SHANGHAI LAO LAO (JP Plaza)

lunch諗唔到食咩，見又係蟹粉時節就入左黎。之前食過晚市好多人，午市無咩人舒服好多。不過d位都係偏逼、兩個人嗌3樣野基本上已經無位放。嗌左：蟹粉扒素鵝（$108）、滬式蔥油雞（$79）、醬炸拌麵配杞子雞湯（$58）、酒釀湯圓（$34）。蟹粉夠多、素鵝夠脆蔥油雞個油既份量岩岩好，唔會太膩，雞都夠滑嫩，不過唔夠之前係呢度食過既醉雞好食。撈麵不過不失，但最讚係個杞子雞湯，非常鮮！酒釀湯圓都唔會太甜、飯後食岩岩好。雖然枱細，但服務好好，成日未飲完茶就黎加茶、收碟又快。…Read More

在銅鑼灣上班真好，電影院有三間，餐廳也不少，下班後即興看電影也無難道那天下班即興約同事去JP Plaza睇軍艦島😍，發現商場剛裝潢完，新形象新氣象，像小型food court的Festiva引進不少食肆餐廳。見到上海姥姥即雙眼發光，早放工既我一早同同事坐低叫野食啦上海菜最正係咩？當然非小籠包莫屬😋熱辣辣蟹粉小籠包端上來，皮薄有韌度，包住滿滿的蟹粉湯汁，真想一啖食左佢鬆脆香口野都好岩我，這蟹粉扒素鵝即腐皮卷，沾上啖啖肉蟹粉醬，甘香鬆脆，正！…Read More

終於都到秋天la~係時候食蟹la相信最近有搭港鐵都有見到呢間餐廳賣廣告食蟹粉la，所以今晚就嚟試吓la在冷盤方面，某d食物大家可以選擇標準size或輕盈size。我吔想試唔同嘢，所以兩個冷盤都係輕盈size。海蜇同四喜烤麩正常味道，冇咩特別。而食上海嘢點可以少得小籠包，今次叫咗原味同蟹粉，兩款都有好多湯汁，但我鍾意蟹粉多d，因為更加香至於香葱芝麻餅就外脆內軟，仲有肉鬆，有驚喜菜肉雲吞麵加排骨，面係師傅即場拉ge，口感比較軟，我覺得都ok最期待ge就係呢個蟹粉扒素鵝，真係超多蟹粉嫁多到可以用番d蟹粉嚟撈面，正！正！正！黑醋骨都可以，奶油津白就咸咗少少原本想食埋個豆沙窩餅，點知賣哂lu…Read More

在銅鑼灣要找一個地方食餐安樂茶飯，愈來愈困難，到處都是人嘛！這天晚上，因為心血來潮好想吃小籠包，上網查找完，決定到最近的翡翠明珠商場找《上海姥姥》了。踏入門口，發現裝修不同了，而且多了一個名字叫 Festiva！ 分別有《大家樂》、《上海姥姥》、《意粉屋》、《Zakka Cafe》、《米線陣》、《丼丼亭》等。雖然都是連鎖店，但環境開揚，裝修用了很多花花草草令人覺得舒服。說好了要吃小籠包，當然是以上海菜的《上海姥姥》。「特上蟹粉小籠包」 (HK$78/ 4 件)用上傳統的點心籠盛載，皮薄餡多，咬下有大量的湯汁湧出，用湯匙輔助是必需的，肉餡有濃郁蟹粉香，加上熱烘烘，喜歡蟹粉的朋友不要錯過！另一個都是蟹粉菜式，味道及賣相也看似格格不入的「蟹粉扒素鵝」 (HK$108)素鵝外皮炸得香脆，包著大量的雜菌，一脆一軟，沾著金黃的蟹粉毫不突兀，反見層次感，而且素鵝炸得不油不膩，是一道令人驚喜的菜式！…Read More

翡翠明珠廣場裝修都一段時間，最近終於重開，多左好多新面孔。Festiva內有數間餐廳，有多種不同的菜式，提供多個選擇。襯今晚係度睇戲，請試其中一間餐廳，而這家上海餐廳在香港有多間分店。適逢現在開始入秋，又是大閘蟹的季節，所以餐牌上都有季節限定的蟹粉系列。特上蟹粉小籠包 $78金黃的蟹粉令小籠包更見高貴。小籠包皮薄多汁，餡料充足，夾起已經好吸引。餡料的比例得宜，令小籠包夾起也不會穿破。蟹粉扒素鵝 $108素鵝配上蟹粉，先被其香味吸引，中間有大量蟹粉，絕不吝嗇。蟹粉惹味同時又不減素鵝香脆的口感，而且整體沒有太油膩的感覺。相信各位戲迷以後在翡翠明珠廣場睇戲搵食又多個好選擇。…Read More

去左銅鑼灣同朋友食野，見翡翠明珠廣場一樓新開左個food court, 一於試下，有成六間餐廳選擇，不過我們喜歡中菜，揀左上海姥姥。特上蟹粉小籠包$78 , 一籠四隻賣相唔錯，蟹子點綴在小籠包頂，多d顏色賣相更吸引，醋一碟，都要睇d醋能否調起小籠包的味。小心熱，一咬d湯汁破皮而出，灼親嘴添。湯汁好有豬肉鮮甜味而且多，皮薄，不會成團粉的口感，好鍾意！肉餡結實，証明豬肉新鮮，無用梳打粉乸到滑潺潺！要點醋食，佢碟醋好香，微酸，與小籠包湯汁混和，增添鮮味好有幫助！蟹粉扒素鵝$108 ,似腐皮卷，外層腐皮炸到金黄色脆卜卜，好香口！中間果堆啡色野就是主角：蟹粉。裡面的餡料有冬菇、木耳，有齊滑的口感和爽的口感，每啖都好有層次，味道本身是香口而淡味，但加埋蟹粉一齊食就唔同講法，雖然賣相唔靚，但味道一流，好香濃的蟹糕味，好似真係食緊蟹糕一樣，質感是厚身的醬，有加醬油同蟹糕蟹粉一起煮，才令呢堆蟹粉咁香濃。呢餐好似食蟹晏咁，唔洗拆蟹咁麻煩啦，食蟹粉蟹糕都夠，最初驚佢唔好味唔叫咁多野，最後好有驚喜呢！估唔到上海姥姥都幾有水準。…Read More

