Cong Sao Star Dessert (Closed)

與家人在銅鑼灣街利舞臺廣場吃過晚飯後，心絲絲想吃一些飯後甜點，便決定到「聰嫂」去。一坐下來，店員便立即遞上Menu，第一頁是「聰嫂私房甜品」的必吃推薦，如龍眼椰果冰、芒果奶昔雙皮奶、芒果椰果冰、楊枝甘露等等，仲有香氣濃郁的榴槤班戟和榴槤水晶球。我和家人看過餐牌後，便決定點芒果椰果冰及椰皇燉桃膠。這款是秋冬上市的滋潤甜品，而且還標示每日限量供應、售完為止。椰皇有滋潤、益氣生津的效果，桃膠則是美顏、高纖、清濕熱，能夠既養顏又有益，當然不會錯過啦！…Read More

喺銅鑼灣食完晚餐，梗係去食甜品啦，雖然原本晚餐嘅餐廳有豐富嘅甜品，不過我哋想食傳統地道嘅，所以就去咗聰記星級甜品。其實一向都鍾意去聰記食甜品，貪佢夠創新，甜品又唔會過甜，好啱我胃口。不過佢嘅缺點就係太多人啦，動輒要等半個鐘先至有得食，好彩今次我哋早食晚餐，食完都未到八點，所以就博下運氣，去睇睇使唔使又要排長龍。真係好好彩，去到已經有位坐啦，於是即刻睇餐牌，叫咗一下芒果班㦸，香港唔算太甜，但係一啲都唔酸，好有水準。朋友叫咗個芒果涼粉，涼粉底，配上芒果冰同芒果肉，鮮甜又香，正！我叫嘅芒果珍珠冰都唔輸蝕，係依個咁熱嘅天氣，最適合食芒果冰，加上幾種唔同嘅珍珠同椰纖果，好口嚼，都係冇得輸。最後忍唔住要講講佢哋嘅服務，其實唔算非常之好嘅服務，員工欠缺笑容，但總算殷勤，不過這個也不是重點，相信這裏也可容納40-50人，老闆都安排左五至六個樓面，我見老闆非常重視服務效率，非常適合香港這個超速的都市。…Read More

其實平時我好懶，我出post講得都可能已經食左一段時間，難得今日同兩個靚女foodie 出去食野就勤力啲即日出喇！咁難得出黎食，梗係要拎啲私藏菜單出黎食喇，聰嫂由佢之前得一間分店食起，一直無令我失望過！_____________________________🔹龍眼椰果冰 $39首先唔好覺得少人用佢做主角就睇低佢，佢同榴櫣冰都係我十級推薦既野！佢既冰係十分之棉，真係做到入口即溶既感覺，無一粒粒既顆冰，但又有透心涼的冰感！.冰溶之後既龍眼汁好清甜，一啲都唔假唔藥水，冰裡面仲會食到龍眼肉加埋啲有少少咬口既椰果，好多層次好享受！.🔹榴櫣水晶珠 $39一定係我食過其中一款最好味既榴櫣甜品，佢既冰又係混入左絲絲榴櫣肉入去打碎，每一啖都食到濃濃既榴櫣甜香，打得好棉就好基本喇，佢上面仲有一大舊榴櫣蓉係面，oh my god, 係幸福既感覺！.要講下佢呢幾款冰品都配有水晶珠，咬落去卜卜脆，但又有少少似西米，我超愛食！.🔹芒果椰果冰 $38🔹草莓椰果冰 $33一樣都係好棉既冰，不過覺得呢兩個冰係加濃縮果汁打，係好濃味同個味好真既，不過唔會好似上面個兩款咁加埋果肉去打。都係好食既不過如果第一次試十級建議試左上面兩款先。.草莓味有少少草莓獨有既酸甜味，但佢裡面好似加左奶咁，有少少似雪糕。.芒果味就好甜，但唔係死甜，幾香甜既，但覺得有少少許留山既影子，冰感比草莓重。______________________________後記: 💡聰嫂上菜速度好快，我地排第三張枱，等左5分鐘左右就入得，落完單又係勁快上菜！抵讚！不過提提您，果度既座位位置係有啲逼，不過快快食都無乜野既。…Read More

如果同朋友黎到銅鑼灣食晚飯，下場想食糖水既話，我地大多會揀聰嫂呢！係銅鑼灣黎講，聰嫂算好抵食，而且又好味。雖然每次去食都要排一陣隊，而且坐得好逼，一挨後仲有機會掂到後面既人，不過，久唔久都想食呢度既龍眼冰。 今次介紹4款我會常叫既糖水款式呢~龍眼椰果冰($38) 我覺得係no.1 必叫既糖水呀!!!!!!!沙冰用新鮮既龍眼肉打成，口感綿綿，味道就好重龍眼肉既清香，面頭有椰果同爽口既水晶珠，好有咬口呢！龍眼做主角既甜品好少呢，所以覺得呢款好特別，而家天氣開始熱，用黎消暑好一流呀～～～～芒果椰果冰($35) 係第2款我最常叫既款式，口感上同椰果冰差唔多，芒果味好濃呢，仲有粒粒芒果!～芒果奶昔雙皮奶($38) 有陣時唔想食冰但又想食凍野，我就會揀雙皮奶呢。芒果底下既類似雪實左小小既奶昔冰，質地綿密，下層就係充滿奶味香又軟滑既雙皮奶～糖不甩($19) 呢個就係人多少少時就會叫，一人share一粒兩粒，沾下椰絲砂糖，煙煙韌韌，過下口癮呢～唔知你地又中意食邊款甜品呢～(〃∀〃)~♡…Read More

