Ling Fat (Closed)

呢間野好過癮，名字叫白粥，但我諗無乜人喺度淨係食白粥。佢嘅菜牌兩版睇晒，少得驚人，不過舖位就有三個，仲未計閣樓嗰度。今晚兩個人嗌咗四樣嘢：蠔餅、蠔仔粥、鵝片同埋手春菜排骨。蠔仔粥嗌咗$55最細嗰隻，兩個人每人都有三碗仔，啲蠔新鮮兼肥美，啲方魚好香。蠔餅啲蠔梗係同蠔仔粥一樣新鮮肥美啦，佢呢個蠔餅係無薯粉同埋係炸嘅，盛惠$85。滷水鵝片唔太肥，幾好，不過個滷水汁就一般啲，得個咸字，無乜香味，我地嗌咗最細嘅$140。最後就係春菜排骨，春菜同排骨嘅質素都好，而且春菜份量都多，兼且都幾新鮮，唯一缺點就係鹹，所以臨尾要叫支可樂飲下先掂。…Read More

朋友生日揀係太子食飯，明知食晚飯時間周圍都好多人，間間都要等好耐。突然提議打冷，自然諗起陵發。行到去都好多人等緊位，我地要等8張枱，不過老闆話好快，咁就信下佢🤭個度地方好大，有2個鋪位再加樓上雅座。最後大約等左20分鐘就有位啦，超開心。不過人太多，所以環境好嘈。餐牌選擇唔算好多，但一定夠你食飽。每款都有幾個價錢，因應價錢供應相對份量，覺得好合理，一定唔會浪費。啤酒款式都好多，藍妹姐姐亦好落力。最後叫左5樣餸，整體份量適中，味道不錯，我覺得鹵水鵝超正，送啤酒真係一流。唯一真係比較嘈，傾計就比較難D，可能呢d係另一種風味🤭最重要係食物好，服務好就值得再去。👍…Read More

三月十四都同兩個麻甩仔去打冷，就知小編仲未揾到我既浩南。不過唔緊要，因為中西意日韓入面，小編偏愛中菜，例如係酒樓、打冷、上海菜等，食好嘢仲實際啦。今次三人行去左太子陵發打冷，但適逢小編岩岩病完冇乜胃口，我地只係叫左幾樣嘢。如果小編戰鬥力回復100%，一定可以試多幾樣嘢。首先就係必食的蠔仔粥，啲蠔仔真係好飽滿，有半隻我既食指咁大粒，好鮮甜。但成窩粥既湯水就估左一半，粥料就比較少，大概每人兩個碗仔既份量，但蠔仔都有三十粒左右。記得menu上有幾個size, 個樓面叔叔就話三個人叫第二大既就ok，我建議可以叫大一個size，因我覺得呢樣係最好食，同埋量真係唔多。仲有最重要係，如果你同小編一樣唔鐘意食莞茜葱，一定要走青青青，重要既嘢講三次。另外就叫左炸蠔餅，好食，好鬆脆，啲蠔係一樣咁大粒，係食過既蠔餅中最好食既(利申: 小編好少食蠔餅)。仲有叫左鹵水拼盤，揀左鵝腸，墨魚同腎，鵝腸係最好食，但一百蚊嚟講，就份量少左啲。最後仲有碟油菜，好油。因為唔記得每樣幾錢，所以唔特別提啦，總之埋單就330，冇加一的，總括來講質素不錯。…Read More

最近天氣有些轉暖，想喝凍凍的啤酒🍺，於是男友帶我來這間打冷，說鹵水配啤酒更美味哦。菜單很簡單，但樣樣都想食，可惜兩個人食不了太多，所以只能忍痛選了最想試的。最後我們選擇了一份滷味三拼和一個90蚊分量蠔仔粥。鹵水三拼這次的鹵水三拼點了鵝腸、生腸及墨魚，新鮮爽脆，每一樣都很入味，再點些辣椒，香香辣辣，更為好味。食一啖鹵味，飲一啖啤酒，真是滿足。蠔仔粥（90蚊份量）因為不知道應該點哪個分量的，店員熱心介紹兩個人可以點90蚊份量。分量比預期多，蠔仔更是每一羹都可見，粒粒飽滿肥美，不但大隻而且鮮甜，必試。總結晚餐時間去到亦不用等位，因店面很大，也坐得舒適，很多食客邊食邊聊天，推薦喜歡熱鬧的朋友一試。…Read More

