Chau Kee

每次到西環都要用好多時間去諗食乜，一來唔熟依頭，二來依區有好多第二區冇嘅小店，所以間間都會想試下，今日就係比依間周記門口嘅相吸引咗入去。依間舖頭賣嘅可以算是fusion點心吧，有蝦餃燒賣，但又有西多士凍檸茶，大概全世界只有係香港依個地方，先會有咁跳嘅menu。點咗佢哋嘅下午茶餐，XO醬炒蘿蔔糕+餐飲（$52），另外點咗間舖嘅名物芝麻蝦多士（$52）。先嚟嘅係蘿蔔糕，睇個樣係唔錯嘅，除咗有正常會用嘅芽菜、紅蘿蔔一齊炒之外，仲有我鍾意嘅唐芹，面頭仲灑咗啲炒過嘅蝦皮，樣係唔錯嘅，但蘿蔔糕嘅質地有啲奇怪，點解食落會有啲煙韌嘅？感覺有啲似炸脆咗再淋翻咁，但炒蘿蔔糕唔係應該乾身架咩🤔我睇唔透，而且佢應該用咗非常多油去炒，碟底全是油，真係有影響食慾。再嚟嘅係芝麻蝦多士，依個就真係唔錯，方包中間夾住厚厚嘅蝦膠，面頭再黐滿芝麻去炸，出嚟金黃色証明炸嘅時間恰到好處，不但樣靚亦都好香，只係因為麵包係一樣非常吸油嘅食材，所以佢都唔例外，配上沙律醬本來酸酸哋係可以解膩嘅，不過諗深一層，沙律醬其實都係用油打成，所以都係點少少好喇。總結就係，下次如果再去，食蒸嘅點心好了，因為炸嘅太油喇。…Read More

元祖首創的流心西多及自家製芝麻蝦多士，曾經受訪過電視及報紙，什至有一篇是日本報道的文章😱，所以要試一試元祖口味。 呢餐係抵食、飽肚的一餐。8款點心埋單都係$304，過一下點心引係唔錯。但係會食得有點趕時間，落單唔夠5分鐘就上齊，為左唔好食凍野，就要自己食快點。茶就得一款無得選擇，亦無水壺/茶壺🫖忽你自己，飲完一杯之後我都唔知點算😵‍💫。 芝麻蝦多士：包皮外層鬆脆加上滿滿芝麻，非常之香口。內層的蝦膠非常足料，再點上沙律醬非常開胃。 沙爹金錢肚：沙爹醬入味，但有少少淡，碟底部無多餘醬汁，山根略硬。 鴛鴦燒賣：分別係燒賣頂上的蟹籽及黑松露，黑松露醬幾香口。 鮮蝦菠菜餃：有蝦味有菠菜味，但整體味道各有各分開了，唔多夾到。 黑松露湯餃：湯為黑松露白湯，除左黑松露味外，個湯食唔出其他味。湯餃皮厚略硬，餡料豬肉同蝦，蝦比例略少。個人唔識欣賞⋯ 咖喱魷魚：多汁有咖喱味，魷魚略為韌口。 周記蝦餃：餃皮皮薄，蝦肉略腥。 奶黃流沙西多士：一切開流沙餡流出香噴噴，色澤亦唔錯，味精就個人覺得太甜，食到最後舌頭甜到麻庳左😅。可能另兩款口味，紫薯或芝麻會無咁甜？🤔…Read More

