魚你相聚 (富景商場)

Open Now

Now Closed

煲仔飯 好正 ！仲有飯焦！酸菜魚 小朋友都啱食 ，有辣同吾辣！（本來想影相，但大家太肚餓 影吾切）只影到煲仔飯因要等飯焦🤣價錢公道早餐 下午茶都抵食三文治有驚喜！正！當天 兩位男士（樓面）服務周到！好好！！

店舖環境寬敞，枱夠晒大，即使係叫到成枱都係嘢都好夠放，餐廳有好多其他套餐可以揀，就算一個人都可以有好多選擇🤣大盤生魚片酸菜魚👍👍👍（2-4位） $268湯底非常鮮甜，生魚片夠嫩滑，一啲骨都冇，呢盆大大盆嘅酸菜魚入邊勁多配料，金菇，大豆芽，粉條等…..套餐仲會包兩份主食，可以揀薯粉米線或者白飯，建議如果係兩個人想叫嘅話，一定要準備1GB既胃🙈泡椒鳳爪$38鳳爪食落好爽滑，唔係食落「腍啤啤」嗰隻，泡椒味非常重，唔算太辣，食到少少辣嘅都可以試吓麻辣雞腎$38雞腎份量十足，非常入味，但係略嫌辣咗少少，蓋過咗佢原有嘅味道

🐟 2-4人份鯛魚片藤花椒酸菜魚 $268呢間酸菜魚算係香港食到嘅味數一數二正宗嘅，藤花椒酸菜湯真係超級正😭🌶️上枱嗰陣大碗到嚇親，兩個人真係唔係幾食得曬，事關佢除咗咁大碗酸菜魚仲有兩碗主食，可以揀白飯米線或者薯粉，而且本身酸菜魚入面都有大量寬粉😳 Menu好細心咁有講到唔同魚嘅口感，可以自行根據喜好去揀食咩魚，而小編最愛就係鯛魚片，每塊都非常爽脆，仲有吸晒湯汁嘅芽菜、寬粉同豆腐，辣得好過癮🤤🤤.💰人均消費：～$350.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5

朋友仔今日過左來小西灣探我，當然要同佢食佢至鐘意既酸菜魚啦！🔅大盆酸菜魚套餐 配 白飯 2 碗揀左鯛魚片酸菜魚，配老壇酸菜湯鯛魚片口感爽脆、鮮甜，湯底有花椒、八角、酸菜，增加左唔小香氣同層次感而家因為係二人份量，配菜超級足料，有：闊薯粉、薯仔、萵筍、豆腐、豆腐皮、大豆芽、娃娃菜、金針菇、海带，樣樣都有，如果只得2個人食，啲鍋一定足夠！🔅 花膠濃湯雞煲 配 米線花膠濃湯雞煲真係一味好滋補的美食，滑嫩的雞肉，口感豐富。配上Q彈既花膠，真係好正，濃郁既湯底，真係比人有一種醇厚的口感，配埋米線，真係一流！真係好岩而家凍凍地既日子食！🔅青椒皮蛋四川小食，青椒配皮蛋連埋啲麻辣醬汁，真係夠曬野味！🔅 涼拌海蜇涼浸浸既海蜇，配上醬汁，味道鮮甜爽口，海蜇底係生菜絲，配搭一齊食，爽脆度倍增！

前幾日放工後去咗朋友新居入伙，佢介紹咗附近富景商場嘅「魚你相聚」試下。呢間餐廳主打酸菜魚，但因為有朋友唔食得辣，佢哋好貼心，提供咗唔辣嘅湯底選擇，真係好方便！🐟🍲我哋揀咗一人套餐 - 魚肉揀咗鯛魚，魚肉滑嫩冇骨 - 湯底揀咗蕃茄濃湯湯底，酸酸甜甜，完全唔辣，但又好開胃，啱晒唔食辣嘅朋友！ - 配菜包兩款，我哋揀咗豆卜同萵筍，豆卜吸晒湯汁，入味又多汁；萵筍清甜爽口，平衡咗蕃茄湯嘅濃郁味道。 - 粉麵底方面，我哋選咗手工薯粉，薯粉條爽滑彈牙，吸晒湯底嘅鮮味，真係一流！ 因為幾個朋友一齊食，我哋仲額外加咗幾款配料落去： - 肥牛：肉質鮮嫩，放落湯底煮一煮就好好味。 - 肥腸：處理得乾淨冇腥味，口感煙韌，非常惹味。 - 黃喉：爽脆彈牙，係湯底配菜嘅好選擇。 份量真係好夠，幾個人一齊分著食，氣氛好開心，食得好爽！煲仔飯 佢哋啲煲仔飯都好出名，點咗一個窩蛋牛肉飯： - 牛肉係免治牛肉，但味道濃郁，牛肉味比一般蒸飯嘅牛肉重好多，仲有啲似山竹牛肉嘅質感，但更特別！ - 飯焦煮得非常好，脆卜卜又唔會太硬，係煲仔飯嘅靈魂所在，呢個真係加分位！小食 另外仲試咗兩款小食： - 鹽焗

