Eat Together (Queen Victoria Street)

自從中環街市及大館成為文創新地標後，不時都有去行下，不過呢頭搵食就覺得偏貴，想食好啲既無兩三舊水都出唔到門口。今次響中環街市對面街搵到間台菜食堂，門面有少少東瀛風幾吸睛，平日晚市有九成入座率，望餐牌價錢都算合理。二人套餐 $268特濃豆乳雞烏龍麵+$5蒲燒鰻魚飯+$18滷雞翼大大份鹽酥雞+$8珍珠奶茶紅豆奶茶迷你芋圓仙草凍套餐包兩款主食，兩款小食，兩杯飲品及兩份甜品。餐點賣相唔錯，主食仲插住枝旗仔，有啲幽默金句。味道方面，豆乳湯底香濃，雞卷厚嫩；鰻魚雖然唔係原條，但份量都唔細，肥美中帶微微焦香，加埋隻溫泉蛋及味素，拌飯一流。滷水雞翼有4隻，滷到好腍好入味；而鹽酥雞份量真係大大份，加埋杯紅豆奶茶已經超滿足 ！最後仲有碗芋圓仙草凍，迷你都好大碗，足料又好味。本身套餐都有唔少唔使加錢選擇，不過加埋人均都唔使$150，餐廳無加一收費。BTW一路食一路聞到隔離枱碗麻辣力削麵勁香！可惜二人餐無呢個選擇，下次一個人黎食一定要試呢個！…Read More

呢晚老婆有聚會，所以，捉個老死出嚟陪我食餐晚飯，就番我收工方便，揀咗晌中環嘅「一起食堂」快閃一餐。大家傾開近排身邊都有好多朋友中新冠，不過，我哋兩個托賴就仲未做，但講笑咁講，都喺只不過遲早嘅問題。 其實從門面都見到，鋪內格局窄而深長，一室天空藍配以木系枱櫈，天花掛上特色嘅竹籮燈罩，牆上又有唔少台灣電影海報作點綴:)。始終小店格局，人多起上嚟就有少少逼，不過，見店員都盡量做到啲客人分開坐、隔住坐。 點菜紙就喺餐牌，一頁睇晒各種食物同飲品，包括麵類、飯類、小吃、台式飲品、甜品；另外，更有幾款夏日嘅季節限定新品，而小弟就睇中其中柚子風味嘅冷烏冬。仙草冬瓜茶、愛玉鳳梨綠茶 @$28老死就揀咗杯冰涼嘅仙草冬瓜茶，因為佢都幾鍾意飲冬瓜茶，夠清潤，加上滑嘟嘟嘅仙草，味道又無過甜，合晒佢心意。因為早幾日先飲完珍珠奶茶，所以，小弟今次揀杯清爽啲嘅愛玉鳳梨綠茶，綠茶茶底幾清幽，滲出陣陣鳳梨香氣，添加一份清爽感，再加上裡面有好多愛玉，飲下、啜下、夠過癮！蒲燒鰻魚飯 $112老友原本諗住揀原鰻魚飯，但都驚會食得「漏」得滯，所以，改要個正常版，但其實呢一款嘅鰻魚份量一樣唔少，佢覺得咁仲啱啱好。確實啲鰻魚燒得好香濃，肉質肥美嫩滑，仲有少少彈牙感，但又唔會話食到好膩，再伴有成隻溫泉蛋，篤開蛋黃湧流而下，加上啲珍珠飯飯粒分明軟熟，兩者撈埋，食味極之一流。 吉列海鮮冷烏冬拌柚子汁 $89冷麵食得多，但冷烏冬印像中好似真喺未食過，加上近排天氣又熱返，有啲初夏嘅感覺，所以就更加想試呢個冷烏冬。烏冬麵煮得煙韌咬口，淋上柚子汁，就更帶有一份酸香清新味，佐以蔥花、醃蘿蔔，味道更加清爽；而吉列蠔同蝦兩者都炸得外層非常之香脆，唔油膩，蠔味鹹鮮，蝦味鮮甜，真喺高水準。 芋圓仙草凍 $42最後追加一份甜品，份量比預期中多喎，有成一大碗，剛好喺夠晒兩個人分嚟食，作為飯後甜品就啱晒。除咗三色芋圓（地瓜、香芋、紫薯）、仙草，仲有啲紅豆，淋上花奶。啲芋圓柔韌Q彈，仙草好滑溜，紅豆既清甜，又軟綿，食埋個甜品，飽晒。 不論主食，還是飲品、甜點，的確喺做得有水準，難怪有咁多人幫襯，其實中環晚市喺可以靜得交關。此外，服務亦好稱心，甜品無要求都醒目咁自動後上，出面有啲餐廳唔喺架，落咗單就乜都嚟晒，唔分次序。…Read More