周記開業將近10年，既要保留「一盅兩件」，又要加入創新元素，將飲食型態改變以貼近時代。周記變型成為「點心+茶餐廳」，煎炸類的食物較為出色，並且值得一試。(1) 奶黃流心西多士熱騰騰的奶皇餡灌入港式西多士。一切開就有滿滿的金黃流沙溢出，甜鹹恰到好處，口感綿滑。雖然有其他口味可供挑選，但個人認為奶黃味是位列第一。因為奶皇餡料加上西多士，才是點心與茶餐廳之美食融合。(2) 馳名芝麻蝦多士比起西式到會的蝦多士，它的蝦肉餡有份量得多。而且餡料跟中式點心的「魚肚釀蝦滑」如出一轍，再沾上白芝麻粒，口感豐富。(3) XO醬蘿蔔糕灑滿櫻花蝦、芽菜、以及韭黃，材料十足。(4) 春鬼得意腸即是腸粉包裹春卷，粉漿頗厚，入口略為油膩。餘下點心都中規中矩（鴛鴦燒賣／鵪鶉蛋燒賣／咖喱土魷／豉蒜蒸排骨）。店內裝潢、食具，甚至茶茗也有改善的空間。是日豬豬帶了馬拉朋友來港遊玩，喝樽仔奶茶都津津有味（沒有點馬拉糕ψ(｀∇´)ψ）。所以，具有香港特色，招徠遊客都尚有吸引之處。…Read More

周記點心門面睇落係一間普通嘅中式點心店，不過佢其實唔係傳統嘅點心店，店家提供創意點心，好似奶黃/芝麻/芋泥西多士、芝麻蝦多士、春風得意腸等等。📚蝦多士係香港嘅懷舊小食，都係可以話係香港中西文化匯聚嘅象徵。將英式三明治加入常見於香港雲吞嘅蝦膠，再油炸至金黃色而成，淨係諗下都覺得好同味😋。不過呢種懷舊小食已經無咁常見，因為整蝦多士要嘅時間同力氣所費不菲，好似中間嘅蝦膠係要將蝦仁剁成蝦蓉，再用筷子或手攪拌至略為起膠。周記嘅蝦多士仲加入咗芝麻，令多士增添一份芝麻香。而且多士炸到香酥又唔會油膩，中間嘅蝦膠非常厚，所以每件多士都好巨型。淡淡蝦味配上香脆可口嘅芝麻麵包皮，大滿足😋。鴛鴦燒賣同普通燒賣差唔多，係由蝦燒賣同黑松露燒賣組成，其實就係喺普通燒賣上面分別加上黑松露/蝦，味道正正常常，不過係幾彈牙嘅。周記雖然係以創意點心為綽頭，但伙記幾有舊式茶樓嘅親切感，好nice。有機會好想試吓佢哋其它點心，好似西多士同春風得意腸。🌝大部分點心都比較高脂多油，食點心可以話係難避免會肥😂。好似芝麻蝦多士，經過油炸之後，卡路里一定爆升。燒賣都係肥仔嘢，因為大部分會用肥豬肉整。📜🥢鴛鴦燒賣 $32🥢芝麻蝦多士 $48…Read More

星期日下午喺周記食點心，唔需要等位。周記係茶餐廳形式嘅點心店，點心都多款式。叫咗好多人推介嘅芝麻蝦多士（$48），見到每枱食客都有一碟，芝麻鋪滿成個多士面，感覺似食煎堆嘅香脆感，麵包邊好脆身，中間嘅蝦蓉係厚身彈牙，好足料，每塊多士都大大件同一樣咁厚身，無令人失望～ 加埋沙律醬食會更加好食，鮮味更突出😋鮮蝦菜苗餃（$32）蝦肉新鮮彈牙，蝦肉同菜嘅比例係7:3，餃子皮晶瑩剔透，唔會太厚身，口感同味道剛好。咖喱土魷每舊魷魚都好大塊，少少香辣嘅咖喱味黑松露湯餃（$28）黑松露湯係雞湯滲出淡淡黑松露味，唔會好鹹好濃味，餃子皮好薄，入面餡係好包滿嘅肉肉，食完一個湯餃，會好飽。鴛鴦燒賣（$32）一款係蝦燒賣，另一款係加咗黑松露喺面嘅黑松露蝦燒賣，蝦肉新鮮，蝦同豬肉比例各一半，食到豬肉嘅結實同蝦嘅彈牙～樽裝奶茶試咗樽裝奶茶，比正常甜度偏甜，120%甜，奶茶有茶味，但由於太甜，覺得唔太好飲，如果可以少甜啲，會好好多由於周記係茶餐廳形式，所以唔會有得揀茶葉 開壺茶，店員會比兩杯茶食客，亦會密密加茶，點心食完會即刻收走吉碟/籠，服務都幾好。唯一唔舒服嘅係，每張枱距離比較貼近，同後面嘅食客會背貼背坐，少少擠迫，坐得唔太舒服。兩個人食咗5樣點心，$206，樣樣點心都足料新鮮，食到好飽肚～😆…Read More

