부자칼국수 (Hillwood Road)

係尖沙咀咁多間韓國餐廳裏面，有間係全港第一間自家製韓國刀削麵。餐廳環境舒服，價錢抵食，份量又足，加上服務幾親切，係一間幾啱當日常飯堂嘅好選擇。.🌟花蛤刀削麵韓式花蛤刀削麵，個湯底先係靈魂。用咗大量花蛤去熬，湯色清透，飲落係純粹嘅海鮮甜味，一啲都唔油膩。麵條夠韌身，索咗湯之後更加鮮味。花蛤肉又飽滿又冇沙，真係唔錯。.🌟牛骨湯刀削麵牛骨湯刀削麵，個湯底係招牌嘅奶白色，飲落溫和醇厚，牛骨香味好出。麵條咬落有口感，牛肉片軟嫩，令成碗麵更加有滿足感。.🌟海鮮韭菜煎餅海鮮韭菜煎餅，煎到金黃香脆，火候啱啱好。韭菜落得足，香味濃，仲加咗魷魚，食落口感好豐富。點埋佢哋特製嘅醬油一齊食，鹹鹹香香，好開胃。…Read More

最近天氣涼涼哋，做完facial喺附近搵咗間韓國刀削麵試下~餐廳門面望落都幾地道，內部裝修簡單。餐廳除咗有招牌刀削麵，仲有餃子、年糕、煎餅等。餐前附送嘅泡菜偏甜、唔辣，幾啱我口味。🍽️花蛤刀削麵 $78湯頭尾調有花蛤嘅鮮味，幾清甜，刀削麵上嘅蛋絲同紫菜亦幫湯提升香氣，唔錯~花蛤大隻、無沙。刀削麵口感帶少許煙靭彈牙，份量偏大份。🍽️辣拌刀削麵 $78另一碗麵專登叫咗份凍嘅，個人認為凍刀削麵口感更加彈牙爽口！拌麵色澤均勻，同平時食開嘅韓式石頭鍋飯有少許相似，但辣度及香氣更濃郁！拌麵上亦有牛腱，牛腱好腍帶有濃郁牛肉香氣。🍽️五花肉泡菜煎餅 $68表面睇落平平無奇，夾起身先知有驚喜！煎餅反轉夾咗原片五花肉片一齊煎，五花肉肥瘦適中，為煎餅帶嚟更濃郁香氣。另外煎餅口感有少少煙靭，幾好食。見隔離枱嘅餃子好大件，下次都可以試吓！…Read More

原來呢到係人氣韓式炸雞店「李家」既副線，主打韓式刀削麵🍜同埋韓式蒸餃🥟，裝修似傳統既韓國🇰🇷家庭式餐廳，以深啡色木系🪵為主，價錢唔貴～(5 😍 係滿分，🤩係半分）花蛤刀削麵 🦪🍜 - $78 (好味指數：😍😍😍🤩)蜆🦪既份量幾多，每隻都細嫩鮮甜，另外仲有軟腍既翠玉瓜🥒、香口既蛋絲🥚同埋清香既海帶，湯底🥣就有蠔🦪天然既鹹味🧂，刀削麵🍜比較粗，口感彈牙，但需要比較濃味既湯底🥣配先得，宜家略為淡左啲雞髀刀削麵 🍗🍜 - $78 (好味指數：😍😍😍🤩)雞髀🍗都幾大隻，煮得耐所以好容易起到肉，啖啖肉幾正🤤，同時配左軟腍既翠玉瓜🥒、香口既蛋絲🥚同埋清香既海帶，刀削麵🍜口感彈牙，湯底🥣清澈，但略為淡左啲海鮮韭菜薄餅 🐙🌱🫓 - $68 (好味指數：😍😍😍🤩)跟住叫左個傳統小食，有清香爽口既韭菜🌱同埋彈牙既八爪魚🐙，用左韓式醬油、醋、糖、蒜蓉🧄等等做調味幾香口，口感濕潤，係粉略為厚左啲同濕左啲好味指數：😍😍😍🤩推介指數：😍😍😍🤩…Read More

