Charisme Pavillion

來到這家位於灣仔的私房菜館，佈置簡潔清雅，店員的服務態度細心周到，讓我們感到賓至如歸，隨意的開了壺菊花茶嘆嘆，人齊了各人都選了自己所愛的餸。先來了杏汁燉白肺湯 ~材料豐富，味道鮮甜可口，香濃幼滑。青芥冰燒雞~把所有材料砌成條狀如海蜇、醃製過的青瓜、薑等等，再加些芝麻、炸脆了的芋頭絲及手撕雞，又脆又軟加上wasabi混在一起食，滋味無窮。蝦子生扣柚皮~味道豐厚，有著濃濃的海鮮和鮮肉味，入口即融，不禁多吃兩口。順德煎釀鯪魚~煎香了的釀原條鯪魚肉香氣逼人，魚肉鮮嫩，口感豐富獨特。順德焗魚腸~上層焗得焦香，下層的魚腸仍甘香滑嫩，不腥不膩，火喉掌握得恰到好處。污糟肉蟹椒香米粉~米粉吸收了蟹肉本身的鮮味及其獨特的調味料，有著迷人的味道，令人回味無窮。蝦乾魚肚浸大芥菜煲~蝦乾鹹香和魚肚的鮮味與大芥菜的清甜互相輝映，確有風味。油鴨肶拆肉膶香爆葱滑雞煲仔飯~熱氣騰騰地端在枱上，香氣四溢，令人垂涎，把油鴨肶和膶腸拆成一條條，再混上冬菇、葱花等等一起食，取片雞肉吃，鮮嫩可口，無法抗拒。即做蛋白杏仁茶~潤肺養顏，口感綿滑。總的來說，這家私房菜提供了正宗順德名菜，廚師的用心製作及做出各式手工粤菜，過程中的繁複與費時，是難以形容，現今很小烹調這些傳統菜式！…Read More

新年食團年飯，梗係要食中菜。今次揀咗朋友介紹嘅依間順德私房菜試吓。入到嚟，依一間私房菜有好多間房，坐得好闊落，傾偈都好舒服，唔會好似啲普通酒樓咁嘈。🥢杏汁燉白肺湯首先，我哋飲咗一個杏汁燉白肺湯，一個我好鍾意嘅養顏滋補湯。呢個湯燉到奶白色，好足料，有好香嘅杏仁味，非常香甜清潤。🥢冰鎮鮑魚鮑魚好彈牙，唔腥，食落口好鮮甜，唔點Wasabi豉油都好正。🥢醬爆黃金蝦多士蝦多士鋪有厚厚一層鹹蛋黃醬，鹹香惹味。加埋新鮮炸起嘅蝦多士，真係十分邪惡嘅人間美食！🥢順德煎釀鯪魚食完蝦梗係要食魚，就係食順德名菜。上菜嗰陣，原本以為食原條煎魚，點知內有乾坤！鯪魚肉好彈牙，加上外面煎到香脆嘅魚皮，食落口感更上一層樓。🥢蝦乾魚肚燉芥菜食完啲濃味嘢，當然要食返清清哋嘅菜。芥菜好清甜，而且煮到好腍。魚肚都唔腥，食落爽口，加埋清甜嘅魚湯，消濟一流👍🏻🥢 XO醬海鮮炒飯呢個炒飯海鮮配料都算多，而且炒得好乾身，加上微辣嘅XO醬，每啖飯都好香口！屋企人食完都讚不絕口。🥢蛋白杏仁茶甜品成為我今晚最愛😍 蛋白好滑，杏仁茶好香，成個糖水甜而不膩，一個非常滋潤嘅糖水，為今晚做一個完美嘅總結！…Read More

