Vanda (Closed)

餐廳：花漾地點：銅鑼灣時代廣場菜式：新加坡菜餐牌：茶餐11選一，有多款飯粉麵，配冷熱飲品9選一，可以加錢升級餐飲。另外仲有小食同甜品。另收加一。花漾海南雞飯 $78 另加一海南雞有脾有胸有翼，份量都唔少，雞皮滑而雞肉頗嫩，配上三色醬比你自己調味。伴有青瓜四舊解膩。雞油飯大大碗，濕潤度剛好，味道唔錯。仲有一碗魚蛋蔥花冬瓜湯，味道鹹香，冬瓜味濃，原來入面有脆口八爪魚粒，仲有彈牙炸魚蛋兩粒。新加坡大蝦喇沙摻摻 $78 另加一新加坡大蝦喇沙可以揀摻摻或者米線。我地揀左摻摻。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣辣地好惹味。配料有去殼凍蝦兩隻開邊，彈牙炸魚蛋三粒，炸魚蛋有好多條，豆卜4件，同半隻糖心蛋。其他配料仲有爽口芽菜，少少通菜同洋蔥絲，加上脆脆，口感豐富。街頭雞肉串燒 $80 另加一街頭雞肉串燒一客4串，啖啖肉好嫩，個黃咖哩汁好濃味。伴有半粒車厘茄，青瓜幾塊同紫洋蔥。另配惹味參峇醬，令雞肉更惹味！班蘭咖吔多士 $36 另加一班蘭咖吔多士一客四份，係兩塊麵包份量。麥包整得好香脆，入面係一片厚厚牛油同班蘭咖吔醬，食落甜甜地，係一個幾好既。海鹽雪糕椰汁珍多冰 加$12 另加一   椰汁好滑又香甜，帶唔少碎冰可以咬下，仲有綠色珍多冰，口感豐富。原來椰汁配融化既海鹽雪糕味道好夾，甜中帶微微鹹，好特別。呢個價錢好抵，飲完直頭係食完甜品。馬來拉茶 （跟餐）馬來拉茶好滑溜，叫左少甜，甜度都適中。茶同奶味道配得好，唔錯唔錯。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。總括而言，茶餐份量似正餐，不過價錢平好多，仲包大大杯野飲，食物質素都好高。座位舒適，裝修勁靚。平日兩點要等幾個字先有位。…Read More

餐廳：花漾地點：銅鑼灣時代廣場菜式：新加坡菜餐牌：茶餐11選一，有多款飯粉麵，配冷熱飲品9選一，可以加錢升級餐飲。另外仲有小食同甜品。另收加一。新加坡大蝦喇沙摻摻 $78 另加一食新加坡野一定要食喇沙! 新加坡大蝦喇沙可以揀摻摻或者米線。我地揀左摻摻。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。配料有去殼凍蝦兩隻開邊，彈牙炸魚蛋三粒，炸魚蛋有好多條，豆卜4件，同半隻糖心蛋。其他配料仲有爽口芽菜，少少通菜同洋蔥絲，面頭灑上脆脆，口感豐富。另上參峇醬同一隻青檸。花漾海南雞飯 $78 另加一海南雞有脾有胸有翼，份量都唔少，雞皮滑而雞肉頗嫩，配上三色醬比你自己調味。伴有青瓜幾舊解膩。雞油飯大大碗，濕潤度剛好，味道唔錯。仲有一碗魚蛋蔥花湯，味道鹹香，原來入面有脆口八爪魚粒，仲有彈牙炸魚蛋兩粒。炒通菜 $75 另加一炒通菜可選蝦頭膏，馬拉盞或者係參峇醬，我地揀左蝦頭膏。炒通菜熱辣辣炒起，份量足。莖脆而葉嫩，蝦膏味剛好，加有蒜蓉同炒更香，唔會太重口味。街頭雞肉串燒 $80 另加一街頭雞肉串燒一客4串，啖啖肉好嫩，個黃咖哩汁好濃味。伴有半粒車厘茄，青瓜幾塊同紫洋蔥。另配惹味參峇醬，令雞肉更惹味！班蘭咖吔多士 $36 另加一班蘭咖吔多士一客四份，係一塊麵包份量。麥包整得好香脆，入面係一片厚厚牛油同班蘭咖吔醬，食落甜甜地，係一個幾好既甜品。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。海鹽雪糕椰汁珍多冰 加$12 另加一   椰汁珍多冰好滑而椰汁非常香甜，帶唔少碎冰可以咬下。原來椰汁配融化既海鹽雪糕味道好夾，甜中帶微微鹹，好特別。呢個價錢好抵。總括而言，茶餐份量似正餐，不過價錢平好多，仲包大大杯野飲，食物質素都好高。座位舒適，裝修勁靚。…Read More

