Kwan Kee Store (Closed)

呢間坤記糕品已經攞過好多次米芝蓮既推介，傳統既糕點都可以咁受到注目，有機會就去買黎試下🤩去到既時候見到門面擺好左好多唔同款式既糕點，包裝好曬，客人黎到可以自己睇下想食咩就買。呢度最出名既應該係佢地既白糖糕、砵仔糕、紅豆糕同埋芝麻糕。當然佢地仲有埋其他款既傳統糕點，都好多捧場客。 1⃣️芝麻糕（$13）本身我就好鍾意食芝麻糊🤤見到芝麻糕就好想食。呢度計錢方式好特別，係跟重量收費既😯揀好要咩之後，姐姐就會幫你攞件糕品磅重計錢。我今次呢件芝麻糕就$13。講真價錢就略貴la，不過都幾好食，值得一試既😋芝麻糕有成九層，鍾意佢食落唔會太甜，質感有啲似凍糕咁，有彈性既。食落芝麻味幾香，仲感覺食到少少細細既芝麻碎。鍾意芝麻味甜品既人應該都會鍾意食👍 …Read More

有人山長水遠拎糕我食，梗係先食為敬亦因為係人地請，幾錢就唔清楚啦，只知坤記好似好岀名hehe本身見舊糕係膠袋好似平平無奇，不過一打開，有撲鼻嘅芝麻香，即刻覺得好神奇唔知係米小時習慣問題，其實我較鍾意食雪凍左嘅芝麻糕，不過唔緊要啦~芝麻糕比我食過嘅濕潤，structure亦相對較鬆散，咬落亦尚有少許芝麻嘅顆粒感，唔知係米真係將芝麻磨碎黎做架呢另一個好處係不太甜，係幾附合而家大部分人追求嘅健康甜品😛其實而家成日食甜品都係西式嘅蛋糕、pancake，或者係日式刨冰，間唔中都應該回歸傳統，食下焗西米布甸、芝麻糕里啲，支持下中式懷舊野😀…Read More

深水埗老牌舊式糕點店：坤記糕品，曾獲米芝蓮的封號，獎項過後又好像回歸昔日的軌道，依舊門庭若市。 糕點店驟眼看是老式店鋪模式的街坊士多，位置其實是非常便利，就在深水埗地鐵站一出的轉角位，但因為另一邊賣汽水雜貨，賣糕點那邊又長期有絡繹不絕的人龍遮擋，所以平常走過的話，糕點的售賣會有點不起眼。 每日新鮮自家製的糕點，店方堅持用傳統製法，米漿親自磨製，標榜沒有加入添加劑和防腐劑，健康新鮮是其賣點，老香港的口味，所以不少顧客都是老街坊。 糕點的種類照片跟價錢，就貼在已褪色的雜誌報導上，新舊並存地感覺有點雜亂，看看實物倒是會更實際。 筲箕上堆滿各式糕點，用透明膠袋包裹著，大大小小的不均一，看似沒有分開種類，其實是亂中有序的一袋二袋隨意放著。懷舊款式糕點一應俱全：缽仔糕、白糖糕、芝麻糕、鬆糕、紅豆糕、雞蛋糕等，還有煎堆、茶果、馬蹄糕。 缽仔糕、白糖糕的價錢都是以每個為單位，每件$8。芝麻糕、紅豆糕則以重量計算，選好後交給大姐磅重，最低消費為$10起，所以大小不一的芝麻糕有時會有$1-2的相差。 鋪面由幾位大姐在掌管，雖然人流不絕，但大姐們眼明手快，邊落order邊將糕點入袋，不用等多久就完成交易。 缽仔糕$8/個 地道的街頭懷舊小食，有有紅豆或沒紅豆的選擇，紅豆未算是很飽滿，而且每件紅豆數量都不一，如果喜歡吃紅豆就挑選個多豆的。唯一是缽仔糕早已入袋，不是選購時才從小碗中用竹籤挑出來，有點失去原有風味。 泥黃色的缽仔糕雖然黃糖味不夠香甜，入口亦不夠煙韌彈牙，有點實膩的感覺，像吃多加了魚膠粉的啫喱般，不過勝在好多原粒紅豆，不止表面，就連糕點的中間及底部裡裡外外都充滿紅豆，粒粒分明的彌補糕點本身的層次口感。 芝麻糕 $12 (以重量計) 店方另一熱賣的糕點，可逐層撕開帶光亮的芝麻糕現只剩8層，沒有之前所說層層疊的9層，黏度高亦令糕點只可以兩層兩層的撕出來。 芝麻糕沒有預期的芝麻香，淡淡的，甜度亦都不高，反而米香比較重一丁點。糕點一個個的小氣孔，入口是滑滑的帶點黏，而且黏得來又較腍軟，與平常吃到的糕點有些不實在的感覺，同樣欠缺彈牙的口感。 白糖糕 $8/件 據聞店方以這款糕點起家的，用上米漿跟白糖製作的白糖糕，色澤晶瑩潔白，這款工序多而利錢少的懷舊小食市面上已甚為少見了。同樣充滿小氣孔，淡雅的清甜有米漿清香餘韻，入口沒有發酵過度的酸澀味，糕點雖然鬆黏，但同樣有著入口腍軟的口感問題。 老字號要堅守品質確實不容易，不退步更是難上加難，傳統而簡單的手藝更是另一種考驗。十元八塊的糕點款款雖帶黏性，甜度不高，不過味道就偏淡，相對吃罷不覺膩。可惜果腹雖是滿足，但味蕾仍是貪婪，舊情懷的味道不似昔日的復存在了。 …Read More