冬天一到就想起蠔仔粥對比起夏天的蠔仔 冬天的蠔仔總是脹脹的一食就十分鮮甜美味太子一間專食潮州菜的打冷陵發一定是可以一戰再戰本人十分愛食蠔仔粥 二人行叫一小鍋粥已經夠食看圖已知蠔仔有多大 味道都不錯不錯再來又是蠔仔 不過今次是蠔餅一出就是熱辣辣的 可惜有點炸得不夠有小小淋淋地 影響口感 不過都是好東西為左配合啤酒 只有蠔餅是不夠的再來當然是滷水啦叫了雙拼 墨魚🦑+生腸不錯不錯 生腸夠爽 夠味墨魚一向都難入味 不夠味也沒辦法底下有芽菜配搭真心講能滿足我的潮洲菜 可能要在陵發才吃到…Read More

小妹由小到大都主力係港島岀沒😌當然人越大，越要食好東西 就越唔可以只留係一區啦不過唸起打冷係港島食左好多年好多年係登龍街(中學食到而家)果間汁左😟😭好可惜所以今次友人帶我去九龍，睇下搵唔搵得返果間既味道😳7點幾去到 要等一陣不過拒勝在兩層高，好快就安排到位置其實每次食中菜呀潮洲打冷呀 我都覺得好窩心圓枱圍埋一齊傾計聚舊眼見一家大細又有一大班波友朋友又有一班老友相聚又有 好開心*雖然我都未搵得返登龍街果間嘅味道🙈但陵發唔錯都可以一試👍🏻…Read More

年尾當然係要辦年貨啦 喺太子買完一輪野都已經夜晚黑八點了 唯有上openrice睇下有啲咩可以醫肚下晝食滯咗，都仲係胃頂頂，所以想睇下有冇一啲傳統嘅粥店。見到openrice有好多哈哈笑，仲有好多正評讚依家潮州粥鋪，所以諗都冇諗就去試啦開頭以為係一啲好細嘅粥舖，去到先知道原來佢哋有三間鋪，其實我都唔知道當中嘅分別，係咩淨係知道好中間嗰個應該係廚房，因為我見啲侍應喺嗰度出菜。我哋兩個人入咗去最左手邊嗰間鋪入邊嘅環境就好似平時啲打冷舖頭，可以揀嘅送餸菜唔算多，我哋兩個人就叫左一盤細嘅蠔仔粥，一叠滷水拼盤，一碟椒絲腐乳通菜。佢個粥係潮州粥，所以你會見到一粒粒嘅米粒，而蠔仔粥入邊有蔥 芫西 芹菜 蠔仔 肉碎同埋一啲好似魷魚乾 ，芹菜同芫西味道好夾，仲可以將蠔仔嘅鮮味帶出，蠔仔隻隻都好大件，絕對冇偷工減料，同埋佢個湯底辣辣地，既可以刺激味蕾又可以暖身。至於滷水拼盤可以揀三個餸，我哋就揀咗墨魚 生腸 豬耳。豬耳係三個餸入邊最入味幾一個，淋淋嘅豬耳加埋有咬口嘅豬耳骨再配合特製嘅滷水汁，令人回味無窮😋。相對地墨魚同生腸冇咁夠味，不過唔緊要，如果大家食辣，可以點距佢供嘅辣椒油，辣椒油好似潮州辣椒油嘅味道，但係就比平時嘅潮州辣椒油辣五倍。椒絲腐乳通菜係三個餸入面最唔出色嘅一個，因為腐乳冇咸香味，味道很淡，不過，蠔仔粥同滷水拼盤味道十分濃，通菜可以作為次兩個餸嘅一個緩衝。店員態度，同一般大排檔一樣，問多兩句會吋咀，我都見怪不怪。但係，比我見到一名員工係度採礦🔨，真係有點兒那個😶😶。餐牌上面一個價錢都冇列出嚟，埋單嗰時我仲擔心會好貴，最後兩個人都只係二有蚊，覺得好抵。👍🏼…Read More

