Tai O Tak Fat

【大澳德發】位於炮台山，在地鐵站出口的對面，位置便利。早、午、茶市時段與一般茶餐廳大同小異。晚上則主打大澳漁村風味小菜，不再供應湯粉麵、三文治等輕食。晚市時份來到，點了"西蘭花爆炒帶子龍躉球"，加$20配上白飯及老火湯。小炒鑊氣十足，帶子切半，大大粒呈金黄色，吃下嫩滑鮮美。龍蠆無骨肉厚，新鮮彈牙，西蘭花翠綠爽口。大澳招牌"船家小炒皇"材料豐富，包括蝦仁、魷魚、蝦乾、菜甫、韭菜、腰果。炒得香口不油膩，蝦仁魷魚鮮美中帶咸香，韭菜嫰口無渣，腰果香脆，非常下飯。自家製"檸檬薏米水"屬輕怡之選，酸度甜度不高，喝下冰爽解膩，如果薏米可以煮得軟淋一點，則更美味。結帳時，得到$100現金券，原來晚市惠顧每滿$100，可獲$50現金券回贈，可於一個月內晚上六時後使用。如此超值，看來又有再光顧的理由了。…Read More

疫症之下，人心遑遑。大家都減少出行社交。這是我近十天以來唯一一次外出食飯，尤其難得。外出工作後，閒錢多了，日本菜、印度菜、泰國菜，都可以任意選擇。但最後還是港式的撚手小菜，最令我有歸屬感。這是屬於香港人的味道。不少良心高質食店，在現時嚴峻的環境之下無奈結業。大澳德發在逆市下推出現金券回贈，（印象中是）埋單200元送一張100元現金券，埋單100元送一張50元現金券，須於一個月內使用。我跟友人便是因有現金券，所以再一次光顧。當然價錢以外，味道也十分重要。曾光顧大澳德發5次以上的我，可以拍拍心口跟大家說：不論是食物還是員工絕對是水準以上。我與好友二人共點了三碟小菜，兩肉一菜，分享同一碗飯和湯。湯是我至愛的蕃茄薯仔湯，十分足料，和友人對分，大家也有湯料可吃。第一碟小菜是西蘭花爆炒帶子龍躉球，148元。帶子、龍躉十分鮮味，肉質彈牙，西蘭花清新爽口有蒜香。第二碟小菜是冰鎮咕嚕肉。這是我們第二次再叫的小菜，可見令人回味﹗咕嚕肉酸酸甜甜，外脆內軟。值得一提的是，員工見我們遲遲未起筷，特地過來提醒要先把冰塊撥走，十分貼心。第三碟小菜是大澳鹹香雞，半隻108元，也是我們屢次再叫的小菜。食雞最怕「鞋口」，大澳鹹香雞不單不「鞋口」，還十分香嫩。鹹味不是死鹹，而是淡淡的鹽香，拌飯一流。提外話，我前幾次光顧時曾點大澳酒香蒸咸鮮馬友，我向來不太喜歡蒸魚，但母親是水上人的朋友卻是大讚。大澳德發有不少水上人的菜式，喜歡此道的朋友可以一試。埋單誠惠近400元，員工回贈150元現金券，笑言「唔畀你哋走」。食物這樣高質，就是沒有現金券，我也會再來！…Read More

小米暑期活動完結後, 好想盡快晚餐. 就在MRT出口, 看到對面街有几家餐廳.為了小米, 所以堅持食中式食物, 最後在這裡晚餐. 因為只是六點半左右, 晚市剛開始, 客人不多. 又要為選菜而煩惱了!    馬友鹹魚皇蒸肉餅    就座後, 小米還未看餐牌, 就直接說出: 我要<含綺 Your炳>. 即係鹹魚肉餅.  小米最喜歡啖啖肉, 無需吐骨的食物. 而來到中菜餐廳, 肉餅就是小米首選, 可以是梅菜肉餅, 也可以是土魷肉餅. 餐牌上, 唯有馬友是屬於<含綺Your炳>.  大盤的馬友鹹魚皇蒸肉餅, 二塊銀色魚皮的馬友, 十分強韌.  如大啖食鹹魚肉, 受害的, 就是味蕾. 要出力將馬友壓碎, 把鹹魚肉平均鋪在肉餅上, 就等於把鹹味平均散在肉餅上. 肉餅較為鬆散, 不起膠, 容易以銀匙舀出來.       西蘭花爆炒帶子龍躉球    彩色招牌首推這款小菜, 加上小米會接受<西蘭花&帶子&龍躉肉>這三款食物, 所以點了這款, 再加廿蚊, 有飯有湯. 小米不喜歡清蒸有黑色豉油的蒸魚, 但喜歡白色的食物~帶子, 或煎至金黃色的魚柳~龍躉球也!    主角:龍躉     除了啖啖魚肉, 另外龍躉皮有豐富的膠質, 聽講可以補充骨膠原. 龍躉魚肉在拖油後變為金黃色, 再回鍋跟帶子一同爆炒, 上調料. 再淋在西蘭花上方, 擺盤靚靚.       龍躉肉的口感比較實在, 米黃色魚肉, 不似加左果D野. 小米一件又一件夾走帶子&龍躉, 人仔細細, 真識食.  另外西蘭花有強勁的纖維, 有助消化. 西蘭花味道較清, 通常没有苦味. 這是小米唯一接受放入口的蔬菜.   只要小米肯食菜, 已經心感欣慰.   豬膶煲     忘了菜名, 只記得叫豬膶煲.   豬膶厚度不一, 口感不太爽脆, 比較粘口/糊口.   因為豬膶無啤水, 所以仍嚐到微微的甘味. 就是肝小葉之間的膽管所分泌的膽汁.  雖然豬膶是高膽固醇, 勁邪惡的美食, 但個人覺得只要連同洋蔥一起享用就變得健康.  洋蔥可清血脂, 降血壓, 絶非墊底的配料.   消滅了豬膶, 就來到洋蔥了! 就無需擔心膽固醇的問題了!    小米點了菠蘿七喜.    自己則享用老火靚湯.    在用餐期間, 聽到不同的客人來到, 都會問:仲有無卜卜蜆?     不過在7:30左右, 卜卜蜆售罄. 可能卜卜蜆真係好好味!  下次要點這個.…Read More

