Khap & Ka (Telford Plaza 1)

九龍灣想泰國野，泰廚房子係個唔錯嘅選擇。呢間餐廳之前都有光顧過，但都係放假下午茶時間，都覺得幾抵食。今晚平日黎晚飯，估唔到都咁多人。餐廳位於德福廣場出面平台位置，餐廳環境舒適，燈光柔和。🔸️泰風味手撕脆皮雞 (半隻)  好推介大家試下呢個手撕脆皮雞，真係做到皮脆肉嫩。撕開脆皮雞，入面好多肉汁。菜色提供兩款醬汁，香辣帶微酸，令人回味無窮。  手撕咗雞髀出嚟，食落真係啖啖肉。🔸️經典肉碎生菜包  $72食泰國菜必點生菜包，肉碎帶點香辣而且鹹香入味，配上爽脆生菜，口感清新又滿足。 🔸️KK手打蝦餅  $78蝦餅食到鮮甜蝦味，但略嫌唔夠彈牙。🔸️泰式炒鮮蝦金邊粉  $98金邊粉份量幾多，蝦肉大大隻，鮮甜彈牙。視乎個人口味，可混入旁邊辣粉和青檸，增加層次，刺激味蕾。 🔸️芒果糯米飯  $45呢度嘅芒果糯米飯做得同樣出色，都推介試試。糯米細膩黏口，芒果超甜多汁，搭配椰奶濃郁滋味。 🔸️凍泰式奶茶  $22  🔸️凍金桔青檸  $14泰式奶茶奶味濃厚醇香，甜度適中。金桔青檸酸甜清新，帶微微果香，超解膩。…Read More

今晚去德福食飯，呢間泰國餐廳都幾多人，差唔多全場坐滿晒，因為價錢幾抵食，份量又多，味道唔錯👍 手打蝦餅 $78熱辣辣炸起，蝦肉彈牙結實👍經典肉碎生菜包 $72 份量都幾大，生菜夠爽甜，調味帶少少甜辣，食落有少少鹹香味，肉汁鎖住喺餡料入邊！水晶晶蒜香豬手 $138 估唔到份量係咁大！而且仲有好多秘製蒜蓉喺面，識落同豬手味道幾夾，另外旁邊仲有兩個醬汁可以點上，其中有一個醬汁幾開胃，酸酸地，仲有木瓜沙律、腰果等等前菜！ 泰式炒鮮蝦金邊粉 $98 用蛋皮包上，份量一如既往大大碟，鮮蝦彈牙！芒果糯米飯 $45 最後梗係要食埋個甜品，芒果又係大大嚿，鮮甜，好滿足🤣 跟餐包埋飲品，叫咗泰式奶茶同埋熱金桔青檸，味道正常～ 野食份量都幾多，可以一大班人share，性價比高👍…Read More

今次來到德福廣場搵食，喺平台嘅位置經過見到呢間隱藏於角落嘅泰菜！餐廳環境充滿泰式風情，店員服務熱情！未夠7pm已經全場滿座，睇來呢間隱世小店深受附近嘅街坊歡迎～✨清邁鐵板蠔仔蛋蛋入邊有勁多粒蠔仔肉，仲加入咗爽脆嘅洋蔥，係一個口感豐富嘅蠔餅～✨香辣肉碎煎蛋飯不嬲都好中意泰式香辣肉碎，加入咗羅勒葉同豆角粒粒令到豬肉嘅鮮甜味更加突出，味道香香辣辣，令人忍唔住食晒成個飯～✨沙嗲串燒叫咗雞肉同埋牛肉兩溝！雞肉串微焦勁juicy！牛肉串亦同樣鮮嫩！將串燒點埋沙嗲醬一齊食，味道一流～✨經典肉碎生菜包將酸酸辣辣嘅肉碎夾喺清脆嘅生菜裡面一齊食，唔單止口感充滿層次感，仲令人好開胃～✨芒果糯米飯鮮甜嘅芒果加埋淋滿椰漿嘅糯米飯，味道非常經典～✨凍 泰式奶茶紅茶嘅茶香同埋煉奶嘅香甜互相平衡，甜度剛剛好～✨椰乳雪糕紅豆冰係一杯每一啖都散發着濃郁椰香嘅紅豆冰，最頂層仲有椰子雪糕～…Read More