下班和朋友慕名來吃位於灣仔的正宗順德私房菜。餐廳地理位置非常方便，從灣仔地鐵站A3出口出來走幾百米見到有棟大樓門牌寫著灣仔道83號，進去坐電梯上二樓就是餐廳。點餐的時候由於餐牌上的菜品非常多，和朋友選來選去樣樣都想吃，於是詢問店員有什麼推薦，最後我們點了幾樣店員給我們推薦的餐廳招牌菜：杏汁燉白肺湯店員推薦前還特意問我們吃不吃內臟，我和朋友都吃所以給我們推薦了這個燉湯。湯汁非常濃郁，每一口都非常香甜，白肺很嫩，每碗湯裡面的材料都非常足，十分推薦！冰鎮鮑魚鮑魚個頭很大，一口咬下去非常彈牙，是新鮮鮑魚的口感！配上店裏秘制的燒汁芥辣醬，酸酸甜甜又帶有一點點芥末的微辣感非常惹味好吃！黃金蝦用的是大蝦裹上鹹蛋黃和燕麥片，一口咬下去外酥內嫩簡直太愛了。就連裹在外面的燕麥都被我們全部吃掉。煎釀鯪魚非常有特色的一道菜，端上桌以為是一整條魚，夾起一塊才發現裡面是魚蓉，味道本身已經非常鮮甜，再搭配澆上的燒汁口感更濃郁。生炒臘味糯米飯份量很大用料十足，甜甜鹹鹹的味道，每一口口感都非常豐富，糯米軟硬也恰到好處，好吃到停不下來。最後我們還點了一份青菜和一個甜品，甜品也是現做的蛋白杏仁茶也很好喝。總體來說從菜品到甜品都非常有水準！不愧是經營了二三十年的正宗私房菜！值得推薦…Read More

 幾兄弟姊妹假日相約飯聚，疫情放緩難得相聚大家表示要吃精緻和有質素的！中式菜一定首選位於灣仔道這間*名門私房菜 * 大家都喜歡！上回吃過對品質有信心！   先訂座，大家都對食物味道有一定的要求，選擇*名門私房菜*就是想吃他的招牌菜和經典創意菜式。所以預先訂了一些招牌菜和燉湯……我們六時多來到巳見廂房已坐有食客了。這裡有不少名貴菜式和馳名家鄉小菜，也有商務，皇牌，尊貴和經典……等。套餐組合供選擇豐儉由人。餐廳環境舒服雅緻。先出預先訂定的燉湯~蜜瓜響螺燉瘦肉鷄湯 /例滾熱辣！香噴噴的！連湯渣一起上……單看湯渣就知足料！芳香樸鼻！湯汁清純而濃郁火候十足，非常鮮甜清潤！冰鎮鮑魚 配 燒汁日式芥辣~瞄頭十足！ 隻隻大小均一，凉冰冰肉質幼嫩爽滑脆口！很入味淨食口感鮮而清新，再點燒汁芥未醬即時令味覺添上另一鮮濃的層次！大家吃得津津有味！以後這道菜一定要點！98元一隻 絕對超值！荔芋香酥鴨一隻 (預定)還在回味着鮑魚之際……香噴噴的……香酥鴨更令我們興奮不巳！霸氣十足的賣相！即時食指大動！熱辣辣！外層酥酥脆下有軟綿綿的芋蓉又香又滑夾着的鴨，肉質又鮮又嫩！這道可供十人享用的菜給我們幾位吃清光了！實在太出色！真是齒頰留香 ！糯米炒糕蟹~(預訂)這個菜職員推介也是招牌菜之一，當然要點了！超滾熱的瓦撐發出吱~吱的聲音……一陣陣的鮮香飄出，當蓋一打開！大家都……嘩！一聲！太興奮了！先吃氣氛已經值回票價了！約有斤多重的糕蟹一隻，厨師巧妙的將蟹糕拆出加入糯米一起炒，糯米吸收了蟹的精華鮮甜到不得了！而蟹的外殼薄而脆肉質又嫩又滑非常香口！ 味道真是無械可擊！麵醬啫啫唐生菜又是滾熱的瓦撑！散發出麵醬的甜香！生菜清甜爽口。材料簡單的一道啫啫生菜就是炒得味道與別不同！蛋白杏仁茶~即磨即煮杏仁味香濃，蛋白口感滑滑。甜度適中真材實料！由第一度菜至杏仁茶，都 顯現了廚師的真章 ！真的回味！ …Read More