去到深水埗，咁就一定要試下哩間中式甜品啦紅豆糕係我覺得做得最出色既。咬落去食到糯米既香甜同小小煙韌，有口感，最重要既係紅豆份量超級多！！每一啖都食到紅豆，紅豆煮得啱啱好，唔會軟爛或者太硬，粉粉的又不失咬口。整體甜度不算太高，很不錯芝麻糕一層層的，質感唔會過硬，有彈性。但略嫌芝麻味唔夠重，普普通通啦。砵仔糕紅豆份量較紅豆糕少。黃糖味道唔會過甜，可以食到糯米香，但係同紅豆糕相比，當然紅豆糕更勝一籌啦。唯一既咸食，菜甫茶粿出面本身包住塊蕉葉？無論係塊葉定係白色既表皮都好油！食落軟糯，菜甫蝦米份量好足，夾得幾好，但係略嫌表皮做得過軟。係做得唔錯既中式糕點，但如果下次再去，我可能淨係會買紅豆糕。…Read More

家裡的電腦最近總是在跟我鬧脾氣🤷🏻‍♀️好吧最終還是要去一去深水埗找完「電腦醫生」朋友說去醫一醫肚😂😂😂3點多是下午茶的好timing♥️經常聽朋友說坤記糕點的芝麻糕很有名擇日不如撞日!!遠遠已經看見人頭湧湧牆上貼有不同糕點的介紹單買的話 價錢$8/$10就有交易🤤🤤🤤我當然買了芝麻糕試一試它的廬山真面目😏另外也買了紅豆糕因為看似十分真材實料👍🏻👍🏻芝麻糕一層一層的！口感味道都十分好🤤🤤🤤而且並沒有很甜 一點也不膩👍🏻👍🏻♥️而紅豆糕十分足料👍🏻👍🏻👍🏻很多紅豆喔同樣地沒有很膩🤤…Read More

九層芝麻糕 約9蚊塊去嘉頓山前不忘買件糕點 想試好耐啦 終於買到泥食 所以我一次過買左4塊 成斤重甘拎上山 傻左第2朝當早餐食 係雪櫃拎出泥食凍凍地好正 糕芝麻味都重 但令我最敬佩既係整到9層 又吾會好易分開左件野 質地好似馬豆糕個啲甘 清脆地好快可以啪一件 吾會好實難咬而最上一層係濃啲味同煙韌啲既 我反而都幾鍾意個層既芝麻濃度 但如果成件都係甘就會怕吾鍾意太濃芝麻味人士接受吾到吧 依件我必會encore…Read More

今日到深水埗，一定不能錯過坤記糕點，用純黑芝麻整出黎的黑芝麻糕，好濃的芝麻味，入口系即溶的，滑到甘，點會⑤掛住吖，甘多年味道都不變，好中意就分9層去整，成個口感好好，中間好滑，上下層實實地，豐富了口感的層次…Read More

記得兒時媽媽一出深水埗就會買糕點俾我地做甜品,加上坤記入選左米芝蓮後網上報紙電視日日有報導,鉤起左好多童年回憶,今日特登出深水埗搵食,買左4款試試有冇唔同到馬蹄糕好清甜糕身仲得好挺好滑唔太硬又唔會軟到一夾就爛可惜馬蹄太小唔夠馬蹄味芝麻糕可能冇咁新鮮散開晒出有小小溶左水,雖然食落口有砂但就食唔出芝麻味,而且做得甜左食落有酸味原味蛋糕第一次食鬆軟得唻煙煙靭靭雞蛋香味好重甜味好清食完一件仲想食多件米漿鬆糕口感好怪鬆糕係口入面好似有好多氣泡湧上來,一路咬一路有遮遮車,係口又好難吞落喉嚨,味道又酸又澀,我好唔鐘意隻味同以前味道相差太遠又一間名氣過大為左做生意堅持唔到原味舖頭 …Read More