這天同老公係中環想快食晚餐💡真係行經見到這間 一起食堂📍台灣菜都食comfort food之選，便決定快食🧡-有唔同台灣食物的小店，原來係免加一，好抵食✔️我揀左花雕麻油雞湯面🍜花雕酒另上，份量自己揀⚡️面質好滑~麻油雞份量幾多，真係啖啖肉😝推薦鍾意正氣口味既朋友試下🥢-老公點左蒲燒鰻魚飯，配冬爪湯🍚鰻魚配上醬汁，好厚實!😋份量好多!加上一隻溫泉蛋，用來配飯最岩🥚-我地再點了日式一口芝士🧀記住襯熱食，真係熱辣辣架🔥-飲品方面，我地分別點了珍珠奶茶🧋同愛玉荔枝綠茶! 經典台式飲品!以中環來說，真係好抵食既晚餐!不過真係以快食為主! 位置唔算太多⚠️…Read More

一起食堂喺觀塘、中環都有分店大多數人黎到都係點台式食品 但係呢度嘅日式蓋飯同麵都唔錯☺️~.🌟蝦膏豚肉櫻花蝦麵 $89呢個係冬天限定嘅拉麵☃️ 食之前可以攪拌下湯底 等蝦膏醬溶入湯底🍜蝦膏加上櫻花蝦鮮味濃郁🦐麵底用左烏冬 所以唔同平時食開嘅拉麵豚肉亦都好有心思 入口軟腍仲好香油脂.🌟蒲燒鰻魚飯 $99好大條鰻魚 而且鰻魚嘅質素好好魚肉綿滑結實👍🏻 再加上半熟溫泉蛋🥚 非常好送飯.🌟鹽酥雞 $38一碟有好多粒鹽酥雞🐔點黎當小食同朋友share啱啱好亦都可以過下食台灣小食嘅口癮😝.🌟芋圓仙草凍 $38估唔到咁大碗 絕對夠兩個人share食🤩有唔同顏色同口味嘅芋圓 仲有紅豆🫘同仙草作為飯後甜品令人好滿足😋.🌟珍珠奶茶 $24奶味較重 係經典口味🧋.🌟愛玉鳳梨綠茶 $24鳳梨🍍同綠茶🍵呢個組合第一次食味道清新 Q彈嘅愛玉更添口感…Read More

.📍一起食堂 📍香港中環域多利皇后街2號地舖蔥油土雞肉飯(79hkd)雞肉偏向切粒，比較有咬口，而且肉量多，上面有炸蒜所以好香，仲有我最愛嘅滷蛋😍如果有多啲醬汁撈飯就perfect👀蒲燒鰻魚飯(99hkd)鰻魚吸哂照燒汁嘅甜味，好惹味，肉質唔會太軟淋，仲保留一定嘅口感，魚皮微微焦邊，有少少脆口，淨係得少少骨，而且魚嘅份量都幾多，夠配哂成個飯，而且台灣菜真係好少有鰻魚，推推😍炸花枝丸(38hkd)入面真係可以咬到魷魚🦑大大粒好彈牙😍鹽酥雞(38hkd)份量好，cp值高，每來必點，炸得好香脆，唔會皮肉分離🥰👍🏻府城蝦卷(32hkd) 炸到外脆內軟，入面有少少馬蹄幾爽脆，店員話係最多人叫嘅小食，大家不妨試一試😆#foodiblum台式 …Read More