平時食韓國菜多數都係烤肉、泡菜鍋、石鍋飯，但今次喺山林道發現咗一間主打自家製刀削麵嘅韓國餐廳，感覺幾特別，喺香港比較少見，所以特登去試吓佢嘅招牌菜。結果真係冇失望，整體水準非常高！花蛤刀削麵一試完呢道就知道，呢度嘅刀削麵係真材實料。麵質夠彈牙，仲帶住陣陣麥香味，口感好有層次。湯底係清清地嘅口味，唔會太重，啱啱好可以襯托出花蛤嘅鮮味，兩者味道平衡得非常好。花蛤份量亦都好足，啖啖都有滿滿嘅鮮味，呢道真係必試之選！炸醬麵炸醬麵係用返同樣自家製嘅刀削麵做底，整體味道同韓國本地食到嘅一模一樣，好濃郁但又唔會太鹹，黐埋刀削麵嘅醬汁，每一啖都充滿韓國嘅味道，正宗得嚟好滿足！如果你係韓國炸醬麵嘅粉絲，呢個一定唔會令你失望。牛肉蔥煎餅煎餅係一個好驚喜，煎得非常香脆，外層薄薄脆脆，咬落去滿口係牛肉嘅香氣同埋蔥嘅清甜味。呢個配搭好簡單，但完全凸顯咗食材嘅質素，食完一塊仲想再加單。整體嚟講，呢間餐廳係一個好值得推介嘅選擇，特別對於鍾意韓國料理或者想試吓少少唔同嘅朋友嚟講，呢度嘅自家製刀削麵真係一個好特別嘅體驗！…Read More

下班後尋找熱騰騰的湯麵，找到韓式炸雞店「李家」的副線主打正宗韓式刀削麵，將韓國家庭式餐廳的溫暖帶到香港環境仿韓國小店，牆上韓文菜單增添地道氛圍木系餐桌，入店時已近滿座，座位略擠但溫馨花蛤刀削麵湯頭清澈，濃郁鮮甜！麵條粗幼適中，煙韌彈牙，吸滿湯汁，入口爽口，配翠玉瓜和蛋絲，層次豐富牛骨湯刀削麵湯底偏清淡，搭配冬菇絲和紫菜，簡單卻暖胃大豬肉餃子皮厚實，內餡有粉絲和蔬菜，咬開肉汁四溢，韓式調味帶微辣，飽滿滿足…Read More

真係忍唔住要同大家分享呢間韓國刀削麵！早排同男朋友特登去試，排咗30分鐘先入到去，真係等到少少唔耐煩嘅。不過一食到個麵就即刻冇晒怨氣！個湯底真係好得，飲第一啖就知同平時食開嘅即沖湯底完全唔同，鮮甜得嚟好濃郁，飲完成個人都暖笠笠。每條麵都粗幼適中，咬落去煙韌得嚟帶少少彈牙，仲有陣陣蛋香。超好食！我嗌咗個花蛤刀削麵，男朋友嗌咗個鯷魚刀削麵。兩碗都有蛋絲同紫菜係麵上面，花蛤份量唔少，鯷魚嗰碗就冇肉，得啲紫菜蛋絲同少少翠肉瓜，食肉獸嘅朋友就要留意啦！份量真係大得誇張，差啲就食唔晒。價錢都合理，人均80蚊左右。環境雖然細細間，但裝修幾有韓國feel，牆上menu都係韓文，幾有氣氛。…Read More

呢排食咗間唔錯既韓國自家製刀削麵，幾推薦花蛤刀削麵超多花蛤，而且完全無沙幾好，湯底較清澈，原本以為會好淡口，但食落味道幾有海鮮鮮甜，自家製刀削麵屬扁身，煙煙韌韌幾有咬口，搭配其他配料，如翠肉瓜、雞蛋絲、紫菜等，幾豐富～牛骨湯刀削麵用牛骨熬煮既湯底呈牛奶白色，味道唔錯帶淡淡牛肉鮮味，另外牛展肉質細嫩，同樣有唔同配料搭配，幾有口感，整體都唔錯，推薦！牛肉蔥煎餅煎餅口感煙韌，香脆可口，幾香牛肉味，整體唔會好油好膩！…Read More

