A Lorcha

在澳門玩左兩日一夜，臨走前緊係食個葡國菜啦友人一早之前訂左位，餐廳夜晚1830先開，我地響媽閣廟附近個公園坐底休息下，等開門。一到時間，有好多人都入內就座，門外有個員工幫我地開門，第一下就好好服務啦👍🏼入到去個環境好舒服，位置尚算寬敞明亮，裝修格局都幾有歐陸風，初時以為有歷史ge餐廳會好懷舊咁，點知又唔錯wor，仲見到侍應同食客有傾有講😁入正題，我地先叫半瓶水果紅酒，友人上openrice見到好多人飲，就即叫黎試啦，飲落幾有果香，同紅酒好夾，個酒味唔會太濃，依款紅酒好易入口😋🍻之後，我地分別叫左八爪魚沙律、非洲雞、海鮮燴飯、西班牙燴蜆、羊肉紅酒燴，總共五款食物🙈特別鐘意個沙律，可能本身酷愛八爪魚啦🤣味道搭配得好好味配個麵包食幾夾，重點個麵包係熱ge，同埋唔會太硬，麵包麵可以配煮蜆果煲汁食，都好好味，友人一路食一路大讚好食呀！！！個蜆唔會太辣，因為本身侍應話有少許辣，但食落都幾惹味到個海鮮燴飯同非洲雞啦海鮮燴飯，我地個個都大讚，初時見到個樣好似一般，點知一撈起，有好多款海鮮響入面仲要全部精華響灑個汁度🤣配飯食真係好夾，到非洲雞，初時聽個名好似唔特別討好咁，點知一食落個雞肉好嫰滑，好好味依個真係誠意推薦跟住到最後個羊肉紅酒燴啦🤔食落反而覺得一般，唔太特別，羊肉比較大件，但都嫰口ge，反而我地得食碟食淨左🙈可能大家太飽ge關係啦，食完個個都捧住肚走人，賣單比想像中平，每人都係220蚊落樓但重點係🤔唔知點解食完隔左無耐，搭緊船時覺得好口渴，可能葡國菜都比較濃味，下次再食臨走前叫佢俾杯水飲完先走🙈…Read More

回想起小時候每次跟家人來到澳門，也會來到媽閣廟附近的船屋。當長大後，想起好吃的葡國餐，總是也會先想起船屋。餐廳位處下環，遠離市區，鑑於不想遠赴後，換來白行一趟。正所謂「出外靠朋友」，故幾天前麻煩了當地的朋友幫忙致電餐廳先訂座。朋友三番四次叮囑，「餐廳只能留座10分鐘，記得早D去啊!」當晚訂了8時，雖然是星期一，但人流還是很多，來到也要等一會兒才能入座。門面也用上木色設計，彷似木造船屋，而內裡裝潢也是用上一個個拱形門。啡黃色的餐牌，感覺如航海日誌。打開有多款美食選擇，當然首選葡國菜。點餐後，來了兩個餐包，還是熱騰騰的! 咬落軟腍腍!葡式燴海鮮飯可是葡餐地道菜式吧! 份量大大份，我們只是二人，要努力吃多一點了。舀下匙，發現了大大隻蟹蓋，還有青口、蝦、魷魚等海鮮，夠足料。海鮮飯就像湯飯一樣，幾乎不用特別咀嚼已可直接吞下，可能是吸收其他海鮮味，令飯味道有點鹹及質感過腍，整體味道不及預期之內，還是一般般。香蒜辣椒炸中蝦則有驚喜! 蝦尚算大隻，每隻不只是外殼脆口，也不太難剝殼。剝殼後，肉質彈牙之餘，也滲透香蒜及辣椒，非常入味，令人一隻又一隻停不了口。每次吃葡餐也必點Sangria，一樣也備有紅或白酒選擇，今次就點了半Jar紅酒。個人認為一杯Sangria除了酒的質感外，重點之一是水果夠不夠新鮮。這裡的水果新鮮爽口，且粒粒也切成小塊，喝酒時更易隨酒入口，而選取的紅酒雖葡萄味不太重，但喝起來不太苦澀及沒有渣，相比起當地其他葡國餐的Sangria，做得比較出色。整體食物一如以往仍保持水準，而每份食物也是大大份，建議大概4~5人來吃，多點幾款相對地會較好。值得一提的是，離開後可到對面的海旁散散步，雖然夜景不及南灣湖般漂亮，但勝在夠靜謐，靜靜地坐下看看海其實還蠻讚!…Read More