好耐冇黎過Times Square食,原來開左呢間新加坡菜,感覺幾細心,上枱杯水係暖水黎,好少餐廳會咁做🙈餐廳位置都幾多,幾寬敞坐得幾舒服!《街頭雞肉串燒 $78》雞肉燒得幾嫩,調味啱啱好唔會太咸,幾好食,唔夠味嘅話仲可以點佢提供個碟醬,會提升多少少辣味🤤《新加坡白胡椒肉骨茶 $98》第一啖覺得都幾重胡椒味,但又唔會話好辣個種,豬肉既份量都幾多,有成四大舊,而且煮到好淋, 可以好輕易咁骨肉分離,仲有豬肚同埋成舊蒜頭😂油炸鬼都幾脆,浸湯食都唔錯,而肉骨茶都幾大碗下,要飲晒都有啲難度😂粒蒜都煮到好淋,食落口感似薯仔幾搞笑,唔會勁重蒜味,輕鬆食晒成粒😂花漾銅鑼灣勿地臣街1號時代廣場6樓625-626號舖[⭐️5分為滿分]味道⭐️⭐️⭐️⭐️環境⭐️⭐️⭐️⭐️服務⭐️⭐️⭐️⭐️價錢⭐️⭐️⭐️推薦⭐️⭐️⭐️⭐️…Read More

餐廳：花漾地點：銅鑼灣時代廣場菜式：新加坡菜餐牌：茶餐11選一，有多款飯粉麵，配冷熱飲品9選一，另外仲有小食同甜品。另收加一。新加坡大蝦喇沙摻摻 $78 另加一茶餐新加坡大蝦喇沙摻摻原來同主餐牌一樣大大碗，非常抵食！喇沙可以揀摻摻或者米線。我地揀左摻摻。摻摻即係黃色粗麵加幼身粉絲，前者有咬口又滑溜而後者幼滑吸汁，加埋係好正嘅口感。個湯又香又滑，梛汁又夠，辣度剛好。配料有去殼凍蝦兩隻開邊，炸魚蛋三粒，炸魚蛋幾條，豆卜4件，半隻糖心蛋。其他配料仲有爽口芽菜可以加添口感，同埋少少豆角，面頭灑上脆脆，更加香口。另上參峇醬同一隻青檸，不過我覺得都夠味。巴東牛肉配班蘭椰漿飯 $72 另加一巴東牛肉有七舊左右，質感都幾好，牛味唔錯。個汁味道濃厚，好惹味。班蘭椰漿飯真係綠色，未食先吸引眼球。聞落椰香十足，又帶微微班蘭味。食落粒粒分明，煙煙韌韌，撈埋個汁好惹味。配有花生米，脆魚乾，脆脆碎，又香口又有多重口感。伴有青瓜，車厘茄同紫洋蔥可減膩。芝士蟹粉蟹肉焗酥盒 $75 另加一芝士蟹粉蟹肉焗酥盒一客四件，賣相唔錯。微脆酥盒面頭有金黃色蟹膏，伴有少少芝士，下面有蟹肉，豬肉粒同菇菌，食落芝士味唔會太濃，唔怕太膩。街頭雞肉串燒 $80 另加一街頭雞肉串燒一客4串，燒得少少脆皮，好香口，個黃咖哩汁好濃味。伴有半粒車厘茄，青瓜幾塊同紫洋蔥。另配惹味參峇醬，令雞肉更惹味！怡保芽菜 $58 另加一怡寶芽菜熱辣辣上枱，芽菜份量唔少，面頭加上蔥花同脆碎，味道唔錯，微微辣。香茅青檸荔枝梳打（跟餐）跟餐飲品都有幾款揀。香茅青檸荔枝梳打真係有大大枝香茅，味道完全唔甜，似梳打水，解渴得黎又唔會太肥，荔枝味道主要係底部，建議搞起先飲。桔仔話梅水（跟餐）桔仔話梅水有大大粒青檸同話梅，仲有桔皮喺底，味道微甜，感覺健康。總括而言，茶餐份量似正餐，不過價錢平好多，仲包大大杯野飲，食物質素都好高。座位舒適，裝修勁靚。…Read More

