Chef Recommendation Restaurant (Closed)

平時少去東區呢頭，唔係朋友介紹都唔知筲箕灣有間好食既小菜館，於是就特登卜位過黎食啦八點去到門口已經見坐無虛席，卜左位都要等十五分鐘先有得入丫菜式選擇都幾多，凈係睇圖都覺得吸引上菜啦！首先呢，呢度菜既重點一定係帶子，炒得好香，食落又多汁；而蝦亦都好彈牙爽口架而吊燒骨真係俾到我地驚喜，外皮又薄又脆，一咬開就食到香甜既蜜糖味，但肉味同樣濃郁喎，令嗜甜既我不自覺地食左好多舊至於沙薑雞呢，味道就四平八穩啦，無太特別既地方最後係蠔餅，店家用西式薄餅既方式上菜，係幾新穎喎；炸粉一啲都唔厚，食落唔太油膩；裡面落左唔少蠔仔，用料十足，趁熱食就最好啦好耐未試過食得咁痛快了，講緊既係一邊食西一邊同好友吹水到打烊既感覺，爽丫🤤…Read More

平時冇乜幾可會入筲箕灣，今次入去搵朋友，地膽話食呢間就信佢啦！常見小菜同打冷菜式都有得揀，仲有幾款較有特色ge「煮打菜」。打冷唔想左諗右諗，所以叫左滷水拼盤（小），三個人份量岩岩好，每款都不錯，唔會滷得大鹹，醋、辣椒油同埋魚露任你點，另有芽菜執底，幾爽口。潮式爆花蠔餅擺設好似Pizza，d脆脆真係好爆！食落「索索」聲，非常鬆化，仲一d都唔油，唔會炸到好似食緊薄罉咁咁多麵粉，蠔仔份量合理，都幾大粒，新鮮無沙。蜜椒薯仔牛柳粒就食得多，但蜜椒吊燒骨都係第一次食，排骨肥瘦適中，夠晒淋，炸完再落鑊加埋蜜糖黑椒兜兩兜，排骨掛滿晒蜜椒汁，面頭再灑上腰果碎，極之香口，送酒一流。蝦醬落得岩岩好，香而不鹹，通菜亦夠新鮮爽脆。紅燒茄子排骨煲好足料，茄子拉過油保持到紫色，排骨亦同蜜椒吊燒骨一樣係好貨色，熱辣辣！香噴噴！我地好鍾意食蠔，一碟蠔餅點夠喉，整窩蠔仔肉碎粥先，蠔仔同樣新鮮飽滿，加埋芫荽真係一碗接一碗，最後全窩清晒！…Read More

同2位朋友行街，其中一位朋友話好攰唔想再行，咁啱路經一間餐廳，於是就入去坐，順便當早D食晚飯。可能係太早嘅關係，餐廳裡面唔算多人，其中一位朋友仲細細聲講間野冇人會唔會中伏架佢主MENU係紫色嗰份，而另外黃色MENU就精選D菜式做廚師推介。最後我同朋友決定叫 紅燒茄子排骨煲($88)、蜜椒吊燒骨($98)、滷水拼盤(小) ($88)、蠔仔肉碎粥(每窩$102)、蝦醬通菜($70)、潮式爆花蠔餅($96)蜜椒吊燒骨呢個食落有驚喜，佢喺排骨表面搽上蜜糖再燒，表層食落有D焦糖香，黏黏地甜甜地，而裡面肉質食落軟滑，肥瘦適中滷水拼盤(小)，裡面有 墨魚、紅腸、腎、腩肉、大腸、生腸、豬耳、鵝腸、喺底下仲有D芽菜。雖然叫做小，但其實份量都唔算細下。味道都OK，但如果可以滷得再入味少少會更加好，佢上菜時跟左3隻醬俾你點黎食蝦醬通菜，炒得好惹味，唔會太重手鹹得濟，水準之上潮式爆花蠔餅上菜時成個PIZZA咁佢唔會好似部分餐廳D蠔餅咁，蛋漿加蠔仔喺平底鍋到煎到扁一扁咁，係會見到佢係有個層次喺到，所以食落口感夠鬆脆，唔會成口油，有少少蔥花調下味，同埋蠔仔數量都算多紅燒茄子排骨煲，茄子同排骨都煮得夠淋夠入味，但始終都係唔及漁香茄子煲嗰種煮法咁惹味蠔仔肉碎粥(一窩)，呢個份量係好大，建議起碼4個人先好嗌除左份量大，落料都好足。成碗粥熱辣辣，食落去好香蠔仔隻鮮甜味，佢莞茜另上，啱晒我呢D唔食莞茜嘅朋友大合照3個人食連埋加一$596.2，雖然價錢算係少少貴，但佢每碟個份量都好大，味道又好有水準，都算值得題外話: 食到咁上下，愈黎愈多人，仲開始要等位，好彩食得早唔駛等…Read More