眾所周知中環地段嘅餐廳唔係人多就係好貴㗎啦！我地發現佢係中環入面係較為平民嘅餐廳💁🏻‍♀️，係假日只不過等咗3分鐘左右就有位啦~ 餐廳整體環境較昏暗同狹窄，牆身貼滿咗台灣🇹🇼嘅電影海報，相當有特色～-蒲燒鰻魚飯🍱 - HKD99望完環境嘅我地好快點嘢食啦🤤。 首先我地先叫蒲燒鰻魚飯🍱，要講嘅係上菜速度極快呀！💨 由我地落單到上菜只不過係5分鐘嘅時間😂，鰻魚飯嘅賣相十分誘人，厚厚嘅魚身燒到金黃色兼有少少焦邊😋，而醬汁都有水準，甜度適中之餘亦不失香味👃🏻，配上大量飯素及流心蛋🥚， 一口氣食落口又甜又香，值得一提嘅係雖然我地叫咗半條鰻魚，但份量都好多😙， 以性價比黎講真係超值呀！🤑蔥油雞肉乾拌麵🍜 - HKD79之後我地就叫咗蔥油雞肉乾拌麵🍜 ，上菜時就聞到淡淡嘅蔥油香味，而雞肉及炸蒜份量都相當多，比較大食嘅人士都唔會怕唔夠飽呀😆，麵底比較寬身，口感彈牙，可惜雞肉比較乾身，食落口感覺似雞胸肉，味道較淡及無嫩滑嘅感覺🥴。每份餐都附上一份小食🍱及清湯🥣，清湯飲落胡椒味比較重，適合餐前開胃，而小食就有日式沙律、甜薯及泡芙，味道不過不失😆。整體而言今餐係相當滿足嘅一餐👍🏻，而味道加上性價比高嘅優點亦難怪一起食堂咁受中環打工仔歡迎！😋 如果唔係假日去嘅朋友仔可能要早啲去搵定位啦😉…Read More

最近去咗中環街市參觀下佢翻新之後既外貌見到附近有一間好多人門外等既台式小店就入去試下環境少少的舖頭 好熱鬧 坐滿人被安排近門口嘅二人枱餐牌上有好多好吸引既菜式呀主菜份量好多 抵食又好飽 仲有三小碟前菜有 泡芙 中華壽司 同埋小番薯叫左紅燒三寶牛肉麵 $99配料都幾多 有牛腱 牛丸 牛肋條牛丸食落有爆汁 牛腱同埋牛肋條大大嚿 仲有一大件紅蘿蔔同埋白蘿蔔湯底都唔錯 蒲燒鰻魚飯 $99鰻魚燒得好香好肥美 配上佢獨有嘅醬汁都幾好味肉燥燙青菜 $28青菜好新鮮 加上啲好入味嘅肉燥清吓腸胃都好呀府城蝦卷 $32好有台南嘅味道啊蝦卷炸得香脆可口 食完都好想再食不過如果份量多啲就好喇最後飲番杯凍飲就正喇紅豆奶茶 （+$12)珍珠奶茶 (+$12)…Read More

第一次黎，叫左兩個主食，體驗極瘋狂。1.和風牛肉烏龍麵烏龍麵麵質極級滑，滑到唔識形容，出面好難可以食得到咁滑，除了滑也是滑，心服口服，正。湯底唔會太濃，清清地但亦夠味，唔會掩蓋其他食材味道。牛肉肉質都唔錯。除左麵仲有其他前菜，包括雲耳、沙律、泡芙，配搭好新奇。雲耳配酸醋開胃，泡芙甜甜地都好食，沙律都不過不失。2.蒲燒鰻魚飯鰻魚飯都係有同樣前菜。另外仲有個湯，有少少苦味，同時又帶辣及鹹。感覺係白蘿蔔湯加左胡椒咁，唔識形容，味道麻麻。鰻魚飯主角當然是鰻魚。鰻魚的魚味普通，但質地卻係令我好無奈...食落膠質幾重，唔識形容，唔知點解彈性咁強，如果用普通匙羹切開係好困難。平時食鰻魚質感好少食到咁樣。食完晒亦特別覺得肥滯。唔清楚鰻魚係咪同出面其他食肆用唔同品種，但唔多好食。3.蘆薈桂花雪梨茶雪梨茶充滿粒粒蘆薈，有清香桂花味，雪梨的味道亦淡淡的，清新怡人，真係幾好飲。…Read More

因為之前經過都排晒隊，今次特登早啲6點就黎食。我地點左鰻魚飯，牛肉烏龍麵同鹽酥雞仲有杯菊花黑枸杞菜。講真呢個價錢，個鰻魚飯真係超水準，2大塊，燒到好香，好滑，唔會腥再加埋隻蛋真係好正！牛肉烏龍麵個麵好食，牛肉就正常。鹽酥雞本人都幾推薦，岩岩炸起，好熱但好香脆可口。不得不提杯菊花枸杞茶，好香帶少少菊花甜味，飲完再加熱水都仲好好飲。同場送左杯冬瓜茶俾我地，話鹽酥雞熱氣，好有人情味，同埋杯冬瓜茶唔係求奇，夠味同好飲！值得去食…Read More

