Mini Friday (銀城廣場) (Closed)

第二次食依間餐廳，今次再食係因為見到有威靈頓牛柳～餐廳環境寬闊，坐得幾舒服，主打多國菜，有好多既有創意又賣相唔錯既菜式。❀ 皇牌威靈頓牛柳外層酥皮好酥脆，切開見到牛中間呈淺粉紅色，酥皮與牛柳有點分離，而食落牛味重但肉質卻有點韌，偏向七成熟。酥皮與牛之間夾了一層蘑菇，配埋黑松露薯蓉及醬汁食，味道幾好❀ 芒果黑松露鮮蝦沙律賣相好吸引，沙律由芒果、蝦肉、洋蔥及黑松露醬汁調配而成，食落好清新，酸酸甜甜帶點黑松露香。但是不太食洋蔥既我覺得洋蔥粒偏多，帶點洋蔥青澀味❀ 溫泉蛋菠菜大啡菇大啡菇焗得幾juicy，菠菜係用忌廉及芝士調煮，而溫泉蛋有流心效果❀ 黃到金雞翼有4款"時代抗翼"，全部都好吸引。黃到金其實係指咸蛋黃醬，雞翼炸得好香脆，肉質都幾滑嫩，配埋香濃既咸蛋黃醬，仲食到咸蛋黃粒粒，味道唔錯～而且仲係熱辣辣！另外仲有沙律菜及乳酸爆珠，可以幫助減少油膩感❀ 心太軟配雪糕即叫即整，切開有熱騰騰既流心朱古力醬，但份量較少，雪糕帶點冰感⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆⋆👅味道：⭐️⭐️⭐️⭐️📸環境：⭐️⭐️⭐️💫🤵服務：⭐️⭐️⭐️⭐️💎CP值：⭐️⭐️⭐️⭐️(5⭐️為最高分)⋆⋆⋆⋆⋆⋆⋆⋆⋆⋆⋆⋆⋆

從未食過威靈頓牛柳，聽人話mini friday有質素，特登約埋個friend黎試下。餐廳的小食好酥脆，有少少油香，岩吹水一路食一路傾。黃到金雞翼真係有一粒粒咸蛋黃，雞翼炸到非常香脆，食落唔乾好juicy，正！芒果黑松露鮮蝦沙律同照片非常唔同，所以上枱果時嚇左一跳😂照片中所有沙律材料係分開嘅，但實物係全部撈埋一齊，用一大塊藍色冰裝住。好彩味道一樣OK，蝦份量俾得慷慨，芒果唔會搶味，整體食落去好協調。龍蝦海鮮蕃茄意粉，出乎意料好食。龍蝦雖然細隻但都有少少膏。意粉有濃郁番茄味，非常入味，唔似其他餐廳嘅意粉唔夠味。三隻蝦一啲都唔霉，甚至可以話係新鮮、爽脆，配埋雜菌，口感豐富，非常好食。今晚重點威靈頓牛柳，上碟賣相已經覺得好靚，酥皮金黃。切開牛肉中間仲有少少粉紅色，時間掌握得啱啱好。牛肉食落去一啲都唔韌，仲有好濃牛肉味。酥皮鬆化香脆，中間嘅蘑菇醬令味道更豐富，真係冇得彈，必食之選👍甜品揀咗蘋果金寶和焦糖燉蛋。蘋果金寶有好多好多蘋果粒，玉桂味算濃，唔會非常甜，水準正常。焦糖燉蛋的焦糖香脆，蛋味香濃，質感都算滑，不錯。餐廳氣氛好，特別要讚侍應，年青侍應好有交帶，上菜的年長侍應會提醒客人小心碟熱，好