對上一次來澳門已經幾年前的事，被炎熱的天氣和大三巴的人群嚇怕。不過自從買了單反相機後，就喜歡拍攝不同的題材。知道九月澳門每個周末都有國際煙花比賽，就找了一個周末夜攝煙花，日間就周圍尋食。為了方便晚飯後拍攝煙花，我們就打算找一間在海旁附近的餐廳，知道這間餐廳評價不錯，就託住在澳門的朋友幫我訂座。餐廳只分18:30和20:30兩個時段，因為煙花在21:00開始，所以我們就訂了18:30的位子。18:15我們已經來到餐廳門口，見有不少食客都在門外等候，原來餐廳要準時18:30才讓食客內進。餐廳地方不大，約可容納三四十人。裝潢以懷舊西餐廳為主。食客一進內，已佔據所有位子，看來如果想食這間餐廳，都必先要預訂座位。每位食客會附送一個餐包，麵包外脆內軟，而且奉上時作有暖意，不錯。西班牙式燴鮮蜆($120)蜆肉有韌口得來又不會過韌，最重要是沒有沙，西班牙汁辣辣的，頗為惹味。葡式燴海鮮飯($158)內有半隻蟹、三四隻青口和無數隻蝦仔，份量頗多，如四人分吃的話，每人也分得一滿碗。飯粒雖然軟軟腍，但吸滿湯汁，每一啖飯也非常美味。生果紅酒(左):　頗重酒味，個人不好酒品，就覺得很難入口。Lemon Squash(右)：入口非常酸，很好喝，正好幫助消化。總結，食物味道不錯份量也非常多而且鄰近海旁，飯後可到那裡走走如過來澳門，也值得一試…Read More

朋友介紹之下,品嘗澳門式葡國菜,聽講好多時都要等位,今日竟然難得唔洗等位。食物好快就到了,燴飯乾濕剛好,仲有唔少海鮮配料,味道剛好。必點特色小食,馬介休。去完葡萄牙嘅朋友都話當地冇依度咁好食。2個人食,其實都唔知食唔食得晒,但好多人都話炒蜆好正,又唔會飽肚,難得一場黎到,點黎試下先~又有驚喜,d蜆洗得乾淨冇沙,湯汁夠鮮味,又唔算太辣之餘仲有d蕃茄酸甜,加上有蒜蓉香味可口,食過先知咁好食。如果唔食得辣都有唔辣可以選。…Read More

團友預先訂枱的餐廳，六時半開門前已有人排隊輪候。店內裝潢富歐陸風味，擺位上稍稍擠迫了少許。先送上的豬仔包夠大個，外皮脆香，包心鬆軟，包香略帶鹹味。葡式炸馬介休球炸得金黃香脆不膩口，馬介休餡料綿軟鹹香，都是一道富特色的前菜小吃。西班牙式燴鮮蜆，以西班牙海鮮湯的方法製作，味道濃郁，只是稍稍鹹了少許。鮮蜆數量不少，本身清甜度普通，主要靠湯汁給味。香蒜辣椒炸大蝦，香蒜辣椒汁香口帶辣很惹味。大蝦大隻上味，肉實帶甜幾好味！ 主食葡式燴海鮮飯，首次品嚐，燴飯比預期濕身，並帶上海鮮的油份甜香。海鮮款式有海蟹、海蝦及青口，選材普遍細隻了一點，味道普通無乜特別。炭燒肉眼牛扒配薯條，炭燒口味充份十足，肉眼都算味濃，約五成熟度肉汁仍豐，肉質上比較實身，鬆軟度仍在合理範圍。配上的薯條炸得脆實了少許，拌上沙律菜吃食感比較平衡清爽。甜品餅乾碎牛奶忌廉布甸，口感軟滑，奶香足，幾好食。整體來說，各食品富一定水準，但未至於值得排長隊輪候。明日還會吃葡國菜，期待有更佳水準。…Read More

