Rustico

第一次食果陣係中秋節, 聽過朋友講, 一直都未有機會試, 點知一食難忘!! 
氣氛環境唔錯, 雖然好多人, 但唔算太吵, 可能大家都俾個環境搞到斯文晒, '被'斯左了~~哈哈

服務好好, 上菜會係俾你食完一樣再一樣, 每食完一道菜會幫你換碟, 服務員會自動針水俾你, 食物O既熱度同熟度都係剛剛好!!

一D都唔hard sell, 食完最後一道菜就會問你: 呢餐飯岩唔岩食啊? 感覺如何啊? 好care我們的意見!!! 
食緊果陣已經講左下次要去食下lunch or weekend brunch, 應該會比dinner抵食好多~!!

好濃O既烈酒味, 本人唔係好識得飲酒, 第一啖好啃O既感覺, 但飲落就覺得好香, 仲有生果味, 好飲!

$88

我地今次O既前菜係生蠔, 自從係Croatia食左好美味O既生蠔之後, 我就愛上左生蠔!!! 近醬汁果邊果兩隻係white pearl, 好大隻, 好creamy & juice鮮甜, $60蚊一隻。另外果兩隻唔記得係咩名, 淨係記得waitor介紹果陣係屬於甜類O既, $55 一隻, 無white pearl咁大隻, 但都好好食, 次序係左呢隻先再食white pearl

$230

絕對正宗!! 米的外層係鬆軟, 內面又有少少生生地, 好有嚼口, D飯一粒粒, 又好入味, mussel, 蝦, 蜆都好鮮甜, 絕對唔係陪襯咁簡單!!

$188

3

其實呢樣叫果陣唔知佢係湯, 個名實際叫咩我唔係好記得, 只係將入面有O既3大食物list出來俾大家睇, 當係菜名~XD~哈 攪拌左個溫泉蛋, 湯底原來有D蒜泥同薯蓉, 將所有野攪拌, 好creamy好好飲!! 值得一讚O既係個湯O既熱度岩岩好, 真係剛剛好, 完全好輕鬆咁一啖一匙咁放入口, 唔會熱傷喉嚨!! 廚師O既功力非常勁!!!

$108