今晚唔得閒煮飯，同阿女行去屋企附近，小西灣富景商場的魚你相聚食晚飯。餐廳做街坊生意為主，價錢好大眾化，所以經常都好多人光顧。🍅番茄濃湯鯛魚片娃娃菜米線，另外追加肥牛。湯底酸酸甜甜，番茄味道濃郁。最愛魚片夠爽脆又鮮甜，份量幾多。可以配米線，薯粉或飯，我選擇了米線。女女食鹹蛋肉餅煲仔飯，要等大約25分鐘，保證即製熱辣辣，女女話好好食，仲有飯焦好香。小食：炸脆皮雞中翼，非常香口。薑蓉口水雞，非常惹味，雞肉嫩滑。餐飲凍鹹檸七青蘋果梳打

朋友好鍾意食酸菜魚，今晚揀左魚你相聚試下。七點到達，門口已經開始要等位，但等得唔算耐，約5-6分鐘就入得。餐廳地方唔算好大，有少量卡位。大盤酸菜魚  $268呢度有四款魚可以選擇：鯛魚片、鱸魚片、生魚片、龍利柳。而湯底就有三款選擇：老壇酸菜湯、藤花椒酸菜湯、檸檬酸菜湯。我哋今晚就試鯛魚片檸檬酸菜魚。大盤酸菜魚估唔到真係咁大盤，超出我地預期。套餐仲包2個主食，主食可揀薯粉/白飯/米綫。入面除左有酸菜魚、馬鈴薯、萵筍、豆腐、豆腐皮、大豆芽、娃娃菜、金針菇、海帶仲有闊薯粉，好足料。朋友唔太食得辣，檸檬酸湯辣度剛剛好，仲有淡淡檸檬酸味，清新開胃。鯛魚片口感爽脆鮮甜，檸檬湯底無蓋過魚嘅味道。大大片薯仔片，娃娃菜好吸湯，其他配料份量亦多。花膠濃湯雞煲 $75套餐同樣包一款主食，花膠雞湯底濃厚，有少少黏口。花膠就唔多，有兩塊。但雞肉份量足夠，仲有娃娃菜做配料。以一人餐黎講，都抵食。熱柚子蜜 +$7凍檸檬茶 +$5

環境簡單舒適，價格合理，由四川廚師主理，質素令人滿意。鯛魚片酸菜金湯酸辣適中，湯底濃郁但不過鹹，最愛金湯中加入了大量蒜蓉。自選配料如米線、金菇和白蘿蔔吸收了湯的精華，口感豐富。鯛魚爽脆，如果喜歡魚肉的朋友，可以額外加鱸魚片，魚肉新鮮，沒有腥味，滑嫩可口。生魚片蕃茄濃湯朋友完全不吃辣，點了蕃茄濃湯。同樣額外加鱸魚片。生魚和鱸魚都柔軟鮮味。花膠濃湯雞煲湯頭濃郁順滑，花膠質地軟糯，雞肉鮮嫩入味，娃娃菜清甜，是一道滋補又美味的選擇，非常適合天氣稍涼時享用。麻辣手撕雞雞肉鮮嫩而且撕得幼細，麻辣味層次分明，作為配菜或開胃小食都非常不錯。紅糖糍粑我喜歡它做得特別幼身，所以更香脆，很好吃。