友人常笑我像「阿婆」...因為我特別喜愛傳統食物！砵仔糕、馬拉糕、雞蛋仔、雞仔餅、香蕉糕、什至嫁女餅我也很喜愛，所以我很早已留意以傳統糕點起家的坤記！但我已有很長一段時間沒有經過深水埗了，剛好今天到深水埗上班，便打算回憶一下那昔日的美味！精挑細選下，我選擇了芝麻糕！但味道好像已經大不如前了...以前的芝麻糕，層次分明，入口香滑軟熟，有口感之餘，仍傳來一陣陣的芝麻香！但今天的芝麻糕...九層合一，已看不見當中的層次；入口有點兒粉，沒有昔日的札實香滑。芝麻的香味也大不如前，真的有點兒失望...:(每次遇到這樣情況，心裏頭也是酸溜溜的。為什麼好的食店往往成名後，都不能維持故有水準？往往只是向錢看，偷工減料。真心盼望香港能多一點良心食店！…Read More

小時候放學，貪吃的我總釀著外婆買零吃小吃給我。疼我的外婆便會大手拖小手的帶我到賣糕品的小檔口前，任我選擇自已想吃的糕品。黃糖砵仔糕總是小妹的最愛，砵仔糕伯伯手法利落的把偏滿紅豆的砵仔糕從小砵挑出，再以竹籤穿起來。一口接一口，甚感温暖。 這就是................我的童年。近排schedule排得密密麻麻，堆積如山的工作快要令我喘不過氣來。愈是忙碌奔波，愈是懷念昔日那簡單快樂的時光。為了慰寂寥，小妹星期六的中午放下了手頭工作，走到位於福華街街角的坤記，尋找那兒時的味道。坤記並沒有堂皇的裝飾，有的是印證時代變遷的竹籮及蒸糕竹的器皿。密鋪著懷舊瓷磚的牆身貼滿傳媒的報道及糕品的相片。星期六下午，到坤記買糕品的客人很多，店員忙過不停的招呼人客。店舖售賣各式各樣的糕品，客人點的時候，姨姨便會因應客人點的份量，在一大盆的糕點中切出適當份量。小妹總共買了4款糕品，分別是紅豆糕$8，砵仔糕$8，芝麻糕$8及家鄉米漿鬆糕$8。砵仔糕$8：砵仔糕有白糖與黃糖之分，而小妹最喜愛的是黃糖紅豆砵仔糕。之所以稱作砵仔糕，是因為糕品用砵來盛載，可恨現今很多店舖改用 瓷碗代替 而坤記的砵仔糕依然使用瓦砵製作，小妹認為瓦砵砵仔糕始終比瓷碗好吃。可能這便是懷念的味道吧。紅豆糕$8： 坤記的紅豆糕用料非常老實，由內到外均佈滿紅豆。紅豆大粒飽滿。對小妹來說糕身不夠甜味，單靠紅豆的豆香，食味有點兒單薄。家鄉米漿鬆糕$8：淡黃糕色，質感較前三者扎實及乾身。切開內裏氣孔均勻密佈。 咬一口，鬆糕鬆軟Q彈，像吃著海綿蛋糕一樣。食味方面，鬆糕米香橫溢，吃下咀裏留下黄糖的獨有香甜。 雖然鬆餅初嘗有點帶酸，但酸味隨即消散，整體酸氣不重，並不會影響整體味道。酷愛吃麵包蛋糕類的小妹愛死了米漿鬆糕那獨有的質感了。芝麻糕$8：拿上手已飄來陣陣芝麻香，一口吃下，芝麻味香濃非常。糕身比一般的軟身，是令人回憶的味道。咬一口，芝麻糕質感軟腍黏口令人懷念非常。其實芝麻糕製作是非常需時亦很考工夫的的一款糕點，全因製作時需要逐層逐層蒸，而且每層的份量和時間亦需拿捏恰當，否則便會破壞成品的質感及結構。很難想像背後要經過多少次的"trial and error" 才能達到此水準。坤記的芝麻糕，層次鮮明而平均，小妹無聊的數過 其層數足足達九層之多，換句話，單蒸一低芝麻糕已經要重覆9次之多，絕對是心機菜。更令小妹欣賞的是坤記的芝麻糕雖然層次多，但不會分離，每層均緊緊的彼此黏貼著。香港人生活節奏急速，事事講求效率。然而傳統的食物往往製作需時 ，與現今生活方式背道而馳。堅持源用傅統方式的店舖已經買少見少了.......傳統就似烏絲燈泡，隨時代變遷，逐漸被取代...攝於2014年11月22日…Read More