去睇韓團con之前🎵梗係要食埋愛豆介紹嘅韓國菜.今次特登嚟呢間韓式刀削麵專門店試下我愛豆最愛嘅「花蛤韓式刀削麵」🐚🍜.湯底有花蛤鮮味，花蛤無乜砂手打麵係闊麵，煙煙韌韌幾好食～上菜速度夠快而且湯夠滾♨️除此以外有少少雞蛋絲、紫菜同冬菇.午市套餐跟埋飲品同餃子🥟🐷大豬肉餃子皮薄但口感軟淋淋🥲麻麻地lunch set幾抵食😆.間店比較細，所以lunch time需要排隊人齊先入得枱店舖外有「李家」logo ，相信係同一個集團嘅韓國餐廳🇰🇷.🦀 ᴏᴠᴇʀᴀʟʟ ꜱᴄᴏʀᴇ 7.5/10 ⁣味道8/10｜環境6/10｜服務6/10｜回頭 ⁣✔.ꜰᴏʟʟᴏᴡ ᴘᴜᴜ ᴇᴀᴛꜱ🦀 @sake_krd 食勻全世界🌍✈️🔎相同菜系及地區: #KRD韓國菜 #KRD尖沙咀…Read More

#MC帶你去尖沙咀.韓式燒肉、炸雞、石頭鍋飯食到悶，咁韓式刀削麵又試過未呢？！依間刀削麵餐廳係人氣韓式炸雞店「李家」嘅副線品牌，食物質素一定有保證！➖✨ 부자칼국수 自家製韓國刀削麵.餐廳為香港第一間韓國刀削麵，主打韓式刀削湯麵及韓式蒸餃；店內裝潢簡單樸實，柔和色調配以木系餐桌，充滿韓式小店氛圍。➖🥢 花蛤刀削麵｜$78（⭐必食）.花蛤份量都幾多，足足有成15-16隻，粒粒飽滿無沙，加上自家製手工刀削麵，質地煙韌口感彈牙，而湯底比較清澈透明，但味道幾鮮甜！搭配翠玉瓜、紫菜絲及雞蛋絲，口感豐富。➖🥢 牛骨湯刀削麵｜$78.以牛肉及牛骨熬煮成奶白色湯底，淡淡牛肉鮮味；牛肉片薄切嫩滑，韓牛味道濃郁，搭配韮菜、冬菇絲、紫菜絲及雞蛋絲，配料十分豐富。➖🥢 雙拼餃子｜$68.拼盤各有兩隻泡菜餃子及豬肉餃子；豬肉餃子肉汁滿滿，泡菜餃子微辣易入口；餃子皮幾柔軟，兩款餡料都十分飽滿，好滿足！➖➖➖➖➖➖➖➖➖➖➖➖➖➖#Ming_Course #油尖旺區美食 #尖沙咀美食 #尖沙咀好去處 #香港美食 #香港探店 #尖沙咀 #佐敦 #自家製韓國刀削麵 #韓國菜 #香港韓國餐廳 #香港韓餐 #香港韓國餐廳 #韓式料理 #韓國料理…Read More

早幾天在佐敦附近工作，已是下午2點幾，想起很久沒去山林道食嘢及有一間韓國刀削麵店，就過去試試。行到接近華美達酒店，步入這家小巧溫馨的餐廳，立刻感受到濃厚的韓國傳統風味，雖然座位不多，但每張桌子都設計得寬敞舒適。餐牌包括﹕各款刀削麵、大餃子、煎餅、少量飲品韓國特色，當然少不了先奉上一碟美味泡菜作開胃。我們都肚餓，所以各自選了一款刀削麵花蛤刀削麵$78辣拌刀削麵$78雙拼餃子(豬肉及泡菜)$58花蛤刀削麵Q彈有嚼勁，捲曲著湯汁，新鮮花蛤散發出海洋的鮮甜味，高湯清爽。 友人點的辣拌刀削麵就是另一種風味。不算太辣的刀削麵帶有特色辣椒醬汁，對於不太好辣但又想吃惹味的人來說是很適合。麵條經過拌炒，吸收了辣椒醬的香辣味道，入口後回味無窮。至於雙拼餃子（豬肉及泡菜），這個份量令人很滿足，一份有四件大餃子，兩款口味。豬肉餃子餡料豐富，肉汁鮮美，外皮酥脆，充滿了滿滿的肉汁；而泡菜餃子則散發著泡菜獨有的酸辣風味，口感爽脆。這道雙拼餃子絕對是這家餐廳的一大亮點，值得一試。…Read More