每次去澳門都想試其他葡國餐廳，但終於捨不得放棄船屋的葡式燴海鮮飯！今次點了三道菜：葡式燴海鮮飯、葡國雞、馬介休球。葡式燴海鮮飯：整鍋飯被湯汁鎖住，配上青口、蟹、小蝦，非常美味。飯的份量的確很多，雖然海鮮不算多，但光吃充滿汁的飯已非常滿足！蝦仔雖小，但很入味！最欣賞此飯毫不膩滯，即使飯粒被醬汁包住卻完全沒有滯的感覺！兩個人竟能將整鍋飯征服，只證明它有非一般誘惑！葡國雞(配飯): 量也不少，雞嫩滑，薯仔夠入味，配上白飯，好味。馬介休球：失望之選，一碟得3小件，炸得有點過火，黑燶狀態，味道也一般。是大退步之作。註：最可惜此店沒有水供應！水是要自費的！…Read More

早2日前已經響香港打定電話過去book位，放抵行李之後就立即飛的去船屋，時間剛剛好12:30到達，我地坐抵之後見到入坐率已經有1半，落完order之後就full哂啦~上網見到好評如潮，我同Cobi爸仲係鍾意食海鮮添，咁又點會錯過啵~聽聞個蜆同海鮮飯都幾出色，所以就叫左呢2樣黎試~脆豬仔包唔知點解，澳門啲脆豬仔包，真係好味D，外脆內軟，揸少少牛油已經非常好味﹗馬介休沙律落order時以為會有D沙律菜拌下碟啦，上枱之後打個突，成碗咸魚…anyway~我地都用左D豬仔包拌住一齊食，咸咸地啲馬介休，再用莞茜、洋蔥、蒜頭調味，再拌入橄欖油，口感頓時豐富起黎，不過就小食多滋味，如果唔拌住麵包一齊食就越食越咸，不過麵包會飽肚，如果係拌D沙律菜一齊食會好好多~橄欖油香蒜炒蜆響openrice知道呢到啲蜆十分出色，響西班牙炒蜆同橄欖油香蒜炒蜆之間，我地選擇左後者，因為西班牙炒蜆個汁較濃，同個葡式燴海鮮飯啲味道會有衝突，而且我之前煮過西班牙炒肉腸炒蜆比Cobi爸食(佢當然大讚啦)，所以我地選擇左後者囉。一上枱已經有陣陣啲蒜香飄過黎，再加上好多芫茜(我覺得太多)，食蜆啲同時記住用飽點埋D汁，太鮮味啦，如果就咁入口的話會太太太鮮，鮮到過咸，用黎點麵包，真係一流，蜆肉都非常鮮味，不過大隻番少少會更好，份量又足，而且冇乜點甩肉，超級推介，必食!:)葡式燴海鮮飯打開蓋果陣…嘩! 雖然個賣相麻麻地，好似我地香港人食啲湯飯咁，不過當D海鮮味飄過黎果陣就會原全忘記，剩係個味已經非常吸引，而飯啲上面又放左勁多啲芫茜，我地立即尋寶，睇下飯下面啲材料~有蟹、蝦、帶子、魚柳、青口，材料豐富!其實睇左食評，都知道要等一等至係最好味，等D飯吸哂個汁，不過我同Cobi爸都係為食精，此終都忍唔住食左一啖，果然硬硬地…咁唯有食住蟹先啦，隻蟹好鮮甜，D蝦都OK，不過size就略為細左，等左一陣之後，見到個海鮮湯索得8899就”那那林”食啖先~嘩!不得了，剛剛食完蜆，依家又食海鮮飯，同時間比2種來至不同鮮味攻擊我啲味蕾，感覺好正，令我冇法不愛！:)呢道菜啲主角完全係D飯呀，好精彩，果然名不虛傳!Sangria完全冇將貨就價，未入口已經聞到水果啲甜味同葡萄酒啲香味，但係又唔似雜果賓治咁甜，又冇斎飲紅酒咁濃，入口都幾順喉，對於唔飲酒啲我都還可以接受~侍應啲服務都OK，有禮貌，不過就笑容欠奉囉…食物方面有驚喜，會再黎啲！…Read More