過嚟小西灣搵朋友聚舊，順便一齊食晚飯。路經富景商場，見到有間「魚你相聚」，記得之前喺長沙灣幫襯過，原來呢度都有分店。餐廳由有多年川菜經驗嘅師傅主理，主打平民價錢正宗四川風味菜式，而招牌菜就有大盤酸菜魚、滋味雞煲同香噴噴煲仔飯等。點咗個一人套餐：番茄濃湯墨魚片 ($78)，套餐附送 2 款配菜，揀咗薯仔同豆卜配手工薯粉。墨魚切成薄片，入口彈牙有嚼勁。薯仔煮至粉腍入味，豆卜吸盡番茄湯底精華，一咬湯汁溢出，配埋煙韌滑溜嘅薯粉食，滋味無窮。花膠濃湯雞煲 ($75)  湯底好濃郁，鮮香又唔油膩。雞件份量都幾多，肉質嫩滑，加埋厚身花膠，啖啖骨膠原，滋潤又養顏。鳳爪排骨煲仔飯 ($60)  煲仔飯即叫即做，面頭鋪滿餸料，送上時仍熱辣辣，鳳爪大大隻，排骨腍滑有肉味，另外仲加咗臘腸 同 咸蛋，飯粒乾爽，配埋有米香又唔過硬嘅飯焦，好吃。仲嗌咗 2 款小食鹽焗手撕雞 ($42) 同 咸脆花生 ($15)。手撕雞肉質好嫩滑，入口帶陣陣麻油香；花生鹹香酥脆，最啱用嚟過下口癮。另外呢度嘅飲品都好抵，加配價由 $5-$15 不等，點咗杯熱奶茶同紅豆冰咖啡，咖啡味道頗濃，與紅豆拌勻，甜度剛好，值得一試！一場嚟到，冇理

行小西灣，見到呢間食酸菜魚嘅餐廳，主打平民價錢正宗四川風味菜式，就去試吓～今次我哋叫咗一個2-4人份嘅酸菜魚，選擇咗老壇酸菜湯。啲酸菜真係多到好似唔駛錢咁，食落去超澎湃！用嘅魚係鱸魚，味道鮮甜，湯底除咗有魚嘅甜味，仲充滿咗濃郁嘅酸味。份量真係大，入面有闊薯粉、薯仔、萵筍、豆腐、豆腐皮、大豆芽、娃娃菜、金針菇等，仲有額外兩份手工薯粉、米線或者白飯。呢盤酸菜魚材料足夠，鱸魚片滑溜溜，啖啖肉都好大件，湯底正宗川菜風味，越食越開胃。薯粉新鮮煮好，搭配酸菜湯味道一流，窩筍吸滿湯汁，真係惹味。另外，我哋仲叫咗鹽焗手撕雞，味道香口，口感鹹香，雞肉滑，雞皮油香重。手撕雞上面仲有生菜同花生，咸咸地好適合配酒。涼拌海蜇就係一碟清爽選擇，唔辣，香麻油味，海蜇幾爽口，份量比想像中多，帶嚟一絲涼意。最後係麻辣豬耳，麻辣味輕微，但又啱我呢啲唔太食辣嘅人。豬耳脆嫩爽口，加上麻辣醬汁真係好搭，配啤酒或者白飯都好好食。

今日收工幫朋友照顧完貓貓做貓保姆之後就番娘家 約知心友食晚飯今次同佢去咗富景商場嘅魚你相聚平時我都有同爸爸媽媽嚟食 唔錯㗎我哋2個都餓餓哋 同埋戒緊辣所以主打唔辣嘅菜式就叫咗2個小菜 1個一人套餐 1個煲同1碟菜🥒涼拌青瓜木耳微辣 除咗木耳同青瓜仲有好多豆腐皮🪼涼拌海蜇必食 夠爽口彈牙麻油味幾濃 芝麻粒多番啲口感會更好🦑墨魚片娃娃菜豆腐豆腐皮午餐肉毛肚薯粉（蕃茄湯底）無睇錯 真係叫咗咁多餸😆每樣餸嘅份量都幾多吓第1件事就係將薯粉倒埋落去等佢吸吓精華墨魚片我第一次喺度食 彈牙喎🐤花膠濃湯雞煲配米線女生必試 有幾嚿花膠骨膠丸 🈵️🈵️米線撈埋落去食 每啜一啖都吸收到湯嘅精華雞件滑溜🥬蠔油菜心爽甜😋🍹利賓納梳打特飲🫖熱柚子蜜