因為疫情關係，已經很久無同家人一起到茶樓嘆一盅兩件，而外賣便變成了另一種飲食文化。最近想食點心，於是上網找尋區內的茶樓和點心店，終於找到在水街的周記點心茶餐廳。從網上得知周記最出名的有芝麻蝦多士、鴛鴦燒賣、XO醬炒腸粉等的中式點心外，更還有西式的流心西多士，中西合璧，真的是並不一般的傳統點心店。於是我便預先打電話叫外賣，照他們最出名的食物落order!去到周記，外賣已經準備好不用等。但可惜我等了半個鐘巴士，熱滕滕的食物变得.....好回到家開始慢慢品嘗，芝麻蝦多士$48芝麻和麵包雖然已不熱敕敕，但仍很香口和挺身，蝦肉滿滿的，絕對值$48！可以推介給大家！春風得意腸$43這個最裹面是蝦肉，用春卷皮包裹，再包腸粉皮。原本應該有的一脆一軟滑強烈對比的口感，因為回家時間太耐，脆脆的春卷皮，被腸粉皮变得軟身。若有機會再來的話一定要再試。XO醬炒腸粉$45他們還有XO醬炒銀針粉XO醬炒蘿蔔糕.他們炒得很惹味，加入了唐芹和銀芽，把XO醬更突出。鴛鴦燒賣$34有很多蝦肉，口感爽滑。鵪鶉蛋燒賣$26蛋白比較硬。鳳爪排骨飯$36他們還有章魚雞粒飯蝦醬豬頸肉飯份量比我想像中多，排骨食到有很多肉，不是太多肥膏，而醃料和粉槳沒有一般洒樓那麼種手，和飯粒有咬口。最後是奶皇流心西多士$38他們還有紫薯流心西多士黑芝麻流心西多士朱古力流心西多士由兩片麵包中間放入奶皇再醃上蛋槳煎香，從中間切開，奶皇隨之流出，有點像火山爆發溶岩一擁而出的感覺。如果可以即時堂食，一定更香！有機會一定要堂食再試過，即叫即煮的感覺！…Read More