銅鑼灣翡翠明珠商場 Festiva 經過大裝修後終於開幕，除了可睇戲外，仲雲集不少美食， 大家又好個好去處！先講下環境, 以木和草的設計原素，多處盆栽作點綴，配合柔和的燈光，既簡約又時尚，給大家一個休閒舒適的聚腳點。輪到講美食 Festiva 是由大家樂集團六間餐廳集合而成，分別有大家樂、米線陣、上海姥姥、丼丼亭、Zakka Cafe和意粉屋。不同菜式，各具特式，大家必定大飽口福。第一次來到, 有咁多選擇, 要巡視了幾個圈先得。最後我和友人都被上海姥姥剛推出的一系列大閘蟹菜列吸引了, 的確又是大閘蟹橫行無忌的時候，要一嚐它的美味就要把握時機，不能錯過這個秋日限定呀！***************************看看餐牌, 共有八款蟹粉菜式, 我倆揀了當中兩款。先來一籠特上蟹粉小籠包 Steamed Pork Dumplings with Hairy Crab Roe ($78)。熱辣辣上枱，每個都脹卜卜，一摺又一摺，頂頭放些金黃的蟹粉，賣相很吸引！一挾起，薄薄的外皮 包着滿滿的饀料，相當墜手；咬一口，馬上爆出黃油 和鮮香的肉汁，很誘人！半肥瘦的肉饀 腍嫩鮮香，富有肉汁，除滿有肉香外，還有蟹粉 的鹹香鮮味，的確落足料，真係每滴包汁都不能放過，相信會迷倒不少蟹粉迷。***************************另一款是蟹粉扒素鵝 Assorted Mushrooms wrapped Crispy Bean Curd Sheet with Hairy Crab Roe ($108), 兩排素鵝 中間放了大量蟹粉, 見到都覺得好滿足呀! 素鵝 外層金黃香脆，食落一點也不油膩，中間捲着爽口的雜菌，本身已經很美味，再放埋大量的蟹粉，不單止更顯矝貴，啖啖蟹粉 更為其添上鹹香鮮味，令人忍不住口，一件接一件，正！------------------------------終於等到它開幕啦！將娛樂和多款美食集於一身, 銅鑼灣又多一個好去處, 要快快再約其他朋友仔來餐聚兼睇戲。…Read More

聽講銅鑼灣有新food court 開張，地點係翡翠明珠商場內，以後係銅鑼灣搵食又多個選擇草根成日去銅鑼灣，當然要去巡一巡睇下新 Food Court 咩來頭啦~新 Food Court 叫做 Festiva，一次過結集左大家樂集圑6間餐廳，包括：上海姥姥、丼丼亭、Zakka Café、米線陣、意粉屋，當然仲有大家樂 。呢6間餐廳有齊中、西、日、港式同甜品，場都唔洗轉就可以搞掂正餐同甜品。 去到嘅環境真係唔錯，裝修加左好多木材同植物嘅設計元素，感覺比平日d food count chill d~ 以後去Food Court 都可以好唔頹今次先試左上海姥姥嘅新蟹粉菜式。蟹粉扒素鵝 ($108)Assorted Mushrooms wrapped with Crispy Bean Curd Sheet with Hairy Crab Roe 講真，草根好從來都唔會刻意叫素雞素鵝嚟食，因為都知係腐皮做嘅食物。不過今次特別想試個蟹粉菜式，一於睇下姥姥出品如何。一客8件，素鵝外層係炸左嘅腐皮，口感好脆，中間包左香菇，食落好香口碟中間正正係重點所在----蟹粉汁!!!可以清晰見到一絲絲蟹肉同蟹膏，味道鮮，口感厚得嚟幾滑口。單食已經好好味，加埋素鵝脆身嘅口感真係唔錯啊~而且蟹粉汁份量都算多，夠用嚟送晒d素鵝仲有剩…Read More

Festiva 已登陸銅鑼灣翡翠明珠廣場一樓，場內有大家樂集團旗下六間餐廳，包括大家樂，米線陣，意粉屋，丼丼亭，Zakka，同埋上海姥姥，咁就可以迎合唔同人嘅口味啦。因為工作關係，今個星期第二次到訪Festiva, 拍檔提議試上海姥姥，咁就一於試吓啦。呢度嘅蟹粉小籠包同埋蟹粉扒素鵝甚有名氣，點都要試吓。一籠小籠包有四件，雖然塊皮好薄，但係唔易穿，同時亦透著淡淡嘅蟹粉黃色，一咬落去湯汁仲會湧出來，餡料同肉仲非常鮮甜添。素鵝平時就食得多，但係蟹粉扒素鵝都係第一次試，呢個配搭相當有新意，香脆嘅素鵝裏面包住冬菇同木耳等等，配埋鮮香嘅蟹粉，真係無得頂呀。…Read More