行街行到好累，最岩坐低食下野一間位於九龍灣德福一期外面既泰國餐廳餐廳好幾款套款可以選擇但想食既都冇包，最後都係決定左散叫「泰式炒金邊粉」一塊簿簿既炒蛋包住金邊粉但略嫌金邊粉味道淡左d, 同d蝦有小小雪藏味不過整體都好食～不過不失☺️「泰滋味拼盤」共有四款小食：炸魚餅4件、雞棗4件、蝦餅2件、春卷4件）全部都好好食～尤其係蝦餅～都好貼心地切左4件俾我地～ 所以全部野食都岩岩好我地每一一件～「馬拉盞炒通菜」一道重口味既菜略嫌有點咸同有點辣每食一啖都要送一啖水😣😣「肉碎生菜包」都係一道重口味既菜但配合埋生菜食，味道剛好～ 但略嫌生菜分量不足，如果要增添，要加$20「海南雞飯」不過不失既一碟餸「芒果糯米飯」食完其實已經好飽，但都堅持要食埋個甜品但有小小失望呀甜品⋯因為個芒果唔甜偏酸😣建議要share 食呀～一個人食就太濟啦飲品方面：共叫左3款飲品「珍多冰」、「龍眼冰」、「青檸梳打」3杯都讚～「珍多冰」椰奶味好濃好香滑「龍眼冰」龍眼味好重～好正「青檸梳打」解渴一流！總結：一間會食過返尋味亦都係一間值得推介同再食多次既餐廳😉下次再黎會食埋佢個烏頭因為見格離枱既樣子好吸引😆…Read More

今日同朋友試下徳福「泰廚房子」因為疫情關係，餐廳職員好温馨，已遞上用熱水浸餐具。椅上有加高屏風保障客人的安全。落單快，上餐快。職員好有禮貌。每人叫左一個午餐海南雞飯豬手飯配埋青檸梳打和冬瓜湯。正午餐另加18元可配泰式串燒和38元可配泰式炒芥蘭。海南雞飯-雞蒸得夠滑，黃薑飯一點都不油，如果黃薑飯可以更香更加好，可能關黃薑粉原材料問題，但我都推介，必食豬手飯-豬手炆得好lum身，好易入口，仲好温馨有埋芥蘭伴碟，如果芥蘭放一旁無汁會更好。每人一杯青檸梳打，透心涼冬瓜湯，好消暑，夠入味，可能我喜歡熱湯，再熱些更好。串燒，即叫即燒，肉嫩。汁又調教得好美味。泰式炒芥蘭我至愛，好有泰國風味，下次一定再食叫廚師加辣🌶🌶🌶至於甜品西米糕好好食，不太甜，椰汁好香滑。芒果糯米飯 -我朋友人生第一次食芒果糯米飯就獻左俾泰廚房子，因為佢覺得，糯米飯甜食不夾味，點會咁食，去到泰國旅行都不肯試，今日一試，永遠難忘，仲話下次要encore…Read More

今晚同女朋友二人世界，佢鐘意食泰國野，但又怕出九龍城遠又要等位，所以就近近地響屋企附近覓食好彩之前經過德福見到一間鋪仔係食泰國野，如果唔係又要頭痕諗食咩去到門口店員已經好熱情咁向我地介紹，我地睇下menu，價錢一啲都唔貴，$208已經有一個二人套餐，包哂野飲甜品，相信普通餐廳都搵唔到。店員仲話食滿$250會送一碟泰式魚餅，聽落又幾抵，即管去試下。二人套餐包左約4分1隻燒雞（或海南雞）、生菜包、飛天通菜（或馬拉𦾟芥蘭）、兩個黃薑飯（或蒜蓉包）、兩杯飲品同甜品。我地叫多個芒果糯米飯夠$250，所以就送一碟魚餅。上菜都算快，係幾耐啲野都多到放唔到咁濟，如果坐四人台應該好少少。海南雞就食得多喇, 所以今次揀左燒雞, 唔會好乾, 味道都唔錯亦都好入味送既魚餅, 平時係送春卷, 果晚冇唒所以就改送魚餅, 自己本身係鍾意魚餅多d既, 但唎到既魚餅就唔係話特別好食蒜蓉包唔好食, 好淋, 蒜蓉味亦唔香, 揀返油飯/白飯好過飛天通菜, 好好味!但係我自己本身都食開辣既都覺得辣左d, 而女朋友只食到少少辣, 所以唎碟佢係完全食唔到既, 如果唔食得辣記得問下有冇得少辣/走辣除左飛天通菜, 仲有個生菜包, 唎個套餐菜既份量幾足夠下, 岩唒鐘意食菜既我!用黎夾生菜包既肉酸酸地,少少辣,味道幾夾餐飲揀左泰式奶茶同青檸梳打, 泰式奶茶係有泰式奶茶既味, 但茶味唔太夠濃青檸梳打得1塊仔青檸, 但都有青檸味既最後跟餐既甜品, 唔記得左叫咩名, 但係唔好味既, 太甜另外加左個芒果糯米飯, 唔錯, 糯米飯有少少咸, 唔會好似泰國果d咁咸, 又唔會完全唔咸, 椰奶分量都足夠下次會再黎試埋其他野…Read More