一家人去飲茶，老媽子原本想去深水埗某店食點心，細佬話如果去深水埗嗰間咁不如去西環呢間周記食，有老闆坐陣包保點心熱辣辣。老媽子聽完好有興趣，於是就決定去周記，雖然對我呢啲住喺大西北嘅人黎講，去西環真係好遠😅呢間店嘅格局比較似茶餐廳，某啲枱坐落去有少少迫，我地一家人分開左前後兩張枱坐，尚算OK。點心種類頗多，因為兩張枱點咗唔同嘅野食，所以只寫我果枱食果啲點心。XO醬炒腸粉XO醬味唔算太濃，我自己就鍾意食濃味啲。好多芹菜，因為我同我細佬唔食，我老公一人食哂食得好開心😂芝麻蝦多士呢個必食！厚厚嘅蝦膠唔在講，最重要係灑滿芝麻嘅外表真係好脆好脆好脆！趁熱食真係冇得彈，本來只打算食一件嘅我忍唔住食咗第二件，食完仲要意猶未盡🤤唔點佢附嘅沙律醬已經好夠味。周記蝦餃皮夠薄，不過就乾身咗啲，蝦都夠爽口，就係普通嘅蝦餃。懷舊糯米包喺出面嘅酒樓好少見到糯米包，老實講我冇印象有食過呢樣野，呢度嘅糯米食落去唔會乾爭爭，味道亦夠，我比佢pass。黑松露湯餃呢個算係中加西式fusion菜？黑松露味好濃，湯餃都幾大隻，裏面好多料，亦食得到仿翅，呢個都係我會翻點嘅點心。蜜汁叉燒包普通嘅叉燒包，食完唔會留低深刻印象🤣咖哩土魷每次去食點心我都會點咖哩土魷(如果有嘅話)，呢度都唔例外，不過呢度嘅咖哩土魷嘅汁真係好濃好杰，而且仲會辣，正，又係忍唔住一件接一件！懷舊千層糕鬆軟，唔算太甜，食到有鹹蛋黃味，唔錯，可以再翻啅。懷舊芝麻卷全枱人都好鍾意食嘅芝麻卷冰凍清甜，好味~另外仲有偷咗隔離枱一條芝士蝦長春卷黎食，已經涼左不過外皮依然好酥脆，裏面有好多芝士，如果熱食應該會拉絲更好味，大家一定要趁熱食！🥺最後老公仲叫咗枝咖啡，佢話偏甜。我本身唔太熱衷飲茶，但係呢間真係得，不枉我地山長水遠去到西環，可惜呢次因為怕膩冇叫到流心西多士，下次要試下！…Read More

❤️一大班朋友吃飯，當然要一齊吃超級邪惡的高質點心！！！❤️ 今次分享的是港大附近非常著名的食堂集中地——水街，上面有一家很多同學都吃過的周記點心！．﹒‧°∴°☆．﹒‧°∴°﹒☆°．﹒‧°∴°☆．﹒‧°∴°☆💜紫薯流沙西多士 $36來到周記，不得不試一下馳名的首創紫薯流沙西多士！ ！ ！這個西多士雖則只有兩塊方包的size，可是吃下去就會知道份量真的超級大，尤其是配上邪惡的奶黃、芝麻和紫薯口味的流沙餡料，一個人吃真的會吃到膩，強烈建議大家一定要和朋友分享！🍞麵包炸到色澤金黃，不過有點偏腍，中間的流心紫薯餡偏向liquid，不是非常挺身的濃稠質感，建議切開四件後慢慢蘸回碟上的紫薯醬汁進食。🍴🍠推介程度：🐰🐰🐰🐰/5🧡芝麻蝦多士 $45招牌菜式！蝦多士的外皮炸得金黃香脆，而且非常薄身，表面佈滿芝麻，內餡包裹着非常厚身大件的蝦膠，質感爽身彈牙，蝦味十足，吃得出來是誠意之作！🥰 而且值得一讚的是，即使攤涼了一陣，入口仍然是熱辣辣脆卜卜的！☺️☺️☺️推介程度：🐰🐰🐰🐰🐰/5💛春風得意腸 $42 （圖上）一看見名字，腦海中馬上浮現的問題是：究竟吃完春風得意腸會不會真的變得「春風得意」？哈哈🙈😂這個菜式是脆卜卜版的炸兩，滑溜的腸粉米皮包裹住超級酥脆的炸春卷，蘸點豉油吃真是絕配！嘴裏咬開的時候還會聽到「霹靂啪喇」的清脆聲音呢！推介程度：🐰🐰🐰🐰🐰/5🤎 XO醬炒銀針粉 $43 （圖下）超級推介！😍😍😍 銀針粉炒得很夠鑊氣，表面鋪上了一大堆惹味香辣的XO醬，辣度適中（我覺得只是微辣而已，但不能吃辣的朋友們可能要輕輕撥開XO醬進食）。銀針粉質感滑溜，而且非常索到XO醬的香味，份量足夠三至四個人分享。推介程度：🐰🐰🐰🐰🐰/5💛鵪鶉蛋燒賣 $26豬肉餡略帶脂香，鵪鶉蛋的蛋黃呈金黃色，燒賣入口不會散開，一個字好吃！推介程度：🐰🐰🐰/5◽️💝 奶黃流沙包 $30 （忘拍）原本expect會好像奶黃流沙西多士一樣，奶黃餡會如爆漿般流出來！結果有點失望，奶黃餡雖然沒有很乾，是偏濕潤的質感，但是流沙效果一般。🙈🥲推介程度：🐰🐰🐰/5～周記點心地方不大，長期爆滿，尤其是午市時段真的超級多人，化身學生食堂。侍應哥哥會不時主動幫我們添茶🍵，服務態度ok！🙏🏻😆.≡※≡※≡※≡※≡※≡※≡※≡※≡※≡※≡※≡※≡※≡※≡※周記點心 (西環)西環西營盤水街東利大厦地下H1號舖…Read More