早一個星期打電話去book位食lunch,佢話要2:00pm先有位,ok無問題,後來先知完來2:00pm開始d食lunch人漸漸埋單,而且已經無乜人等位.所以如果大家唔介意食個late lunch,其實唔使打long d book位.燒葡國臘腸,咸咸油油的,凈食可能太咸,不過跟埋餐廳奉送的熱辣辣脆豬一齊食,嘩無得頂呀!炭燒牛仔肉,好香炭燒味,不過無咩牛肉味,可能佢仲係牛BB關係吧.但照計牛BB肉應該好嫩滑,唔知點解我切極都切唔開wor,結果要勞煩老公幫手切到一粒粒等我吉住食:(海鮮燴飯,果然名不虛傳,好多人叫,真係好味,湯汁充滿蝦味,香濃而不過咸,材料豐富,有4隻青口,好多蝦仔,蟹腳仔.不過其實有幾多都唔重要,因為凈係得d湯,食哂成鍋飯都唔係問題呀…Read More

係openrice見咁多人推介,因為唔記得book一落船已經過去,點知真係冇位:(好彩即時都book到第2日既6點半係澳門撞到舅父舅母,之後join埋一齊5個人去左食都有D人係門口等,一到6半D人就入晒去咁就嗌左5樣野馬介休球 MOP40@3件冇乜味,不過質感幾特別,唔似香港既薯仔會"醬"住個口,而且食落都唔會太飽係就係貴左D炭燒葡國乾肉腸 MOP36 好鹹,不過幾好味,就咁食一定唔得,要送飯或者飲野先得欖油蒜蓉煮蜆MOP78最好咪係呢個,D芫茜唔會話大搶,同D蒜蓉配得好好而D汁真係一流,用黎點麵包,而且份量都幾多葡式燴海鮮飯 MOP108 好濕,唔係話好好好味,中規中距,不過有蝦,青口,仲有蟹,都唔錯炭燒雞扒配薯條 MOP 98雖然幾大舊,但D雞肉仲係好滑,炭燒D汁都好好味 原來唔係幾多人就有幾多個包,係睇你嗌幾多個餐架欖油蒜蓉煮蜆，葡式燴海鮮飯，炭燒雞扒配薯條呢Ｄ就算係餐啦最不憤係飲水都要比錢....就算要熱茶都係$4位真係識得做生意…Read More

來過澳門幾次，好想試試葡國菜上次朋友介紹，去了法蘭度，但真係好失望...今次決定再試第 2 間，我唔信葡國菜真的是那麼難吃大約 1 點多到，沒有 book 位，幸好都有位子周圍已經坐滿了人 之前o係 Openrice Macau 睇過 d comments於是兩個人便叫了兩樣菜而己檻欖汁煮蜆︰這個是我上 Openrice Macau 很多食評家讚的一道菜，因為 menu 上有 2 個蜆，要問清楚侍應是那一個，另一個西班牙蜆是辣的，我們都吃不了辣丫~的確，那個汁的蒜香味好重，我們還自創用這汁點豬仔包 (不過點得太多會反而有點咸)蜆的份量也不少，我想大概有五十多隻吧...而不太好的是蜆有少少沙海鮮燴飯︰有一隻蟹、三隻青口、有好多蝦粒燴飯有好多汁，吃落也不怕乾爭爭，飯粒吸收了海鮮的鮮味Service 也蠻好的:)2 樣都好好味下次o黎要再試其他菜 :)…Read More