太子區不多潮州菜的選擇，所以陵發通常成為首選。真心來說，陵發實屬一般，只不過家住附近，來過過口癮而已，反之近西環的金興潮州飯店才是我的最愛。即叫即炸的蠔餅，炸得金黃香脆而且十分厚和大份，但比較熱氣，我食一兩啖就會收手。雖然蠔仔大粒飽滿，粒粒都有蠔汁，但個人比較喜歡舊式的蠔仔煎蛋。陵發菜單內必點的是蠔仔粥，粥內的材料豐富，有大量蠔仔、柴魚、冬菜、芫茜和葱，再加上胡椒粉調味減去蠔腥味。每啖粥都鮮甜可口，是我最欣賞的菜式。滷水分別點了鵝骨，生腸和墨魚雙併。鵝骨一定比鵝片好味，連骨位較多鵝油香，但陸發的滷水不見得出色，所以一般吧。最失色算是生腸和墨魚，滷的時間不夠，既不入味而且食材不新鮮，毫不彈牙。燘春菜，菜芯燜得淋身，以腩肉和蒜粒烹煮，菜芯非常入味。不過比較油，我寧願食炒菜。陸發，我想只是人氣比較大，但菜式只屬一般，出色的潮州菜還是要跑到香港區吧。…Read More

陵發小妹的浪漫啤酒加打冷自從上次摸門釘後小妹便一直寄掛著陪米飯班主到旺角交收難得在附近自然要去碰碰運氣見到有開那當然是要食八點來到即使是閒日陵發都非常旺場滿場不得止已且仲要等位不過陵發有兩個鋪位加上樓一層所以很快便有位置餐牌精而簡一般潮州打冷菜式而且最特別的便是餐牌無價錢不過可以問店員他們也會很樂意回答最後我們點了蠔餅，蠔仔粥，韮菜豬紅當然少不了啤一啤韮菜豬紅欣賞它的豬紅韮菜不會太油豬紅頗大粒且結實無臭味調味加入了蒜蓉和少少辣椒蒜味香濃十分惹味蠔餅蠔餅份量不少而且厚身蠔餅炸得非常香脆而且不油膩不用沾魚露也十分夠味平時外面通常食得到都是粉量較多這裹的明顯是餡比例比粉要多能清清楚楚見到每粒蠔仔最重要是蠔仔鮮甜而且粒粒都大大粒這是小妹食過最大粒蠔仔既蠔餅蠔仔粥（細）蠔仔粥份量也不少可以盛到大概五到六碗蠔仔亦粒粒都大大粒，非常足料蠔仔粥調味適中且加入了大量芹菜莞茜增加其香氣不過小妹略嫌方魚味可以更重一點就更完美總括而言，兩個人埋單230雖說不是很便宜便就一定不貴且最重要是味道好用料好小妹一定會再encore…Read More

朋友隨意係openrice 搵潮州野食，search左呢間，抱住咩都試下既心態去食，食完明白點解咁多人係出面排隊。好彩book左枱, 但都要等一陣。雖然walk in都應該唔洗得好耐，不過大熱天時係出面等都幾係野。坐低嗌左鵝片、大腸同蠔餅。蠔餅不消幾分鐘就上台! 新鮮熱辣辣的，蠔仔粒粒都有番咁上下，仲要係肥嘟嘟的，很豐滿。點埋魚露十分好味。最鐘意係鵝片同大腸。鹵水鵝片嫩又淋，個鹵水味岩岩好，唔過鹹，仲有豆腐花生墊底，想再encore多一碟呀，但嗌左好多野食，驚食唔晒呀!!!!大腸都好正，冇臭味及屎味，又係個句，鹵水味岩岩好，唔過鹹，仲有芽菜係底，撈白飯一流呀!!!蠔仔粥好大兜，d蠔仔又係肥嘟嘟的，很豐滿，連莞茜，蔥等料，幾好味，但我嫌落得太多胡椒。韮菜花好嫩，用豉油炒得幾好味，較為驚喜的。通菜同蜆一樣都係淨恰，腐乳及豉椒另上，所以係冇乜鑊氣。由於會食豬紅的朋友唔多，所以冇嗌，唯有下次有機會再試。餐牌選擇唔多，例如冇糖醋麵，香芋鴨，水昌包，反沙芋等甜品，而且冇價錢，當然可以問啦，不過咩都講個信字。食完平均每個人都係$120，都幾抵食。快、靚、正。…Read More