入座時枱面已放左小食，係脆ge，太餓可以食住揀野食。藍檸檬梳打味道還好，個人覺得甜左啲。黃到金雞翼啲黃非常好食，望落好油咁，但食落唔會覺得好肥，好香鹹蛋味。芒果黑松露鮮蝦沙律外觀好可愛，好似一個藍色壽包，沙律放左喺中間個洞度。好香黑松露味，蝦都好彈牙。龍蝦海鮮蕃茄意粉，有半隻龍蝦喺面，意粉口感同味道都不錯，仲有好多配菜混入。黑松露啡菇水牛芝士薄餅，餅底好薄好脆，芝士味好香濃，配合餅底食唔會好乾。火焰雪糕係朋友為我準備。最後仲有焦糖燉蛋。兩個女仔食，食淨少少意粉。

上次吃日本野看到這裡的Mini Friday，今天在旺角想起來試一下。芒果黑松露鮮蝦沙律 $98被餐牌上的照片所吸引，賣相果然澎拜，在一大塊藍色的冰上面，很好拍。黑松露醬包住了鮮蝦及其他配料，上面放上了芒果，滿滿的黑松露醬味呢！香草牛油焗田螺酥盒 $88焗田螺酥盒有四件，酥皮非常鬆脆，略嫌田螺有點乾，不然就更好吃了。蒜香炒雜菜 $58最近吃菜不夠，點了個炒菜，炒得剛好。催淚雞翼 $58催淚雞翼其實是辛辣雞翼，外面是炸過，沾滿了孜然粉及其他調味，對愛吃辣的人來說不算太辣，好吃呢！皇牌威靈頓牛柳 $298威靈頓牛柳做得不錯，牛柳肉味濃而腍身，美中不足是我們一開始吃已經冷了，有點意料之外。Aguaribay Malbec $298性價比高的一支紅酒，非常容易入口！整體食物水準不俗，適合朋友聚餐呢！

時間過得真快，同老公已經結婚兩週年啦！簡單慶祝一下，Mini Friday 的環境挺有浪漫氣氛，窗外可以俯瞰高空景色。芒果黑松露鮮蝦沙律，粉藍色水滴型好可愛，芒果、鮮蝦切成細粒，香甜爽口，伴矜貴的黑松露，增添香濃味道。牛肝菌啡菇闊麵，是一道素食，牛肝菌和啡菇切成條狀，配上濃郁的菇菌汁，每片闊麵都掛滿汁，好好味。皇牌威靈頓牛柳，記得皇牌便不會令人失望，外表好吸引，酥皮包著牛柳，煮至5成熟，肉汁仍保留裡面，切開鬆脆，牛柳嫩滑香濃。甜品點左即製梳乎厘班戟伴雪糕，老公在我不知情下，預早吩咐了餐廳在甜品寫字，十分可愛❤️ 鬆軟的班戟，入口即溶，伴上抹茶雪糕，冰火交融的口感。我也很喜歡老公安排的這頓結婚週年晚餐！

上次來過之後對這裏的牛扒念念不忘, 今日終於有機會再試 。今晚坐在一角的窗邊卡位，環境非常舒服開揚， 加上醉人的燈飾夜景, 令人悠然舒暢！這裏飲品選擇豐富，尤其是酒類飲品，至啱無酒不歡的我，先來一枝Corona $58芒果黑松露鮮蝦沙律 $88 ~ 獨特別緻的外形， 晶瑩通透 , 在燈光的襯托下特別美麗。沙律新鮮味美， 芒果配黑松露配搭新鮮，味道獨特，令人食慾大增！水牛城雞翼 $68 ~ 金黃色的雞翼單看賣相已令人蠢蠢欲動，皮香肉嫩， 風味濃厚， 惹味非常黑松露忌廉炒野菌 $68 ~ 黑松露濃郁香惹，野菌菇多汁爽滑。皇牌威靈頓牛柳 $288 ~ 香脆酥皮鬆化香口，內是肉香四溢的牛柳，牛柳軟腍又不失煙韌，再沾上惹味燒汁，口感豐富，用心之作！在醉人的燈飾下享受一頓美味的晚餐，令人回味的一夜！