每次晚飯後來到聰嫂門外必定會看到人龍，但可以放心排，因為聰嫂上枱速度驚人，加上座位較狹小，通常食完都唔會坐低吹水，好快起身埋單。先黎我既杏汁芒果豆腐花，面頭有啲碎冰，同埋聰嫂最出名既爽口西米，加埋豆腐花咬咬下，非常有趣。芒果就有少少酸，扣返少少分，不過唔影響整體質素。呢個就唔係我點既，不過食左一啖，芒果沙冰少少酸好開胃，配合帶甜既椰果，中和了這個甜品既味道。埋單$57兩個人，諗返近黎好多甜品店閒閒地$5X一個甜品，就知聰嫂有幾抵啦~!…Read More

食完大餐同朋友去食糖水，結果來了這間馳名甜品店，確實沒有令人失望。我叫了一個芒果椰果冰，雖然整間店都坐滿了人，但甜品五分鐘就來了。芒果椰果冰里面有新鮮的芒果肉，每一塊都好甜好多汁。除了芒果肉，當然唔少得有椰果粒，好爽口彈牙仲略帶微甜，令成碗野的口感增加了不少。底部有芒果冰，應該都係以芒果肉製成的，因為當中味道非常濃郁，而口感屬於沙冰入口即溶的類型。最後還有小小西米在表面作裝飾之用。以這一個甜品作為大餐後的點綴的確一流，有消滯的作用，亦令當晚錦上添花。…Read More

食完排了個半小時的School Food，排隊癮起，來到人氣聰嫂繼續排<b style="line-height: 1.6;">芒果椰果冰綿綿的冰，濃濃芒果味<b style="line-height: 1.6;">芒汁柚子果凍($26)不太甜不太酸，口感清新<b style="line-height: 1.6;">南北杏木瓜燉雪耳($24)料足，但略欠火候，不太夠味<b style="line-height: 1.6;">薑汁鮮奶燉蛋($22)這個我沒試，友人說一般感覺上熱食比凍食遜色，但還是會再來的！…Read More

儘管太陽早已下山，繁星已高掛夜空，嚴夏的高溫還是使人透不過氣，非常難受。吃過晚飯，母親嘗有意猶未盡之感，便和她踱步到附近的聰嫂甜品吃冰降溫。聰嫂甜品，我曾在將軍澳總店吃過兩三次，對它的印象不差；食物質素高，非常乾淨，縱使環境有點擠迫，仍是我心頭所好。七點三十三分，銅鑼灣聰嫂甜品。時間尚早，青綠色的招牌下卻已經捲起了人龍，把百德新街這條小道擠個水泄不通。等了約兩三分鐘，背脊早已濕透，隊伍中有幾個人因輪候問題起了口角；其實，大家都是為了那口涼冰，區區小事，又何必介懷呢？要了一個紅荳茸西米露和芒果椰果冰冰，店員便把餐牌收掉，點菜上菜時間前後還不夠一分鐘；看來，甜品是一早整定的貨色。跟總店一樣，這裡的西米和紅荳冰分開上，給顧客自行「撈」，遂成了「西米撈」；紅荳份量不算多，但勝在每一顆都非常分明，甜度適中；西米用另一個小碗盛上，每一顆都呈半透明狀，品質極佳。紅荳茸卻是一大敗筆；調味剛好，卻雪得過硬，該有的入口即溶感覺消失得無影無蹤，取而代之的，是一陣陣冰冷帶來的刺痛。芒果椰果冰的質素則高出許多；芒果呈小塊形狀，份量不多，但非常甜美；椰果只有廖廖可數的四五粒，是普通的罐頭貨色；半透明的西米為整個甜品增色不少；鋪底的冰呈金黃色，帶著濃郁芒香，質感軟滑，卻不失沙冰的點點粗糙，質素極高。受不住倉促的環境，一吃完便放下四十六塊往堵滿了人的出口進發，過程當然少不免幾個人的歇斯底里。先前的沸騰感覺已消去八成，驀然回首，人龍比來時更長；看著店員們木口木面的服務，等位食客們喋喋不休的投訴，心中涼去半截：人竟然可以如此冷漠；倏忽間想起俗語一句：忍一時，風平浪靜；退一步，海闊天空。…Read More