陵發是我常幫襯的潮州食店，可惜晚飯時間等位需時，所以我多數也是黃昏六許入座，那就省卻等位時間吧！今晚則晚上九點半才到，也不用等。還以為我們算遲，怎料半路中途，隔離開了一桌十多人的飯局，很熱鬧。這裡很香港舊式食店的感覺，有點污糟又亂又迫，伙計是阿叔阿姐大大聲，但勝在手腳快。我最不鍾意係這裡的餐牌係冇‧價‧錢，雖然每次也食差不多的食物，但總不知價錢，就連結賬也沒單據可依，只是伙計來點點食物然後說個銀碼便去俾錢。說回食物，我想我點的也算是必食的東西吧，就連隔離十多人的飯局也點了我們選的食物。我最愛這裡的蠔餅和蠔仔粥，十分足料及好味，蠔仔很肥美。蠔仔粥蠔仔算多，蠔仔肥美，粥很香濃，再加點芫茜，天衣無逢。蠔餅很大件，不過今次有點燶，它很美味又脆口，外面有脆的炸粉，裡面有又嫩又肥美的蠔仔，好好味啊~食得濃味一點的可蘸點魚露，不過不點也很夠味。大腸也很好味，街外的大腸常有點怪味，但這裡沒有，而且質地軟熟又入味，但墨魚片有點失色，無味又有點膠膠的。韮菜入味但有渣，可惜。…Read More

位於太子新填地嘅呢一間「陵發」打冷真係唔野少, 收工時間六點幾嚟到只有兩三檯人, 之後愈坐愈精彩, 因為愈來愈多客人...最後全場爆滿! 見到牆上貼有OPENRICE嘅海報, 原來呢間食肆拎過2015年嘅開飯熱店! 今次到此一遊都係由朋友帶嚟, 試一試睇下佢個熱店指數究竟有幾高先~打冷小菜上檯效率特別快, 因為好多都係凍食, 同好多都已經預先準好, 客人一落單, 轉個頭小菜已可以擺上檯面!碟嘅size好大, 但小菜份量並唔會因為碟大而睇落去少左, 反而係大大碟! 韮菜豬紅 – 好味! 韮菜好新鮮, 唔使再沾其他調味料已經夠入味, 因為已經索晒個醬汁精華, 豬紅就一定要沾辣椒油一齊食, 呢個係一個唔可以遺漏嘅步驟, 因為豬紅同辣椒油係絕配, 識食一定係咁食! 炒蜆 – 本身就咁食個蜆係冇問題, 肉質都幾鮮甜, 可惜個醬汁累事, 打茨重手左, 變成太濃太杰身, 令到蜆肉好咸, 完全蓋過蜆肉本身嘅清甜味道…失敗! 而且吐沙處理得唔太乾淨, 唔受大家歡迎。 蠔餅 – 好足料, 勁多蠔, 麵粉反而比較少啲, 成個餅所以變得外脆內軟! 好味! 腐乳通菜 – 真係好大碟, 其實通菜冬天唔當造, 但呢碟菜卻好嫩, 而且灼嘅時間啱啱好, 保留爽口多汁。 蠔仔粥 – 蠔仔都係多多, 雖然細細粒, 但漲卜卜, 令到個粥好鮮甜~ 滷水類 – 滷得好入味, 特別一提個鵝片, 肉質軟淋淋, 啖啖肉,好味! 唔錯唔錯! 絕對係一間值得推介而且好專業嘅潮州打冷店舖!…Read More