係深水士步非常出名既坤記，地點一啲都唔難搵，一出地鐵站就見到，第一次買回家吃，買左兩件砵仔糕同一件一芝麻糕。要砵仔糕嗰陣想要多豆，個呀姐唔知係撞聾定係心情唔好，應都無應就求期執左兩個俾我:(，可能係因為我都企左係佢舖頭面前一陣諗緊要買咩。拎到返屋企，先試9層芝麻糕，唔知係咪天氣太熱既關係溶溶地，放返入雪櫃就即刻無左溶溶地一 pat野既感覺，如果唔係賣相真係一d都唔討好:(。咬落去好香芝麻味，唔太甜，岩岩好，但口感有d粒粒芝麻係度，好似有啲沙咁，個人就真係唔係幾鐘意:(。至於砵仔糕，太甜，紅豆係底，同一般既不太一樣。幾香幾油滑:)，但個人喜歡葵芳個間多好多，真係睇下夾唔夾架姐。…Read More

剛吃完堅記的蛋牛治(烘底)，便見到聞名己久的坤記。為免入寶山空手回，於是便買了一塊芝麻糕，六大元。之前沒吃過芝麻糕(應該說就算吃過也是些不會留下深刻印象的)，於是比無可比。可以說的是的確很有芝麻的味道，口感和層次感十足(有八層XP)，六大元的價錢，只能說: 扺!!…Read More

一直沒發覺，深水埗是一處美食集中地，吃甚麼有甚麼 … 坤記糕點專家是同事介紹的，她憶述：「嘩 ~ 果度啲糕正到呀 ~ 果次呀 ~ 我買咗白糖糕啦、砵仔糕啦、紅豆糕啦、芝麻糕啦 ~ 本來想拎返屋企同家人一齊食架，點知忍唔住，自己响巴士上面食哂 …」聽著聽著，咀角已濕了一片 … 今天要一探虛實 … 店子不難找，離開深水埗地鐵站B1出口，就會看見它的牌子，高高懸掛著 … 走近時，門口已有人群聚集，糕品香氣撲鼻，正考慮要甚麼之際，店員即以不耐煩的聲音(加表情)問我要甚麼，明白的，因為太忙了 … 「紅豆！芝麻！砵仔！」“糕”字也省略 … 考慮片刻 … 「白糖！」買了四件 … 看她切一件、包一件、切一件、包一件，件件份量差不多，比那些常多切一、二、三、四、五、六元的豬肉佬還要眼明手快 … 白糖糕，名不虛傳，清甜爽口，不愧為招牌貨；芝麻糕，很有芝麻香，看真一點，黑媽媽的糕面藏著點點麻蓉；紅豆糕，紅豆雖不算多，但很香滑，據說是用豬油製才有如此效果，美食當前，已懶理健康飲食了，況且我一向都不大重視；砵仔糕，是好吃的，但相對較為一般 … 本想待回家途中才吃，結果還是忍不了，一次吃掉四個 … …Read More

月巴人本打算由荔枝角走到旺角,但少看了五月天的太陽威力,走到深水埗已覺得快要熱溶,還是打道回府為妙!就在此時坤記出現在視線範圍內,那就順道買些芝麻糕孝敬一下我家大人。為了方便,大部份糕點已改為獨立膠袋包裝, 阿姐隨手拿一袋就可以,不如以前阿姐即時用刀切出,時間的確比以前慢慢切為快,所以竟然不用等候! 立即向阿姐要了半斤芝麻糕及一件鬆糕,意外地阿姐竟然回答我"好!" 比以前黑口黑面沒反應來得很大進步了!! 芝麻糕每層厚度厚了,層數也似乎少了!有沒有九層沒有數過。大人吃後沒有像以前不斷的讚賞,是因為退步了嗎???還是吃了其他也有水準的芝麻糕,所以沒有那麼驚為天人之感?? 我喜歡的鬆糕一件是小小的一角,吃來沒有鴻發般彈牙帶脆身,而且甜中帶點酸味,幸好那不是變壞的酸,難道是偶爾失手之故?? 比較之下個人還是喜歡鴻發老伯的老糕多一點,起碼味道和水準也穩定一些,坤記的糕點路過都可以一試。最奇怪是當糕品好吃時,阿姐們態度拒人千里; 現在糕點不太好吃時,阿姐卻有問有答,教人又愛又恨!而且用上那麼多小膠袋,不太環保呀。…Read More

在長沙灣打完波，老友話要來坤記買糕點，既然一場來到，我也買番幾件回家吃。其實坤記的糕點我都已經食勻晒，當中認為最好的是芝麻糕，所以今次也買了兩件，白糖糕亦不錯，也來一件。白糖糕仍舊是質地軟熟，味道清甜，感覺清新，沒有半點的酸味。多年來仍能保持水準，確實值得一讚。吃罷清甜的白糖糕後，再吃較濃味的芝麻糕。官方名字是九層芝麻糕，沒有刻意去數層數是否準確，反正吃得到有足夠的層次感便夠了。總之，芝麻味香濃，質感鬆軟，層次分明，冇咩可以彈了。若然經開深水埗，不妨買件一試。…Read More