店鋪既流沙西多士，有奶黃、芝麻和芋泥三款味可選，非常邪惡，另外芝麻蝦多士也是不錯的選擇。除了西多士仲有各款點心比大家選擇。上網見到呢間店鋪既西多士好出名，所以一定要黎試試，試過真係非常值得一試！奶黃流沙西多士💰約36🔸多士份量大🔸奶黃份量十足，超香鹹蛋味，超級流心🔸一個人食有點兒膩，建議和朋友一起share食芝麻蝦多士💰約45🔸蝦膠份量多，非常彈牙🔸多士炸得很脆口，芝麻味超香🔸蝦味濃郁‼️不用加一服務費🙂性價比高…Read More

鍾意食鹼蛋黃嘅我，上網見到呢間有流心黃金西多士當然唔放過，專程黎潮聖一下落左單等左10分鐘左右啲野食就上黎啦，即刻切開份多士試試，係流心既，但就唔係爆出黎，無我想像咁多咁香，不過勝在西多本身都炸得幾好，外層香脆。之後試埋個蝦多士，估唔到佢咁厚，外層真係好脆，欣賞佢芝麻夠多又夠好香，入面蝦滑彈牙，份量好足，由於食lunch 無耐又再食，真係食唔曬最後黎個黑松露灌湯餃，黑松露味幾出，鍾意佢連大大碗湯一齊上，唔洗驚穿左漏曬啲汁，隻灌湯餃都幾大粒，要分開幾啖食，好彩有咁大碗汁，真係啖咪都好juicy 總結：食物質素ok,份量十足，要留肚過黎食…Read More

男友本來就很愛吃西多士，這個週末還未想到有什麼活動的時候就在網上找找香港有名的西多士。 然後我們就來到了周記來個下午茶！奶皇流心西多士表面看似平平無奇，兩塊麵包充滿著蛋汁同時被煎的非常香脆。 一切開，奶皇流心一湧而上，真的是超級流心的效果！ 偏硬的多士配上奶皇流心變得軟軟易入口的，而奶皇也不會太甜，帶點鹹蛋粒粒，挺不錯的！來到周記當然要試試她的招牌菜 — 芝麻蝦多士！ 蝦多士整個超厚身超有份量的，蝦跟多士的比例大概就是3:1！看到表面佈滿了煎香了的芝麻，香氣撲鼻！ 一口咬下去就吃到既實在又彈牙的蝦肉，再加上充滿牛油香又香脆的多士，整個配搭也太好吃了吧！我們還點了瓶樽裝原味奶茶和普通熱奶茶。果然樽裝的比較香濃和質地較滑溜，哈哈！…Read More