是日一行五人跟朋友到太子的陵發潮州白粥打冷, 地點都算方便, 位於太子新填地街. 店舖較舊式, 當初見到店面真的以為是粥店, 但朋友又說是打冷大家都是愛吃之人, 人多的好處, 可以點多一點, 店內員工叔叔非常的熱情呢!好的!! 先上的是滷水併盤 - 墨魚, 生腸, 豬耳: 豬耳都算爽口的, 跟生腸一樣不夠入味, 但墨魚就很好味, 可以一試! 鹹菜門鱔: 門鱔不錯, 可惜鹹菜太多, 門鱔太少, 略略扣分吧! 門鱔味度頗香, 如果門鱔是多春的話就好了!! 韮菜豬紅: 以前的我是不吃豬紅的, 每次只吃韮菜, 男友吃豬紅, 但之前男友帶過我去鵝紅之後就覺得原來鵝紅豬紅都幾好吃! 今次的韮菜豬紅是我暫時吃過最好吃的豬紅!!! 豬紅非常的入味, 亦非常的滑, 豬紅浸得脹卜卜的! 極度的惹味! 份量亦好多! 其實韮菜都很好吃, 惹味! 但豬紅已經令我忘記韮菜的存在, 哈哈!!滷水鵝: 鵝的皮跟鵝肉都有淡淡的鵝香, 滷水的味道跟鵝好配, 吃起來不太覺得是滷水的味道, 但又覺得汁的味道好棒! 鵝肉不算肥有時候在外面吃的滷水鵝鵝皮下方都有很厚的脂肪, 今次沒有, 所以沒有比外面的膩, 我就喜歡蘸醋吃, 感覺味道鮮明一點蠔仔粥: 我平時比較少吃蠔仔粥, 因為怕會腥, 今次見蠔仔都幾大隻, 所以試左一碗, 一點都不腥, 反而令到粥有好強的蠔香味道! 一吃之下, 才發現蠔的數量好多!! 而且好多的都很大隻!! 真係吃到每一啖的粥都是蠔! 蠔身大多肥肥, 脹卜卜的! 好味!!! 烏頭: 我跟男友出去吃飯比較少吃魚, 今次叫了烏頭是因為朋友說想吃, 反正潮州菜烏頭是出名的, 試試也好! 烏頭似身比較實肉, 魚香亦算可以, 啖啖肉的算不錯, 他有個醬汁用來蘸烏頭的, 我就不太喜歡醬汁的味道, 就蘸了鵝的醋, 又不錯! 潮州凍花蟹: 朋友好想點凍花蟹, 但又怕我們覺得貴, 反正都未試過潮州凍花蟹, 就一直推朋友說想吃就點吧! 哈哈!! 問價時員工叔叔說花蟹好大隻, 大慨$500-$600, 由於我不懂算斤兩, 所以我真的期待著會好大隻! 到的時候說真有點失望跟心痛(好貴呀), 不過想想, 反正未試過, 大家share就算吧! (反正自己都預了不會平宜.....) 花蟹是我其實好喜歡吃的一種蟹! 媽媽有時候會買隻大大的回家做凍蟹, 原來潮州凍花蟹跟我媽弄的一樣, 哈哈! 蟹算肥, 肉都鮮甜, 不過下次都是叫媽媽煮好了, 哈哈!!五個人, 吃飽了, 喝夠了, 開開心心的吃了一頓滿足的打冷!!!其實不吃花蟹的話, 都是大概$200一個人, 現在$300一個人, 都可以, 起碼是真的好吃的潮州菜!! …Read More