午餐時間經常嚟「煮打菜」用膳，因為碟頭飯勁大碟，自己KO一碟勁滿足，又或者一班同事叫幾個小菜食，是另外一種大滿足，每次必叫肉餅，因為肉質彈牙又爽口，令人回味無窮。碰巧今晚無飯食，拉埋同事陪我食埋個晚飯先走，準時六點放工去食，保証唔洗等位，仲可以坐到卡位。兩個人叫咗三個小菜，分別是「蜜椒吊燒骨」、 「糯米釀雞翼」及「蟹肉扒西蘭花」。「蜜椒吊燒骨」勁惹味，排骨的肉肥瘦相間，有少少黑椒味，面層炸到有少少脆，再淋上蜜糖汁，做到有少少焦化的口感，很有驚喜。而「糯米釀雞翼」的糯米飯有少少辣，似係泰式的風味。因為本身已經好夠味，完全唔洗「點」 附送嘅泰式辣醬。食完兩個相對濃味嘅小菜，最後食埋個清清地嘅「蟹肉扒西蘭花」，蟹肉份量十分多，生粉芡唔會太重口，如果可以加番少少顏色配搭，視覺上會更好看。…Read More

是晚和朋友們相聚，有朋友說想吃打冷，於是找了這家挺多好評的小店。小店位置比較偏僻，如果不是特地去，都很難會經過呢。蜜椒吊燒骨(⭐⭐⭐⭐⭐)這裡的吊燒骨似乎是招牌菜，見很多枱都點了這道菜，我們當然也點來一試。果然特別香口。外層似是拔絲，吃下甜甜的，咬下入面的肉竟也嫩口，手藝不錯。蠔仔肉碎粥 (⭐⭐⭐⭐⭐)既然食打冷菜，當然少不了一份蠔仔粥。我們本身想點一窩，但店員建議我們點一碗便夠，想不到一碗的份量竟然相當多，吃四個人都可以呢！黃金煮大蝦 (⭐⭐⭐⭐💢)這裡的蝦菜式很多種，各種煮法，茄汁、黃金、醬油、避風塘炒，任均選擇。我們選了個黃金煮汁，蛋黃醬很香脆香口，炸得連殼吃下都可以呢！蝦很大隻，吃下啖啖肉，好抵食。雜菜鍋 (⭐⭐⭐⭐💢)最後還點了個雜菜鍋，清一清腸胃，味道較淡，就這樣單點吃都可以呢。有各種蔬菜，白菜仔、菜心、菇類等，很豐富呢。總括而言，這間餐廳食物質素高，而且價錢十分大眾化。下次有機會經過也必定會再來。~~~~~~~~~~~~~~~~~~~~~~~~~    煮打菜打冷小菜館 筲箕灣南康街18號康華大廈地下1號舖  推介菜式: 蜜椒吊燒骨、蠔仔肉碎粥 👍🏻惹味小菜👍🏻經濟實惠 …Read More

煮打菜打冷小菜館係友推薦的餐廳，今日終於黎左試喇！煮打菜除左有得叫打冷小菜之外，仲有得打邊爐架！不過第一次幫襯，緊係食返主打既打冷小菜啦！蜜椒吊燒骨$92上碟熱辣辣，香噴噴！豬肉入味，輕輕一咬已經離骨！上左層薄薄的麥芽糖，甜得黎又唔會掩蓋左醬汁嘅味道，再配埋灑喺面既腰果碎，提升香味同口感，送酒一流！金銀蛋浸莧菜$82真係好足料，無論咸蛋定皮蛋，總之真係勁多蛋！莧菜吸收晒兩種蛋嘅精髓，腍滑軟嫩，上湯味道亦夠鮮甜，好味！潮洲爆花蠔餅$88食完頭兩道菜，主角蠔餅就黎喇，時間真係啱啱好！上碟跟左一個剷，方便我地分黎食，夠晒細心。蠔餅的底面都炸至香脆，鴨蛋蛋味濃郁，啲蠔仔仲足足有成隻手指公咁大！啖啖都咬到蠔，味鮮而肉質飽滿，食呢個蠔餅真係一種享受，誠意推薦！煮打菜價錢公道，味道真係唔錯，會再次幫襯！…Read More