又係介紹黃店時候啦🥰🥰一間位於中環嘅一起食堂，係西貢一起果醬嘅姊妹店，主打台日式便當🍱。咁難得，我地叫咗佢哋嘅鰻魚飯、關東煮、鹽酥雞（張圖一眼望哂🤩）。鰻魚飯有半條，滑脫脫，配埋火候啱啱好嘅珍珠飯，感覺超級正😼😼😼。關東煮就更加唔使講，喺香港真係好難食到（唔好搵便利店嗰啲同我比啊🤪），都有幾多選擇，有幾款丸、豆腐、同我最鍾意嘅福袋！我直頭連湯都飲埋，爽🤣🤣🍢。小食鹽酥雞拍得住台灣，炸粉唔多，肉汁被鎖住，有驚喜😱至於仙草豆漿呢個配搭好新鮮，估唔到有幾夾。黑豆漿唔會偏甜，仲比正常豆漿有豆味，我很OK～以小店嘅質素來講幾出色，果然良心店就係好味道，相由心生🤪🥳-蒲燒鰻魚飯 | $99綜合關東煮 | $68鹽酥雞 | $38仙草豆漿 | $28-一起食堂 (中環)中環域多利皇后街2號地舖…Read More

中環晚餐想不到食什麼好，就在OpenRice找有什麼有好評的餐廳，就來到這家不錯的坐下就點了這幾款美食傳統台灣美食 - 紅燒牛肉麵對於這個是有小許失敗的，首先湯是有層次的，但湯太少，麵不能與湯同時吃。牛肉夠淋，但欠缺牛肉味。麵質還好，但與價錢相同的茶木有一點距離，所以也是頗失望的。蒲燒鰻魚飯有點失望之作相信一般鰻魚也是這樣，沒有什麼特別，此飯失望在於飯，飯質太硬，破壞了整個飯。芋圓仙草凍這頓飯最抵食應該是這個甜品，價錢便宜又夠大碗，芋圓可以再淋少少，但味道不錯，仙草也有仙草味。…Read More

這個悠閒的晚上漫步中環，在急速城市之中找到這間台式小店。走進店內 就是走進一個平行時空，悠閒的中環。點了個很台灣菜的鹽酥雞，超脆的外表，熱辣的雞肉，就是讓大人細路難以拒絕。一塊接一塊。台灣的小食很喜歡用上蚵仔。這個燙鮮蚵，意思大概就是上湯滾一滾新鮮蚵仔。這樣燙一燙，鮮味不失，就是要讓你嚐一嚐蚵仔本來的鮮。配蔥花，蠔油就夠了，不用怎調味也好吃。然後來個不怎麼台灣的蒲燒鰻魚飯，意外的喜歡。切開溫泉蛋，蛋醬慢慢流到飯裏去，配一口鰻魚，鰻魚燒得剛剛脆皮，咬下去口感真不錯。對女朋友點的三色海鮮茶漬飯滿滿好奇。原來三色是蚵仔，蟹肉和魚片。配搭起芝麻紫菜絲，甜甜的，口感也真豐富。不錯。甜品點的是芋圓燒仙草，吃這樣煮的還是頭一回。原來仙草可以這樣配，熱騰騰喝下去，再咬咬小彈芋圓子。今晚很滿足了。…Read More

台灣食堂@中環米紙蝦春卷非常好食，首先夠多蝦又彈牙，炸又炸得好鬆脆 炸花枝大大粒，咬到入面有花枝粒～本身以為一口葱餡餅係似葱油餅，哈哈，原來係咁樣嘅。啲葱係包喺入面，加上外皮煎香，都好香一口下 仲爆汁𠻹。鹽酥雞外脆內軟多汁，而且調味唔會整到好鹹，好有水準！蒲燒鰻魚飯條鰻魚好巨型，霸氣到長過個碗 鰻魚無咩骨，蒲燒汁惹味，仲有隻流心溫泉蛋𠻹～紅燒牛肉麵嘅湯底好香濃，有啲藥膳嘅 feel～ 牛肉都好多同大件，吸收左湯嘅精華。麵質有咬口，連埋爽口嘅酸菜真係好正！燙青菜好新鮮，啲菜仲好嫩。芋圓仙草凍好大碗呢，有齊三色芋圓好豐富～飲品無大熱嘅珍珠奶茶或者奶蓋，反而係啲健康嘅雪梨茶、黑糖薑母茶同枸杞茶等等，都唔錯 …Read More