為食老友安排這頓順德私房菜，一行六人都好期待今次厨師的作品😀實而不華的佈置，侍應殷勤，主持人更落力解釋每道菜，所以熟客頗多，好有屋企感👏今餐八道菜式依上菜序列:傳統原個冬瓜盅，時令材料，湯底清鮮，湯料十足，非一般靠味粉調味之作😋冰鎮鮑魚(燒汁芥末醬)拼手撕雞，鮑魚入味又爽口，入口清香，可捨配汁; 手撕雞據店主說是經多番研發之成果，手撕雞中加入切絲自製子薑，炸芋頭絲及其他配料，混日本芥末汁，入口辛甘鮮脆，又不乏咬感，好好醒胃前菜😋👏金錢蓮藕餅拼大良炸鮮奶，兩款炸物味道各有千秋，蓮藕餅爽脆甘香，炸鮮奶外脆内嫩滑奶香散溢😋秘製陳皮豬肋骨以老，新，九製三種不同陳皮烹調黑毛豬肋骨，取甘，酸，甜三味，肉質軟硬適中，肋軟骨一咬即断，陳皮香味濃😋😋生拆蟹肉蟹膏炒蘆筍，蘆筍脆嫩無渣，以膏蟹肉及膏快炒，蟹香撲鼻，足見用料上乘😋😋油浸大筍殼魚，皮脆肉嫩，好魚的我把魚頭亦吃了，久違了的一道順德名菜😋😋不辣啫啫雞，店主特意走辣因單尾炒飯用了xo醬，不辣的啫啫雞嫩滑可口，又另一風味😋😋自家製XO醬名門炒飯，米飯粒乾身有嚼感，炒料勁多，有蝦粒，火腿粒……，xo醬香辣味滲入飯粒，好辣者必愛的滋味😋😋店主推薦甜品蛋白杏仁茶，蛋白滑，杏仁味香，正好完美地為這順德私房菜作結👏👏…Read More

最近成日食西餐食日本嘢，今日同老公心有靈犀都想食中菜，我哋打算出灣仔藍屋建築群同富德樓行吓，於是上網睇吓附近有無好嘅中餐廳，就俾我哋搵到哩間順德私房菜。餐廳鄰近地鐵站，好容易搵。裡面裝潢簡潔舒適，寬敞闊落，富空間感，最重要係乾淨企理同比酒樓寧靜得多。我哋叫咗二人精選經濟實惠套餐：1️⃣ 冬瓜豬骨薏米湯湯好夠火候，夏天飲啱晒，可以消暑、去濕同消腫，正！2️⃣ 椒鹽茄子粒🍆皮炸得好酥脆，椒鹽惹味，估唔到茄子同椒鹽咁夾。3️⃣ 順德煎釀鯪魚🐟哩道菜第一次食，賣相好特別，好過癮。食落去啖啖肉，鯪魚肉加入芫茜味更香，煎得好脆，點上豆豉香菇醬汁，味道可口！4️⃣ 金針雲耳蒸雞🐓好掛住哩道菜，以前我婆婆成日整，好有家鄉感覺。雞肉好新鮮嫩滑，雲耳金針好入味，不過略嫌油咗少少🤏🏽。5️⃣ 炒菜心🥬菜心新鮮香甜，加少少鹽吊吓味已經好正！6️⃣ 蛋白杏仁茶杏仁味超香濃，口感好厚滑，甜度剛剛好，加入蛋白真係養生又養顏，女士恩物。🏆✨哩度最值得讚嘅係侍應服務好親切周到，我同老公都異口同聲話有賓至如歸，老街坊嘅感覺❤️。下次一定要帶埋阿爸阿媽嚟，唔使成日去茶樓咁悶。…Read More