茶餐廳或者冰廳，聽個名就已經感覺到係幾十年前嘅產物。最初最初嗰陣主要係賣凍嘢為主後嚟賣下賣下就賣埋三文治同各式糕餅，慢慢演變有粉有麵有飯、直至今時今日，就更加好似間茶記一樣，咩都有得食仲可能有埋一啲好特別既菜式。.北角開左間食大澳菜既茶餐廳小廚，事關今日過海拎野比朋友無意中發現到既，就正正係地鐵站出口既對面，英皇道153號，專食大澳菜咁特別？就抱住好奇既心態入去試一試，大澳去過幾次，但大澳菜真心就未嚐試過啦...【大澳德發】走普羅階級的小店，入面乾淨又光猛，裝演簡簡單單，座位有圓枱又有卡座，卡座佔大部份喔，環境不會太濟迫，仲有一些特色既燈營造與別不同既氣氛。睇睇Menu，店內有晚餐及散點，地道小吃，人氣套餐，大澳招牌，估唔到茶餐廳出品的小菜好像愈來愈有特色，頗有漁鄕風格，亦有很多海鮮食材為主，龍躉球應該係我最想試既一個菜式。呢度加20蚊就可以有一個加配，就係有飯同連埋例湯，價格比較便宜。成個Set就會更滿足更飽了。例湯，合掌瓜紅蘿蔔煲豬𦟌湯，飲落好像無味精不算太濃味，正正常常。🔹黃金滿屋 (鮮魷+墨魚咀) $98新鮮熱辣辣炸起💥外脆內軟煎炸野緊係唔好成日食，但偶爾一吃，都想食到稱心滿意的，自問係椒鹽鮮魷精，基本上一去大排檔或者小菜飯店，都必點椒鹽鮮魷...炸至酥香的魷魚配合蒜頭、乾蔥等味道， 令人食指大動。用高火燒熱加入足夠油份，將魷魚炸至金黃色及脆身真心好夠香脆可口，！紅彤彤的椒鹽下是胖嘟嘟、 白色的墨魚嘴。可能係猛火快兜下，墨魚嘴非常爽口彈牙，有咬口！連埋炸蒜一啖接一啖送飯，真係一流有咩人會抗拒脆卜卜又咸香既炸鮮魷同炸墨魚咀？！🔹西蘭花爆炒帶子龍躉球 $148爆炒是烹飪方法中炒的一種。按使用的輔料不同又可分為醬爆、 蔥爆、芫爆、等！呢個西蘭花爆炒似係蔥爆咁，西蘭花食落爽爽地，顏色上翠綠，賣相唔錯！炒帶子龍躉球，帶子新鮮，肉質嫩滑，味道清甜，加上惹味的蔥爆更能把帶子添增香，鮮等味覺的享受。最妙的是，這道菜，快靚正，只要炒得不過火過稔，留有點脆口既感覺就好滿足。龍躉球好似係呢度都必點既菜式，店員推介亦見到唔小人都試過，西蘭花同龍躉肉都係一個好好的搭配，魚肉比較結實，不易碎開，每啖都是啖啖肉，十分滋味，都是受歡迎的菜式！🔹三弄脆皮鹹豬手 $118 (原隻德國豬手)德國咸豬手的做法與中式的燒肉十分類近，而豬手的肉質會更嫩滑，外層可做到又脆又煙韌。反正，脆皮兩字己令我口水直流了！脆皮鹹豬手皮層脆卜卜，咬落去卜卜聲，肉質幼滑筋位滋味，咸咸香香，雖然外表看來略為乾身，但入口就肉汁豐盈。而且豬手皮有很黏的膠質。店員同評論都話唔錯，又真係幾好食，份量大大件又夠多，送唔送飯都可以呢。【大澳德發】其實成個感覺都好親民，店員友善親切好推介菜式比我地之餘又會過黎傾兩計，小區就是有人情味吧！非常適合家庭聚會或者幾個朋友黎食。雖然係茶餐廳但成個環境乾淨又舒服，係入面食到有質素既小廚又真係幾驚喜呢。…Read More