老公友人說在太子有間潮洲打冷很特別，我倆都是愛打冷之人，當下就約定找天試試。到花墟行花市，一行四人就趁此一起打冷去。陵發位處新填地街，舊區中的老鋪，饒有風味。鋪面由兩間地鋪組成，格局地踎，門前吊着一隻隻鹵水鵝，一貫打冷鋪格局。雖然店面算大，但向隅的食客眾多，我們站在門前待了很久，打冷來說要等位是少有。終於入座了，只見全場滿座，真旺場。早聽說這兒的侍應態度一般，這也領教了。幸而友人光顧過幾次，早就很熟這兒的運作，這兒只有簡單餐牌，沒有標示價錢的，埋單價就是侍應說了算。因此只要想好了吃甚麼下單就行了，點了六個打冷小菜，很快就有得食了。韮菜豬紅總是先上，大大的一塊，口感滑嫩，不會一夾即散，有點韌性，韮菜吸盡了汁醬，蒜蓉辣椒下得豪爽，也就十分香口了，水準之作。隨後是鹵水三拼，分別是豬腩肉、豬腸、墨魚。五花腩脂香豐腴，鹵水略嫌不夠入味，豬腸的鹵水很香，但肥美得過了頭。墨魚鮮美非常，鹵水十分入味，是三拼當中最美味的。鹵水鵝片雖是例牌，鵝件卻不少呢。伴碟的鹵炸豆腐香嫩，鵝件略肥但可接受，肉嫩有鵝香，但鹵水味較為薄弱，在鵝皮部分點到即止，鵝肉就只有單純的鵝香了，與近日在澄海老四嚐到的有點距離。鹽焗烏頭是打冷必食之選，魚甚新鮮，肉質有彈性，而且還是黃油烏頭呢!淡淡的鹽香配上鮮嫩的魚肉，再蘸點普寧豆醬，鮮味無比!首嚐韮菜蜆仔肉，別看它小不點的樣子，原來是十分鮮美的呢，伴韮菜來吃更為鮮香。壓軸通常就是最好的一道，今天完全被這蠔仔粥迷倒了。先舀起蠔仔一看，顆顆蠔仔都大大顆的，叫中蠔還貼切吧。細看半透明的蠔肚漲卜卜的，可想像到滲進蠔汁的湯會有多鮮美吧。把蠔仔往嘴裏送，咬破蠔肚，鮮甜的蠔香便從口中迸發，肥美豐潤的口感實在太滋味了。再嚐口粥糜，方魚與蠔鮮互相輝映，飯粒也吸盡鮮美的湯汁，這兒的蠔仔粥實在不可不試呢。一行四人點了六個打冷小菜，埋單是五百大元，當中有魚有鵝片有蠔粥，打冷來說價錢十分合理，食物也甚有水準。生意好的關係，食材新鮮，不難吃出當中的鮮味。整體來說出品在一般打冷菜館之上，雖不算十分出眾，但絕對是食得過之選。…Read More

今日一行三人，約出黎聚下順便攞手信。例牌。又係我負責做搵食個個。。年尾聚會食得太多西餐，有啲悶 ，所以就揀左呢間潮州打冷店。呢間打冷同其他食店好大嘅大分別就係餐牌冇價錢。。。。好彩之前上網睇過，知道價錢都合理唔會開天殺價，都可以放心叫。。。睇人地啲食評話蠔仔菜式必食，所以以諗都唔洗諗就叫左蠔仔粥同蠔餅。另外更係有叫滷水鵝片，仲有韮菜豬紅。餐牌只有菜名。份量都冇得揀。店家應該係睇人頭俾份量嘅。。我地三個人。。佢上左一窩蠔仔粥，每人都有兩碗。。同一個我覺得都幾大份嘅蠔餅。。鵝片應該就stsndard..都有十片嘅,下面有好多豆腐(我至愛 )。韮菜豬紅一碗。得我同另一個朋友食。。最後食唔曬。味道方面，以我呢個好少食蠔仔粥嘅人來講，味道不錯。有好多大大粒嘅蠔仔同方魚(應該係).我食左兩碗。蠔餅，都係好多蠔仔，但呢間冇俾辣椒醬蘸，好似爭啲野咁，正常味鵝片，夠入味，薄薄地，食落唔會韌，但我對佢墊地個啲豆腐更有興趣 韮菜豬紅，啲豬紅唔係車仔麵個啲咁細細粒，係大大舊嘅，味道我覺得正常，但我個朋友話有啲腥。。。最後差不多都是我食……我地仲叫左支獅威埋單295.唔貴。。。。下次同為食屋企人再食過 …Read More