平時好少係香港區食飯, 多數係九龍區活動, 今日同朋友去完staycation係呢邊所以就食埋飯先回家由於朋友鐘意食中菜, 早兩日就book左呢間好多好評嘅私房菜一入到餐廳侍就好熱情咁招待我哋, 裝修比較懷舊而高雅, 座位之間都好闊落舒適, 一坐底侍應叔叔就幫我哋開茶, 普洱/鐵觀音/菊花茶/香片之中揀左菊花, 壺茶送緊過黎已經聞到陣陣花香, 我自己好鐘意飲花茶, 香氣撲鼻真係無得頂!✨冰鎮鮑魚鮑魚係已介開帶子位, 食落非常方便食落有淡淡酒香, 單食左一啖, 唔使沾醬汁已經好夠味, 再沾下個wasabi燒汁, 味道更豐富✨漿爆黃金蝦多士😱呢道菜真係驚豔到我, 上層係用牛油炒過嘅蛋黃醬,之後下面係有層炸多士, 中間夾住大大隻鮮蝦同埋(估計係)手打蝦滑, 味道非常有層次而竟然不會太油膩, 雖然邪惡不過好出色✨鯪魚球生菜豆腐煲岩岩食完濃味野, 食個清淡d嘅鯪魚豆腐煲隔一隔岩岩好, 廚師同侍應都好細心, 呢個煲睇落簡單, 但非常清甜, 而且魚肉一d都唔會腥, 豆腐嫩滑, 生菜爽脆✨皇牌酥炸牛坑腩炸得好靚, 一d都唔會索油, 牛坑腩帶筋同油花, 沾埋喼汁平衡返解滯, 牛味好重, 極之惹味!✨招牌哈哈哈芥蘭煲芥蘭煲非常有鑊氣, 而且好足料, 有鮮蝦, 巨形蝦乾同埋XO醬, 煲住佢非常保溫, 食到最後仲係熱辣辣✨名門炒飯其實食到最後都真係幾飽下, 畢竟兩個人已經食左6道菜, 幾乎係飽到上心口, 我同男朋友都預左食唔曬, 開頭覺得炒飯都係普通嘢無特別期待, 但係呢個炒飯真係令我好驚喜, 鑊氣, 香氣, 夠乾身, 粒粒分明, 令我停唔到口, 而且佢係好足料, 有瑤柱、冬菇、蝦、臘腸、蛋等等, 而且有少少辣椒調味更加惹味✨甜品蛋白杏仁茶淡淡杏仁香, 而且蛋白好滑腐竹薏米白果糖水腐竹味香氣怡人, 甜度適中, 美味⭐️總結: 食物可口之餘, 侍應服務亦非常周到, 除了經常留意我們所需, 更會關心食客的意見, 不時詢問對菜式是否滿意而且介紹每個菜的煮法, 令我想起早前到酒店吃中菜的感覺, 非常窩心. 有如此服務實屬難得!真是非常滿足的一餐! 希望多啲人認識這家有誠意又有質素的私房菜!…Read More

和爸爸來這間頗出名的私房菜，地點位置一流，就在人來人往的灣仔，大友商場附近。地方大得來用上雪白的主題，一種乾淨、簡潔、舒適感覺。【特式冰鎮鮑魚】配燒汁芥辣醬，每人一隻，鮑魚新鮮的味道又帶有冰涼的口感，咬落去肉質結實，而燒汁芥茉醬又鹹又辣，味道非常濃郁。【馳名順德煎焗雞】雞肉味道鹹鹹地，又多肉汁，雞皮又香脆，每件雞件大小差不多，一口一舊，調味做得很恰當，配上不同的紅椒、黃椒、香蔥，配白飯太好吃！【蛋白杏仁茶】簡單滋潤美味，滑嫩的蛋白杏仁汁味道，一口接著一口吃！杏仁汁味道濃郁，很足料。價錢的確有些貴，不過味道和服務對得起價錢。…Read More

原來名門已經有17年嘅歷史，地方裝修簡單但菜式味道就一D 都唔簡單，最近正值飲食業寒冬，如果大家都想食好西就要多多支持呢D 僅存嘅小店。順德煎釀鯪魚 外表係一條完整嘅鯪魚，但實際上已經釀滿晒鯪魚肉，而為左要釀滿成D條魚，足足要用3條鯪魚先足夠，加上釀鯪魚肉嘅時候唔可以整爛魚皮，所以係一道相當考功夫嘅菜式。整道菜入口啖啖肉，岩晒鐘意食魚但又怕魚骨嘅人。哈哈哈芥蘭煲係因為用上蝦、蝦乾同蝦醬去煮芥蘭，所以得名為哈哈哈芥蘭煲，整個菜味道偏濃，用黎佐飯一流！灼清菜好新鮮嘅菜，白灼嘅菜可以中和返哈哈哈芥蘭煲嘅濃味 蓮藕餅 & 大良炸鮮奶蓮藕餅係用蓮藕切成薄片後，中間釀蓮藕同豬肉碎整成嘅肉塊，外層脆卜卜得黎內層就鬆軟，作為餐前小食一流！而大良炸鮮奶一樣外脆內軟，咬一口之後濃濃嘅牛奶就會慢慢流出，正！蛋白杏仁茶作為最後嘅甜品，而且由於係即叫即整嘅關係，對甜度有要求仲可以同店員講TIM，非常體貼。…Read More