同男朋友收工唔知去邊食飯好，打比住係筲箕灣個朋友諗住叫埋佢一齊食，點知佢出差⋯ 佢就介紹我地去佢屋企附近、又有得泊車係街嘅小菜館比我地試下。我地見有小菜又有潮州嘢食，就即管入去「潮」吓～鹵水鵝片$88: 好入味！唔會太鹹，唔點醋都好好味連墊底個豆腐都好入味、又夠滑、豆味濃！$88碟，份量都幾多，抵食！蠔仔肉碎粥$42: 啲蠔仔唔細粒，而且好新鮮！煮得岩岩好，唔會太熟！兩個人叫一碗就夠，都大碗，可以盛滿小碗子幾次。潮式爆花蠔餅$78: 蠔仔肥美，岩岩好，好脆，無油淋淋！Good!蜜椒吊燒骨$88: 連D骨都係脆架~ 甜甜地~ 仲好juicy餐廳環境同價前一樣大眾化，光猛企理，我咁岩有卡位坐，所以食得好舒服，惟抽風唔夠，有少許油煙味~…Read More

「煮打」位於筲箕灣道旁的小街裡頭，距離A3地鐡站出口的確不算遠，路程約10分鐘，當然前提是你先要做好路線圖的功課@!望望餐牌，港島區的消費指數的確相對較高，平均也要$70-80一個小菜，唯有期望質素也有相應的水準?蒜蓉果皮蒸白鱔 $198聽聞蒸白鱔是這裡的招牌菜，現在不少餐廳都較少供應蒸白鱔的菜式，一般都以豉汁蒸為主，取其濃郁的豆豉味為鱔調味，這樣反而蓋過了海鮮的鮮甜味，難得煮打敢以蒜蓉果皮清蒸，相信餐廳一定對食材的鮮味有十足信心。以砂鍋上菜，單看賣相已風味十足，白鱔煲以濃厚的蒜泥鋪底，鱔件則鋪在上面，配以大量的芫茜等。細味之下白鱔肉質鮮甜、幼滑，蒜味完全融入白鱔，蒸白鱔的火候拿捏恰到好處，否則鱔肉太老，會變「鞋」口，影響味道。若然你喜歡重蒜的口味，這裡的鱔煲絕對是你杯茶。由於鋪底的蒜泥太濃，我認為鱔件再沾點蒜泥會完全蓋過鱔的鮮甜。整體而言，這裡的蒸鱔絕對值得一試，至少你不容易在外頭的餐廳吃到這樣蒸鱔手法 @!蜜椒吊燒骨 $98餸名叫「蜜椒」，名乎其實的「蜜汁」和「黑椒」為主要調味。燒骨肥瘦比例均勻，咬下去會發現外面的瘦肉包住肥肉，口感平衡而豐富，十分滿足。不得不佩服廚師的功力，蜜汁的甜美完全包裹著燒骨並滲透到瘦肉當中，與豬肉配合得天衣無縫。送飯一流!!魚湯海味浸白菜仔 $78望到奶白色的魚湯，相信都不用多費唇舌介紹有幾正，最後忍唔住當湯飲了幾啖。反而值得介紹的是配菜的魚干仔和蝦干，大量的魚干仔香脆可口，為軟綿綿的湯浸白菜仔帶來不一樣的口感。此外，蝦干也是優質海味的貨色，原條咬下去充滿海水的咸香，猶如頓時置身大澳海味街。滷水鵝片 $88此店滷水汁味道適中，鵝片則略嫌偏瘦，本人較喜歡7-3比的瘦肥比例，但這裡的鵝片則近乎8-2 甚至 9-1 的比例。除此以外，滷浸鵝片的火喉剛好，而墊底的豆腐則以新鮮取勝，豆味十足，但夾起手則容易散開，廚師亦可能因此而不敢長時間滷浸入味，結果豆腐入味程度未夠理想。…Read More

