Ling Fat

呢間野好過癮，名字叫白粥，但我諗無乜人喺度淨係食白粥。佢嘅菜牌兩版睇晒，少得驚人，不過舖位就有三個，仲未計閣樓嗰度。今晚兩個人嗌咗四樣嘢：蠔餅、蠔仔粥、鵝片同埋手春菜排骨。

蠔仔粥

蠔仔粥嗌咗$55最細嗰隻，兩個人每人都有三碗仔，啲蠔新鮮兼肥美，啲方魚好香。

蠔餅

蠔餅啲蠔梗係同蠔仔粥一樣新鮮肥美啦，佢呢個蠔餅係無薯粉同埋係炸嘅，盛惠$85。

1

鵝片

滷水鵝片唔太肥，幾好，不過個滷水汁就一般啲，得個咸字，無乜香味，我地嗌咗最細嘅$140。

1

春菜排骨

最後就係春菜排骨，春菜同排骨嘅質素都好，而且春菜份量都多，兼且都幾新鮮，唯一缺點就係鹹，所以臨尾要叫支可樂飲下先掂。