 銅鑼灣Times Square食肆林立，今次就來到以新加坡國花—卓錦萬代蘭(Vanda)命名的花漾。店內面積寬敞，卡位坐得寬敞舒適，花瓶形欄杆與打卡花牆洋溢東南亞熱帶風情。餐牌主打正宗新加坡菜，款式繁多。眾所周知，新加坡是一個多元化的國家，集聚了中國、印度、馬來西亞等多種風格的美食，今次就點了幾款街頭小吃。街頭雞肉串燒 $82串燒雞每串都是啖啖肉，以自家調味醃制，鹹香入味。沾上秘製參巴醬更加惹味，辣味不會過於濃烈而搶去肉香。古早鳳梨蝦球 $148娘惹料理受祖宗傳下的中華文化影響，因此離不開中華料理，賣相色彩艷麗提起食慾。圓鼓鼓的蝦球炸至外層酥脆，緊緊包裹著原隻蝦肉，將蝦球點上甘甜醬汁，即時令人胃口一醒。鳳梨採用新鮮菠蘿果肉，並非罐頭貨色，以火槍炙燒過的焦糖脆面，令天然果香更加突出。烤馬來蔥餅配咖喱 $62酥餅外層口感脆身，沾上以大量椰漿和椰奶煮香的咖喱汁，內裡香軟煙韌富嚼勁。馬來街頭椰子雪糕 $56造型可愛趣緻，兩球椰子雪糕配上顏色純白的椰肉，散發淡雅清新的椰子果香，甜度不高。…Read More

放工搵食在銅鑼灣，同朋友黎到時代廣場6樓既靚裝修餐廳Vanda 花漾食新加坡菜。睇餐廳介紹話餐廳由十多年經驗的馬來西亞大廚主理，味道正宗。估唔到夜晚放工時間都非常之多人，要等一陣先有位。餐廳裝修明亮優雅帶古典味，以舒服卡位為主。.松露茶葉蛋 💲46⭐️3.6/5前菜叫左松露茶葉蛋，一客兩隻。茶葉蛋茶味重，加埋黑松露醬一齊享用惹味開胃。.斑蘭咖哋多士 💲36⭐️3.8/5去到各間星馬餐廳都必點斑蘭咖哋多士。餡料特厚多士烘得香脆，咖央醬同牛油清甜不膩。份量唔算大，當前菜食剛剛好。.街頭雞肉串燒 💲82/4串⭐️3.7/5朋友想食烤串燒，餐廳提供好多款選擇：肉類、大蝦或者拼盤都有。揀左最基本既烤雞肉，重點係特製醬汁，惹味汁醬係成件事精粹。.新加坡大蝦叻沙米線 💲118⭐️4.1/5今晚其中一個有驚喜既菜式竟然係經常食到既叻沙米線。湯底比平日食到嘅還要濃稠，口感厚身好重椰奶香，非常惹味。麵底可以揀傳統嘅滲滲，即係油面溝米粉，但我自己唔係咁鍾意食油麵所以揀咗米線底。麵嘅份量好大足夠兩個人分享。配料係好傳統嘅蝦、魚蛋豆卜等等，水準四平八穩。.新加坡古法炒蘿蔔糕 💲96⭐️4.2/5全晚我覺得最岩食嘅係呢份古法炒蘿蔔糕。蘿蔔糕切粒表面煎得香香，加埋星馬嘅芽菜、菜脯、蛋液一齊煎特別好食。.新加坡白胡椒肉骨茶 💲108⭐️3.8/5食新加坡菜點少得肉骨茶暖胃。新加坡嘅白胡椒肉骨茶版本同平日比較常見嘅馬來西亞版本唔同，湯底並不是中藥材既黑色。新加坡版本肉骨茶主要係食白胡椒同埋蒜頭嘅味道。豬骨、蒜頭加埋油條係新加坡肉骨茶必備嘅配搭，肉骨仲會跟埋醬料一齊食先至夠惹味。.總結：餐廳食物出品高質素，環境好坐得幾舒服，有回頭系列。…Read More