因為朋友新居入伙, 第一次踏足筲萁灣順道吃一餐便飯。人多少少食小菜好點餸嘛~作為一個外來人, 如沒有朋友介紹或查看網上資料未必會留意煮打的位置。要先行上一段小斜路再轉入內街, 門面低調得街坊先識食七點的晚飯時間人潮己至, 只剩一兩枱空置。甫坐下朋友已經好熱情介紹佢既心水推介, 我也配合全權比佢決定。老火例湯 (4-6人用)出外飯局多自然想飲老火湯湯潤一潤，是日為大白菜豬肺湯，夠哂滋潤啦呢度點菜好有自由度，湯已經有數個選擇，有一碗湯 小煲 大煲 燉湯。我地點既係大煲，勺出六碗絕無欺場～唔知係唔係原煲放入蒸爐呢？上枱湯竟然在沸騰大白菜煲到剛剛開始爛。湯好清一滴油都無，而且無味精少鹽非常健康。因為材料多，少鹽都唔會覺得湯淡味蜜椒吊燒骨自創菜式誠意推介呀！蜜椒並非甜椒，而係蜜糖加黑椒的配搭。排骨用中式咖哩粉醃完再炸，外層是煮杰了的蜜糖，緊緊包住香味唔怕邊夾邊滴。驚喜的還有排骨厚肉卻只連細骨生愊白鱔煲 (蒜蓉果皮)鱔有啫啫煲亦有風沙炸的煮法，白鱔煲朋友想食原味揀左蒜蓉果皮。白鱔比黃鱔肉更肥美更淋滑，而啫啫煮更能保留水份。食到底仲有大量蒜頭乾蔥，難怪鱔肉唔需要點汁都咁入味，撈飯最好。鵝片 (淨肉)平日打冷點一碟鵝隨便就要過百，呢度起埋骨先賣$88, 更送滷豆腐墊底呢。鵝片都有十幾片，片片肉質都好細嫰架。豆腐用新鮮磚豆腐，原來滑豆腐好吸花椒八角味只係汁方面有魚露同香辣油，缺少潮式蒜味白醋平衡一下魚湯海味浸時菜 (白菜仔)本來我想點粉絲雜菜煲，但朋友食過呢款想大家試。時菜當日有勝瓜生菜白菜仔。魚湯浸菜之上乾海味疊的高高的，海味指既係炸白飯魚仔，蝦乾，鮮魷魚。魷魚用新鮮貨所以好滑口，另外有切絲既鮮冬菇融入海味中，自己係屋企整唔到架。飲過豬肺湯仲有魚湯飲，竟然用真材實料隔渣煲到奶白色，又是一滴油都無。食到尾用湯浸魚仔又是另一番風味餐廳行住家風格，少油少鹽無味精，難怪咁多街坊都識佢大名啦…Read More

煮打菜呢間菜館我之前和同事食過兩次，覺得呢度D野食好好食同好地道，所以今次就特意帶男朋友的家人前來試試。我地總共點了5個菜及2個炒粉麵。滷水拼盤拼盤食物種類很多，而且排得整整齊齊，有豬耳、八爪魚，雞腎，大腸，豬腩肉等等。整體味道不錯，但略嫌鵝肉太肥。蜜椒吊燒骨佢個蜜糖醬汁調配得好好，甜甜地，幾開胃，而肉質都好鮮嫩，唔會話太肥或者太瘦。豉油皇大蝦豉油皇大蝦最緊要一定係個豉油啦，而佢的確整得好好，醬汁惹味，有少少甜甜地，但略嫌上菜時不夠熱。潮式爆花蠔餅蠔餅炸得非常香口而且鬆脆，而裡面亦有好多隻蠔，隻隻都好飽滿，十分足料。籠仔荷香蒸爆牙肉餅今晚既主角終於黎啦，呢個肉餅佢有好多配料俾你簡，包括鹹魚，鹹蛋，土魷等等。而我地就簡左銀魚仔。佢地既肉餅比一般餐廳整既肉餅彈牙好多，肉餅之間亦都加入豬耳，令彈牙之餘亦會有爽口既口感，高度推薦 雪菜肉絲炆米及揚州炒飯份量十足，鑊氣十足，我地一行六人叫左兩碟粉麵都好夠飽。食完晚飯之後，最驚喜既就係竟然仲有糖水送，成個"家的感覺"即刻出哂黎。而我男朋友的家人對呢間餐廳都有讚無彈，所以下次我一定要再帶他們來吃。…Read More