最近疫情都幾嚴重，所以我哋一班好姊妹飯聚，都係選擇食私房菜比較穩陣安全。姊妹介紹這間位於灣仔商業大廈內的順德私房菜，佢話食過都唔錯。這裏環境寬敞，私隱度高， 枱與枱的距離隔很遠，感覺很安全。👍食物到來了：冰鎮鮑魚，厚肉，很鮮味，每隻size都很大，要用刀叉享用才夠高雅，配上有wasabi的醬汁，能帶出鮑魚的鮮味，十分匹配。😋冰燒雞， 好像手撕雞一條條雞肉絲，雞味濃郁，再配上酸薑絲、芋頭絲、青瓜絲及彈牙的海蜇，味道清新，又帶點酸薑的辣味，很特別。黃金蝦，一上檯就很吸睛，大大隻炸得甘脆的蝦，表面舖滿炸過的燕麥。 搣開蝦頭 ，布滿了滿滿的蝦膏。蝦的肉質爽滑， 加上咸蛋黃的香， 刺激味蕾。正👍蝦子柚皮, 柚皮炆得入味且軟淋，蝦子 舖滿在表面，鮮味十足，送飯一流。麵醬啫啫唐生菜， 第一次食這道菜，無想過啫啫煲可以配蔬菜，出來效果很好， 唐生菜爽甜，加上野味的麵醬，唔錯。瑤柱肉鬆蠔仔泡飯， 材料有蠔仔、大地魚 、蝦乾及瑤柱，這4樣海產加起來已經鮮甜無比，還配上肉碎、芫茜、陳皮及唐芹，材料充足，真想再來一煲。蛋白杏仁茶，香濃的杏仁味，配上蛋白，煲得夠杰身，食下去覺得滋潤喉嚨，還有養顏的功效呢😍食完飯聽到新聞話後天開始要禁止晚上堂食，不知幾時可以再來，食這間好味的私房菜。希望疫情快快退去🙏🙏…Read More

疫情下朋友聚會少了很多，所以每次相約例必找間可慢慢ㄧ邊食ㄧ邊傾的好食 肆，私房菜當然是個好選擇，今晚朋友找來在灣仔的「名門私房菜」。雖然是私房菜，但進店前仍然要量體温，店員還遞上搓手液，可見做足功夫。冰鎮鮑魚大大隻雪白乾淨的鮑魚，送上檯時，店員提醒我們要趁凍食，還介紹鮑魚已用調味煮熟再冰鎮，所以已有味道，但亦可配襯碟旁的芥辣醬油來食，可更惹味。切開放入囗中，嫩口彈牙，鮮甜味濃郁，在夏日炎炎的日子，用冰鎮這烹調方式，真係加了不少的分數。冰燒雞 是另ㄧ道前菜，用燒雞、芋頭絲、青瓜絲、海蜇、芝麻、子薑、辣椒多種材料，全部切絲混合而成，口感層次分明又清爽，醬汁咸甜適中，另外加入子薑絲，多了ㄧ份酸甜和薑的清香，再配襯埋炸脆的芋頭絲一起食，真係食唔停口。黃金蝦 師傅將大大隻虎蝦身開邊炸香，沾上咸蛋醬，外層還舖上香脆麥片，令到整體味道不會油膩，又不失咸香味道。蝦身口感扎實彈牙，蝦頭充滿蝦膏，整隻蝦味十足，令我忘懷。蝦子柚皮這道傳統菜式不是什麼貴價食材，但功夫多多，要將柚皮多次浸泡和出水，令到柚皮去除苦澀味，再用上湯炆煮，灑上蝦子提鮮，是ㄧ道拌飯的好菜式。麵醬啫啫唐生菜唐生菜放在砂窩內，淋上甜麵醬爆炒。鑊氣十足，調味亦恰當好處。瑤柱肉鬆蠔仔泡飯泡飯內有蠔仔、肉碎、瑤柱、蝦乾、大地魚、唐芹、芫茜、陳皮，材料十足。嚐ㄧ口，複雜而鮮甜味道盡在口腔中，久久不散，回味無窮。蛋白杏仁茶白雪雪而幼滑的杏仁茶，十分香濃，再加入蛋白口感多一份層次，正!!番薯糖水黃金番薯煲得剛好，軟硬適中，再配上 充滿薑味的糖水，可以去寒，又不會過甜，好好味。總括來講，這間私房菜，環境舒適，交通方便，侍應殷勤，菜式出眾，真是一間很不錯的私房菜。…Read More