店名: 魚你相聚 地址: 柴灣小西灣道18號富景商場地下49-50號舖環境: 4/5價錢: 4/5味道: 4/5屋企附近新開左間酸菜魚，價錢都算幾抵食，佢仲有好多唔同嘢食可以選擇，今次就嚟試下🙈老壇酸菜鯛魚湯❤️❤️❤️❤️$76+$8+$8+$20+$20酸菜幾入味，鯛魚片魚肉鮮甜，有咬口，加上各種配料，有鴨血、黃喉等再配上薯粉已經好飽肚😌凍鹹檸七❤️❤️❤️❤️+$12套餐加配$12，出面比較少見，十分解渴✌🏻蕃茄鱸魚濃湯❤️❤️❤️❤️$76+$8+$8蕃茄🍅湯底都好濃郁，同樣有多款配料，魚片同樣鮮甜可口，配上米線一流😝凍檸蜜❤️❤️❤️❤️+$10夠哂凍，酸酸甜甜好啱夏天飲☺️涼拌海哲❤️❤️❤️❤️❤️$28海哲份量多，口感彈牙爽脆，加上調味，超好食😚涼拌青瓜木耳❤️❤️❤️❤️$26帶少少麻辣，青瓜🥒木耳同樣有口感又爽脆鹽焗手撕雞❤️❤️❤️❤️$42份量足，雞撕飽肚又入味😌

Tata Try something New🥰🥰🥰第一次食川菜😆😆好惹味！👍🏻👍🏻香辣毛血旺配紅薯粉🥘:揀左薯仔同豆腐做配料，十分夾，薯仔薄脆，吸了辣汁後，香麻辣一次體驗！豆腐嫩滑，有豆香。紅薯粉份量多，而且十分彈牙！😋😋老壇酸菜湯鯛魚🐟：鯛魚十分爽彈👍🏻👍🏻👍🏻抵讚！湯頭十分夠味，酸酸辣辣，辣度調得剛好！揀了萵荀及白蘿蔔做配料，兩種蔬菜都十分爽脆，白蘿蔔特別清甜👍🏻😉香辣牛肚及牛展🐂：牛肚牛展十分麻辣，麻辣香濃，份量很多，性價比很高！😆😆😆海鮮炒飯🐟🦐🦞：材料豐富，口感很有層次，炒飯粒粒分明，不會過辣，十分可口😜😜😜凍檸蜜及凍利賓納梳打🫙🫙：正常發揮，解渴潤喉一流！😉魚你相聚（柴灣）地址：柴灣小西灣道18號富景商場地下49-50號鋪#酸菜魚 #酸菜魚專門店 #毛血旺 #川菜 #魚你相聚 #柴灣美食 #朋友相聚點 #聚餐 #香港美食 #柴灣美食推介

當你朋友好鍾意食魚嘅時候，你會四圍走搵間好野比佢試！不過今次冇去揾只係路過就俾吸引左入去啦！首點老壇酸菜魚，嘩！好大盤、好多魚片呀！睇見已經興奮莫明🤣魚片冇骨，滑溜，加埋酸菜一齊食真係冇得彈👍🏻配料有金菇，萵筍，大豆芽菜、豆腐、薯仔⋯⋯仲有兩碗薯粉或飯跟，真係食一個酸菜魚都已經好飽架啦💪🏻💪🏻見有花膠濃湯雞煲$75，一D都唔貴，花膠係有厚度，入口黏黏，膠質豐富！估唔到雞塊件件都大大件仲要係唔嚡，套餐都有飯或粉任揀麻辣豬潤蓮藕片$38，係我嘅至愛，豬潤好多片，蓮藕片又入哂味，簡直係平靚正，推介😍😍

座位闊落舒適，職員親切友善~ 有很多四川風味的菜式，有米線、煲仔飯一人份量餐，涼拌小食等，價錢相當親民。另外有2-4份量酸菜魚肥牛餐等。——————————————————————-🥒 涼拌青瓜木耳 $26青瓜爽脆份量很多！調味得很好，很入味～🥘 大盤鴛鴦至尊（2-4位用）$348朋友不吃牛，這款真的很好！鴛鴦一邊香辣味肥牛，另一邊藤花椒酸菜鱸魚片～🍚 選了兩碗主食：手工薯粉 及 軟滑米綫🐮 鮮嫩肥牛（香辣味）肥牛量很多，配菜量都很多！有肥腸、毛肚、黃喉、鴨血、午餐肉等。鴨血入味，肥腸煙韌，黃喉爽脆。無論很口感及味道都很一絕，這個價錢有這種質素及份量真的很不簡單！很推介！🐟 鱸魚片（藤花椒酸菜）鱸魚片酸菜魚配薯粉，鯛魚爽脆鮮甜啖啖肉。除大量鱸魚片，配料很多很足料，有木耳、酸菜、寬粉、豆腐絲、大豆芽、豆腐皮、娃娃菜、海帶、薯仔等。豆腐皮與娃娃菜索了湯汁，稍為鹹了少許，但仍很不錯。手工薯粉新鮮煮好，同酸菜湯好夾。🍹凍鹹檸七$12食辣時飲很爽，酸酸甜甜帶點鹹味～