魚你相聚 (富景商場)

朋友好鍾意食酸菜魚，今晚揀左魚你相聚試下。七點到達，門口已經開始要等位，但等得唔算耐，約5-6分鐘就入得。餐廳地方唔算好大，有少量卡位。大盤酸菜魚  $268呢度有四款魚可以選擇：鯛魚片、鱸魚片、生魚片、龍利柳。而湯底就有三款選擇：老壇酸菜湯、藤花椒酸菜湯、檸檬酸菜湯。我哋今晚就試鯛魚片檸檬酸菜魚。大盤酸菜魚估唔到真係咁大盤，超出我地預期。套餐仲包2個主食，主食可揀薯粉/白飯/米綫。入面除左有酸菜魚、馬鈴薯、萵筍、豆腐、豆腐皮、大豆芽、娃娃菜、金針菇、海帶仲有闊薯粉，好足料。朋友唔太食得辣，檸檬酸湯辣度剛剛好，仲有淡淡檸檬酸味，清新開胃。鯛魚片口感爽脆鮮甜，檸檬湯底無蓋過魚嘅味道。大大片薯仔片，娃娃菜好吸湯，其他配料份量亦多。花膠濃湯雞煲 $75套餐同樣包一款主食，花膠雞湯底濃厚，有少少黏口。花膠就唔多，有兩塊。但雞肉份量足夠，仲有娃娃菜做配料。以一人餐黎講，都抵食。熱柚子蜜 +$7凍檸檬茶 +$5…Read More

見到有間新開嘅酸菜魚，價錢相當親民，就入去試吓有多款套餐，適合一個人或大夥兒一齊share。唔鍾意食魚嘅人，可以揀雞煲、肥牛，墨魚等套餐，又或者煲仔飯。此外，仲有多款涼拌小食、同埋好特別嘅毛血旺。我哋點咗：🐟 酸菜魚（一人餐）$76淨係魚都有四款俾你揀，分別係鯛魚（爽脆）、鱸魚（鮮甜）、生魚（爽甜）同龍脷柳湯底可以揀多款酸菜湯、香辣濃湯、麻辣濃湯或蕃茄濃湯，仲可以揀兩款配菜，飯或者麵我就揀咗鯛魚老壇酸菜湯（微辣），娃娃菜、豆腐皮，配手工薯粉酸菜魚好正宗，湯好香，唔會太酸鯛魚爽脆鮮甜，娃娃菜索了湯汁，非常美味豆腐皮比較少地方吃到，手工薯粉新鮮煮好，同酸菜湯好夾🐓 花膠濃湯雞煲$75老公麻麻哋鍾意食魚，佢揀咗滋補嘅花膠濃湯雞煲湯嘅味道好濃，雞好滑，花膠雖然唔係好大嚿，但係有好幾嚿，以呢個價錢嚟計，性價比非常之高👍🏻跟餐揀咗米線，爽滑彈牙另外，見到小食好平，忍唔住叫咗幾款😋🐓 麻辣手撕雞$42雞肉緊實有咬口少少辣，好香口伴有椰菜同香脆花生🐮 麻辣牛肚$42牛肚爽口，微辣配以椰菜同香脆化身🐔 麻辣雞腎$38雞腎爽口，同埋辣汁好夾🥤 可樂 （+ $5 跟餐價）飲品種類有好多，啤酒汽水、特飲、涼茶都有，唔同類別唔同價錢👍🏻我自己食辣嘢就鍾意飲可樂…Read More

放假和友人入小西灣逛街。小西灣無什麼景點，入來純粹是懷舊。小西灣同樣無什麼好食肆，最後決定在魚你相聚食個酸菜魚，之前在長沙灣的分店食過，所以有信心。*無論是小西灣還是長沙灣，餐廳都走樸實路線，四川來的主廚主理，風味正宗，價錢親民。一人套餐假若不追加其它東西，最平只需$58，已可吃到飽飽。除了酸菜魚，還有煲仔飯和雞煲。*我們叫了兩套酸菜魚套餐和一份雞煲，以及幾種小食。*酸菜魚有好幾種魚類選擇，口感各不同：我覺得鯛魚片爽脆，鱸魚片柔軟，生魚片軟滑。全都無骨新鮮。*湯底方面，選了微辣的酸菜金湯和唔辣的番茄濃湯，全都濃香夠熱，鹹中帶鮮，吃來不覺油膩。*套餐已包兩款配菜，也可加$追加，份量可不少。*套餐還贈送主食，薯粉、米線、白飯任揀。我喜歡米線多些，薯粉較粗和韌。*花膠濃湯雞煲非常香濃，雞件嫩滑，花膠軟腍。食完全身滾熱，個胃好舒服。*小食的鹽焗鳳爪和脫骨鴨掌都入味好吃；紅糖糍粑外皮香脆，內裏軟糯Q彈。…Read More