總覺得食私房菜有點尋幽探秘的感覺， 如同到訪別人的家，由屋主發板那樣。客人的喜好可以直接同廚師反映，拉近相方距離。朋友訂了一間歷史悠久，位處灣仔 一座商業大廈樓上的馳名順德私房菜，地點並不難找，距離地鐵站只有數分鐘腳程，再往街尾走前少少剛好有一個街市，優質食材近在咫尺。侍應在確認訂位名單後，便會為每一位客人量度體溫，門口有搓手液供應，雖則話私房菜，但把關依然嚴緊。朋友一早已到來打點， 所以甫坐下， 餸菜便很快送上。冰鎮鮑魚大隻、肉厚、色澤光亮，絶對令人食指大動。因為原隻連殼上檯，體積大，所以飯店供應了刀叉，讓客人細味品嚐，感覺份外高級。鮑魚經長時間滷製， 每一口也感受到那鮮甜味道， 咬落煙韌彈牙，配上自家調製的燒汁芥辣醬，帶少少甜味，又帶點微辣，非常惹味。冰燒雞大堆頭製作，材料豐富，將雞肉、子薑、炸芋頭、青瓜、海蜇，全部切成絲，混合而成。當中的炸芋頭絲不但切到近乎頭髮般幼細，且放久了仍能保持到其香脆的狀態，加上嫩滑雞肉及其他材料，咬起來相當爽脆，口感豐富。黃金蝦一上檯已聞到好重的鹹蛋味，飯店選用手掌般大的鮮蝦製作，賣相出眾，外層灑上麥皮，再一齊炸，甘香鬆脆，不油膩，蝦肉厚，且鮮甜彈牙， 簡直令人回味無窮，大家連炸到香脆的蝦頭也不放過呢。蝦子柚皮這個菜製作工序繁多，為的是要去除柚皮本身的苦澀味及將起渣的部份去除，又要慢火炆，是一個頗花功夫、時間的菜式。柚子皮去澀後， 本身其實冇味 ，主要是靠芡汁以及食其口感，所以柚皮要煮至軟淋 ，索 滿芡汁，面層再灑上蝦子粉，食落才會甘香味美 。今次這道菜芡汁較得剛剛好，吃起來還帶少少柚皮的芳香。麵醬啫啫唐生菜沙鍋的熱力令麵醬的香味更突出， 鑊氣十足；唐生菜油潤有光澤，爽口得來 ，仍充滿水份，令人食到津津有味。瑤柱肉鬆蠔仔芫茜湯飯 負責人話這道菜是第一次推出，試試食客反應。個人對湯飯有種情意綕，對於蠔仔更有難以言語的喜愛，這款湯飯正合我胃口。材料有：唐芹、大地魚、 細蝦乾、瑤柱、蠔仔、陳皮、芫茜等等，煮出來的湯底非常鮮甜，味道濃郁，與吸滿湯汁的軟熟飯粒、蠔仔一同吃，簡直每一口都令我驚嘆，那骰鮮味仍令人念念不忘。是日糖水有兩款 ~ 蛋白杏仁茶 、薑汁蕃薯糖水蛋白杏仁茶最喜歡蛋白杏仁茶的滑溜口感，杏汁味濃郁，而且每一口都吃到適量的蛋白蓉，曽添咬口，質感濃稠，真材實料，潤肺養顏，不錯 !薑汁蕃薯糖水甜度適中，選用黃金番薯，色澤鮮橙，爽口不起渣，有蕃薯味之餘還富有紅蘿蔔的清甜味道，配合老薑一齊煲，那股甜味與老薑的辛辣味一同由喉嚨直逼胃部，這種感覺，只有薑汁蕃薯糖迷才會懂得欣賞。在進餐期間 ， 政府宣佈因應疫情關係，兩日後所有食肆由晚上6 時至翌早上5時禁止堂食，為期一周，正心想私房菜也可能要改攻夜市外賣之際。赫然發現餐廳侍應正忙於處理一堆外賣中， 原來這裏也有外賣供應， 在疫症期間，能夠吃到具質素又冇味精的飯菜，再加一個美味的糖水，其實好過自已煮啦。…Read More

