Good News Barbecue Restaurant (Portland Street)

今晚同朋友仔去到旺角好燒式食晚飯，油麻地A1出口行2分鐘就到都幾方便。今晚大家都每人寫自己想食既，寫左以下食物：蒜蓉燒茄子（原條）,菠蘿，鹽燒白鱔，西班牙黑毛豬肋串，雞腎串，馬友魚，陰公豬，七味魚翅，枝豆，多春魚，翠玉瓜，燒日本甜心蕃薯，蒜蓉燒蠔，特色蒜蓉包，香蒜白酒沙白扁意粉，雞皮，Sapporo,加多寶。蒜蓉燒茄子（原條）：蒜蓉燒茄子係非常之夾，茄子清甜蒜蓉香味融入當中。菠蘿：菠蘿燒得香口又多菠蘿汁。鹽燒白鱔：即燒即食鱔厚身口感好好，又充滿鱔香味。西班牙黑毛豬肋串：黑毛豬肋肉質好味道佳。雞腎串：雞腎口感好。馬友魚：馬友魚大大條，燒得時間剛剛好，唔會過熟，肉質好夠鮮甜，連個魚皮都係脆而不燶。陰公豬：泰式口味，豬肉肉質好味道夠入面。七味魚翅：夠香口，有少少辣配合啤酒一流。枝豆：咸咸地 邊食邊飲下啤酒簡直一流。多春魚：燒得時間剛剛好，又唔會過乾過燶。翠玉瓜：外面燒好，入面個汁就鎖住，清甜好味道。燒日本甜心蕃薯：蕃薯夠晒甜，燒脆個表面更加香口。蒜蓉燒蠔：蒜蓉辣椒加入蠔中燒令到蠔鮮味提鮮不少。剛剛燒起既蠔熱到飛起。特色蒜蓉包：整個大大蒜頭原隻燒夠香口，蒜蓉包燒到香脆又有埋蒜蓉入味又唔會太乾。香蒜白酒沙白扁意粉：沙白大大隻冇沙夠鮮味，香蒜白酒在煮完後揮發完都仲融入扁意粉中。雞皮：隱藏系列，香脆又夠薄沒有多餘既脂肪油膩感。Sapporo：原來今期做緊推廣，買一送一。夠凍先至好飲，同埋泡既比例都幾好。加多寶：清熱之選，燒烤加配。食完野意猶未盡仲整兩個甜品去滿足埋個甜品胃。黑芝麻豆腐奶凍：黑芝麻夠香濃，而個豆腐奶凍個豆味都幾香又夠滑。法式焦糖燉蛋：焦糖脆口，燉蛋蛋味香濃。同店員傾開先知原來宵夜時段營業到凌晨3點，咁下次宵夜又多一個好選擇了。…Read More

昨晚同朋友book 左旺角一間叫好燒式既串燒舖，我地一入到去都已經好滿座，好彩事先訂左位，我地叫左一d 海鮮同串燒。燒龍蝦 (⭐️⭐️⭐️⭐️⭐️)78元半隻燒龍蝦真係大推，可以㨂芝士同蒜蓉味，我地每隻味都㨂左，隻龍蝦真係大幾隻，好多蝦肉， 蝦頭都有滿滿既蝦膏，芝士同蒜蓉鋪滿係面同非常香。燒生蠔 (⭐️⭐️⭐️⭐️⭐️)隻蠔大大隻同鮮美，唔似內地果d 只係見到蒜蓉睇唔到隻蠔。如果鍾意食蠔既朋友不妨試試。鹽燒白鱔 (⭐️⭐️⭐️⭐️)彈牙肉質幼嫩，非常香口。平時唔係鍾意食鱔，主要係朋友想點，試咗少少都覺得有啲驚喜。串燒 (⭐️⭐️⭐️⭐️⭐️)我地㨂左小辣，安格斯牛肋串同牛柳串肉質好嫩，加上孜然粉燒帶有微辣香味。厚燒玉子每粒骰子咁大，味道甜美。雞翼同雞軟骨串好脆皮香口，配以啤酒一流。芝士煙肉焗大啡菇 (⭐️⭐️⭐️⭐️⭐️) 釋出濃郁既芝士香味，又有大啡菇鮮甜同嚼勁。最重要就係個大啡菇溫度保持到，延續左佢嘅香味。泰式燒豚肉 (⭐️⭐️⭐️⭐️⭐️)燒到表皮香脆，但肉質幼嫩多汁，配以泰式辣醬令到味道更加豐富。另外我哋點咗韭菜，呢個韭菜同豬豚肉一齊上。韭菜嘅份量都幾多。~~~~~~~好燒式串燒專門店 (砵蘭街) 旺角砵蘭街110號地舖佐敦彌敦道311-313號1樓 👍味道香郁 👍肉質鮮甜 👍款式繁多…Read More

好燒式有超多串燒食物選擇，連海鮮都有十幾款，肉類同小食都幾十種，真係眼花撩亂樣樣都想食🤣除咗串燒之外，竟然仲有幾款意粉🍝真係估佢唔到雞泡魚乾🐡一定要重點highlight雞泡魚乾，燒落真係好香口，如果配埋啤酒一定好正🍻蒜蓉燒蠔🦪點都要再食返啲海鮮，燒蠔嚟講好燒式都算多款式選擇，煙肉、什菌&芝士白汁都有。我哋就好傳統咁叫咗蒜蓉燒，都係嗰句，蒜蓉加海鮮永遠都係絕配😋燒海蝦🦐串燒真係要海蝦先正，食落鮮嫩多汁，口感絕佳，濃郁嘅海鮮香味，鮮得嚟都唔會腥，加啲鹽簡簡單單已經好出味，肉質都有彈性過啲淡水蝦，非常鮮甜鹽燒白鱔鹽燒白鱔外皮燒到好香脆，內裡肉質都好鮮嫩。鹽嘅滋味同鮮甜嘅白鱔相融合，口感豐富得嚟又好有彈性，海鮮愛好者絕對唔可以錯過❤️除咗幾款海鮮之外，其他肉類都好正㗎，牛肋串肉質豐盛、牛舌質感煙韌、雞翼鮮嫩可口，今餐真係食到非常滿足，下次再encore…Read More