九龍灣隨著郵輪碼頭以及附近有多個新型屋村建成 人流同店舖都越來越多 需求都大了不少來到德福廣場 人流極之多 餐廳都遠比之前增加了尤其係平台位置 今日相約好友到德福食飯 發現左一間泰菜餐廳 見到有位就入左先講！！石屎外表 夠raw 幾鍾意 環境都幾適合食物傾計 個場唔會太光又唔會太暗感覺幾有空間感 樓底都相當之高 位同位之間又有頗大既空間 唔會迫迫夾夾點野食 都容易睇又簡潔湯飯 粉麵 炒飯 選擇都相當充足 可以配合到不同需要既食客好可惜 秋葵水賣晒 未能夠品嚐一下係咩味道有機會既話都要試一試 賣清都一定唔會太差啦！馬拉盞炒椰菜苗 $72出街其實好少會食菜 始終無咩特別又唔化算但我去到泰國餐廳就一定會點菜食因為佢實有馬拉盞炒菜 無論係咩菜都好 都會煥然一新 變成美食！！而家時間食椰菜苗就最穩陣 果然無失望 嫩口又爽脆 KK炒飯 $78精緻外表 亦見內涵用蛋整成網再用黎包裹住炒飯 心思細膩炒飯以茄汁配以蝦肉雞肉等用料炒成米飯粒粒分明 食落彈牙有鑊氣 有水準！！燒烏頭 $128泰式燒魚 惹味又出色 淨係睇個外觀都好吸引 炭火燒成 氣味寧舍吸引加上烏頭啖啖肉 黃油氣而滑 新鮮烏頭先有既特色泰辣汁 令到魚味加鮮 令大食指大動！芒果糯米飯 $45熱上既芒果糯米飯 椰汁香味好重 咸甜之間 引起味蕾既震動 暖暖的椰汁飯食落好軟熟 甜甜的好岩做飯後甜品芒果新鮮多汁 而且熟度剛好 香味四溢…Read More

九龍灣好似無乜泰國菜，想食既話，以前都唔會好考慮黎九龍灣不過上次行九龍灣見到有間新間泰國菜，所以今日放工後約朋友黎聚一聚黎到要拎飛等位，等二人位都算快有位餐牌款式都幾啱食，當揀好左落order時，侍應話我地想要既拼盤，黃咖喱，飲品都無哂，似乎都幾受歡迎最後再揀過要左冬陰功，生菜包，豬手飯，青咖喱雞，蒜蓉包生菜包，一定要用手食夠風味，用新鮮生菜包住豬肉碎黎食，好開胃，而且辣度剛剛好，又唔會辣到要邊飲水，食泰國野必食冬陰公，泰式酸辣湯，tom yum其實是酸辣的意思，連埋個爐一齊上，雖然個火唔係keep到好耐，但都有少少作用暖住個湯橙色既酸辣湯，賣相正宗，有好多配料香料入口 開初辣味夠，之後飲到底卻有點過鹹豬手飯配埋滷水蛋同酸菜，配冬瓜湯，夠正宗呢到可以單點豬手或豬手飯，個人覺得多個飯，價錢平d 之餘，豬手份量都唔少豬手滷得咁深色，就知滷得好入味，質感軟腍，重膠質，應該係女士最愛吧豬手仲一條豬毛都無，清得好乾淨，配埋個特製泰式辣汁，夠辣夠刺激至於青咖喱配雞柳，啖啖嫩滑雞肉，而且青咖喱汁唔太辣，好香椰汁味，用黎撈飯點蒜蓉包都可以，所以追加一客蒜蓉包，蒜蓉包本身亦好香脆原本係想飲香茅蜂蜜，但無哂，梗係覺得淨d野，所以轉食甜品芒果糯米飯不過落order先知要等10-15分鐘，都係想食所以照等啦實際原來都唔使10分鍾就到，不過份量就少左d熱熱地既白糯米，淋上香濃椰汁，連埋芒果肉食，口感sticky，好食比係泰國食既似乎仲好食，因為試過當地既糯米飯擺係街邊成日，食到糯米飯都凍到硬呢到餐廳唔大，見到侍應都好忙，叫佢加水或order ，佢地都好有禮貌或者同你講聲話一陣過黎，服務都幾好…Read More