呢間餐廳都幾特別咁，係點心同埋茶餐廳嘅混合體，附近想食點心嘅話呢好似都冇乜選擇，所以呢間都幾受歡迎㗎Lunch Time嚟呢到食都幾多人要早少少出嚟拎位芝麻蝦多士 ⭐️⭐️⭐️⭐️⭐️好味！仲好飽肚而且呢度啲嘢食呢其實每一份嘅份量都幾大份， 如果人少呢真係要小心啲唔好叫太多嘢食，會眼闊肚窄XO醬炒銀針粉 ⭐️⭐️⭐️⭐️呢個都幾濃味嘅不過就略嫌佢稍為多油左少少春風特意腸 ⭐️⭐️⭐️⭐️⭐️特別！腸粉裏面包着春卷嘅估唔到口感又幾好喎…Read More

今日去卑路乍灣影打咭相。知道這間店有出名的芝麻虾多士。所以特別到這裡食完再去。這間食店中餐西餐都有。都幾有趣。不過它們的點心都真係唔平。味道都只係普通。所以唔會特別推介。今次要推介的係它們的多士。我的點了兩份多士，一份甜-朱古力西多士和一份鹹-芝麻虾多士。老實說如果你唔係太食得甜。唔好點西多士，因為真係太甜。砌開沒有流心感覺。已經很失望。這個燒賣根本無驚喜。那些松露和蟹子根本零味道⋯價錢超貴，送來時已經唔熱，不過唔試一款點心，又怕唔夠飽。這個芝麻蝦多士超好食。芝麻開首見到都覺得會唔會落太多⋯但原來芝麻放在虾多士上真是超夾。雖然價錢唔平，但真係值得一試，很多食評家都話變差了。我好難想像以前會有幾好味這個芝麻流沙西多士我要強調我地本來唔係點這個的。因為職員送錯，我地又無留意，所以我們就砌開影相加試味。但我就無試過，因為我唔太鍾意太甜的食物。我一直都以為佢係朱古力，因為我地點了朱古力，男朋友試左就發覺唔太有芝麻味，只係甜味⋯最後轉返的朱古力味我地就沒有再影相，因為賣相其實差不多，男朋友就話那個超級有朱古力味。還很甜。因為擁有大量朱古力，真的是流心的。如果大家唔係甜食愛好者，要三思而行呀。總結：這裡最好都係點西餐，想食點心其實香港很多比佢更好的選擇。但虾多士都目前為止，我真係未嘗試過比佢地更好了。…Read More

難得黎到西環呢邊，醒起邪惡西多士，即刻衝黎。下就三點左右，竟然無人排隊，不過坐多陣又已經滿哂人，真係好彩。今次只叫左兩樣必食已經好飽，周日無套餐，平均每人$40。流心奶黃西多士 $34一切開滿滿嘅奶黃爆哂出黎，仲會見到有一粒粒嘅咸蛋黃，所以甜中帶有咸香味，加埋濃濃奶香。多士四邊都炸到好脆口，而中間因為奶黃就變得軟身。芝麻蝦多士 $42一開四件，面頭滿佈芝麻，又香又加粒粒脆口，蝦膠好厚身，口感爽口彈牙，底個包烘到脆卜卜，兩樣比自己偏向鍾意呢個多。…Read More

鹹蛋控出沒注意⚠️ 想飲下茶食番2籠點心又唔想咁卦？ 今次就去左西環呢間新式點心店食點心☺️呢到既傳統點心都做得唔錯 不過就唔特別介紹啦 介就介紹d平時酒樓少見既點心😋首先要介紹當然係佢地既招牌推介 奶黃流沙西多士啦 除左奶黃味 佢地其實仲有香芋味同朱古力味 不過奶黃流沙我地覺得最吸引🤤 一切開簡直係爆漿丫！ 超級多流沙 中間仲有大大隻鹹蛋黃 好邪惡不過好正 幾個人share 就岩哂😋另外一個推介就係佢地既芝麻蝦多士啦 平時出面食到既蝦多士都係面頭有少少蝦膠 呢到既蝦膠多到好似唔駛錢咁😱 多士又鬆脆👍🏻…Read More