真芝士拉絲蝦丸，上枱嗰陣仲熱辣辣嘅，炸得勁脆，蝦肉夠曬彈牙，入面嗰啲芝士真係拉到絲故喎，仲拉到勁長添啊。蒜蓉牛油焗蜆88，蒜蓉同牛油都勁香，喺中式餐廳食到呢樣有小小西式感覺嘅餸菜，有少少 fushion 嘅感覺。蜜椒吊燒骨，雖然每一舊嘅 size 都唔算好大，不過就真係勁惹味，甜甜地爆得又夠香，全晚最鍾意就係呢碟餸，瞬間就俾所有朋友清哂。魚湯海味浸菜心，個魚湯真係勁鮮甜，真係好有魚味，菜心新鮮爽甜，面頭嗰啲炸魚仔更加係畫龍點睛，令到成個餸都好味好多啊。潮式爆花蠔餅，啲蠔仔勁大粒又飽滿，唔會煎得太老，食落中間仲好 juicy，外層有夠脆口，好好食。蒜蓉果皮生煏大白鱔，大白鱔煲一上枱吱吱聲 煲入麵包香咗嘅蒜頭痛紅蔥頭飄來陣陣的香味 白線都算多，用嚟送飯一流。芝士焗大蝦伊麵，芝士味濃，蝦亦都十分之大隻。攞個芝士汁撈埋啲伊麵一齊食就啱哂啦，不過如果啲伊麵唔好咁諗同埋可以唔好咁濕就更加好喇。籠仔鹹蛋肉餅88，之前都睇過報道話呢度既肉餅之所以叫爆牙係因為加埋一啲切碎左既豬耳入去啲肉餅度一齊打嘅 ，咁樣會爽口好多喎，今日一試果然名不虛傳，個肉餅真係勁爽口彈牙，加左豬耳一齊真係爽好多啊，不過如果個肉餅可以再肥多少少就好喇。…Read More

今晚我呢個outdate嘅人去食潮菜，飯店完全喺唔起眼嘅街，唔係朋友帶，我真係會錯過門口一睇Menu，好多嘢都好吸引，今次真係眼闊肚窄真芝士拉絲蝦丸 - 呢個一定要襯熱食，咁先可以拉到絲，如果凍咗，咁佢就會變返做原粒芝士，個蝦丸爽口彈牙，最正係拉絲嗰下，就連我平時唔係好食芝士嘅人都好鍾意~韭菜豬紅 - 呢個無得輸，個湯汁好味到呢，想飲咗佢，個豬紅入晒味，韭菜又係，呢個非食不可蠔餅 - 完全唔可以用蠔仔嚟形容，因為都幾大隻，唔知佢係唔係用鴨蛋炸，因為都幾有蛋香而且非常鬆化，以前聽老一輩講，正宗蠔餅係要用鴨蛋溝出黎先最正宗好味卥水拼盤 - 有豬腩肉、生腸、鵝腸、雞腎、墨魚、豬耳、紅腸，卥水味香，但係如果鹹味再多一啲，會再香，其實都幾入味，係爭少少鹹香蜜椒吊燒骨 - 味道好難形容，但係超好味，雖然係骨，但係都可以做到幾乎啖啖肉，好味椒鹽一口滑豆腐 - 椒鹽唔多，但係勝在有七味粉，所以香香辣辣，都係炸皮唔太厚，一口一粒，熱辣辣，送酒非常好魚湯海味時蔬 - 今次我地揀白菜，因為白菜比較吸湯，魚湯味濃，香胡椒味，非常好味…Read More

今日相約住在筲箕灣的老朋友，他介紹去間紮根已久的打冷小菜店，我們到店的時候還早，不用等就可以入座，但到真正晚飯時間，店內已人來人往了！細滷水併 併盤包括有生腸、豬耳、香腸、豬腸、滷肉、魷魚、等等… …滷肉充滿著滷水汁的味道，又腍又軟，魷魚煙煙韌韌，絶對是水準之作。蠔餅蠔餅炸得金金黃黃，熱乎乎的，很鬆脆，中間部份有不少的蠔仔，加上一點魚露，令整個蠔餅的味道更上層！真芝士拉絲蝦丸一碟八粒的蝦丸，熱辣辣的皮很香脆，口感爽口彈牙，中間加入味道濃厚的芝士，一咬下還可把芝士拉得很長呢！配上特製的甜酸醬，也很不錯！蜜椒吊燒骨吊燒骨肥肉均勻，肉質很軟腍，香甜的醬汁非常惹味，味道夠濃，食多兩件也不覺得肥膩！銀魚爆牙肉餅呢個爆牙肉餅是得獎菜式！眼見八成的客人枱上都有一碟，自然應該就必食吧！肉餅面層的配料是可自選的，包括有鹹蛋、土魷、鮮魷、銀魚、鹹魚及梅菜，我地就選了銀魚。肉餅以蒸籠上菜，以荷葉舖在底部，面層就舖滿數之不盡的銀魚，肉質不死實，入口肉汁多，香濃又彈牙，原來肉餅加入左豬耳，所以比一般的肉餅較為有咬口，師傅果然是有心思，難怪是得獎的招牌菜式！魚湯海味時蔬最後，來個魚湯小白菜，清甜的魚湯配上新鮮小白菜，一個簡單的菜式也不會做得馬虎，也是最能看到師傅的功力喔！筲箕灣的老朋友果然是好介紹，下次一定會再來探探這位老朋友啊！…Read More