係元朗食過好燒式，啲串燒都好有水準，最正就係佢地嘅燒龍蝦😋今次決定要一人一隻😆！▪️芝士焗龍蝦/蒜蓉焗龍蝦🦞 $78/半隻兩款都叫左各一隻，因為真係勁抵食，$78已經有半隻燒龍蝦，又大隻，肉質厚實有彈性，個人就勁鍾意芝士呢款！半溶芝士燒得好香，絕對係呢到嘅招牌菜👍🏻▪️蒜蓉北海道扇貝🧄 $100/2隻海鮮每日價錢都會有少少唔同，我當日去就100蚊兩隻，燒扇貝多汁，滿滿蒜香，火候剛好▪️蒜蓉燒蠔🦪$36同樣都係蒜蓉燒，size都好大隻，多汁嫩滑▪️蒜蓉燒茄子🍆$40原條燒都幾大碟，表面鋪滿蒜蓉，茄子肉就咁刮黎食就ok▪️特色蒜蓉包🍞$40一份四件，另配原個蒜蓉，充滿牛油香，金黃香脆另外仲叫左幾款串燒，全部都正常發揮✔️表面加上孜然粉，蘸上酸辣汁，又香又辣▪️串燒豆腐$22上次食過覺得正，今次encore! 豆腐皮脆，加上醬汁好入味▪️安格斯牛肋串🐮$30 ▪️多春魚🐟$25▪️雞中翼🐔$20▪️鴨舌串🦆$26▪️津路🥤$20/支…Read More

這間位於油麻地的港式串燒餐廳主打即叫即燒，於太子及元朗均有分店，價錢定位親民，適合一班人聚會。菜式方面選擇非常之多，有海鮮、肉類、小食、意粉及廚師推介等等。串燒可選辣度由走辣至大辣，調味亦有蜜糖、孜然粉、辣粉、麻辣汁和泰式酸辣汁。泡菜肥牛卷 - $68兩層肥牛肥而不膩、瘦而不柴，包裹滿滿清脆爽口的泡菜。陰公豬 - $30肥瘦相間的豬肉每層厚薄均勻，又香又嫩。鹽燒牛舌串 - $30厚切牛舌富有彈性且軟嫩多汁。蒜蓉燒蠔 - $36大大隻蠔肉質豐滿鮮美，蒜蓉更突顯淡淡的海味。厚燒玉子 - $22一層層的玉子燒好有層次，厚實質感富蛋香。蒜蓉燒茄子(原條) - $40開邊的大茄子軟嫩鮮甜，蒜香味濃郁，或可切片。津路烏龍茶 - $20有罐裝汽水、枝裝飲品及啤酒選擇，價錢介乎$18至$42。…Read More

之前經過砵蘭街，次次經過呢間串燒店都會見到有人係到等位，跟住次次都會同友人講下次一定要黎試下，今晚終於都黎食啦!餐廳唔算好大，但店員服務都很好!看看點餐紙，樣樣都好似想食咁，最後就揀選了幾樣試下!蒜蓉燒蠔($32/隻)，我同友人都係蒜蓉怪，呢度既燒蠔上面有爆多蒜蓉，啖啖生蒜味，真係好正!蠔肉多汁飽滿！雞中翼($18/2隻)，雞翼佢有全翼同埋雞中翼揀，為左唔好食到成塊面都係，所以揀左雞中翼食!雞翼肉質嫩滑，有少少孜然粉同辣味!牛丸($16)及墨魚丸($16)，食串燒真係唔知點解好中意食丸，特別好食D。個外皮燒到脆卜卜，又有調味料，特別惹味!燒茄子(原條)($32)，燒茄子又係每次必點的。茄子原條攤開上特別有霸氣，而且好似好健康咁!茄子又係有好多蒜蓉，而且原條的話可以用筷子一條條咁撕出黎，特別過癮!飲品揀選了王老吉($14)同埋津路烏龍茶($15)，兩者都係食串燒的好良伴。總括黎講，因為第一次黎食的原故，食物點了小辣，個人覺得就唔係好辣啦，下次可以點中辣!同埋要再試下其他野食!…Read More

未到晚飯時間但又口痕想食些許小食，所以去了附近的串燒店，平時得閒經過都會去食返兩串，十多廿元一串，在旺角區的確幾抵食，而且自己一個人食得唔多，所以叫了幾樣小食。鹽燒牛舌廿幾蚊串但份量十足，牛舌是厚切，而且表面燒至微焦，但咬入去不會太乾，而且很爽口。蒜蓉燒蠔表面舖滿了蒜蓉，蠔肉燒熟後都算大隻，還蒜蓉味濃郁但又不會蓋過蠔肉鮮味，燒熟後還有些蠔汁，即鮮且甜。蒜蓉蟶子下面的金菇吸收了蟶子及蒜蓉味道，十分惹味，而蟶子很新鮮爽口。燒日本芝士年糕每次必點之一，年糕外面帶點脆，裏面半溶芝士，而且煙煙韌韌，又唔會太甜。雖然全部都是十幾廿蚊串，但食下食下就不知不覺食了差不多百多二百元，不過間唔中食幾又係幾滋味既。…Read More