今日約左三五知己到灣仔吃私房菜，我們預先訂定位，準時到達，門外已經放了消毒搓手液，紙巾及濕紙巾提供給客人。這裡地方骨子，很有家的感覺。冰鎮鮑魚，這個冰鎮鮑魚很大隻，鮑魚本身的鮮味，加上師傅調味，淨食已經好夠味，師傅還用上日本芥辣，辣椒等材料做上醬汁，客人可隨自己的口味調較味道，其實鮑魚本身已經好入味，鮑魚質地厚實，咬一口軟硬適中，爽口鮮甜，淨食已經好好味，如果加上醬汁一起吃，辣中帶甜，有另一番風味。冰燒雞其實是用上雞絲，加上青瓜絲，海蜇，芋頭絲和子薑，入口有甜甜酸酸的子薑味，芋頭絲切得很幼細再加以炸脆，青瓜絲也同芋頭絲一樣切得差不多大小，連同雞絲和海蜇一起吃，海蜇雞絲有甜甜酸酸的子薑味，我都是第一次吃到，估不到用上子薑和脆脆芋絲可以令到成道菜生色不少，本人真得很欣賞之餘，還吃不停口呢！黃金蝦一上枱就有種攝人魅力，因為見到蝦都頗大隻之餘，見到它炸得很金黃，和面頭有一些一碎濕濕的東西，再望真一點，原來是麥皮碎，炸得很香，尤其蝦頭，蝦頭裡很多膏和有種咸咸香香的味道，應該是用上鹹蛋調味，炸得又香脆，成個蝦頭都可以食落肚，蝦身啖啖肉，彈牙爽口，真的很出色！蝦籽柚皮，柚皮燘得很入味軟腍，蝦籽撒在柚皮上，多一份咸鮮味，柚皮吃落不會有苦澀味和不會覺得燘得過火，做得不錯！麵醬啫啫唐生菜用上麵醬烹調非常惹味，唐生菜都煮得不過火，吃上去還很脆爽甜，份量也很多，平時啫啫的食物都會有點過鹹，但它惹味得來又不會過鹹，廚師在調味和時間掌握都做得好好！誠意推介瑤柱蠔仔肉松泡飯，老闆說這個泡飯都是剛剛推出，泡飯的湯很濃郁，材料非常豐富，有芫茜，肉松，大地魚，唐芹，瑤柱，陳皮，蝦乾，蠔仔，味道非常可口，我和朋友都要話再添吃呢！估不到剛剛推出就已經有那麼高水準！正！蛋白杏仁茶味香，很有杏仁味，杏仁茶因裡面有蛋白，令到杏仁茶比一般杏仁茶稠一些，味道不會太甜，杏仁加上蛋白香味來得很合拍，來這裡一定要點啊！！來得這裡，老闆都一定會送上一碗蕃薯糖水，蕃薯糖水薑味很香，帶點辛辣，蕃薯都很香甜，朋友都很喜歡！這裡的私房菜真的名不虛傳，食物質素也很高，如果喜歡吃私房菜就不可放過！…Read More

一行四人，為友人慶祝生日，朋友想食中餐，最後選擇了呢間，一間全無味精嘅中餐廳杏汁燉白肺湯 ($98/碗，兩位起)怕太飽，又想飲湯，所以叫了兩碗 share，一直好喜歡飲白肺湯，可惜出面已經買少見少了，奶白色嘅湯，味道濃稠又滑溜，好香杏仁味口感滑溜。豬肺清洗得好乾淨，無特別嘅味道，仲好軟滑焗釀蟹蓋 ($248/隻，兩隻起)呢個蟹蓋材料豐富，有新鮮蟹肉、洋蔥同瑤柱，平時食嘅蟹蓋通常都加入白汁，呢個就材料十足，蟹蓋上釀上餡料，再加芝士焗，表層焗得到金黃色，因為無加任何汁料，所以好鮮甜，啖啖蟹肉，係非一般嘅焗蟹蓋薑蔥海龍皇 ($488) 海龍皇其實係海鮮煲，有金蠔、鮑魚同大蝦，外脆內嫩嘅蠔，大大隻，蠔味濃郁；鮑魚肉厚、肉質嫩滑鮮甜，大蝦彈牙又鮮甜；仲用咗好多薑蔥，唔怪得上菜時咁香鵝肝蝦多士 ($188/件)大大塊鵝肝，外脆內軟，入口即溶化，個汁用缽酒做，酸酸甜甜，加埋沙律菜感覺上無咁油膩，蝦多士正正方方，脹卜卜，釀滿蝦肉，又彈牙，炸至金黃色，香脆得來又乾身豉油雞 ($268半隻）半隻雞，用瓦煲上，好多汁，雞剛剛熟，好嫩滑，味道剛好不會太鹹，加碗白飯就prefect蝦乾魚肚大芥菜煲 ($168)喜歡大芥菜嘅甘味，呢個好大大件，仲好清甜，好淋又唔爛，個湯仲好清甜到不得了名門炒飯 ($208)呢個炒飯材料豐富，有雞粒、冬菇及蝦，粒粒分明，又夠乾身，鹹度適中南瓜西米露 呢個係送嘅甜品，橙黃色，賣相吸引，南瓜味濃，仲食到些南瓜茸，好口感蛋白杏仁茶 ($48/位)朋友喜歡杏仁茶，叫了一碗，由南杏北杏磨成，再加上蛋白，好香滑，又不太甜…Read More