近月香港興起一股韓國刀削麵的熱潮，窩夫與蝦子餅也要去吃吃。去了位於尖沙咀山林道，李家集團旗下的「自家製韓國刀削麵」。食物有刀削麵、大餃子和煎餅三大類。點菜後先送來一碟泡菜，味道不算太辣。每枱必點雙拼餃子($58) ，即大豬肉餃子及大泡菜餃子，手工製作，皮薄饀足。窩夫點了牛骨湯刀削麵($78)，先喝一口牛骨湯，牛味濃而不膩。刀削麵偏厚身，軟硬適中，份量十足，下次要考慮扣底。紫菜下還有三片牛肉，加上韭菜、冬菇和蛋絲，配料豐富。蝦子餅點了花蛤刀削麵($78)，湯底比牛骨湯清，非常鮮甜。花蛤有十幾隻，爽口無沙。…Read More

李家旗下既副線，聽聞之前等成個鐘，依家完全係直入😆前菜有一碟泡菜，有需要可以續加，入口爽脆，不過個人覺得唔夠酸同埋辣😅無論餃子定麵條嘅份量都多，可以各一Share黎食，整體中規中矩，路過唔駛排可以一試，但係未至於要特登去或者排隊級別🫣▪️ 雙拼餃子 （6.5/10）💲58餃子個皮偏向軟薄，而且比較黏身，用筷子夾落碗就黐住曬開始散🙂‍↔️餡料幾飽滿，有豬肉同埋泡菜口味，前者係切得細碎既菜、豬肉、粉絲，後者帶點辛辣較惹味🌶️▪️ 花蛤刀削麵 （6.5/10）💲78有唔少花蛤藏咗喺底，食落都新鮮，冇咩沙或腥味🤓麵條的確煙韌 ，蛋絲紫菜湯底實在清淡，食食吓會有啲寡🔎 整體評分（6.5/10）…Read More

山林道出名好多隱世美食🩷 今次要介紹嘅係呢一間自家製韓國刀削麵 佢地專注於正宗韓國刀削麵 冇諗過除左咩咩山西刀削麵 仲有韓國嘅刀削麵可以揀🤣🤣佢地仲係香港第一間韓國刀削麵呀😆 .🐷 牛骨湯刀削麵呢碗牛骨湯刀削麵真係無得輸！湯底濃郁 濃得黎又算幾清 唔會太膩/ 太油 牛骨味道香醇 刀削麵彈牙 吸收晒湯汁 除左麵條同牛肉 仲有啲紫菜同蛋絲 所以都算係幾豐富架🤣麵條口感不錯 咬落有嚼勁 仲要份量超多 多到小編食唔曬咁制🐷 花蛤刀削麵花蛤新鮮😌 肉質都算鮮甜 搭配刀削麵 湯底清爽 味道輕盈 花蛤份量都算ok架🤣 加埋小編中意嘅翠肉瓜 perfect🐷🐷 海鮮韭菜煎餅呢個煎餅外脆內軟 海鮮味十足 韭菜香氣撲鼻 唔會得麵粉沒配菜 海鮮份量足 魷魚🦑都落左唔少 搭配麻油食更加好味 作為小食或者開胃菜都非常合適 .自家製韓國刀削麵 @fandsfoodcompany 📍 尖沙咀山林道46-48號運通商業大廈地下20-27號舖.#吃貨日常 #香港 #刀削麵 #尖沙咀美食 #hkfoodie #foodiehk #九龍 #九龍好去處…Read More

平日同朋友去食7點15左右 唔駛等位1. 雙拼餃子平時都有買開韓國急凍餃子豬肉餃比急凍餃多餡 但味覺上冇太大差別泡菜餃就冇咩泡菜味同 一啲都唔辣下次再食會情願就咁叫豬肉餃2. 五花肉泡菜煎餅即係泡菜煎餅底下加件五花肉煎起即食香口但冇咩泡菜味 唔辣五花肉加埋煎餅都冇咩特別3. 花蛤刀削麵麵多 煙韌彈牙翠玉瓜有調味 非常好食花蛤都多 整體：口味偏淡我會形容韓國魚蛋粉如果你想食啲好重口韓國菜咁可能唔適合你…Read More

5:30左右到餐廳，無乜人，店員招呼我地再同我地講手機掃code下單。和朋友睇menu揀好食物後,一時唔記得要手機下單，我哋叫店員時，朋友話店員立刻黑面😥其實可以友善提醒嘅……我叫花蛤刀削麵，朋友叫牛骨刀削麵。花蛤湯本身都好味，但花蛤有一半都有沙，非常影響用餐經驗。牛骨湯不過不失。兩碗麵份量都大碗。五搭心腩泡菜煎餅味道都還可以。…Read More