之前睇網上嘅介紹, 知道德福廣場平台新開左間由泰裔大廚Smith. S 同埋佢泰國團隊主理嘅泰國菜, 叫Khap&Ka, 泰文中Khap同Ka係指男仔同女仔。我同兩個老友都好鍾意食泰菜, 難得係九龍灣咁近大家嘅地方開左間泰菜, 我地當然要聚埋開返餐啦。🍴我地3個Khap👦7點左右到左餐廳, 可能係星期五關係, 咁早已經坐滿客人, 等左10分鐘左右我地3個就安排入座左係一張4人枱。餐廳裝修都幾有情調, 燈光再加上泰式風格嘅壁畫都好配合泰菜呢個主題。菜單有10頁, 菜式選擇都好多, 我地點左3款小食, 1個大冬蔭功, 半隻去骨海南雞, 2款咖哩同芒果糯米飯。飲品就點左凍泰式奶茶, 龍眼冰同芒果沙冰。我飲果杯凍泰式奶茶唔會太甜, 奶味比港式重, 入口香滑, 朋友點的龍眼冰同芒果沙冰佢地都話唔錯。🍹冬蔭功份量都幾多, 每人都分到2碗多少少, 而且材料都好豐富, 有大大隻嘅蝦, 蝦肉好爽口, 冬蔭功湯辣度適中, 帶微微酸味, 嘅惹味又醒胃。😋蒜蓉包好香, 外脆內軟, 入口香甜, 唔知係塗了蜜糖定係呢款麵包本身帶有甜香, 好好食, 咖哩未上枱我地已經食哂d包。😂泰式鮮露生蝦好鮮甜爽口, 不過辣椒比較辣, 我食第2隻時挑走塊辣椒更能食到生蝦嘅鮮味。海南雞半隻已經好多，3個人分都要每人食好多，雞肉已去骨，啖啖肉。小食炸蝦餅好香口彈牙, 而且唔會好油膩, 沾泰式辣醬食, 味道好夾。蒜蓉雞翼整成單骨雞翼上枱, 食得超方便, 雞肉嫩外層又夠香脆。👍瑪莎曼咖哩羊架賣相已經好吸引, 羊架肉質軟腍, 咖哩唔太辣椰香味濃, 我地另加左個白飯撈咖哩汁食, 好快就清光哂。😙干咖哩軟殼蟹味道唔似普通咖哩, 感覺似避風塘炒蟹多d, 好惹味, 而且份量比預期多好多, 食得超滿足。😍食泰菜最後當然要食芒果糯米飯呢款泰式甜品啦, 不過主菜我地3個已經食到好飽, 所以3個人Share一份剛剛好。糯米飯椰香味濃, 唔會太甜。埋單每人$200幾蚊, 價錢合理。…Read More

已經唔知幾耐冇四個一齊食飯，今日突然好想食泰國野，之前聽人講九龍灣平台新開左一D餐廳，就不如試下新野。餐廳既燈光幽暗，環境不會太靜，因為都頗多家庭客。泰國野食應有的都有。*泰式鮮露生蝦 ($96)生蝦有八隻，岩岩好一人兩隻唔洗爭！蝦肉新鮮，爽口彈牙；配上辣辣地、酸酸地既汁，都幾醒胃既！*蒜蓉包 ($20)蒜蓉包比起想像中的大舊，有少少似大既豬仔包，塗上蒜蓉牛油再烘；個人覺得都幾抵食！*泰式炒鮮蝦金邊粉 ($78)金邊粉應該都係必食之一！粉炒得乾濕適中，又不會煮得太熟太淋；味道不會太咸；放左陣都好夠熱。*芒果糯米飯 ($45)芒果糯米飯係近期既最愛，成日都想食；糯米飯夠煙UN，椰汁好香；芒果都夠甜；如果唔係怕膩，真係想自己KO一個。*椰汁西米糕 ($38)椰汁西米糕的椰汁味好香；西米都彈牙，唔會太淋。*泰式奶茶 ($28)是另一種的奶茶味；茶味比起港式奶茶濃一點，不錯。…Read More