久聞呢度嘅私房菜，今晚約埋幾個朋友一齊嚟試，人多幫手食多啲野！杏汁燉白肺湯 ($98/位，兩位起)奶白色嘅湯既濃稠，杏仁味道啱啱好，唔會太搶，口感滑溜。入面嘅豬肺處理得好乾淨，一啲不安嘅味道都冇，彈牙軟滑鮮蟹肉洋蔥瑤柱焗釀蟹蓋 ($248/隻，兩隻起)普通釀蟹蓋成日食，原來佢哋用咗新鮮蟹肉，加上好多好多嘅洋蔥及瑤柱，表層焗得有少少焦香，入面軟綿，味道清甜，啖啖都係蟹肉，好滿足！薑蔥海龍皇 ($488) 金蠔外脆內嫩，入口甘醇，蠔味濃郁；鮑魚肉厚肉質嫩滑，甘香有嚼頭；大蝦爽脆彈牙，味道鮮甜；整個煲都好有薑蔥嘅香味，如果可以加啲粉絲喺底會更正！！！鵝肝蝦多士 ($188/位)炸得金黃香脆啱啱好夠乾身，上菜前應該用紙吸油，所以一啲都唔覺油膩，蝦膠打得彈牙香甜又厚身，仲有隻小蝦尾，賣相趣緻；上面嘅鵝肝好大塊，煎得外脆內軟，入口即溶，旁邊嘅缽酒汁徘徊在似酸又甜之間，正好中和咗鵝肝嘅油膩感豉油雞 ($268半隻）一上菜已經哇哇聲，實在太太太吸引喇！雞啱啱好熟，唔會過老，嫩滑到不得了！係配角亦係主角嘅豉油真係堪稱完美，唔會過鹹不得止，仲有一種獨特嘅甜味，雞肉盡吸豉油嘅精華，非常入味！好在呢個時候炒飯到了，梗係要即刻撈飯食啦，好味到想喊！蝦乾魚肚大芥菜煲 ($168)大芥菜非常大塊，一啲苦澀味都冇，只有濃濃嘅清甜，而且唔會煲到好爛，煮得啱啱好仲keep到咬口感，其實個湯都香甜到不得了，雖然飲完個白肺湯之後個肚已經漲晒，不過太好飲喇，最後都係飲晒！名門炒飯 ($208)點都要食返個飯先係食飯㗎嘛，深色嘅炒飯粒粒分明，上菜時啲飯粒仲喺個砂鍋入面跳吓跳吓沙沙聲咁，夠鑊氣又吸引！炒得夠晒乾身，鹹度適中，入面有雞粒、冬菇及蝦，口感豐富！太好味嘅關係，明明已經好飽，最後都食咗3碗飯......蛋白杏仁茶 ($48/位)係我嘅最愛呀！要求一碗冇落糖嘅，齋食杏仁茶嘅味道，正！佢哋用咗南杏北杏磨成，再加上無限咁多蛋白，香滑得嚟又有蛋白嘅口感，入口甘醇。我問老闆點解有咁多蛋白，佢話原來呢個係正常份量，喺外面真係冇食過有咁多蛋白嘅蛋白杏仁茶呀，好幸福呀！南瓜西米露 雖然係送嘅但絕對唔失禮，橙黃色嘅賣相已經夠晒吸引，南瓜氣味清香濃郁，仲有一絲絲嘅口感，又係食到一啖都冇剩！份量夠大，味道又好，今晚食得超開心捧住個肚走！既然呢度係食順德菜，咁下次一定要早啲預訂手拆魚雲羹，老闆話只要我想食乜，佢都會盡量整俾我食喎，期待！！！…Read More