯⋯小而已⋯頭盤：南瓜帶子湯，香濃既南瓜湯，好creamy, 配上帶子好match！另一份頭盤：芝士鷄肉球好香脆既外皮，𥚃面包著薯蓉，雞肉，芝士，色香味俱全！主菜就㨂左西班牙海鮮飯：無揸流攤，飯味夠香，飯粒好飽滿，湯汁入哂啲飯。海鮮方面，分別有大蝦，帶子，小花甲，mussel! 食得出廚師的心機上枱好夠熱，呢啲飯真係凍就唔好食！成個lunch set 仲包左甜品同餐飲，百幾蚊算係幾抵食！總括來說，lunch 抵過晚餐好多 佢地食物質素唔錯，尤其是個海鮮飯！…Read More

上文提要...由朋友介紹去食呢間餐廳，我們食左13道菜。我仲有6道菜式係未寫既。先比大家回顧番之前既7道菜式先第一道菜 脆炸雞肉火腿忌廉球第二道菜 脆炸西班牙辣肉忌廉球第三道菜 黑松露汁野菌意大利粉第四道菜，北西班牙式八爪魚伴馬鈴薯及紅辣椒粉第五道菜，松露北海道黑帶子西班牙薄餅第六道菜，西班牙小墨魚粉,自家制風乾蕃茄,蒜香墨魚汁第7道菜，西班牙海鮮飯想知以上既味道的話請瀏覽前文介紹。宜家開始介紹第八道菜喇，叫做燴牛面脥配蘑菇及香草薯蓉，味道有少許似食林左既牛腩，感覺無乜特別，但都ok既。第九道菜，個名又係好難記既...卡坦尼亞式燒雞伴傳統香草馬鈴薯杏桃松子汁，哈呢味菜式我覺得似食燒春雞既味道，好滑幾香口，好味道。第十道菜，炭燒Iberian黑毛豬肋骨主廚Juanjo秘製燒烤醬及烤菠蘿，絕對吾係平時食果皇ribs, 味道係多肉d 林林地，燒得剛剛熟，口感似豬柳第十一道菜，呢道就係成晚既精髓所在...登登登登有請傳統烤西班牙乳豬伴焗馬鈴薯出場，此道菜吾似我地平日去婚宴食既乳豬甘薄身，西班牙乳豬係好厚身既，厚肉又多肉汁，外脆既燒乳豬皮，一刀切落去d香味即時滲出來，嘩...好似一次過食幾塊乳豬甘，好厚真係好滿足。正當我以為食完之制，又有一道菜來喇。第十二道菜，我即時諗起十二道烽味，要食12道菜@_@ hehe。係第十道烽味炭燒肉眼扒伴火箭菜，意大利大啡茹及帕馬森芝士，睇見個菜名都知勁呢!  米就係炭燒肉眼扒，由於係炭燒關係+肉眼扒，有肉汁又香，廚師話肉身有咸味係吾需要加芥辣食既，炭燒呢種煮法真係絕配，好味道。第十三道菜，係時候要同個肚決勝負喇，我同自己講一定要食埋落肚。一望....原來係甜品，先講個甜品名先，叫做炸西班牙Churro伴香草雪糕功克力慕斯。炸西班牙Churro呢樣野真係好難形容，似油炸鬼但甜甜的實實地的好香口，再點雪糕功克力慕斯，一放入口，嘩!又熱又凍又甜又炸又香又脆，一次過滿足哂6個願望，令人回味無窮，推介食呢個甜品。總結，餐廳係有水準之作，菜式特別，餐廳裝修亦有歐洲feel，建議一班人去食，可以試多幾道菜。多謝大家收看，想知1-7道菜式係點，大家吾睇番上集。…Read More

‪最近常常找機會去吃西班牙菜，歸根究底都是為了吃「西班牙油炸鬼」Churros。對我來說其他的都是陪襯（？）因為我其實不太愛重口味食物，而西班牙的tapas經常是鹹香食物加上油炸。不過這間位於荔枝角的Rustico卻令我對西班牙菜刮目相看。頭盤的炸西班牙青椒帶淡淡鹽味，卻不死鹹，吃得到青椒的原味，重點是一點都不辣呢！雖然是油炸，卻竟然有點清爽。再來的生西班牙紅蝦薄片，一上桌已令人眼前一亮，像透了一幅水彩畫。鮮味的甜蝦，伴上特製醬汁、番茄粒、果仁和香草，構成多重口感，味道引人入勝。炸雞肉火腿忌廉球香濃惹味，外層的炸衣酥脆不膩。叉子一插進去，內裡的忌廉餡便緩緩流出，點上蛋黃醬吃更為美味。主菜的西班牙海鮮飯 (Seafood Paella)不過不失，材料有大蝦、青口、蠔仔、魷魚、蜆，飯煮得軟硬適中，但海鮮味不算特別濃。不過材料用上了鮮嫩的蠔仔，倒是生色不少。不得不說整餐最出色的，是兩道甜品－－ Churros 和 Bailey's Foam。先說churros，暫時算是我在香港吃過最「對版」的了。炸得外脆內軟，灑上肉桂粉和砂糖，一上桌時熱辣辣香噴噴，叫人顧不上儀態，馬上蘸上附上的chocolate mousse和vanilla ice-cream，鯨吞一條。雖然不是傳統的朱古力醬，但一冷一熱的對比，也十分新鮮好吃。至於Bailey's Foam，上層Bailey's味道的泡沫，中層混進了餅乾碎，下層是vanilla ice-cream，有點像變奏版tiramisu。男友讚不絕口：「泡沫奶滑得像自己溜進喉嚨裡。」有沒有那麼誇張，便要嘗嘗才知道了。…Read More

餐廳外的佈置有酒滘感覺，這天與友人們被餐牌內容吸引了進內試試。記憶所及好像有一位外籍廚師不定時進出廚房，所以我們有預感，餐廳菜式應該"靠得住"從另外頻道得知餐廳也提供午市套餐，已決定找一天來試試～…Read More

一間門面不錯的新餐廳, 才6時半內堂已滿了大半.因為8時要還枱, 一坐下我們便匆匆點菜.門口侍應推介烤豬, 但經理說兩人吃會太膩. 我們先點了一瓶經理推介的西班牙啤酒, 然後有西班牙火腿, 海鮮燴飯和燒牛扒拼大啡菇火箭菜.西班牙火腿配啤酒味道適中.海鮮燴飯, 魷魚仔很香口, 蝦和帶子也很好吃, 有口感, 先生略嫌太乾.燒牛扒拼大啡菇火箭菜, medium燒得很香口, 肉也挺焾, 菜蔬配黑醋很開胃. 但有段小插曲, 上菜後不久有位侍應前來查問蔬菜是不是另加的, 生怕來多了, 我們要把菜名背出來. 實在很唐突, 怎麼對自己餐廳的餐牌這樣陌生?吃了三道菜, 其實不算很飽. 所以叫了一份甜品.需然裝飾的造型很古怪, 但吃下去還ok的, 我本人覺得雲吞餡的雲呢嗱味很香, 還有一粒粒好像雲呢嗱籽, 但先生覺得Raspberry sauce味太重, 吃不出雲呢嗱味.離開時門口庭園位都坐滿, 生意很好哩!尖咀價錢, 我覺得少貴, 但環境尚算ok.…Read More